ضايع منج شي وعيزتي تدورينه مالقيتيه ... تعالي اقولج تجربتي ...

عندي شاحن كاميرتي كانون ضايق تقريبا الحين صارلة شهر ونص وانا عفست البيت كله ادوره
بكل مكان
بسبب الشاحه اعدت ترتيب كل اغراض غرفتي من كبتات وادراج وشوفنيره وووو ... وغرفة عيالي والصاله وحتى المطبخ بس ادور هالشاحن
يأست وانا ادوره قمت بروح اشتريه لقيته بــ (35) دينار قلت حرام اشتريه وانا ادري انه بالبيت وين يرووح ادور بالجناط والكبتات
افتح الادراج واقول

(( اللهم ياجامع الناس في يوم لاريب فيه اجمع بيني وبين ضالتي ))

وادور وادور وادور
وسبحان الله
الارض انشقت وابلعته

اليوم يأست كنت بروح اشتري واحد يديد خلاص
جان اتذكر مره واحده قالت لي اقرأي سورة الضحى اذا ضاع منج شي وباذن الله تلقينه

وانا متعييزه

اليوم قريتها وبدلت بطلع بروح الزواره وبعد الزواره بروح اشتري الشاحن جنطة اللاب توب بشيلها من غرفتي بطلعها الصاله الا اشوف سحاب جانبي اول مره اشوفه ...؟؟؟

شنو هالسحاب ؟؟؟؟ افتحه الا القى الشاحن
ياسبحان الله


الله واكبر
الحمدلله الحمدلله الحمدلله
بعد معاناة وعفيسه وانا ادور هالشاحن


بنات والله عن تجربه اليوم صارت معاي

صاجه والله ..
عن تجربة سورة الضحى ودعاء اللهم يا جامع الناس ليوم لا ريب فيه اجمعني وضالتي ..

الحمد لله ربج كريم

بارك الله فيج حبوبه
اختي ضايع منها شي صار لها فتره وهمن نفس الشي عيزنا ادور عنه ماكان موجود بقول لها مشكوره وماقصرتي في ميزان اعمالج

الحمدلله

اي والله صااجة انا هالدعاء مع صورة الضحى مجربتهاا

اي والله يا بنات صج صج عن تجربة صارت معاي اليوم حياكم الله

مشكوره

مشكووره
وجزاج الله خير على هالدعاااء

سبحان اللة

اكييد راح اجربها

سبحان الله... ريج كريم

be happy قال:

صاجه والله ..
عن تجربة سورة الضحى ودعاء اللهم يا جامع الناس ليوم لا ريب فيه اجمعني وضالتي ..

أنقر للتوسيع...

صح .... عن تجربة ... سبحاااانك يااارب

سبحان الله
بهاذي ضاجه سبحان الله اي شي يضيع مالج إا الدعاء وسوره الضحى
وابسرعه تلقينه
والله ما قصرت رفيجتج إلي قالتلج تقرين السوره ولا جان قطيتي افوسج
وانتي عندجبالاساس شحن

ان شاءالله القى اللي ضايع مني.....

اي ووالله وانتي صاجه ان من قبل كل ماضاع مني شي اقرا سورة الضحى و القا الشي الضايع

بس اليوم كنت بالافنيووز قاعده انطر اختي على كرسي من الكراسي الي يحطونهم على الجوانب جبال فولار و كنت شاريه من بي اج اس وبنطرون لم يت قمت لها و خليت الجيس و رحنا المطاعم ولما وصلت اهناك تذكرة رجعت له ولى مو موجود بقى احد ماسألته قريت كل الادعيه بس نسيت السوره

حدي محتره

بس ماخليتها بقلبي رحت شريت ثاني



ادري قرقت عليكم سمحولي