فوفو22
Active member
اشتغلت لمدة سنه ونص بهيئة مارح اقول اسمها
وشفت المدير العام تزوج السكرتيره المطلقة
ونائب المدير تزوج موظفه باداره اخرى
وبعض الموظفين تزوجوا بعض الموظفات بعد قصة حب
وبعد الموظفين المتزوجين تزوجوا الزوجه الثانية من موظفات الهيئة

المهم بالموضوع
الموظف المتزوج دايما صيده سهله لاي بنت
واقصد بعض الموظفين المتزوجين وليس الكل
عرفت الموظفه اشلون تصيد الموظف المتزوج واليكم الطريقة

1-يجي الموظف وهو مو متريق بالبيت وتجي الموظفه تعطيه الريوق وتقوله هذا شغل يدي ويشكرها وتكرر السالفه كل يوم الى ان تتعلق البنت براسه
وين دورك هني يا زوجه
لا تطلعين زوجج من البنت الا وانتي تارسه بطنه عشان ما تعطين فرصة لهالبنات يدخلون حياته بداية بالاطباق والنهاية الزواج

2-لما يمر الموظف المتزوج حاط عطر قوي تقوله الموظفه
واااو عطرك يجنن من وين شاريه ؟؟؟
عاد هو يستانس ويصير كل يوم يستعرض بالعطور للفت نظرهم
وين دورك اهني يازوجه
امدحيه ليل ونهار بشكله واسلوبه وعطره عشان ما يتعطش للكلام الحلو اللي يسمعه من البنات ويفضل ان يضع عطور غير ملفته للنظر

3-لما يطلع من الدوام الظهر وراجع البيت غالبا ما يتصلون فيه الموظفات للاستفسار عن شغل وغيره من كيد الحريم
وين دورك اهني يازوجه
حاولي بهالوقت تتصلين فيه وتسولفين باي سالفه

3-الموظفات من الصبح آخر شياكه لبس واناقه وملافع تجيب العافية والمكياج الناعم والبخور والعطور والعدسات والتمثيل بالدلع والصوت الناعم
ولما يرجع البيت :68_asmilies-com:وخاصة هالايام الزوجه متربعه بالصاله ونافشة الكشه مثلي ولابسه بيجامه وحاطه الكتاب بحضنها وتدرس عيالها ويدخل الزوج وتبتدي تشرح معاناتها مع عيالها بصوت عالي وهو يتغدى وينسدح ويتذكر الاشكال الحلوه اللي شافهم الصبح ويلتفت يمين ويشوف الزوجه باعلى حسها تسأل بنتها شنو اسماء الاشاره؟؟؟؟:krkrkr:
وين دورك هني كزوجه
فحاولي ان تكونين على سنكه 10 يوميا خاصة لما يرجع من الداوم عشان بشكلج تسويله غسيل مخ من اللي شافه الصبح

تدرون عاااد احسن شي تشغلون رياييلكم
بالجيش او بيت التمويل اومكان كله من نفس جنسهم :dddds:
اللي شفته بالهيئة عااااالم غريب اخطفني واخطفك
على فكره انا متزوجه وعندي عيال