وقعت على تقرير الزيارة ... شنو معناتها ؟؟

السلام عليكم

خواتي قبل فترة دشت لي المديرة

ولاحظت من زيارتها انها حطت لي ب 5 بنود جيد جدا

بتحقيق الاهداف
التمكن من المادة العلمية
استخدام دفتر المتابعه
الاعداد الكتابي
مستوى الفصل العام

انا ما ناقشتها بأول ثنتين لان قلت هالاشياء الوحيدة الي يمكن يكون لها الحق فيهم وهي صاحبة التعليق
مع العلم واحط 3 خطوط تختها !!!

انها ما شافت دفتر التحضير نهائيا ولما سألتها قالت برجع فيه للموجه لانه اخبر بالامور الفنية واحط مثل مايقول (عيل ليش تقيمين بالاساس !!)
وبما انها ما شافت التحضير فماشافت شالاهداف الي بحققها

وحضورها ما طول عن 6 دقائق فقط !! ..
وهم دفتر المتابعه ناقشتها فيه لاني اشتخدمته وخذيت الغياب ومن ناسي الكتاب وحطيت نجوم للمتميزين ونهاية الحصة ارجع واحط درجة حل الانشطة وورقة العمل مع هذا ما عجبها ! قالت لازم تفعلينه جدامي !

المهم بعد كل هالكلام هل تتوقعون انها رح فعلا تقيم على هال 6 دقايق !؟

وهل تعتقدون ان معناة هالشي مارح اخذ امتياز !!؟

وبنظركم شنو اهم نقطة لازم اهتم فيها وممكن تكون مو لصالحي
بغض النظر عن رايها .. انا باستفيد

الي فاهم يوضح لي الله يفتح عليكم

والحمدلله على كل حال ..

والله انا رئيسه قسم ولما اتزورني المديره والله حتى ماادقق بشنو كاتبه ولاهامني المهم اني اسوي شغلي بمايرضي الله ويرضي ضميري
واذا بتحاججينها من اول سنه وهي الخبره وبتحاججين الموجهه واتحاججين رئيسه القسم لا والله ماخلصتي ........ حبيبتي الموضوع ماينوخذ بهالناحيه .. ولازم اتحطين ابالج ان من حقهم ايقيمونج دامهم رؤسائج بالعمل مو الموظف اهو اللي ايقيم نفسه

عمري ماناقشتهم ولا يهموني

أهم شئ أني أفهم طالباتي

ومقدمة شغل بضمير

وهم بيني وبينهم الله

لهم رب يحاسبهم

ماكوشغل قال:

والله انا رئيسه قسم ولما اتزورني المديره والله حتى ماادقق بشنو كاتبه ولاهامني المهم اني اسوي شغلي بمايرضي الله ويرضي ضميري
واذا بتحاججينها من اول سنه وهي الخبره وبتحاججين الموجهه واتحاججين رئيسه القسم لا والله ماخلصتي ........ حبيبتي الموضوع ماينوخذ بهالناحيه .. ولازم اتحطين ابالج ان من حقهم ايقيمونج دامهم رؤسائج بالعمل مو الموظف اهو اللي ايقيم نفسه

أنقر للتوسيع...

انا معاج 100% و ليش اقث نفسي بدام اني واثقة من نفسي و مسويةاللي يرضي الله
انا بعد زيارة المشرفة و الناظرة ما اروحلهم و لا اسال واذا بوقع على الزيارة اوقع بدون لا اقرا
علشان لا اقرى و لا اسمع شي ما يعجبني و اروح البيت و انا مرتاحة

زين واللي تدخل لها الناظرة مرتين

ومشققتها رئيسة القسم

وماقصرت سويت مطويات وطلعت زيارات ويكلفوني انسق وأزين لهم لوحات وبوسترات مع اني مو مدرسة فنيه

بس تضايقت من دشت علي مرتين الناظرة ورئيسة القسم فوق 6 مرات داشه

شنو ماكو شغل

اختي doooora

غالبا تكون المديرة حاطة في بالها ما تعطيج امتياز ،،،،، لكن أنا لو منج من أقرأ ملاحظاتها احاججها في كل نقطة ، ليش جيدجدا؟ شنو كانت ملاحظتج اللي نقصت تقديري في هذي النقطة باسلوب حلو وافند قد ماأقدر بالحجة ملاحظاتها بحيث اقنعها تغير اللي اكتبته لامتياز وغالبا حكم المديرات على المعلمات من شخصيتها ، أما اذا كنتي معلمة تعيين جديد فغالبا هذي طريقة المديرات بحجة ان الخبرة ناقصة ،،،،،اتبعي طريقتي وصيرين مميزة عند المديرة وغيرها ،،،، وحطي في بالج كل ملاحظاتها عشان الزيارة الجاية تكونين حريصة من اللي يلفت انتباه المديرة ،،،

أنقر للتوسيع...

هذا الي حسيت فيه كأنها تدور الزلة
لكني كلمتها ما سكتت بس ردودها ماكانت مقنعه لي وهي مصرة على رايها فبس بعد الواحد مايقدر يجادل ويطول اكثر
ومع انها قالت بالبداية شخصيتج ووقفتج ممتازة
وانا مو اول سنة لي هذي الثانية
ومثل ماقلتي بركز على الملاحظات حتى اهتم فيها اكثر المرات الياية بس عشان نتكيف ويا طريقة كل مديرة !
مشكلة كل سنة مديرة غير وكل وحده والي تبيه .. الله المستعان

جزاج الله خير والله يوفقج ويسعدج \

اختي : ماكو شغل

والله انا رئيسه قسم ولما اتزورني المديره والله حتى ماادقق بشنو كاتبه ولاهامني المهم اني اسوي شغلي بمايرضي الله ويرضي ضميري
واذا بتحاججينها من اول سنه وهي الخبره وبتحاججين الموجهه واتحاججين رئيسه القسم لا والله ماخلصتي ........ حبيبتي الموضوع ماينوخذ بهالناحيه .. ولازم اتحطين ابالج ان من حقهم ايقيمونج دامهم رؤسائج بالعمل مو الموظف اهو اللي ايقيم نفسه

أنقر للتوسيع...

مادري يا اختي انا أأيدج وما أأيدج نفس الوقت

صح الواحد يعتمد على رب العالمين ومايهمه هالدرجة وايد المهم انه يخلص حتى يلقى اجره في الاخره ولا يضيع ..

لكن هم الواحد بعد مايصير يسكت عن حقه
خصوصا اذا شاف ناس ممكن انها تظلمه
وبجذي لو كل واحد بيسكت
بياخذون هالدرجات الناس المحبوبة للمديرة وتترقى ويصيرون هم اهل المناصب الي ماسكين عيالنا
والناس الي عندهم ضمير ومخلصين بشغلهم ومعطائين يتمون بمكانهم .. ليش !!

هذي مسؤولية كل واحد بمكانه لازم يهتم فيها ويعطي صاحب كل حق حقه

وانا ماقصد بهالكلام اني همي ابي منصب لا والله

لكن مثل مانتي شايفه اغلب المسؤولين الحين منو ؟؟

والا والله على عيني وراسي كلام وراي مسؤوليني لكن اذا كان بالحق وحتى انا بالحق لو مقصرة مارح ازعل ..

وجزاج الله خير

اختي هيبة ملك :

عمري ماناقشتهم ولا يهموني

أهم شئ أني أفهم طالباتي

ومقدمة شغل بضمير

وهم بيني وبينهم الله

لهم رب يحاسبهم

أنقر للتوسيع...

صح كلامج

امتيازنا من رب العالمين باذن الله

بس هم لاتسكتين ولاتوقعين على بياض
بارك الله فيج

اختي رضاهم جنه :

بالضبط مثل ما قلتي حرة ان الواحد يشتغل بضمير ويتعب وبالاخير الي ياخذ الامتياز الي مرتاح ولا يتعب !!

قاعده اشوف هالشي مع الي عاي بالاشراف وهم بالقسم من المدرسات

مريحين عالاخر ! ووقت ما تدش الناظرة من مرة او مرتين تشوفها اوكي تحكم لها بالامتياز
والي كل يوم مهتمة وتكرف ماكو تقدير لهالشي

كانهم ينفرون فعلاً ..

الشكوى لله

والله الي مصبرني بالمهنه اهو الاجر الي فيها ما يطاوعني ضميري اطلع واشتغل بمهنه ثانية ..
والا التعب .. فعسى ربي مايضيعه وباجرنا عليه ..

جزاج الله خير

اختي ابلة خلووده :

الواحد يسوي الي عليه والباجي على الله

للاسف قلة الي عندهم ضمير

بس احنا خل نجدد النية دايما والله يعينا ..

واذا احد يعرف شنو اهم نقطة من الي ذكرتهم
الي لازم اهتم فيها وتأثر بالتقييم يقولي ؟

حلو ان الواحد يعرف الي له والي عليه ..

وجزاكم الله خير

مو قلت لكم لا يلغون التوجيه
لو لغو التوجيه بنروح فيها بين اهواء المدرسه الاولى و الناظره !
الي ينصفنا توجيهنا

يحليلج ياأبلة لولوة ذكرتيني بنفسي أول ما توظفت كنت أخاف من زيارة المديرة و الموجه و رايهم في الزيارة ، لكن عقب فترة حسيت إن رايهم مايهمني كثر ما يهمني رضاي عن نفسي ، لأن صادفتني مواقف أقدم فيها شغل حلو لكن المديرة تدور الشي اللي مو موجود و تسأل ليش ماسويتيه ولا مثلا تحضر الحصة و تتكلم بالتليفون طول ما أنا أشرح و هاشي يقهرطبعا فصار ألحين الموضوع عادي حصتي إهي إهي سواء حضرت الناظرة أو ماحضرت
و أهم شي تكونين راضية عن نفسج و مقتنعة بمستواج و صدقيني باجر راح تتذكرين هالأيام و تضحكين شلون كنتي تخافين و ترتبكين لما تحضرلج