تكيّس ،، متن ،، لخبطة بالهرمونات .. شوفوا تجاربي وشوروا علي ..

السلام عليكم

شلونكم عساكم بخير

.
.

باختصار ..

عمري 20 ومومتزوجة ..

عندي مشكلة بالهرمونات

وفيني تكيّس

وهالشي خلا وزني يطير بالعلالي :/

هذا غير تكرمون الدورة اللي ماتنزل الا بالـ 6 اشهر مرة وبالغلط بعد

لازم اخذ هالحبوب عشان تنزل

تعبت نفسيا من جملة ( انتي حلوة ماشالله بس متنج مخرب عليج )

يبيلي ريجيم سنع بس بروحي ماقدر .. ماعندي ارادة

لازم دكتورة تساعدني وتتابعني عشان اضبط هرموناتي بعد

واعالج التكيس


.
.

جربت كذا دكتورة ..

- د.لطيفة الدويسان :
كانت زينة وماشالله نزلت فوق الـ 20 كيلو تقريبا لما كنت عندها
بس علاجها وايد تعب نفسيتي وماقدرت اكمل ، فـ اضطريت اوقف العلاج ورديت كل اللي ضعفته
جني ماسويت شي :/


كنت ابي د.فوزية القطان
بس ماشالله بحكم الزحمة هناك حولوني على د.ريم ووجدان ، وماراح اكرر التجربة


- د.ريم صافي :
رحت لها مرة وحدة وعطتني حبوب عشان التكيس وماتابعتني لانها خذت اجازة بعد مارحت لها
ولا رحت لها بعد ماردت ..
مارتحت حسيتها بس تبي تخلص بأي طريقة ..
شغل عالطاير يعني


- وجدان الشمري :
مستحيل افكر اروح لها لو شنو
اهم شي عندي بالدكتورة تعاملها
ومع الاسف كلش ماعجبني تعاملها
الظليمة شينة اهي زينة ووايد اشوف بنات يمدحونها هني حرام
بس كانت حيل جاسية معاي !!
رحت لها 3 مرات يمكن وماوطوطت هناك تالي لوول


أكثر وحدة ارتحت لها كانت د.لطيفة الدويسان
بس مثل ماقلت لكم رجيمها تعبني حيل حيل حيل
والحبوب اللي كنت اخذها بعد تعبتني وتعبت نفسيتي :/

اذا فكرت ارد حق حدا اللي فوق بتكون د.لطيفة موووو غيرها


الحين محتارة مادري شسوي ..

.
.

أبي ( دكتورة ) زيييينة
مابي دكتور استحي ,,
أبي تعاملها حلو ونفسيتها حلوة
التعاااامل اهم شي
ابيها تاخذ بيدي وتساعدني :
تضعفني - تعدل هرموناتي - وتعالج التكيس
شوروا علي ..
وين اروح ؟ من له اروح ؟
مابي اروح وانطر سنة بالعيادة بسبة الزحمة والمواعيد البايخة
وايد اتشرط مو لوول :tomato2:

ناطرتكم ..

up
up
up

والله ما ادري روحي ماجده اليتامى

انا نفسج تلخبط هرمونات وتكيس بس مو متن لأني ضعيفه وشعر جسمي وايد احف بعد يومين يطلع والله تعبت ما أدري أي دكتوره أروح لطيفه الدويسان جربتها بس تعطيني حبوب منع الحمل وأنا بنت وزاد شعر جسمي لأني عالجت عندها سنتين ولا شفت نتيجه

الله يشافيج

الله يشاافيج يارب ..,,

نصيحه منى جربى د.امل عبدالعزيز فى مستشفى رويال حياة اتهبل والله يشافيج

نصيييييييييييييحه حبيبتى لا تهملين نفسج مثلى انا نفسج بالضبط من قبل لا اتزوج وانا هذى حالتى ولا عالجت نفسى قلت اذا تزوجت ااتعالج

وهذا انا التكيس زارد عندى وصارلى 7 سنوات متزوجه بدون حمل

الحــــــلا كله قال:

والله ما ادري روحي ماجده اليتامى

أنقر للتوسيع...

مشكورة حبيبتي ..
د.ماجدة زينة ؟ مجربتها ؟
شلون مواعيدها ؟

.
.

إنسانه بكل حالاتي قال:

انا نفسج تلخبط هرمونات وتكيس بس مو متن لأني ضعيفه وشعر جسمي وايد احف بعد يومين يطلع والله تعبت ما أدري أي دكتوره أروح لطيفه الدويسان جربتها بس تعطيني حبوب منع الحمل وأنا بنت وزاد شعر جسمي لأني عالجت عندها سنتين ولا شفت نتيجه

أنقر للتوسيع...

بعد عمري الله يشفيج انشالله
امبيه نفسي انا بعد عطتني هالحبوب ولاعت جبدي من عمري وتأزمت نفسيا
فـ اضطريت اوقف العلاج

.
.

ملح بدويه قال:

الله يشافيج

أنقر للتوسيع...

تسلمين حبيبتي مشكورة :*

bint_q8 قال:

والله انا نفس حالتج بس انا منفصله عمري 23

وكل اسمع هالمقوله انتي قبل كنتي احلاا والمتن مخرب عليج ضعفي مخرب عليج ومعطيج عمر اكبر انا قبل وزني 60 والحين 72 من هالتكيس والمتن والله يعين

واشكي من التكيس وسبب المتن والدوره بالشهر مرتين تنزل علي والمشكله فيني انيميا والله تعبت

رحت عند د. ماجده اليتامي اختي تعالج عندهاا وايد زينه بس انا حزتها يوم رحت حصلتها باجازه وعالجت عند الدكتوره البديله د . سمر واايد زينه وتنصح ونفسيتها حلوه قالتلي اخفف اكل وعطتني حبوب منظم وحبوب تعدل الهرمونات لمده 3 اشهر واستمريت عليهم والحين الشهر الرابع انطر تيي الدوره علشان اروحلهاا

انصحج فيهاا وايد زينه عياده دار البراء شوفي اذا حصلتي الدكتوره ماجده روحيلها احسن وطيبه وحبوبه تحسين جنها امج مو دكتوره ماشاءالله عليها

الله يشفينا ويشفي الجميع يارب

والله كريم ​

أنقر للتوسيع...

بعد عمري انتي
الله يشفيج ياقلبي
انا بعد فيني انيميا ونقص بالحديد
عسى الله يشفينا يارب ..
انزين تهقين اذا رحت حق د.ماجدة عادي تعطيني نظام غذائي ؟ والا بس تنظم لي الدورة ؟

بعد عمري مشكورة ماقصرتي ونسني ردج :**

.
.

ή ő 0 и Ч *;7001895 قال:

الله يشاافيج يارب ..,,

أنقر للتوسيع...

حبيبتي مشكوورة :*

.
.

fairy of dreams قال:

انا بأمي تكيس وراحت للعرف والحمد الله صارت زينة وبعدين راحت لمستشفى الضامر والحمد الله اهي اتابع الحين

أنقر للتوسيع...

الله يشفيها انشالله
ويخليها لكم ويطول بعمرها ..
العرف بعيييييييد حيل :/
حبيبتي ماقصرتي مشكوورة :*

.
.

راعية الخير قال:

نصيحه منى جربى د.امل عبدالعزيز فى مستشفى رويال حياة اتهبل والله يشافيج

أنقر للتوسيع...

حبيبتي مشكورة :*
مجربتها ؟ تسوي انظمة غذائية اذا كنت محتاجة ؟
وايد مدحولي ماجدة وامل .. الله يكتب واروح لهم سون
ماقصرتي ياقلبي :*

.
.

@ دهن العود @ قال:

نصيييييييييييييحه حبيبتى لا تهملين نفسج مثلى انا نفسج بالضبط من قبل لا اتزوج وانا هذى حالتى ولا عالجت نفسى قلت اذا تزوجت ااتعالج

وهذا انا التكيس زارد عندى وصارلى 7 سنوات متزوجه بدون حمل

أنقر للتوسيع...

حياتي انتي
عسى الله يرزقج بالذرية الصالحة عاجلا غير اجل يارب العالمين :**

الله يشافيكم خواتي ويرزقكم انا نفسج متن وتكيس

شوفي حبوبه انا رفيجتي ما تييها الدورة الا بالسنه مرتين وتكيس فيها قبل لا تتزوج راحت عند دكتور ما اذكر اسمه المهم قالها قطعي المشروبات الغازيه لانها مو مفيده عليج واكلج الوجبات السريعه والخرابيط كلها وخري عنها وكثري من الخضرة والله انها قبل لا تتزوج قالتلي ان دورتها انتظمت والتكيس راح واذا يتها الدورة تشرب اشياء دافيه وبعدين اكتب لج شنو الشراب اللي يفيدج

المتن يسبب تكيس فديري بالج وتحركي بالبيت

والله يشافيج ويشافي الجميع

مردقوووووووووووووووووووووووش
طبخي هالعشبة شربيها ثلاث ايام واذا ما انتظمت دورتج لج اللي تبين
انا كنت نفسج بالضبط والحين اكبر منج 28 لكن تعديت مشكل التكيس والهرمونات
اهم شي روحي سلمان الفارسي مال الغدد اكو دكتور سوداني مناك يهبل ناسية اسمه
او واسطتج السنعة وروحي عند رئيس القسم يهبلووووووووون حكومة لكن شي خوش مستشفى صراحة
لا باس عليج ياقمر ما تشوفين شر

للرفع

حبيببتي
اقولج شي سمعيها مني بيني وبينج سنتين وانتي مثل اختي
ادري بكل الي مريتي فيه
وادري انه خلاص وصلتي حدج
اان كنت نفسج
ومليت خلاص قلت حق امي ما ابي امبيه امبيه مليه جسمي كله شعر كان واسود اوانا بيضي كنت اقول حق امي احس اني ديايه من كثر ما اسوي شير ليزر خرابيط افف وفوق هذا المتن
حسيت انه مافيني انوثه وعععععععععععععع صج مليت
المهم
تزوجت والحمدالله
ياربي
كل الي فيني راح
الحمدالله ياربي ومن تزوجت كلشي تغير هرموناتي الحمدالله تعدلت
هالشي فينا وراثه كل بنات عمي جذي كل بنات العايله والحمدالله يتزوجون ويتعدوولون
انتي بنت لا تلعبن بنفسج وايد بس حاولي تنزلين من وزنج
ولو تبين تعالي امشي كل يووم وياي يا بانجفه او مشرف علشان نضعف ويا بعض بس حرام تقلين فلوسج وكله كووم وليمن تعديل الدوره والتضعفين وكلشي يصير اوكي يطلع لج شي يخربط هذا كله اففففففف امبيه ببجي ذكرتيني باللي مضى

الله يشافيج

وانا مثلج بس انا ضعيف

الدوره مو منتظمه بس التكيس راح الحمدالله مع الوقت على قول الدكتور وهذ الحجي من سنتين او ثلاث تقريبا

بس مشكلتي الدوره مو منتضمه وحدي صعيقه

الله يشقيج حبيبتي واذا لقيتو دكتور لي بعد عطوني خبر موفقه

حبيبتي روحي لام سعد الي بالصليبيه لازم تنتظم دورتك وكل هذا يروووح والله ذكرتيني بنفسي الله يشااافيك يااااااااااااااااااااااااارب