ولدي من قمة الهدوء إلى قمة الإزعاج 00 شسوي؟

السلام عليكم 00

آنا ساكنة بشقة وولدي عمره سنين كان هادي وذرب الكل يقول ما شاء الله عليج وليدج هادي 00

من تالي ( تقريبا من شهر بس ) صار إزعاج مو طبيعي يعني يطق ويحذف ويكت الماي ، الكل صار يشكي منه:0bee2e8d89:

عمره الحين سنتين ، ويغار حيل من أخوه اللي عمره أشهر ، تهقون بيلفت الأنظار ؟؟؟ انزين شلون أتعامل معاه

إذا طق عيال أخواني 0000 اللي عندها خبرة تساعني ولها مني الدعاء0

وعليكم السلام ..

الله يخليه لج انشاء الله ...


ما سمعتي المثل اللي يقول (( الغيره سبايب ))

اكيد يغار مسكين ... وبعد صغير ما يفهم .. انا الفرق بين بنتي البجر وبنتي الثانيه 5 سنين .. يعني بنتي الكبيره كان عمرها 5 لمن يبتلها اخت

وكانت تغار منها وايد .. ما تاكل وما تلعب مع اليهال وكله لاااااااااااااااااااااااازقه فيني ..

ودايما تسألني تحبين منو اكثر ؟؟

انا ولا اختي ؟؟

وتصرفاتها تغيرت مع الكل ..

تخيلي هذي الكبيره ام 5 سنين جذي تفكر ..شلون عيل وليدج ابو السنتين ؟؟

اكيد خنت حيلي بغار ....

اهتمي فيه اكثر من اخوه ... ودايما ناديه لمن تشترين شي يديد حسسيه باهتمامج وان هو اول اولوياتج لا تقولين صغير ما يفهم

الياهل معروف عنه ذكي .. ولمن يشوف اهتمامج بتخف شطانته

انتي اكيد مهتمه فيه بس ساعات غصبن عليج الصغير ياخذ وقتج الصغير ..

حاولي كثر ما تقدرين انج ما تشيلين او تلعبين اخوه جدامه ... مو كلش مره وحده عاد ... لأ ... بس خفي عنه شوي على الاقل جدامه


وممكن ادخلين الكبير بحضانه يتعلم ويستفيد ويصير اجتماعي وما يطق احد ... انا عندي الياهل يروح الحضانه ولا قعدته الصبح مع الخدامه

وانتي بالدوام ..

تلقين الخدامه تزيد الطين بله وما تعرف تتصرف معاهم..

الله يخليهم لج انشاء الله وعلى قولة امي ما يكبرون عيالج الا والشيب تاااااااااااارس راسج ..


ادري قرقت وايد .... تقبلي مروري :sfg:

بدوره 22 00 حياتي مشكووورة على مرورج 00 الغيرة موجودة لكن والله قد ما أقدر أحاول إني ما أحسسه بوجود البيبي00

طيب بعرف الحين إذا غلط أو طق أحد من عيال أخواني وخواتي شسوي ؟ طقه حيل يعور بكل شي يحذف 00

قمر 2008 قال:

بدوره 22 00 حياتي مشكووورة على مرورج 00 الغيرة موجودة لكن والله قد ما أقدر أحاول إني ما أحسسه بوجود البيبي00

طيب بعرف الحين إذا غلط أو طق أحد من عيال أخواني وخواتي شسوي ؟ طقه حيل يعور بكل شي يحذف 00

أنقر للتوسيع...

العفو حبيبتي ..

انا ما قلتلج لا تحسسينه بوجود البيبي كلش ..

انا اللي اقصده شركي معاج بأشياء تخص اخوه ...وتخصه بعد

واشتري قصص اقريله طبعا بسطي الاسلوب كثر ما تقدريييييييييييين ونزلي مستواه بالكلام علشان يتدمج معاج يعني مثلا اقري

له قصه عن اسره ياهم مولود جديد وشنو سووا لمن ياهم هالمولود ..


وسوي هالحركه انفعت مع وحده من رفيجاتي ..

كانت تشتري ح ولدها العاب وتقوله هالالعاب يابهم لك البيبي ....


وبالنسبه للطق .. اول شي تأكدي ليش طقهم ؟؟ مو يمكن في سبب خلى يمد ايده عليهم ؟؟

واذا ما في سبب ..

نادي وكلميه بينج وبينه .... لميه على صدرج حييييل وقوليله حبيبي انت شاطر وانا وااااااااااايد احبك ...


ليش طقيت فلان ؟؟ ترى بعجين ما اشتريلك هالشي او ما وديك هالمكان


وممكن اذا ما نفعت معاه هالطريقه اخذيه شوي بالشده بس طبعا مو دايما ..

يعني عاقبيه بحيث انج تقولين له اقعد لا تلعب ومن يتحرك خزيه بس من غير ما تخرعينه .. قوليله اقعد وقعدي يمه

تقريبا 3 دقايق لمن يطخ والله هالطريقه انفعت مع ولد اختي اسم الله عليه شاق القاع ..

وشوفيه الحين شلون تغير

بدوره 22 00

مشكووووورة يا حياتي بسوي بنصيحتك ، وأقول لج النتيجة 0

صراحه انتي سالتي وجاوبتي وعرفتي السبب بروحج
الغيــــــــــــــــــــــــره
اكبر مشكله واهي الي تغير الياهل 180 درجه انا مع كلام بدووره ماشاء الله ماقصرت

الله يخليه لج

انا مبتدأه اخذ فكره لمستقبل ولدي

انا ملاحظة الهادين ينقلبون مزعجين والمزعجين يصيرون هادين !!!!!!!!!!!!!والله ولدي نفس حالة ولدج ..صرت اقلل من زياراتي لاهلي من الفشلة والله حتى بالجمعية مفشلني لوية وصراخ بس اراكض وراة ولا يخاف اسم الله علية

تصدقون أحس نفعت معاه هذي الطريقة 00
قمت ألعب معاه وألمه وأرقص معاه على أناشيد طيور الجنه ، ما قام يلتفت على أخوه 00

لكن بس أخليه وألهى بشغلي يرد مثل أول 000 الله يعيين بس 0