@@ تشــات الأمهات : أكاديمية الابداع الأمريكية @@

رد: تشــات أمهات الابداع

الله خوش موضوع :ggdw:
انا مو من امهات الابداع بس افكر انقل عيالي لها
وهذا الموضوع ان شا الله يعطيني فكرة اشمل ومعلومات اكثر عن المدرسة
يالله امهات شاركوا وسمعونا سوالفكم
ومشكورة اختي حلم الطفولة على هالفكرة

رد: تشــات أمهات الابداع

كتبت هذا الاخت الغاليه دووني في ردها على استفسار الاخت اي اسم وعجبني ونقلته عنها مشكوره.

الاحتفالات والمناسبات بالمدرسه
1- قريش
2- القرقيعان فيه parade وكل المدرسه يلبسون اللبس الشعبي والطالبات يوزعون على بعض القرقيعان ويتبرعون بواحد لأطفال مكي جمعه
3- افطار جماعي في رمضان يوم لكل مرحله
4- العيد الوطني فيه Parade اللبس الوطني لكل المدرسه
5- crazy day يلبسون لبس مرقع ويظحك
6- يوم لبس أيام الخمسينات الستينات يعني لبس الآفرو أو الريترو
7- أسبوع القراءه وفي جوائز للي يقرا أكثر ويوثق الكتب الي قراها بورقه موقعه من ولي الأمر
8- يوم القصه ويكون في اسبوع القراءه يلبس الطالب شخصية الكتاب الي قاريه وييب الكتاب معاه ويسون Parade وكل طالب يقرا قصته بالصف جدام الكل
9- الأسبوع الرياضي كل يوم يلبسون لبس رياضه معين مره كرة قدم مره باليه مره تنس مره مشجعات ومره الكاب االرياضي لينيخلص الأسبوع
10- اليوم الرياضي يأجرون نادي القادسيه أو اي نادي ثاني ويسوون يوم رياضي لكل المراحل بس كل مرحله بقسم يعني الابتدائي بمكان والمتوسط بمكان والثانوي بمكان ويشكلون فرق الفريق الواحد يتكون من طالبه من كل مرحله ويتسمى بأسم دوله من الدول ويتنافسون على الكاس والألعاب تكون حلوه ومو عنيفه

11- يوم الجينز المدرسه كلها يلبسون جينز فيه parade
12- يوم اللون الودري كل المدرسه يلبسون وردي فيه Parade
13- يوم التوأم كل بنتين أو 3 من الصف يلبسون نفس الشي فيه Parade
14- يوم قوس قزح كل صف يلبس لون والطابور تشوفينهم كأنهم قوس قزح وفيه Parade
15- الإحتفال على تعدي 100 يوم بداية الدراسه
16- اليوم العالمي كل صف يمثل دوله معينه ويلبسون لبسهم التقليدي واييبون معاهم أكلات هالبلد وفيه Parade بالساحه و show بالصف
17- Pajama day
والله وايد بس هذا الي أذكره ألحين يعني سنتهم الدراسيه تونس وتمر عليهم بسرعه غير الرحلات الي ما تخلص أذكر أحلى رحله لعام ودوا البنات فلكس فاميلي وقضوا اليوم الدراسي كله فيه

--------------------------------------------------------------------------------

رد: تشــات أمهات الابداع

يالله يالله شدو حيلكم ... شلون نتايج العيال ؟؟ بشرو.

رد: تشــات أمهات الابداع

خووووش موضوع مشكوره حلم الطفولة
وان شاءالله نفيد ونستفيد

رد: تشــات أمهات الابداع

doony قال:

خووووش موضوع مشكوره حلم الطفولة
وان شاءالله نفيد ونستفيد

أنقر للتوسيع...

العفو دووني .. بعد لو نختار وقت معين ندخل فيه .. مو شرط تحديد ساعه بالضبط .. بس يعني من ... الى .. ,,

رد: تشــات أمهات الابداع

يالله ليش لأ

توها بنتي قالت ان يوم الخميس جينز دي بس ليلحين ما وزعوا الاوراق

رد: تشــات أمهات الابداع

إي صح بعد بنتي تقول الخميس جينز داي بس ماخذت بكلامها قالت مو متأكده!

رد: تشــات أمهات الابداع

4b المدرسه وايد شديده وماخذتها جد حدها.. مع انها ماشوف تكتبهم زود.. مادري يمكن يخلونه بالصف.. آنا هذي البنت الذات ماتقول شي عن المدرسه إلا لازم آنا أير الحجي منها غصب,,
لاحظتي رابعه صعبه شوي؟

رد: تشــات أمهات الابداع

اي والله صعبه حتى درجات بنتي متأثره مع اني اتبع نفس نظام لعام واهي ماشاءالله شاطره بس قلت يمكن العيب من المدرسه

حتى بنتي ما تييب معاها شي لا واجبات ولا شي اقول لها وين تقول ما عطتنا او نحل بالصف معقوله !!!

امس فتحت كتاب السبيلينغ وقلت لها ليش بس درس واحد محلول قوليلي شنو نحل هالاسبوع قالت لا المس قالت لا تحلونه !!!

قريت النيوز ليتير ماكو ذكر للواجبات نهائي ياربي اقول يمكن نظام رابعه غير بس مو داش في بالي انا بدز اليوم للمس ايميل بستفسر منها عن الواجبات مو قاعد ايينا شي مو معقوله بس حفظ كلمات مايصير حتى واجبات ماث ماكو

رد: تشــات أمهات الابداع

انا بنتي في قريت 2 واااااي معورة قلبي هالبنت ماتقول شنو عطوهم ولا شنو الواجبات انا اسحب الحجي و اشوة ان بنت صديقتي معاها بنفس الصف اي كل يوم تقولي شنو الواجبات


المدرسة واااايد صعبة احس بنتي مو قادرة تقايش معاهم و ودي اطلعها بس محتارة وين اوديها لان كل ماينزل مستواها الدعلة المدرسة يدقون علي و يقولواي بنتج و بنتج

و ولدي ماشالله اشطر منها شكلي بخليه و اهي بطلعها مع ان انا و ابوها ماعندنا هالتفرقة بالعكس البنت نفس الولد بس المشكلة بالبنت احس المدرسة صعبة عليها و مشكلة المدرسة مايبون يساعدون

رد: تشــات أمهات الابداع

nouna82
بنتج منو مدرستها؟

ولا تعتدمين عليها اقري النيوزلتر وخليه عندج

رد: تشــات أمهات الابداع

mis dana لبنانية امريكية


مشكلة بنتي وايد تتلفت و تتحرك بالفصل وماتركز

رد: تشــات أمهات الابداع



1)عدد الطلاب تقريبا من 21 الى 23
2)لكل فصل مدرس انجليزي يدرس قرامير و علوم و رياضيات و اجتماعيات وتكون دايما عندهم و في مساعدة لها مستوى الانجليزي ممتاز
3)مافي مدرس عربي دايم للفصل يعني يقعد على طووول لان الابداع مو ثنائية لغة بس مستوى العربي بالنسبة لي وااايد زييين و المواد العربية بس عربي و اسلام
4)والله ماعندي فكرة بالضبط عن الانشطة للاولاد بس جنة اللي اعرفة مدرسة الاولاد ماعندهم حمام سباحة و مو مهتمين بالرياضة عكس مدرسة البنات عندهم كلاس واحد سباحة بالاسبوع و عندهم بطولات رياضية ( بس هم تاكدي ) لان ولدي للحين بال kg2
5)والله واجبات وااايدة انا شايب رااسي لان المدرسة وااايد قوية يعني باليوم تسوي انجلش و عربي و مرات اسلام و مرات رياضيات و قصة و طبعا على حسب المرحلة

رد: تشــات أمهات الابداع

6) بالنسبة للزحمة واايد ارحم من المدارس الباقية لان مبنى الاولاد منصل عن مبنى البنات .... البنات في شارع المثنى و الاولاد في شارع شرحبيل

7)بالنسبة للواجبات كل طفل و طبعه و فطانته ما اقدر اقول جم يحتاج

8) kg1 يطلع الساعة 12ونص و grade يطلع 2 و عشر تقريبا

9) اللي اعرفه من خلال مدرسة البنات ان فرصة الابتدائي غير عن فرصة المتوسط و الثانوي و حتى البوابة غير بس يسمحون للاخوان ان يتواجدون في نفس البوابة و اولى بالبداية من الفصل و بعدبن من المسرح

رد: تشــات أمهات الابداع

nouna82 قال:

mis dana لبنانية امريكية


مشكلة بنتي وايد تتلفت و تتحرك بالفصل وماتركز

أنقر للتوسيع...

شكلها يديده ما سمعت فيها من قبل

انتي حاولي تكلمين بنتج وتفهمينها والله يعينج

رد: تشــات أمهات الابداع

اليوم عندهم جينز دي

رد: تشــات أمهات الابداع

السلام عليكم يالغوالي..
هلا دوووني .. ما عليج من البنت آنا جذيه أول السنه تقول الابله تقول لا تحلون!! قلت لها وآنا أقول حلي غصب!! وبالأخير طلع المس اتصلح وعله درجات بس مايدرون البنات!!

رد: تشــات أمهات الابداع

نونا 82 .. لا تطلعي بنتج ولا شي تكبر واتعدل وتركد ..
حطيلها أبله تقويه مو تحل واجبات عشان ما تعتمد عليها ... بس تقويه وتكون أمريكية.. وان شالله ما عليها اللا العافيه

رد: تشــات أمهات الابداع

السلام عليكم والرحمة
انا عيالى بالابداع ..روضة 1 و 2 و 3 ..
بنتى فى جريد 2 ...ملوعة جبد ام الى يابتنى يا ناسية الفولدر يا الابلة قالت لا تحلون ...الابلة كندية و شكلها ام الخوارة
كتاب العلوم اسمع فيه ما شفته ..بس شاطرين بالطرارة

ولدى فى جريد 3 ..وااااااايد ارحم من البنت ...

بشكل عام ..المدرسة قاعدة تنحدر من سىء لأسوء كل الادارة و الأبلات الأمريكان قاعدين ينسحبون حق مدرسة اجيال