زياده في الهرمونات الذكريه :$ شسوي لاعت جبدي شنو الحل وشنو أحسن دكتور نسى؟

السلام عليكم بنات

بنات حيل منحرجه منكم بس بقول يمكن في احد نفس حالتي ... بنات انا اليوم رديت من مستشفى الاحمدي البترول .. وكنت مسويه تحاليل هرمونات الشعر عشان نشوفها اذا مظبوطه ولا لآ ... لان بيني وبينكم عندي شعر في منطقة البطن والسدر شوي ومسببه لي أزمه نفسيه ... يمكن من قبل ايام ما كنت صغيره عالجت عند دكتور عشان حب الشباب الي بويهي وعطاني حبوب وهل حبوب اثرت على هرموناتي والله العالم ما ادري شنو وضعي الحين ..

النتيجه اليوم مع الدكتور يقولي عندج زياده في الهرمون الذكري :eh_s(1)::0bee2e8d89:

وحولني على عيادة امراض النسى والولاده عساس احط لي موعد عندهم اراجع الطبيب وقالي احتمال يعطيج حبوب منع حمل لا تتضايقين عادي البنات ما يحبونها بس مو مشكله عادي ... طبعا بنات انا بنت ماني متزوجه رحت وقلت حق امي

جان تقولي مالج شغل فيهم لا يلعبون فيج ويخربطون هرموناتج بعدج مو متزوجه يأثرون على الهرمونات والرحم والحمل :eh_s(1):

انا حيل حيل خايفه واحاتي هل سالفه .. وفيه معلومه ثانيه انا سويت ليزرر مرتين عند دكتوره قنال بس ما راح يفيدني اليزر دام ان هرموناتي الذكريه زياده لازم اعالجها اول عشان يخف الشعر من جسمي عدل ..

شنو الحل شسوي ؟ شنو تنصحوني فيه ؟ :krkrkr:

ياحياتي الله يشافيج انشالله
بس اتوقع ان الموضوع له علاج عادي


انشالله البنات يفيدونج اكثر

لا تحاتين مالهم علاج الا حبوب المانع ومايضرون الي هرمون الذكوره مرتفع صدقيني اعرف بنات وايد استخدموه وماشاء الله مايتلهم الدوره بعد عرسهم الا بعد الولاده والفال لج

انتي نفس حالتي بالضبط

والله سمعي كلامي انا مريت بنفس الظروف

الدكتور عطاني منع الحمل

والحريم الله يهديهم لالا مو زييييييييييين لا تاخذين ماتحملين بعدين


انا ما استعيلت

سألت 3 دكاتره

حكومه وخاااص

الكل اجمع على راي واحد

انا اذا ما خذيت

هذا الي ما يخليني احمل مو العكس

لان زياده هالرمون يمنع التويض

والله توكلت على الله وطنشت كل الكلام الي انقالي

وخذيتهم 6 شهوور

تدرين شنو ارتحت

من كل النواحي

الشعر خف

الدوره انتظمت

جسمي صار ناعم وبشرتي تحسنت

والله توكلي على الله واخذيهم مالج شغل بالقيل والقال


انا عالجت عند لطيفه الدويسان عجييييييييييييييبه

بس قوليله ابي اندر كيور وياه

مفعوله يصير احسن من لما يكون المانع بروحه

وديييييييييييييييييييريي


بااااااااااااااااااالج


لاحد يدري عنج

انا غلطت امشي واتكلم لما الكل جرحني بكلامه

خلي هذا سر بينج وبين امج وبسسسسسسسسسسسسسسسسسس


حتى لو انخطبتي لا تعلمين

انا قلت على بو اني صريحه ولازم يعرف

اكلت على راسي

خمري ولا تعلمين

بس سبحن الله اذا توهقتي بموقف قولي لخبطه هرمونات وبسسسسسس

او قولي هرمون الحليب زاايد

ودامي على التحاليل كل 6 شهور وسوي سونار بعد لان زياده هالرمون يسبب اورام بالرحم والعياذ بالله


وسلامتج وماتشوفين شر

ادعيلي الله يوفقني تكفين

الله يسهل امورج ويوفقج امين يارب العالمين

yam_yam

مشكوره حبيبتي على الرد والدعوه الحلوه




غلاي غير


حبيبتي مشكوره وايد جدد ريحتيني انا حاطه فبالي ان هل شي نادر او قليل يصير لخبطه في الهرمونات خاصه للبنت لان ماكو شي بيخرب هرموناتها من حمل وولاده ... الحمدالله على كل حال والله كريم ان شاءالله


أموت فيه

واي حبيبتي كلامج ريحني نفسيا يعني اذا خذيت العلاج وأستمريت عليه بيخف الشعر وهرموناتي راح تنزل الذكريه وجسمي يتسنع ..

الله يسمع منج يارب ياارب ودام جذي زين انج نبهتيني على سالفة لحد يدري عني ماني متكلمه بسكت حتى امي ماني مناقشتها بالموضوع بعد لان امي تتكلم ما تسكت اعرفها بخشش عنها السالفه والله كريم ان شاءالله . . ووانا من النوع الحساس ما اتحمل احد يجرحني بكلمه كلشش

كافي لما قالي الدكتور هرموناتج الذكريه عاليه حسيت اني ريال وضاق سدري

مشكوره حبيبيتي وايد


ملكة ^ جمال


بعد عمري حبيبتي شكرا على هل دعوه من طيبج


بشه المنفشه

الحمدالله على كل حال لا اعتراض على امره ..

بس انتي شلون لاحظتي ان فيج لخبطه من الشعر الي بالجسم ولا من شنو ؟ وشنو تسوين عشان توخرين الشعر ؟ لاحظتي الفرق بعد العلاج او مع العلاج ...

زين بعدها راح تنزل هرموناتي الذكريه ولا شسالفه شبيصير لي الله كريم ومشكوره على هل كلام الي يريح حبيبتي

بنات بسألكم عفيا

في حالتي ممكن تطلب او يطلب مني الدكتور سونار ... ؟

شنو يعني سونار وشلون طريقته ؟؟ :0bee2e8d89: لا يكون تكشف علي في المطنقه الحساسه :eh_s(1):

ولا شنو بالظبط ترا انا استحي واخاف وما احب احد يجيسني ولا يشوفني اتنرفزز بنات الله يخليكم فهموني شسالفه ماني عارفه شنو السونار وطريقته .. ؟ :krkrkr:

speed قال:

بنات بسألكم عفيا

في حالتي ممكن تطلب او يطلب مني الدكتور سونار ... ؟

شنو يعني سونار وشلون طريقته ؟؟ :0bee2e8d89: لا يكون تكشف علي في المطنقه الحساسه :eh_s(1):

ولا شنو بالظبط ترا انا استحي واخاف وما احب احد يجيسني ولا يشوفني اتنرفزز بنات الله يخليكم فهموني شسالفه ماني عارفه شنو السونار وطريقته .. ؟ :krkrkr:

أنقر للتوسيع...

نفس السؤال الي كنت بسالج اياه شلون طريقه الي عرفتي فيها ان الهرمونات الذكريه مرتفعه بس تحليل؟ و لازم فحص في المنطقه الحساسه لان انا مثلج استحي و شكيت بعمري لان بديت الاحظ ان الشعر زايد

قووووووه ، لا تخافين ولا تحاتين انا كنت مثلج وازيد وكنت اسوي رجيم ووزني ما ينقص وشعري يطيح ويطلعلي شعر وايد لما نفسيتي صارت اكس وسويت تحاليل وطلعت عندي لخبطة هرمونات حولوني على مستشفى مبارك بس ما عطوني موعد الا 21-10 مادري ليش :/ قلت والله ما انطر مت من البجي لووول رحت الشعب التخصصي عند دكتور خاص ومن شهر 8 انا مبلشه علاج الحمدالله الحمدالله وايد الشعر خف بطريقة الكل ملاحظها وبشرتي تغيرت ويهي فيه صحه اول كله اصفر ووزني بدا ينزل وبشرتي صارت روعه كل شي كل شي احس فيني تغير الحمدالله بس اول شي عطاني حبوب منع حمل وأندكيور وحبوب دايمت هذول حق المبايض والسكر بالدم وايد ارتحت بس اول ما بلشت علاج نفسيتي اعتفست شوي وكله ابجي وجذي اهلي كانو يضحكون علي لووول عقب ما مر اول شهر عقب ارتحت ونفسيتي الحين من احلى ما يكووون انصحج بدكتوري وايد زين بس لازم يكون معاج سيوله شوي انا امي وابوي مساكين لاعت جبدهم من المصرف كله ادويه وحاله بس لازم تاخذين منع الحمل لان ينظم الدوره واذا ما عالجتي مبجر مع الوقت اعتقد يصير تكيس او يتلخبطون زياده الله لا يقول ، وبالنسبه حق السونار شفتي سونار الحمل اللي تنسدحين ويكشف على تحت بطنج بشوي يحط الجهاز اللي فيه جل بارد ، بس هذا السونار ما يشوف الرحم تحت ولا يقرب صوبه وروحي حق دكتور شاطر نصيحه وانا مبارك اخاف منهم صراحه ، الخاص اضمن بوايد ، وبالسنبه حق التحاليل انا سويت بالحكومه ووديتهم معاي الخاص ، واي تعبت وانا اكتب لووول اتمنى اني فدتج

ونسيت اكتب ، اي استفسار انا حاضره لوول

حبوبه عندي سؤال ياليت تجاوبينه عالخاص ... لاي درجه لازم يكون الشعر مثلا بالبطن عشان ممكن يكون من اعراض ارتفاع هرمون الذكوره ؟؟ ابي اعرف ضروري انا عندي بس مادري هل هذا طبيعي ولا زايد الصراحه كلش مو عارفه

اي وبعد بغيت اسئلج.. هذا التحليل اشلون اذا رحت المختبر شنو اقولهم شسم التحليل الي يبين هرمونات الذكوره طبيعيه ولا زايده ؟ ياليت تفيديني ويا الرقم الي يعتبر طبيعي عشان اول اروح اسويه لاشفته زايد ذيج الساعه رحت حق دكتوره ... يابعد جبدي اذيتج من كثر اسئلتي

بنت لودا رديت عليج بالخاص

كوفي شلون العلاج مو لازم لازم تسوي تحاليل وتعالج واذا عندها لخبطه بالهرمونات وزنها ما ينزل انا مجربه وبس بالبدايه يسبب لوعه والنفسيه تنعفس شوي بس بعدين كل شي تمام كاني قاعده اشوف نتايج ولا اروع وتوه عقب شهرين كاملين توه وزني بدا ينزل

السلام عليكم

انا كنت نفسج

علاجات الجلديه تسبب بلاوي

شوفي حبيبتي انا رحت للدكتور فريد صوصو .. عطاني حبوب مدتها 6 شهور والحمدلله تحسنت

قبل احف وبعدها بجم يوم يطلع ومااتهنى بنعومة الجسم .. بسرعه يطلع الشعر

وطبعا ماكو شي 100% لأن الحبوب تنزل من الهرمون الذكري بنسبة تخلي هرمونات الجسم متوازنه قدر الامكان وبعد الزواج كل شي بيتعدل ان شاءالله

والهرمون الذكري اهو اللي يخربط الدورة ويمنع التبويض

الله يشافينا وياج

عاااااااااادي ولاتحاتين اصلا مافي علاج له الا حبوب المانع
انا كنت جذي قبل لا اتزوج كنت بسوي ليزر ولما طلع نتيجه التحاليل طلع لي نفسج
واستخدمتهم 3شهور لاني مادريت الا قبل عرسي ب3 شهور وبعد العرس قطعتهم بصراحه خفت وكنت ابي الحمل والحمدلله كاني حامل وبخير وعافيه واصلا ارتفاعه مايسبب منع للحمل انا سالت دكتورتي بعد ماتزوجت قالت ماله شغل بالحمل