ZajiL
*مشرفة قسم التربية والطفل**
السلام عليكم ورحمة الله وبركاته :tek:
شخباركم بنات ان شاء الله بخير انا اليوملي اربعين يوم من وولدت
والحمدلله على كل حال انا ولدت بنص الثامن بالاسبوع 33 :0bee2e8d89:
والسبب الله يسلمكم انه يالي ضغط اخر السابع واستمر معاي وظل يزيد معني اخذت علاجات
الضغط ومن دوون فايده ومن رحمة الله يالي طلوق ولاده اظاهر رحمي ماتحمل الضغط الي يالي
وقدر ربي اني اولد وطبعا ولدي كان عنونو وزنه 1950 جرام وط\ظل بالحضانه اسبوعين :eh_s(2):
وهذا اول بيبي اولده صغير عيالي الي قبل كلهم اولدهم بالتاسع فملاحظه فرق كبير :eh_s(1):
بين الطفل الخديج والطفل العادي المولود بوقته حتى تربيته وظروفه طريقة شربه
نومه كل شي فيه يختلف حتى صوته يحلاتهم انتف حيل
فقلت خل افتح هذا الموضوع للامهات الي ولدوا مبجر وعندهام اطفال خدج
انفيد ونستفيد
بعض الاسئله الي ممكن تفيدكم :gathering:
اي شهر ولدتي واي اسبوع ؟
شنو سبب الولاده المبكره ؟
شنو نوع الولاده طبيعي قيصري ؟
نوع الجنين وزنه ؟
المشاكل الي صادفت البيبي بعد ولادته ؟
المده الي قعدها الخديج بالحضانه ؟
نوع الحليب الي يستخدمه الطفل ؟
بعد خروجه من الحضانه شنو نوع المراجعات وعن اي طبيب تراجعين ؟
اكثر مشكله واجهتيها مع طفلك بعد خروجه من المستشفى ؟
شنو تنصحين الامهات الي عندهم اطفال خدج من تجربتج مع طفلج ؟
هذي الاسئله الي في بالي الحين والي عندها اي استفسار تزيد الاسئله خلونه نتناقش
ونتحاور ونفضفض حق بعض عن عيالنا وشلون نتعامل معاهم
_03BA:حياكم الله تفضلوا
