تعليم الطفل على الحمام

السلام عليكم و الرحمة

شوفى حبيبتى ...السالفة يبيلها طولة بال ترا ....

المفروض بهالمرحلة ما تسألينها !!

كل نص ساعة تودينها الحمام ...حتى لو ما تبى ..تقعدينها و تفتحين ماى الحنفية ( الصوت يحفز ) ... و سويلها هوليله و حطى شمعة و خليها تنفخها يعنى كافئيها خلى روحة الحمام تونسها ..مو شى اجبارى

تالى ..

اشترى لج اندر وير قطن \ نايلون تلقينهم عند السوريين ملوت الهدوم ...من برة نايلون ( عشان ما يسرب ) و من داخل قطن ..و خليها تلبسهم بالبيت .....

اسبوعين جذى ..تالى تدخلين بالجد شوية ...نومة الليل ,,, تبدين تودينها الحمام و هى نايمة ( احسن توعينها و تحاجينها ...عشان تحس بالموضوع ) و لا تحاتين ..من غرقة النوم راح ترد تنام مرة ثانية ..يبيلج مرتين على الأقل مرة قبل ما تنامين ( على ال 11 ..اذا اهى تنام على ال9 ) و مرة مع صلاة الفجر )...اسبوعين على الأكثر و ان شاء الله الأمور تصير تمام ...

و عندج بعد شرشف قطن \ نايلون انا ماخذته من الجريوى ملوت الأسفنج ..عشان لى بلل ولدى الفراش بالليل ما نغسل الماترس

و بالطلعة : اول ما تدشين مكان على طول قولى لها : اكو حمام وايد حلو خل نروح له ...

و انتبهى حق السوائل الى تشربها ..يعنى من تكثر شوى عملى حسابج روحة حمام ..

تنبيه :

لا يكون لا يكون لا يكون تخانقينها ابد اذا سوتها على روحها !!!
لا يكون تعايرينها جدام احد ...

بالعكس ...كلا مدحيها ..حتى لو اهيا مسويتها بكل ربعة بالبيت ...

وديها معاج السوق و اشترى لها اندرويرات باربى و فلة ..و اكو ست يهبل داخل جنطة بلاستيك

و مرى بو 100 اشترى لها هدايا .. على كل روحة حمام عطيها

و الحمدلله البنت وااااااااااااااااااايد اهون من الولد

انا بنتى ..ما تعبت فيها كثر الصبيان ...بس هم الحضانة لعبت دور وايد كبير بهالموضوع

ماشاء الله أحلى الجياكر كفت واوفت يزاها الله ألف خير والله اني كنت داشة برد عليج بس عقب كلامها حتى انا استفدت لما قريته
عساها على القوة
وان شاء الله هالاسبوع بنتج اتقط الحفاظة وطولي بالج عليها أهم شي

السلام عليكم ورحمةالله وبركاته اختي العزيزه بصراحه مشالله عليج انا صج استفدت من نصايحج وايد وطرق اللي علمتينا عليها ومشكووووووووره من كل قلبي ودي اعرفج اكثر لو كنتي حابه تضيفيني اختج ام علي [email protected]

والله انا ولدي مينني مره شحليله
ومره طول اليوم بس يبلل روحه
مو ملحقه عليه

صج الولد يتعب ولدي حليو عمره 3 سنين وللحين البسه حفاظه لما ينام

اي انا بعد بنتي والله ماني قادرة اعلكمها على الحمام والسبب ريلي يوسوس بالنظافه واخاف تسويها بمكان وابتلش بالتنظيف مااااادري شنو اسوي معاها

اى والله كلنا تعبنا على ما علمناهم
انا ولدي فوق 3 سنوات قطها


لازم كل نص ساعه تودينها صج تعب بس اخرتها انتى بترتاحين



وبليل لا تشرب سوائل وايد


بس الحين اهم شيء ركزي بنهار انها تقطها وبعين وقت النوم

لازوردى ....
اذا مفكرة تدخلينها الحضانة ..رقدى و آمنى بيشيلون عنج 3 ارباع الحمل ....و عمر سنتين مناسب جدا ..يكون للطفل ادراك ووعى ..

بالنسبة للولد و هذى معلومة تونى اعرفها والله من دكتور جراح مال اطفال ....كلما تأخر الولد بقطة الحفاظة ....( فوق سنتين و نص) ترتخى عضلات الخصية ..مو شى خطير ..بس مو مثل الى يقطها مبجر ...تصير الخصية مقموتة من البامبرز و شوى تتأثر الأربطة ..أكرر ..مو شى خطير ..

احلى الجياكر ما قصرتى

أحلى الجياكر قال:

لازوردى ....
اذا مفكرة تدخلينها الحضانة ..رقدى و آمنى بيشيلون عنج 3 ارباع الحمل ....و عمر سنتين مناسب جدا ..يكون للطفل ادراك ووعى ..

بالنسبة للولد و هذى معلومة تونى اعرفها والله من دكتور جراح مال اطفال ....كلما تأخر الولد بقطة الحفاظة ....( فوق سنتين و نص) ترتخى عضلات الخصية ..مو شى خطير ..بس مو مثل الى يقطها مبجر ...تصير الخصية مقموتة من البامبرز و شوى تتأثر الأربطة ..أكرر ..مو شى خطير ..

أنقر للتوسيع...

مشكوره حبيبتي على التوضيح و انشالله ابلش معاه من يدخل الحضانه لأنه راح يكمل انشالله سنتين


ترا في بامبرز الي يصير جنه اندر وير اعتقد اريح و انظف حق البيبي لأنه ماراح يسويها بكل مكان انا مفكر اني اعلم ولدي على هالبامبرز بس ابلش معاه و اذا فطن و عرف على الحمام هم بخلي عليه البامبرز لحد ما اضمن انه تعلم و انه خلاص ماراح يسويها على نفسه لأني انا بعد اوسوس وايد لى النظافه ...​

عمر سنه نص تهقون صغير على قطة الحفاظه ولا زين ؟
انا كل ما اقعده على القيصلايه يبجي ما يبيها و اذا قام و لبسته الحفاضه سواها
شسوي ؟

[ . . ورد طائفي . . ] قال:

عمر سنه نص تهقون صغير على قطة الحفاظه ولا زين ؟
انا كل ما اقعده على القيصلايه يبجي ما يبيها و اذا قام و لبسته الحفاضه سواها
شسوي ؟

أنقر للتوسيع...

توه صغير حبيبتي من بعد السنتين بلشي علميه شوي شوي .......



ومشكورين بنات على الردود الرائعه ........


وانا فعلا انا استخدم حق بنتي البامبرز اللي ينلبس مثل الاندروير بس ماكو فايده يبييلها فترة على ما تتأقلم

واهيا تحب روحة الحمام ,،،، بس مشكلتها ..... تبي تقعددددددددددددددددد على طوووووووول هناك وانا اللي أمل


الله يخلي عيالنا ويحميهم من كل شر :tek:

انا علمت ولدي الكبير على الحمام وعمره سنه وعشر شهور وارتحت والصراحه ما اذاني وايد

بصراحه نفس مشكلتي وعمر بنتي سنتين جننتني
اوديها الحمام وتسويها وبعدين اوديها مره ثانيه ما ترضى تسوي تصييييييييييييييييييييييييييييح
وبس اطلعها والبسها الا تسويها على ثيابها واذا لبستها البامبرز معركه وصياااااااااااااااااااااح ما تبيها وما ترضى تسوي فيها شئ
بس انا البسها عضب عليها علشان ماتوصخ الدنيا على والحل معهااااااااااااااااا؟

واي نفس معاناتي مع ولدي, والله فكرت ادخله الحضانه واهم يعلمونه لاني تعبت معاه..

مشكوووووورين حبيبااااااااااتى على النصايح

انا بنتى صااااااار عمرها الحين سنتين وشهرين وراح ابدى اعلمهااااااااااااااااا وان شاءالله تتعلم بسرعه

يبيله طولة باااااااااااااااااااااااااااااااااااااااااااااااااااال انا عانيت مع بنت لكن مادري شلون قدرت اقطعها عنها بعد مافقدت الامل منها