رفيجات حماتي الى متى !!!؟ .... الموضوع وصل حده

صباح الخير .... يا بنات ديرة الخير

انا من طبعي مسالمه وافكر الف مره قبل لا اتحلطم:dddds: لكن الموضوع وصل لي بعد الخط الاحمر!!:eh_s(14):

المشكلة حماتي الصغيره وعمرها 17سنه ورفيجاتها!!

انا عايشه بدور بروحي .. ببيت الحموله واهما تحت ... كل ماننزل الاقي هالبنات تحت!!

ليل

نهار

صبح

يه؟

ماعندكم شغل!! ماعندكم دراسه؟!!

والمشكله مجابلين خالتي ... لازقين لزقه غريبه

الصراحة خالتي تينن تنحب لكن مهما كان هذيل اغراب ومراهقات يعني لي متى بيقعدون عندها؟

ريلي مومرتاح ولا وده يضايق امه واخته الصغيره

كل ما ننزل هاللي قاعدين؟!!!

ريلي امس انفجر ... يقول نزلت حق امي ولا هاللي قاعده بنص الصاله:eh_s(14): يقول كنت ابي اكلم امي بموضوع وانحرجت حتى ماسلمت عليها!!! يعني حسي هههههههههههههه

وانا ما ابي طبعا اكلم حماتي العنونه .. مابي اصير مرت الاخو الشريره:dddds:

ولا ابي ازعل خالتي ... لانها طيبه معاي واااااااااايد... ومبين ترتاح حق هالبنات!!!

لكن نبي خصوصيتنا معاهم


مرات اتساءل اهلهم ما علموهم السنع؟ياحلو من زار وخفف

كل يوووووووووووووووووووووم عاد
؟

مشكله:cxxxp:

وجان زين يقعدون بدار حماتي ... لا اكثر شي بصاله الرئيسية:cxxxp:

حتى امهم لازقه بخالتي ... لكن ماتيي بس تلفونات... وزيارات خفيفه انزين علمي بناتج؟!!!:eh_s(14):

انا شخصيا اخاف من الناس اللي جذي!!! ولا شرايكم؟

شالحل؟؟؟

ملاحظة: واااااااااااالله مو قاعده ابالغ

قمت ماحب انزل بسببهم... حتى ريلي وحماي متضايقين منهم:0bee2e8d89:​

اختي اذواق هههههههههه جنه قاريه افكاري انا قلت حق ريلي ... قالي لا يبه:dddds: لا امي جذي تحب ولا اخواني !! والبنات يهال بنسبه لهم اكبر واحده يمكن عمرها 19 والاصغر 17 بس مادري شقصتهم فيهم نقص امومه ولا اهما طبعهم جذي لا حيا ولا مستحا... اي انا ماني متدخله

اهما تعرفين نوع اللي احنا صديقات:dddds: يعني انا شخصيا مكريت بهالفترة بس كلللللللش ماكنت جذي احب رفيجتي بس مو لدرجة كل يوم!!!!!

انا استغرب من خالتي صراحة ... المفروض اهي تكلم حماتي علشان تدرس بس مادري خالتي وايد على نياتها:eh_s(1):


..


اختي سمار اي هذا اللي انا مسويته :tek:

..

المرشحه المشكلة حتى اذا حماتي طالعه ايوووووووون !!!!:cxxxp: مادري شلون اشرح والله .. وحماتي اهي تحبهم وايد وتبيهم

...

ام انور انتي بعد؟؟ سولفيلي:eh_s(1): اي انا بكلم ريلي جديا واشوف شيصير:eh_s(14):

..​