 |
|
|
|
|
|
||||
|
|
|
|
|
|
|
|
|
|
|
|
|
|
|
|
|
|
|
|||||||||||||
الحياة الزوجية لمناقشة الجوانب المتعلقة بين الزوجين من افكار وخبرات ومشاكل وحلول
 |
| فعاليات كويتيات النسائية | ||||||||
|
|
|
||||||||||||
 |
|
|
LinkBack | أدوات الموضوع | انواع عرض الموضوع |
07-11-2005, 03:09:16 PM
|
رقم المشاركة : [1] | ||||||||||||
|
السلام عليكم ورحمة الله وبركاته::::مابي اطول عليكم راح ادش بالموضوع على طول مشكلتي بدت من ست سنوات تقريبا لماتزوجت تحديداانا كنت طالبه بالكليه وزوجي يكبرني بسبع سنوات تقريباكان عمري 21 واهو28فرق كبيربيني وبينه من ناحية المستوى التعليمي والتفكير ومع هذا ماكنت افكر بهالموضوع كنت افكر بالصلاح اهم شي يعني ممكن يكون رجال متعلم بس مو صالح والعكس بعد الزواج اكتشفت ان زوجي انسان قاسي عنيدموحنوون احس انه يعاملني من منطلق عقده عنده من الزواج جاف ومع هذا تجاوزت هذا كله وكملت المشوار معاه وبعد زواجي بشهرين ترك وظيفته وكان ابوي يصرف علي بحكم اني طالبه بعدين الحمدلله تخرجت وتوظفت وقمت بنفسي وبعدين اهو توظف ومشيت معاه وراحت السنين برغم انه مو عاجبني من ناحية التفكير والاسلوب والمنطق بس كملت المشوار معاه قلت هذا نصيبي وراضيه فيه المهم ماحملت الا بعد سنه ونص تقريبا لانه يعاني من ضعف وعلى ماتعالج المهم المشاكل بيني وبينه مستمره والرغبه بالطلاق بدت تلح علي مع اني اكبتها واكابر ومابي افشل لاني بثبت لنفسي العكس اني انسانه ناجحه مو فاشله وظليت اكابر وانجبت بنتي والمشاكل مستمره مره على اسلوبه معاي ومره على امور ماديه وهكذا وفي مره كنت توني راده من الدوام وحصل بينا مشكله وقام اخذ بنتي وطردني بالشارع كنت اترجاه اخذعبايتي بس لانه مو حلوه بحقي اطلع بالهدوم اللي علي وفعلا طلعت للشارع ذليله ودقيت على امي وجت خذتني من الشارع وماحبيت اقول لاحد عشان مايكبر الموضوع قلت حق امي بس وامي مسكينه ضعيفه ماتعرف تتصرف المهم قعدت في بيت اهلي ثلاث شهور محد يدري شالسبب وبعدين رجعت له لانه عشمني انه راح يسوي كل شي يرضيني وراح يتغيرالمهم بعد رجعتي له بحوالي تسع شهور جاني مره باليل وقال لي يالله قومي بوديج بيت اهلج انا مابيج بطلقج قلت له ليش جان يقول لي ياتكتبين باسمي سياره يا اطلقج طبعا في البدايه ماوافقت بعدين رضخت وقلت يمكن هالشي يخليني اكبر بعينه ويتغير اسلوبه معاي يحبني ويحن علي لكن هالشي ماغير منه شي وهنيه الطامه الكبرى بالعكس صار مايحترمني اكثر من قبل وصاريطوف اقساط علي والاقساط تتراكم في هذي الفتره انجبت ولدي وطبعا المشاكل بدت تزيد كنتيجه طبيعيه للي قاعد يصيربصراحه انا ماتحملت هالشي رحت بيت اهلي وقلت لابوي الموضوع ابوي ماقصروقف معاي ليما باع زوجي السياره والحين باقي عليه جم قسط لي المهم الحين انا صار لي سنه عند بيت اهلي ورافضه ارجع له طالبه الطلاق ومتاكده من موقفي مليون بالميه بس اللي كاسر قلبي عيالي المشكله انه يحبهم ويحبونه وانا ما اقدر ارجع مافي شي واحد يشجعني ارجع له بالعكس انا احس اني تخلصت من كابوس وما فكر بالرده عليه على فكره اهله يعاملوني بجفاء جذيه من الله بدون سبب نوعيتهم نفس ولدهم لااا ويفكرون يزوجونه الحين بعدمع اني للحين على ذمته مادري انا طايبه نفسي منه وحبيت اخذ رايكم شرايكم واسفه على الاطاله |
||||||||||||
|
|
||||||||||||
|
|
|
|
07-11-2005, 03:22:33 PM
|
رقم المشاركة : [2] | |||||||||||
|
الله يعينج أختي صج إلي يشوف مشكلة غيره تهون عليه مشكلته صراحة موضوعج يعور القلب لو مو هاليهال الي بينكم جان قتلج تطلقي منه بس حرام والله عشان هالفقارة إلي مالهم ذنب بشي الله يصبرج إختي ادعي ربج بكل فرض إن الله يحنن قلب زوجج ويردلج أحسن من أول اللهم آمين مع تحياااااااااااااااااااتي....... |
|||||||||||
|
|
|
|||||||||||
|
07-11-2005, 03:26:27 PM
|
رقم المشاركة : [3] | |||||||||||
|
حبيبتي لا تستعجلين وصلي صلاه الاستخاره وشوفي وبعدين اذا كنتي من البدايه ماتبينه ليش صبرتي 6سنين وليش يبتي منه عيال الحين انتي ظلمتي نفسج وظلمتي عيالج لاتزعلين من كلامي وبعدين انتي مالج شغل بأهله انتي متزوجته اهو مومتزوجه اهله وفكري بحياتج اذا طلبتي الطلاق هل راح تكون احسن وفكري بعيالج موممكن ان زوجك ياخذهم؟؟ |
|||||||||||
|
|
||||||||||||
|
|
|
|||||||||||
|
07-11-2005, 03:41:40 PM
|
رقم المشاركة : [4] | |||||||||||
|
انا مع ام طلووول صلي صلاه الاستخاره بصراحه مشكلتج تعووور القلب وهذي المشكله اللي قاعد ين يطيحوون فيها البنات تتنازل عن حقوووقها ببساطه والسبب انها بتكبر بعينه لا يابنات التضحيه حلوه بس مو التنازل ترى الفرق بينهم وايد اذا تنازلتي عن حقوقج ببساطه ريلج هم يبيتنازل عنج ببساطه والله يستر على بناتنا آمين |
|||||||||||
|
|
||||||||||||
|
|
|
|||||||||||
|
07-11-2005, 05:45:50 PM
|
رقم المشاركة : [5] | |||||||||||
|
وعليكم السلام ورحمة الله وبركاتة ... معقولة اختي سنة عند اهلج ... بس لا تستعجلين بموضوع الطلاق تصبري وادعيله بكل صلاة انه الله يهديه وخاصة انه عندج اعيال الله يكون بعونج  ويصبرج
|
|||||||||||
|
|
||||||||||||
|
|
|
|||||||||||
|
07-11-2005, 07:52:29 PM
|
رقم المشاركة : [6] | |||||||||||
|
الله يعينج يارب ويصبرج ويهون عليج أمورج القراار بالطلاق راجع لج انتي بس ,,ما حد يقدر يوجهج فيه ,,,يمكن يوضحون الأمور لج بس أول وآخر انتي.. آنا براايي أنه الريال اذا شاريج رااح يتغير ويصير احسن بمعاملته معاااج اما اذا اللريال مو شاري المره ,,,أو انه القبول موصاير من ناحيته لها فما رااح يحاول انه يتغير ,,,بالعكس يمكن يزيد عن قبل ...فانتي شتشوفين حاسه انه ريلج ماخذ الأمور جد وصج رااح يتغير ,,ولا لا ولا انه رااح يستغلج ويطفشج مرة ثانية... صلي استخااارة وادعي ربج ان شاالله يفرج همج ويختار لج الخيرة الصح |
|||||||||||
|
|
||||||||||||
|
|
|
|||||||||||
|
08-11-2005, 12:18:21 AM
|
رقم المشاركة : [7] | |||||||||||
|
اختي اذا ريلج سنه ماياج ولا راضاج انتي بترديله؟؟ ثقي ان اذا ما تاسف لج ولا تعذرلج طول هالسنه ان ماراح يتسنع بالعكس بيقول هاذي ميته علي ولو شنو اسوي فيها هم راح ترد انتي فكري عدل انا ماقولج تطلقي لا صلي استخاره وشوفي راحتج وين |
|||||||||||
|
|
||||||||||||
|
|
|
|||||||||||
|
08-11-2005, 12:31:03 AM
|
رقم المشاركة : [8] | |||||||||||
|
الله يكون بعونج ودي اساعدج بس المشكله اليهال يكسرون الخاطر و اذا انتي صار لج سنه يعني انتي ملزمه على الطلاق انا اقول صلي استخاره مره و اثنين و ثلاث و الله يفرج همج و ادعي بكل صلاه ان الله يوفقج للطريق السليم و الله يعينج المشكله كبيره بصراحه خصوصا انج ببيت اهلج بي الله يكتب اللي فيه الخيره استخيري ربح و الله سبحانه يعلم وين الصواب |
|||||||||||
|
|
||||||||||||
|
|
|
|||||||||||
|
08-11-2005, 01:09:01 AM
|
رقم المشاركة : [9] | |||||||||||
|
مثل ماقالو البنات صلي صلاه استخاااااااااااااااااااااااره اختي انتي معاج حق بكل خطوه خطيتها بعدين اذا كنتي خايفه على اعيالج اعيالج شنو ذنبهم باجر يشوفوون مشاكلكم الحين انتي عندج اثنين باجر 4 ولا خمس شنو ذنبهم يتعقدون !!! واذا كان فعلا يحبهم مايمنع باجر يمرهم ويبر فيهم عدل ولا لأ بعدين مبين انه ريلج غير مسؤوووول من تصرفاته معاج لاتحسبيني اشيشج عليه لا بالعكس اتمنالج كل خير وسعاااده وانشالله الله يهدي زوجج ويردله لج احسن من اول ادعي وشوووفي شنو الى الله يكتبله لج يالغاليه |
|||||||||||
|
|
|
|||||||||||
|
08-11-2005, 03:33:39 AM
|
رقم المشاركة : [10] | |||||||||||
|
صلي استخاره وادعي ربج الله يسخره لج وبعدين كلميه بسالفة العيال وقوليله شنو الشي للي مضايقج منه (اسلوبه جفاءه تعامله معاج) قوليله انتي شنو تحتاجين منه نفسيا وعاطفيا واجتماعيا ووجدانيا واستخدمي اطفالج سلاح ضده مدام اهو يحبهم قوليله يتغير مو عشانج ولا عشانه ولا عشان اهله او اهلج ... لا .. عشان عيالكم حشاشة يوفكم فلذة اكبادكم مدام اهله جافين باردين مثله ... شلون امه استحملت ابوه ؟ اخذي دروس منها واستفيدي |
|||||||||||
|
|
||||||||||||
|
|
|
|||||||||||
|
08-11-2005, 03:44:42 AM
|
رقم المشاركة : [11] | |||||||||||
|
الله يكون بعونج بس ريلج مادي وقاعد يستغلج الصراحة وسلاحة انه اهو الريال وهو اللي يطلق فالكرة بملعبه حاليا الا اذا كان في شغلات ثانية بالموضوع او اسباب انتوا بروحكم تعرفنوها وهو قاعد ينفس بطرريقة ثانية علشان يفرغ غضبة من الشي اللي صاير هذا احتمال بس لاني ما اتخيل انه ايي وايطلقج مني والدرب وعندكم عايل وهو يحبهم بدون اي اسباب بس علشان تحطين السيارة باسمه والله يكون بعونج |
|||||||||||
|
|
||||||||||||
|
|
|
|||||||||||
|
08-11-2005, 09:18:06 AM
|
رقم المشاركة : [13] | |||||||||||
|
مشكورين حبايبي على هذي الردود اللي كنت متوقعه اغلبهاماقصرتو وانا الحمدلله انسانه ملتزمه دينيا وما اخطو خطوه الا مستخيره الله فيها وصار لي الحين ست شهوراستخير من ناحية الطلاق وادعي الله بصلاتي انه يلهمني للصواب اما بالنسبه لج يااخت نفيشه صدقيني مافي اي شي ثاني غير اللي ذكرته لكم بالعكس انا مستغربه من رد فعله معاي لاني وقفت معاه بمواقف كثره المفروض واحد غيره يبين بعينه بالعكس اهو دايمن يحسسني اني ولا شي بحياته وانه روحتي لبيت اهلي اوقعدتي عنده نفس الشي وهذا اللي خلاني احط حدلهذا الوضع ومره ثانيه شكرا لاهتمامكم |
|||||||||||
|
|
|
|||||||||||
|
08-11-2005, 11:57:43 AM
|
رقم المشاركة : [14] | |||||||||||
|
انا من رايي انتي اذا مو متحملته ولا مرتاحه معاه مو ملزومه تجابلينه طول عمرج .. شوفي اللي يريحج وسويه .. وعيالج معاج ومع اهلج احسن من قعدتهم مع ابوهم ومشاكله وماتدرين يمكن انشالله الله يهديه ويتغير ويصير احسن من قبل والله يعينج انشالله |
|||||||||||
|
|
|
|||||||||||
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| شرايكم بكريم بوهلي ؟ pohli ??? | g6awi | ركن الاستفسارات الجمالية | 13 | 20-09-2010 03:12:37 AM |
| مدرسات الاجتماعيات ... متوسطه .. شرايكم .... | أميره بطلتي | معلمات كويتيات | 41 | 24-11-2008 02:54:54 AM |
| ترتيب كويتيات عالمياً |
|
|
|
اشتراك سيدة أعمال
العرض العادي
