الاطفال الخدج وكيفية التعامل معاهم

السلام عليكم

بنات حبيت تشاركوني بهالموضوع وتعطوني من خبراتكم

لان انا عندي بنتي الصغيرة انولدت بالاسبوع الثامن والعشرين....وكان وزنها كيلو .....وطبعا تمت لمدة شهر بالعناية امركزة وشعر بالحاضنة العادية

والحين الف حمد وشكر لك يارب العالمين....صج يحيي العظام وهي رميم ....الحمد لله عمرها الحين 10 شهور

بس ليلحينها ما تقلب....ولا تقعد.....ولا تحبي.....ولا تسولف

فاتمنى من كل واحدة تزودني بخبراتها ن الاطفال الخدج

كيفية العناية فيهم وبصحتهم

شنو الاشياء اللي يتأخرون فيها عن الاطفال العاديين

شنو ابرز المشكلات اللي تواجههم

انواع الامراض اللي ممكن يشتكوون منها

يعني باختصار ودي يكون عندنا ملف كامل ومتكامل عن الاطفال الخدج علشان كلنا نقدر نستفيد منه واتمنى تثبيت الموضوع

واهم سؤال ببالي الحمل التالي هم في احتمال ان تكون ولادتي مبكرة

ويعطيكم العافية واتمنى تفاعلكم معاي

مشاركة: الاطفال الخدج وكيفية التعامل معاهم

وعليكم السلام
أنا الله يسلمك ولدت في بداية الشهر الثامن ولدت توم وكان وزنهم كيلو ونص وكيلوين
كنت لما أشوفهم دايما أقول يحي العظام وهي رميم
وفعلا الخدج يتأخرون في كل شي تأخروا ما حبوا ولا قعدوا وتأخروا بالمشي وأسنانهم تأخرت
ولا يسولفون لان سألت الدكتور فعلا يتأخرون في كل شي
بس الدكتور صرف لى فيتامينات وقال لازم يأخذونهم هذا بعد ما طلعوا من المستشفي.
وبالنسبة للمشكلات كانت الشرقه والارتجاع وما أقدر انومهم على ظهرهم لازم يكونون مرتفعين شويه
ودايما يكونون معرضين لأمراض البرد ..
وبالنسبة للولادة موشرط انه ولاداتك تكون مبكره
أن شاءالله أكون أفدتك
ومشكوره على الموضوع