بنات لا تخلوني الله يخليكم ساعدوني

هااي بنات

شلونكم عساكم طيبين ؟

والله يا بنات رابطه راسي بشيله ودموعي بتخرب الكيبورد



مو قادره اتنفس منصدمه صج منصدمه

انا كنت احب واحد مدة 3 سنين وصار بيننا خطبه رسميه خطبه بس بدون ملجه

وكنت فري فري هابي


واهوا يموت عالتراب اللي امش عليه يا زعم


قالي ورى عرس اخوج وعرس اخوي من 3 تيام نحدد الملجه والعرس


وكانوا حتى خواتي يقولون لي تره حده بزر يقولي قولي لهم راح اضحك عليكم بالاخير


المهم بنات قالي طرشي لي اصور العرس مع دريولكم ماطرشتهم قلت له تعال شوفهم فالبيت عصب علي خووو عادي كل يوم نجره احنا نو ثنق


المهم دقيت عليه قبل شوي قالي سمعي يا بنت الناس تبين اجذب عليج ؟؟؟

قلت له لاء قالي انا ابوي الحين ماعنده يزوجني انا واخوي

وانا مااقدر اخليج معلقه

انا طقتني البوههه انربط لساني

قلت له ليش توك تقول هالحجي ؟؟

قال هذا الصج قتله انا احبك ومستعده انطر 10 سنين لحد جدام

قالي لااااااااا انا مابي اظلمج

تخيلوا بنات ؟؟؟

يقول انا ما اسعدج

يقول انا يمكن مو نصيبج

قتله زين انا سويت شي غلط ؟؟؟

يقول لا بس اهلي ما وراهم يعجلون الزواج

تخيلوا بناااات بدون مقدمات

بدون ماسوي شي

والله يا بنات احبه حب خبال

حتى امي يوم خطبني قالت لي تراهو حده اقل مننا قتلها ميخالف يمه الحب مافيه طبقيه

توظف وتسنع وارتز من يوم تعرفت عليه واهوا واهله يعترفون

الحين قالي مابيج

بنات انا خلاص حاولت معاه بكل ماعندي يقولي لا ولا

جننه اهوا ما يبيني بس خله اهله شماعه

انا متعوده عليه واحبه بس كرامتي اهم

الله يخليكم قولوا لي شسوي؟؟

شلون مادق عليه ؟؟

شلون مافكر فيه ؟؟

ابي ادعي ابي اصلي ابي اشكي لاحد

والله حدي حزينه حدي

اليوم يمعة اخوي المعرس واهله عروسته وانا ما طلعت مو قادره خلاص احس بموت

تبين الصج ولاا ولد عمه!!

هذا مايحتاج تسألين شلون تنسينه!!

لانه مايستاااهل وبايعج

وفي مثل يقول من باعنا برخيص بتراب ينباع

اذا انتي صج تحبين نفسج وتحترررمينها ماتسمحين ان قلبج يتعلق بواحد بايعج واشكررره ماعنده استعداد يتزوج

يعني شنو الاخ يتسلى!!

لا يبا انتي اكبررر واغلى من جذي !!


وشنو سالفه يشوووف صورج!! وانتوو مو مملجييين!!

هذا دليل انه يتسلىىى فيج لانه يوم شافج ذهينه ومو مرخصه نفسج استغنى وقال هذي ماوراها شيئ

يبه حمدي ربج الي فكج منه

بعد قلبي يا منوره حتى انا اقول جذي وقتله انت عصبت عشان ماطرشت اصوري بس مصدومه شلون استغفلني طول هالثلاث سنين

يارب الصبر وراحة البال

لايكون قصده يترزق من وراك ماديا

اللي قال عنهم المحامي خالد عبد الجليل

استخيري ووكلي امرك لله واحمدي ربك قالها الحين وانتوا على البر

اللـه يعوضج خير حبيبتي

بصراحه شكله مو ناوي يتزوجج لو انه يبيج جان سواها من زمان والرجال ما عليه من احد لو حط براسه وحده يتزوجها يعني يتزوجها

مع يقول اهلي واهلي

وبعدين لا تقطين نفسج عليه حيييييييييييييل خلاص حاولي تنسينه وصدقيني مع الوقت راح ترتاحين يوم بعد يوم وراح تنسينه

واهم شي كرامتج لانج راح تحسين فيها بعدين لما تحاولين تترجينه وتسألينه ليش وليش وليش واهو عادي عنده ما اهتم لج ولا شي وانتي اخر شي بتحسين بالاهانه

وعسى ربي يوفقج ويرزقج بولد الحلال اللي يسعدج ويهنييييييييج يا قلبي

ستارز لا شدعوه؟؟ ضحكتيني هههه

منوووره بعد قلبي اللهم آمين لا خلاص سالته جم مره ومارد علي خلاص باذن الله راح اطنششه بس ادري من داخلي نار شابه

اللي يبيعج بيعيه وييج اللي
أحسن منه وخيرة انشالله
دام انعرف أوله ينعاف تاليه
حمدي ربج افتكيتي منه

اقوووووول افطمي عمرج منه هذا الله يهديه مومال زواج

والله يبي لج الخير اللي انكشف لج !!

حبيبتي لاااااااااااااااااا تنزلين نفسج حقة و تقعدين تبررين و تدورين الاعذار بس قولي الحمد لله الف مرة ان انكشف من البداية قبل العرس و المصاريف و اليهال و المحاكم انت ليي الحين علي البر و هذا اهم شي ادري ان ضايق خلقج و مو متحملة اي كلمة و ادري انج مجروحة حدج بس قدر الله و ماشاء فعل هذي خيرة من ربج و نصيحة لا تشترين من باعج و لا ترخصينها تري النفس عزيزة

حبيبتي هذا ما يستاهل خليه يولي اهو الخسران

و الحمدلله ان ما طرشتيله صورج

انا موعارفه شقول حق اهلي ؟؟؟ خنت حيلي بعز فرحتهم بزواج اخووي وانا ايييهم بهالخبر التعيس

بعد قلبي بردتوا جبدي الله يبرد عليكم بدنيا واخره

هذا من صجة !!

ولا انتي من صجج المفروووووووض من ايقولج طرشي صورج مع السايق اتعرفين انه اخرطي ومو ريال !!!!!!!!

شوفي ياقلبي ماراح اعلق واقول اي شي عن الولد بس بقولج نصيحع وحده وحطيها في بالج


شوفي حبيبتي حطي في بالج شغله وحده اللي باعج بيعه ادري انج تموتين فيه بس ترا اهو ماحط لج اي حساب والله لو يحبج جان تحدى الكل عشانج وسو المستحيل بس هذا يوم يت الصجيه تهرب

كل ماتبين تدقين عليه تذكري ان اهو باعج جذي راح تعوفينه

من صجج؟ انتي لانج تعودتي عليه تحسين ماتقدرين ماتدقين علييه

الي يبيعج بيعيه ولو يبيج يدل طريجج والله يمكن خيرا

اشتري كرامتج احسن

حبيبتي كبري راسج
وخللج من سالفه يلعب عليج



بالعكس الرجال محترم وكبر بهيني حيل لانه مالعب عليج

مثل غيره من الشباب اللي يلعب بالبنت ويحذفها

اللحين شوفيه ماطعن فيج بشرفج مثل غيره والقصص اللي نسمعها ولا لعب عليج

بالعكس قالج الواقع

وانتي عليج تحكمين عقلج وتقومين تصلين لج ركعتين تحمدين ربج ان السالفه جت على جذي وهذي نهايتها

ماانتهت علاقتكم بفضيحه او شي من اللي يصير بهالدنيا

والله يرزقج الرجل الصالح

ادعي ربج ونصيحه من اختج لاتحاولين تحبين قبل الزواج لان اكثر العلاقات تفشل بمصيبه وانتي لله الحمد ماصارلج شي وهذا من طيب اللي تعرفينه

والله وياج

خليه وتركيه مادام انكم عالبر توكم .
ياربي صبيان هالايام مايعرفون يحبون ولا يقدرون مشاعر البنت ما يدرون انا البنت عاطفيه وتهزها اي كلمه من الريال
بس يالله احنا لنا الله ..مثل ما قلتلج هديه لاتكلمينه ولاتدزيله مسج يمكن عل وعسى ينقرص قلبه ويحس فيج !!