نفسيتي تعبت وفقدت الأمل في الرشاقة

اذا متينه حيل اشتركي بملوت الوجبات تضعفين بسرعه عليهم و لا تياسين وخلي ايمانج بالله قوي ريجيم يبيله صبر اسبوع تقريبا بعدين جسمج راح يتعود على كمية الاكل و اتمنى الرشاقه لي و لج انشاءالله

مايصير الشي بيدج عاد مسكي روحي ولا يروح شبابج وانتي ماستانستي فيه العمر يركض

حبيبتي انتي والله دمعت عيني على كلمة لو ان الاراده بفلوس لاشتريتها انا متلك والله كنت 104 تخيلي؟ وعمري 24 وعندي ولد واحد بس الحمدالله دخلت هالمنتدى واشتركت بالمسابقه وربنا عطااااااني كل الإراده والله يعلم اسألي البنات والله كنت ببكي فرح دخلت بعالم التسعينات والثمنينات والحين بأخر السبعينات والله كأنه حلم كم مره تعبت وكنت رح أستسلم بس الحمدالله صرت متعوده وخايفه خايفه تخلص المسابقه ارجع متل أول
انتي كم وزنك ؟ وشو تجارب الادويه اللي اخدتيها انا سمعت قاطع الشهيه تبع زين الأتات رووووعه والسيبوترم الكل بيمدح فيه والايزي لاكس كمان بس للأمانه انا ماجربت شي ونفسي اترك الريجيم وامشي على قاطع الشهيه لأن الإراده على قولتك صعبه والتحدي أصعب سامحيني طولت عليكي بس انا رح استفاد من ردود البنات إلك رح أتابعك
نسيت أخبرك ان الميرميه روووووووووعه واللي نزلني اكتر من 10 كيلو عشبه بنص دينار اسمها معجزة الشفاء بتجنن مستحيل استغنى عنها وماتنسي ان النسكافيه بيسد الشهيه وخلطه الماء بالزنجبيل والقرفه سحر سحر سحر للأخت حواء الكون وخدي مني عن تجربه وشوي شوي رح تنسي انك محتاجه اراده رح تصير نظام عندك وماتنسي ان الوزن لو راح بسرعه بيرجع بسرعه وهذا اللي انا خايفه منه فماتيأسي والله معك والبنات رح يفيدوكي هون كتيييييير

شدي حيلج حبيبيتي واذ حسيتي انك تبين تاكلين اول ما تسوين ريجيم ترى هالشعور عادي باول اسبوع او اسبوعين تقريبا بس اللي عليج انج تمسكين نفسج لان كل شي يتغير سواء النفسيه وتحسين بصعوبه بس عقبها بتتعودين ويصير العكس تتضايقين اذا كليتي اكل زياده واذا تبين نصيحتي

روحي حق دكتور تغذيه عندج طالب الشمري او عبدالله المطوع او اي دكتور غيرهم مع مشي او رياضه صدقيني تخقيييييييييييين ان شاءالله

انا اختي كانت تصبر نفسها اذا بغت تاكل بكلمه (لاحقه عليه باجر اذا ضعفت راح اكل منه على راحتي ان شاءالله )

ولا تنسين اللبس والاهم من هذا صححححححححححححه

انا مستعده افتح موضوع وادش بتنافس وياج واتحداج لاني انا بعد قاعده انزل وزني

ها شقتلي؟

الله يرزج الجسم الرشيق الصحي ويعطيج الاراده القويه اللهم امين

الحال من بعضووووو هههههه والله انا نفسج كل ما ابدى شي اخربه لان ماكو ارادة!!! بس انا اشتركت في هالمنتدى وصارلي 5 ايام تقريبا ملتزمة بالرجيم والمواضيع اللي بالمنتدى تشجع عالضعف وانا ان شا الله اضعف وانتي بعد ولازم تبشرينا بالنتيجة اوكي؟؟؟؟؟؟؟

الله يعينك الحال من بعضه

هلا وغلا فيج

شوفي يا قلبي انا من شهرونص تقريبا كنت امراه محبطه اخرع وزني وجسمي لوعه وللحينلوعه بس الحمدلله فرق معاي وايد

حطيت اني بموت بين عيوني من السمنه المفرطه وان الاكل عدوي الاول والاخير دشيت نادي وسويت ريجيم والحمدلله نزلت بشهر 8 كيلو


ربي لك الحمد والله ما هقيت اني بضعف حتى الكيلو

واهم شيئ الرياضه والرياضه والرياضه لانها تشد الجسم وتحرق الدهون وتنسق جسمك بعد واذا جسمك متين لا تلعبين ستبس او نط الحبل لان الركب راح تتضرر من ضغط الوزن عليها

وبالتوفيق ان شاء الله

توكلي على الله

ونصايح البنات وااااايد مفيد

اختي البنات ماقصرو معاج بس انا بعطيج ثلاث اشياء بدال الزنكال والاعشاب الي لاتودي ولاتيب صج راح تضعفين عليهم واذا استخدمتيهم بالترتيب
1) القدره على التحمل ( الوقت لانه يبيلج وقت طويل حطي ابالج سنه على الاقل )
2) الصبر ( يعني تتحملين انج تغطعين كل الاشياء الي تشتهين تاكلينهم )
اذا صار تقدرين على هل ثنتين الاخيره سهله
3)الاراده (تتوكلين على الله وتبدين)

ملاحظه محد معصوب من الغلط اذا لقيتي نفسج بيوم وانت يمسويه رجيم كليتي لاتقولين خلاص اليوم بخليه يوم مفتوح لاء اكلي واستانسي لاتتحسفين بس بعدين كملي رجيميج عادي
الله يوفقج اختي انا كنت مثلج مريت ابكل كلامج هذا بس طبقت هل ثلاث الكلامات بعد مالقيت ولا شي نفعني لانه كل شي ايي بل سهل يروح بالسهل عكس اذا تعبتي عليه مايروح
والله يوفقج انشالله ركزي على الثلاث كلمات

يالله أنا وياكم بعد صراحة تحمست من الكلام يبيلي 30 كيلو على الأقل والله كريم علموني متى تبون تبتدون