أمها مكدرتها حيييييل ... وشي مو بيدها ؟؟

السلام عليييكم جمييييعا



بنات .. بقوللكم سالفة رفيجتي ، لأنها حيل حيل متضايقة و تبي حل علشان ما تشيل هم الموضوع اللي

شاغلها ..

سالفتها سلمكم الله انها الوسطية بين خواتها ، واهيه الوحيدة اللي تزوجت من بينهم ، وهالشي على كثر

ما فرحها وفرح أهلها ، صارت هالسالفة تنكد عليها وحست انها ماكانت تبي هالشغلة على كثر ما بغتها .

خواتها اللي اكبر منها وبشهادتي انهم حلوين ماشالله و جامعيات ووحده دكتورة ، يعني الله منعم عليهم

بالستر والعقل والثقل ، لكن الله ما كتب يتزوجون . و اهيه حاسه ان القطار فاتهم لان وحده دشت الثلاثين

والثانيه على أبوابها ..

وتقول انها متضايقه لأنها متزوجة واهمه لأ ، و امها صارت بس تتحسر عليهم وتبيهم يتزوجون لدرجة انها

تبجي وتصير فيها غلقة خايفة على مستقبلهم وكلام الناس عنهم .

ورفيجتي تشوف امها من صوب وتشوف خواتها مو متزوجات من صوب وصارت تتحسر عليهم ومو عارفة شتسوي

قلت لها تتصل على خطابة وقالت انها جربت لكن للأسف اهمه ما ياخذون الا اصيلين مثلهم ، و اهيه ما

تعرف بالعوايل ذاك الزود فتوهقت وشالت روحها من الموضوع ..

قووولوولي شنو تقترحون تسوي لأن موضوع أمها وخواتها صار يكدرها حيييييل .. حتى لدرجة انها ماقامت

تسولف عن الزواج وعن فلانة تزوجت وفلانة ولدت بس علشان ما تضايقهم ، ولا حتى تسولف مع امها

يمه بروح عرس فلانة بس علشان ما تلمس الوتر الحساس بأمها .

بليييز بنات عطوني لو حل بسيط يوخر عنها ضيقتها ومالكم الا الأجر انشالله


دمتم بود

!!LEGAL!! قال:

عليهااا بالدعاء وقيااام الليل ..

والله الزواج مو مهم بس البلا من كلام النااااس ...

واهم شي الدعاااء وقيام الليل وقراءه سورة البقره ..

كل مشكله تلقين حلها بالتقرب الى الله تعالى ..

وعليهم بالصبر ..ماتدرين يمكن اختبار من رب العالمين يبي يشوف مدى صبرهم ..

أنقر للتوسيع...

صاجه وترا الحين اخر العشرين والثلاثين عادي مافاتهم القطار

وتفاءلو بالخير تجدوه

لا تكدر خاطرها والله كريم
وخيرة وكل شي نصيب

ماكو شي بيدها غير انها تدعي لهم
كل شي قسمه ونصيب !

صديقة د. شريفه قال:

قوليلها الحمدلله والشكر ، وعيب اللي قاعدين يسوونه ، وخلها تعطي امها نصيحه ، ان الله سبحانه الرزاق كاتب متى ابيرزق بناتها ، مثل مارزق بنتها الوسطيه كاتب متى ابيرزق باجي بناتها ، وان النصيب ماراح ايي اذا زادت انواح وبجي ، والله لو بجت دم ماراح اييهم النصيب الا بالوقت اللي الله كاتبه ، لا إتأثر على بناتها واتحطم نفسياتهم ابسبة خايفه عليهم ما يتزوجون ، من أسباب الرزق التوكل على الله سبحانه وتعالى ، الرسول عليه الصلاة والسلام قال:
" لو أنكم توكلون على الله حق توكله لرزقكم كما يرزق الطير تغدو خماصا وتروح بطانا "
وخليها تسمع شريط أسباب منسيه للدكتور خالد الجبير جود كلماته اتطمنها واتفهمها الحقيقه .
وهناك دعاء جميل للرزق:
اللهم افتح علي منك رزقا لا تجعل لاحد علي فيه منه ، ولا لك علي في الآخرةفيه تبعه ، برحمتك يا أرحم الرحمين.

والحمدلله انا 29 عمري ومافيني الا العافيه ولله الحمد ، ولا حاسة بالخرعه لان ادري ان رزقي على رب العالمين اشحقه أتعب نفسيتي ابشي انا ماادري عنه ، بس انا واثقه ابرب العالمين انه ابيرزقني سبحانه بالريال اللي اتمناه ، ومن اليوم ليه ذاك اليوم بعيش حياتي اللي الله كاتبلي اياها ، ومن يدري الواحد بيعيش ولا بيموت ، العلم عند رب العالمين ، من يدري بيظل صاحي ولا ابيمرض ؟ ليش صار الناس همهم بس الزواج؟ اكيد الزواج سنة الحياة بس هل أحطم حياتي وأتشائم عشان ماتزوجت ، لا والله بعيش حياة اللي ربي قاسملي اياها ابتفاؤل ، لين ايي نصيبي ان شاءالله الا النفسيه مرتاحه باذن الله ، والله سبحانه الرزاق مثل ما رزق غير اكيد بيي دوري

أنقر للتوسيع...

صح لسانج دكتوره شريفه

واتمنى ان الاخت تقتنع باللي نصحناها فيه

والله المستعان

والله انا مع د.شريفه بصراحه الناس نست الله سبحاااانه....اذا لهم نصيب بيتزوجون...بصراحه شغله ماتسوى احد يتكدر عليها....

والله انا 26 والكل مشاءالله تزوج وعيااال الحمدالله يااربي الله يتمم عليهم..وانا الحمدالله مرتاااحه وعاايشه احسن عيشه....واللي على شان بوصل 30 اقعد في ابيت واجبي واكدر عمري....

والله انا اشوف قولي حق رفيجتج اتكلم اهلهااا لان اللي قاعدين يسوونه بصراحه مو صح ومو عين العقل كلش...

انا امي بعد طلاق اختي مرضت وايد تحاتيها مع انها جميله وزواجها كان اقل من شهرين لان ريلها مريض نفسي بس صار عمرها 34 محد خطبها عقب طلاقها,,,امي تبجي وتدعي ان الله ما ياخذ امانتها الا لما تشوفها في بيت ريلها

يزاكم الله خير على ردوودكم ومشاعركم

بس اهيه عيزت تقول حق امها ان وايد بنات جذي بس ماكو فايدة

كل شي خيره الله مو كاتبلهم انه يتزوجون الحين بس هذا مو معناته نهاية العالم وايد بنات يتزوجون بسن كبير وبرغبتهم والحمدالله الله يوفقهم بالنصيب الزين . ماله داعي امهم تتحسر ويسيرون وايد حساسين كل تأخيره فيها خيره
الله يوفقهم انشالله ويرزقهم الزوج الصالح
والدعاء ثم الداعاء ثم الدعاء

تاخر الزواج صار الحين بزمنا شي طبيعي وما ينخاف منه00الاحظ اكثر من وحده من اللي علقو عالموضوع مو متزوجات واعمارهم فوق 25وانا بعد توني داشه 26 وللحين ما تزوجت 00قبل كنت اتحسر على عمري بس يوم قويت ثقتي بربي عرفت ان كل شي قسمه ونصيب
يعني بذمتج المتزوجه وما تجيب عيال مرتاحه هم الناس بيسؤلونها ليش ما جبتي عيال يعني الناس ما تخلي احد بحاله وحتى اللي عندها عيال يسؤولنها منتي جايبه بعد00كلام الناس لا يقدم ولا اياخر
وام رفيجتج الله يهديه ثقتها بربها للاسف ضعيفه
انا واختي وصل عمرها 30 وما تزوجنا معنا بنات حمايل وعندي خوات متزوجات00اهم شي ان الواحد يقتنع ان توزيع الارزاق من ربنا بكل شي ان كان مال او زواج او عيال0000لو تمونين على ام رفيجتج وصلي لها راينا بالموضوع على انه رايج وقول لها كثر من الدعاء لبناتج دعوة الام مستجابه00ودخليها المنتدى وقولي لها شوفي بعينج كلام البنات يمكن تقتنع
والله يوفق الجميع انشالله وكل وحده دشت مو متزوجه يا رب تكون سنة خير عليها وتتزوج

بنات اللي تدعي لنفسها بقايم الليل او الدعاء اروجكم انكم تخلون الدعوه جماعيه00يعني تقول يارب ترزقني انا وكل وحده تسالك الزواج بزوج الصالح اللي اتمناه00انا بصراحه دايم ادعي هالدعوه لي ولاي وحده.

والله البنات ماقصروا بالنصيحة والدعاء والاستغفار

انا اقولج اذا اتني قريبة من رفيجتج واهلها كلمي امها وخواتها وخل يدرون انه هالشي مكدر خاطر البنية وانها متأثرة وايد فيهم وانه هالشي عادي اذا بعمر ال30

وذكريهم بحديث الرسول ص بما معناه: اذا جاؤكم من ترضون دينه وخلقه زوجوه>>>شنو اصيل ومو اصيل كلنا خلق الله
وصدقيني لو تقدملهم واحد وكان نصيبهم محد بيوقف بيوجه لا اصيل ولا مو أصيل

الافضل الخطابة والله يرزقهم الزوج الصالح يارب

يزاكم الله خير

ومشكورييييييين