برنامج للإذاعه المدرسيه؟؟؟

السلام بنات شلونكم؟؟
ابي منكم مساعده الي تقدر تساعدني . ابي برنامج اذاعه مدرسيه يصلح للبنات الي عندها أفكار حلوه تقولها .

مشاركة: برنامج للإذاعه المدرسيه؟؟؟

هلا ام ناصر

كان ودي اساعدج بس ماعندي خبره بسوالف المدرسات

ان شاءالله البنات مايقصرون وياج

مشاركة: برنامج للإذاعه المدرسيه؟؟؟

شنو بغيتي بالضبط يعني اي موضوع للاذاعه بغيتي

مشاركة: برنامج للإذاعه المدرسيه؟؟؟

مشكوره بنت الكويت على المرور.
واختي وادي الغروب يعني اي برنامج يصلح للاذاعه المدرسيه ( برنامج الصباح). كل معلمه لها يوم تسوي برنامج وانا محتاره مادري شنو اسوي.

مشاركة: برنامج للإذاعه المدرسيه؟؟؟

مج يوم السبت عندي برنامج والله محتاره ومدري شسوي

اكره يوم عندي لمن يصير عندي برنامج اذاعي لوعة جبد احنا ويالله على التحضير والدروس

مشاركة: برنامج للإذاعه المدرسيه؟؟؟

اي مرحله دراسيه يعني روضه ابتدائي عطينا معلومات اكثر علشان انساعدك باذن الله

مشاركة: برنامج للإذاعه المدرسيه؟؟؟

مشكورين خواتي على المرور . والبرنامج حق المرحله الابتدائيه وابيه يصلح للبنات
ولقسم التربية الاسلامية

مشاركة: برنامج للإذاعه المدرسيه؟؟؟

مكلمتك مشرفه اذاعه عشر سنوات
و رمضان على البواب
اذاعتج لازم تكون عن رمضان
استهلى البرنامج بآيه قرآنيه من جهاز التسجيل
ووهي ((شهر رمضان الذي انزل فيه القرآن ))
وبعدها تخرج احدى الطالبات مرتديه دشداشه وغتره ولحيه بيضاء ومعها طبله استعيريه من الموسيقى وتضرب على الطبله بطريقه ابو طبيله وتقول اصحى يا نايم
وحد الدايم
قوم صل
قوم صوم
وسمع كلام بو جسوم ..
وبعدها تسالين الطالبات عن هذه الشخصيه واهميتها في الماضي وثم تقومين بعمل مسابقه للمدرسات في اساله رمضانيه ثلاث فقط علشان الوقت
واذا جاوبت الناظره عطيها هذيه ترى تستانس
وبالاخر اديري جهاز التسجيل على انشوده اسلاميه عن رمضان مثل رمضان اتى واثناء ذلك وزعى على المدرسات بالطابور مطويه من كتابتك يعني صفحتين الاولى نصائح رمضانيه والثانيه طريقه لعمل حلو بارد سهل واذا توفر شريط ايضا معاهم
التوزيع يكون عن طريق طالبتين ترتديان دراعه وبخنق اذا توفر ومعهم سله بها المطويه ويوزعون على ابلات الطابور ويبدون بالناظره والوكيله

مشاركة: برنامج للإذاعه المدرسيه؟؟؟

كل المعلمات يعانون من هالاذاعة اللي ما لها معنى و اي شي انسويه ما يعجبهم بعد

يا ريت لو يصير هذا الموضوع مرجع لنا بحيث كل وحده اتحط لنا افكارها و الاحتفال بالمناسبات شنو ممكن انسوي بالاذاعة لهذه المناسبات مثل:

رمضان ما قصرت اختنا ظلال القران .

يوم التخضير

يوم القرقيعان .

يوم المعلم .

يوم العلم من اجل السلام .

العيد الوطني و التحرير

الحج

ما ادري بعد يمكن نسيت شي

نبي افكاااااااااااااااااااااااااااركم !!

مشاركة: برنامج للإذاعه المدرسيه؟؟؟

مشكوره اختي ظلال القرآن وماقصرتي الصراحه حلوه فكرتج.
واختي سنع ومنع اي والله ياليت البنات يحطون افكارهم .

مشاركة: برنامج للإذاعه المدرسيه؟؟؟

و آنا بعد أضم صوتي حق خوااااتي الحلوات و أقول يا ليت تحطون أفكاركم حبيباتي بنيات الكويت

مشاركة: برنامج للإذاعه المدرسيه؟؟؟

في فكرة ( أطباق شعبية ) تلبسين بنات لفات و عبي و بنيات أصغر بخانق و تقعدينهن ثلاث مجموعات على بساطات و يدامهم شوية مواعين قديمة و تمر عليهم بنت لابسة دراعة و تسألهم وحدة وحدة و تقولهم شمسويتلنا يما اليوم فيكون الجواب وحدة من الأكلات الشعبية المعروفة قرص عقيلي .. غريبة ...الخ و تبدا تشرح شنو تستخدم فيه طحين .. طحين نخي ...الخ و بعدين توزعين طبق فيه تنويع من الحلويات أو الأكلات الي قلتيها و تعطينها حق الناظرة و الوكيلات و رئيسة كل قسم مثلا هذا و السلام عليكم و رحمة الله و بركاته أرجو اني أكون افدتكم و لو شوية لأنكم حبيابي و تستاهلووون

مشاركة: برنامج للإذاعه المدرسيه؟؟؟

شدعوى لهالدرجة البرنامج الي كتبته بايخ ما كو و لا تعليق مع هالعدد من القراءات
زعلتوني

مشاركة: برنامج للإذاعه المدرسيه؟؟؟

بنات تكفوووووووووون

عندي برنامج اذاعه يوم الثلاثاء الجاي


وابي برنامج يكون خاص للمرحله الابتدايه ويكون موللبنات لا ابي حق الصبياااااااااان

وياريت لو كان خاص في اللغه العربيه تكفوووووووووووووووون

مشاركة: برنامج للإذاعه المدرسيه؟؟؟

انا لوعة جبدي يوم الاذاعة والمصيبة انا مدرسة انجليزي وشنو ما اسوي او ابدع محد يدري شنو قاعد يصير احبااااط المسابقة تخلص واوزع الجوائز ولا احد درى عن هوى داري

مشاركة: برنامج للإذاعه المدرسيه؟؟؟

لوعة جبدي يوم الاذاعة والمصيبة انا مدرسة انجليزي وشنو ما اسوي او ابدع محد يدري شنو قاعد يصير احبااااط المسابقة تخلص واوزع الجوائز ولا احد درى عن هوى داري

أنقر للتوسيع...

نفس الحاله .. ريفيل إذا عندج أفكار حلوه للإبتدائي بليييييز ساعديني توني فرش ..

ما عندي سوووووووووووووووووووووووري

يبون رقص وطقطقة وأبهار

وإلا مادة تستفيد منها الطالبة أنسى

والله ماله داعي كل هذا

حملونا هم فوق همومنا

وانا عد اضم صوتي للاخوات وابي برنامج اذاعي حق صبيان وخاص لمادة الاجتماعيات ....
عندي فكرة ... كل وحدة تشوف برنامج يعجبها تكتبه لنا علشان الكل يستفيد ..

بالنسبة لي كان عندنا اليوم برنامج اللغة العربية وهو عبارة عن قصة يمثلها صبيان لابسين لبس القطوة والارنب والنمر والابلة كانت تقرا القصة واهم يمثلونها ..



وبانتظاااااااركم