وين السنعات اللي يساعدوني,,

tota in indiana قال:

نفس الدقوس العادي بس بجدر ثاني ذوبي صبار بعدين شخلي و قطي داخل الدقوس

أنقر للتوسيع...

الغاليه نونو قال:

مااطلبتي شى ياقلبي شوووفي طريقتي بدقوس الصبار وسويه مثل ماعلمج وبالعافيه علي قلبج"


المقادير اللي بعطيجياها خق جدر صغير وانتي بكيفج اذا تبين اكثر تقدرين تزيدين المقادير براحتج


اول شى يكون عندج صبار منقووع بطاسه خليها علي كتر

ثاني شى تاخذين بيديانه متوسطه وتغسلينها زين وتلفينها بقصدير وتقطينها بالفرن تشوينها ليما اتمخمخ زيييين

عندج ثوم مدقوق ونص مكعب ماجي وملح

الطريقه ياامحفووظة السلامه عقب مااتشوين البيدياانه تطلعينها من الفرن وتشيلين القصدير تالي تخلينها تبرد اشوي وتشيلين القشره اللي عليها وتاخذين قلب البيديانه وتهرسينه بيد الهاون تلعنين والدينها الوالدين من الهرس هههههههه

واتيبين الصبار المنقووع وتفركينه بيدج طبعا تكونين لابسه الدسوس ملوت الطبخ واذا ماتبين تلبسين كيفج"

تفركييييين الصبار ليش؟؟؟؟؟؟ علشان نبي نفصل الطعام عن الصبار
وتالي تاخذين الجدر مااااااال الدقووس اللي بتطبخين فيه وتشخلين الصبار بالجدر .......اش صار عندج بالجدر الحيييييين؟؟؟؟؟؟

بس ماي الصبار قطي عليه نص مكعب الماجي والثوم وشبي النار الهاديه تحته وتالي قطي عليه البيديان وحوسيه خل يخنلط كله مع بعض واذااا شفتيه خاثر واااايد زيديه اشويه ماي واذا تبينه خاثر خليه مثل ماهووو"

وبس وسلامتج وتعيبشين هذاااااااا دقوس الصبار يمه وهني وعافيه علي قلبج

حطيه عالنار الهاديه وشخلي الصبار بالجدر

أنقر للتوسيع...