الكيكه السحريه او كيكه الكاسترد :
سميت ب هالاسم لان نسوي
خليط واحد وبعد ماندخل الفرن
تصير مكونه من ٣ طبقات مختلفه القوام
المقادير :
٤ بيضات
فانيلا
ثلاث ارباع كاس سكر بودره
ثلاث ارباع كاس طحين
نصف كاس زبده ذايبه = اصبع زبده
ملعقه طعام كبيره ماء
ملعقه صغيره باكنج باودر
٢ كاس حليب سائل دافي
نصف ملعقه صغيره خل
الطريقه :
يفصل البياض عن الصفار
ناخذ البياض ويضاف له الفانيلا و الخل و نخلط لين يصير عندنا قوام كريمي ابيض تقريبا ٣ دقايق لين يتحول ل كذا
نحطه ع جنب
ناخذ الصفار في اناء ثاني و نضيف له الخل وفانيلا مره ثانيه
ونحط معاه السكر و نخلط عدل
بعدين نحط الزبده الذايبه مو حاره!! ذايبه و فاتره ونحط ملعقه الماء ونخلط بعدين ننخل الطحين و الباكنج و نحطه ع الخليط ونخلط
بعدين نضيف الحليب ونخلط
واخيرا نحط بالتدريج خليط بياض البيض و نخلط حركه الملعقه من تحت ل وفوق راح يتكون خليط سائل اشبه ب خليط البان كيك بس اخف شويه
وفيه تكتلات صغيره عادي مافيه مشكله
مانكثر خلط حتى مايطلع الهوا اللي داخل
نحطه في صينيه مو مفتوحه القاعده لا ماتصلح لان الخليط سائل جدا
صينيه ندهنها بالزبده و نرشها بالطحين حتى ماتلزق
تدخل الفرن ع درجه حراره ١٥٠ لمده من ٥٠ دقيقه الى ساعه تقريبا
نطفي الفرن بعد ماتنضج ونخليها فيه لمده ساعه تبرد
بعدين في الثلاجه لمده ٣ ساعات
تزين بالسكر بودره و تقدم وبس بالعافيه
انا طلعت الطبقه ١ جدا ضئيله مو باينه بشكل واضح بس عادي الطعم حبيته حلوه وحلاها خفيف يعني مو حاليه وتختلف عن باقي الكيكات طعمها قريب من الكاستر للي يحبه
للمزيد من الوصفات زوروا موقعنا مطبخ كويتيات
