بليز ابي حد يسمعني بنفجر :(

السلام عليكم

ابي حد ينصحني او يسمعني .. والله اني قاعدة اكتب وقلبي يتقطع تقطيع .. احس اني بنهار خلاص

البنت اللي كنت اضن انها رفيجتي وتحبني وقفت ضدي مع بنت ثانية .. كانت تضحك وكنها تتشمت علي لما كانت البنت الثانية تزفني وتسمعني كلام جارح .. وكل هاي عشان شنو .. شي ما سويته بالشغل .. والله العظيم ما كنت اعرف عنه وانا ويشهد علي ربي عمري ما ماطلت أو تعمدت هالشي كنت اظنها ع الأقل بتهدي الموقف بس اهي العكس تماما وقفت مع الثانية بس لانهم من نفس الجنسية ..مدري العرق يحن يمكن .. هاي ثاني مرة اتهاوش مع ذيك البنت والمرة اللي طافت همن وقفت مع ذيك البنت بس انا بعدين ومع الأيام سامحتها ونسيت الموضوع ..قلت تتم البنت رفيجتي .. وحتى اني كنت اشتغل شغل رفيجتي بس لانها مضغوطة بحياتها وانا صج حبيتها كأخت وقلبي ما يتحمل أشوفها تتعب وتتبهدل .. والله العظيم بغيت اصيح من هالموقف ما عرفت أدافع عن نفسي لان ذيك البنت ما عطتني مجال اتكلم حتى .. هالشي صايرله اسبوع وللحين لساني ما جا ع لسانها وكل ما تشوفي تعطيني ظهرها وتتم تكشر بويهي .. لا وتطرش ع جروب الواتس اللي بين كل الموظفات أوامر لي .. يعني حتى مو باسلوب محترم لا .. بأسلوب أمر .. هاي واحنا كلنا بنفس الوظيفة وما في حد أعلى من حد .. قولولي شسوي مع هالناس ؟؟

ونسيت اقولكم شي ..وصلني امس بالليل ايميل من رئيستنا بالشغل .. أن هالشي اللي ما سويته لازم اخلصه خلال يومين ويوصلنا لحد عندها .. بالله شدراها بهالشي ؟ اذا تواصلنا معاها محدود واااايد .. انا ما عندي مشكلة بالشغل ابد دوم اخلص شغلي وشغل غيري ولا عمري عايرت حد او حسسته اني متثاقلة ودوم الابتسامة ما تفارق ويهي .. بس ما قول الا حسبي الله ونعم الوكيل