ارجوكم اللي تعرف دكتورة نفسية مجربة تدخل وربي تعععععععبت :(

حياتي لا تنطرين احد ، دشي جوجل وكتبي وانشاله بتلقين

حبيبتي ماانصحج بدكاتره تقربي من ربج اقري القران اقيمي ليل وادعي واستغفري وحاولي تنسين يعني لابديتي توسوسين استغفري والله يشفيج ويشفي كل مريض

وعليكم السلام
انتي مو محتاجة دكتورة نفسية
محتاجة يد توصلج لذاتج
كل انسان تجيه فترة يفقد ثقته بنفسه وينطوي بروحه بس هالشي مو معناته انه مريض
من سنتين وانتي على هالحالة ؟؟ هل مريتي بتجربة او ظروف ساعدت بهالشي؟

أول حل أخلصي نيتج لله بالشفاء وتوكلي عليه
ثانيا حاولي دائما أنج ماتقعدين بروحج خلج مع الجماعة وابتعدي عن العزلة
افرشي سجادتج وابجي طلعي كل اللي بقلبج لله
اقعدي مع انسانة قريبة منج ..اخت..صديقة..أم ..انسانة تسمع لج وتساعدج مو تحبط او تفضح
اشغلي وقت فراغج ..توظفي ..استغفري ..مارسي هواية تحبينها
ترى كل الكلام سهل والحل أسهل بس محتاجة أحد يساعدج ويطلعج من هالجو
ترى الدكتور النفسي بس يسمع لنا واحنا محتاجين احد يسمع لنا عشان نرتاح
أتمنى يكون كلامي واضح يااختي بارك الله فيج
::
أسأل الله العظيم أن يشرح صدرج وييسر أمرج ويخرجك من حلق الضيق إلى أوسع الطريق يارب العالمين

قبل لا جاوب بسئلج

انتي بدون سبب جذي ولا بيتكم في مشاكل ؟؟


شلون علاقتج بأهلج ؟؟

عندج رفيجات

تدرسين اداومين؟؟

قريت موضوعج وردود

حرام دام مافي سبب ليش الوسواس ؟

بشوف اذا حصلتلج دكتور ادزلج

رحتي لمطوع يقرا عليج ؟ تقولين فجأه تغيرتي وتحسين انج انسانه ثانيه

مرضج روحي والله اعلم

روحي لمطوع

دكاترة النفسيه مامنهم فايده وديري بالج أدويتهم مو زينه ادمان !

انتي اللي فيج مب نفسي صدقيني

الله يشفيج

روحي للحداد او شيخ ثقه راح ترتاحين وكثري من الاستغفار والاذكار راح ترتاحين لان ذكر الله بلسانج واحفظ الله يحفظك

الله يشفيج حبيبتي ، ماعندي فكره
بس بقولج شي، محد يقدر يغير مزاج الشخص ونفسيته غير الشخص نفسه، ضغطي على نفسج
يعني تفكرين بفكرة ابعديها بجهد كبير شوي شوي بتروح عنج، تجاهلي الوساوس وتجاهلي العزلة والاكتئاب والتفكير الكثير
واذا حاسه ان الموضوع فيه عين او حسد ارقي نفسج دايما يمكن حد حاسدج على سعادتج
بس لا تحاتين وايد وتركزين على الموضوع ممكن يكون مجرد هرمونات