ابرة الظهر

حبيبتي مبروك الحمل و ابرة الظهر اشوفها صارت عادي و الاغلبية قامو ياخذونها بس انا ماخذيتها بصراحة و اللي اعرفه انها تخدر جسمج من بطنج و تحت و ماتحسين بالطلق بس ساعات ما تضبط على حسب الجسم والله يسهل عليج

اخذيها وماكو الا العافيه احسن من الكمام عالاقل تكونين بوعيج وهم مالها اضرار عالجنين نفس الكمام او المسكنات الثانيه

أنا اخذت ابرة الظهر ممتازة و تكون بوعيج طول المدة أخذتها بالمواساة و ما منها ضرر ان شاء الله

الله يتمم عليج يا رب و يبلغ بالمولود
ما عليها خوف توكلي واخذيها

نفسي سؤاااااااالي

انا هم بجريه و ناويه اخذها إن شاء الله

دشيت استفيد

اخذتها مرتين اول مره مشت معاي ثاني مرة رفعت ضغطي وندمت اني اخذتها

انا اخذتها بولدي بجري


وهالمره مفكره اخذها



ماحس لها ضرر

احسن من الكمام

انا اخذتها بولادتي الاولى

ماكان لها ضرر الحمدلله

بس لاني بجريه وماكنت احس بشي

ماعرفت اسوي بوش وادفع

عشان جذي شفطوا ولدي

وصار فيه صعروره

عمره الحين سنتين وماراحت من راسه

عشان جذي ما انصح فيها

وبولدي الثاني خذيت كمام والحمدلله الله يسر ولادتي

الحمدلله توني والده و خذيتها

عطوني الابره اول ما انتظم الطلق وصار قوي
ماتعور بدخلتها الحمدلله مجرد نغزه خفيفه وتحسين شي بارد
ثواني وتشوفين ريلج والجزء اللي تحت كله ينمل وبس جنج جذابه ماكو طلوق ولا شي
قبل الولاده بساعه خففو عني المسكن عشان احس بريلي شوي و اقدر اسوي بوش معاهم ..
كنت احس بعوار الطلق بس ماحسيت بشي غيره لا الشق ولا الخياط
مجرد خفووه عشان اساعدهم وتطلع الياهل اسرع
انصح فيها حيل

منو جربت الابره بالقيصريه تفيدنا انا جربت القيصريه بس تخدير كامل و هالمره الدكتوره تقولي نصفي ابرة ظهر ميته خوف و ابي تجاربكم