معنى العذاب انك تحب واحد ميت المشاعر</3

معنى العذاب انك تحب واحد ميت المشاعر


هذي انا وهذي حياتي ابديها كل يوم بعذاب وانهيها بدموع على مخدتي اتالم بوحدتي واللي حولي محد فيهم يهتم لو تعبت لو تعورت لو مرضت محد يسال صبرت وكثير صبرت وصبرت وصبرت على ظلمهم كرهت حياتي حطموا امالي وطموحي حطموني عذبوني، كنت احاول أكتم الحقد والكره بقلبي وأبدله بابتسامه مؤ من القلب احاول أتأقلم معاهم افهم طبيعة حياتهم بس للأسف قلوبهم داخلها حقد، كره، شر، غيرة، حسد، كانوا يكسروني بكلامهم الجارح وأحاول اتناسى بس لهدف أبي أوصل له مرات اتمنى أني ما انولدت ومرات ادعي عليهم كنت اقنع نفسي كل يوم أبدا بداية يديدة وانسى الماضي والعذاب اللي مريت فيه كنت اقنع نفسي أن ابوي بيتغير كنت اقنع نفسي باني احبه وانه ابوي مهما يصير اسامحه يمكن بيوم من الأيام بيحس وبيهتم لكن خلاص اليوم مابسكت على ظلم مرة ابوي

تحملتها وايد وكلما تكلمت عن امي بكلام جارح اروح لغرفتي واسجد لربي لعل يعطيني من الصبر اكثر لعل ابوي يتغير

انا اسمي نورة اليوم دخلت 18 اليوم انا بروح لامي وحشتني وايد اليوم ببدأ أنفذ وعدي اليوم ببدأ بداية يديدة اليوم اول خطوة لبداية النهاية للي ظلموني راس الحية يدتي وعمامي،، وعماتي،، وابوي والساحرة مرة ابوي

مابسكت عن اللي سووه بأمي راح انتقم انا اللي فيني كتلة بقلبي من الكره باللي سووه منعوني عن امي سنين صرت اشوفها مرة ب4 اشهر بالسر مايدرون أن امي رجعت عشاني، اليوم انا بطلع اليوم انا بشوفها ومعاد يهمني يسوون اللي يسوونه اليوم بشوفها يعني بشوفها ومحد بيمنعني

لبست عباتي ونعالي اللي شوي وبيتقطعون شفت النعال اليدد وابتسمت رميت نعالي القدم ولبست اليدد طلعت من المخبأ فلوس اخذت 200 دينار انتبهت للاسوارة اللي اهدتني اياها امي قبل ثلاث اسابيع لبستها وخبيت الأغراض بالمخبأ اللي كانوا اكل وفلوس وملابس كلهم من امي كنت اهرب الاغراض معاي ومحد كان منتبه هههههه

صحيت من سرحاني على صوت الساحرة (نوال) تناديني ركضت بسرعة لتحت السرير ومديت ايدي وأخذت التلفون كان هدية من امي ما كان احد يعرف كانت تدق علي الساعة 2 بالليل وقتها الكل يكون نايم وكانت تعبي لي كل ثلاث أيام رصيد طلعت من غرفتي وانا ادري أنها بتنفجر لو تاخرت وأنا بقلبي ادعي تنجح خطتي

نورة: نعمم ناديتيني !!
نوال(الساحرة): نعامة ترفسج وينج فيه صار لي ساعة اناديج روحي نظفي المطبخ وليش إنشاء الله لابسة العباة ليكون ماعندج ملابس هههههههه وييع قذارة
نورة: يالساحرة سكت عنج وايد روحي انتي نظفي المطبخ يالبقرة وبصراحة يعني اللي يشوفج يقول لابسة ملابس ههه
نوال بصدمة من نورة وبعصبية مدت أيدها بتعطيها كف بس نورة امسكت ايدها : ماعاش من يمد أيده علي بعد اليوم ويالساحرة اليوم عيد ميلادي وبرد البيت ألاقيه نظيف ولا .. سحبت من جيبها صورة وعطتها نوال وبسرعة همس بإذنها: ولا بفضحج عند الوالد تشاوو يا يا ضفدع وطلعت تلفونها واتصلت بأمها ثواني وسمعت صوت السيارة عند الباب وعطت نوال بوسة بالهوا ومشت وهي تضحك على شكلها المصدوم لما شافت الصورة وانصدمت أكثر لما شافت عند نورة تلفون

طلعت من الباب وركبت السيارة : محسن روح لمحل ....
محسن: حاظر طال عمرج
نورة بنفسها وياء دوركم راح اوريكم الويل يا عايلة الراشد بنتقم منكم واحد واحد بتندمون على كل دمعة نزلت من عين امي بتندمون على كل ليلة أنام فيها بخوف بتندمون على كل اللي سويتوه بأمي..

عند نوال بدون تفكير اتصلت على مبارك
مبارك بملل: نعم يا نوال خير
نوال بتوتر: مبارك متى بترجع ابيك بموضوع ظروري عن نورة
مبارك بعصبية: نعم انتي داقة على وأنا بالاجتماع علشان شئ سخيف
نوال بتوتر وبتمثيل بالبجي: تعال شوف بالأول شنو مسوية بنتك تهددني إذا علمت عنها يا مبارك اهئ اهئ وطلعت من البيت والحيوانة تشتمني وكانت بطقني بس انحاشت لما شفت معاها اغراضها وتخيل لقيت معاها تلفون اهئ اهئ الحق يا مبارك لا تصير فضيحة عند اهلك يقولون انت ماتقدر تربي بنتك وبخبث قالت شفتها تركب بسيارة ريال الحق يا مبارك

مبارك: بعصبية دف الطاولة وانقلبت: نوال انتي متاكده شوفي يا نوال إذا طلع هالكلام لاحد ثاني صدقيني ورقة طلاقج بتوصلج وبعصبية سكر الخط هين يا نورة هين لوين ناوية توصلين لا انتي شكلج بتنذبحين على يدي وبعصبية طلع من المكتب راح لمكتب اخوه جاسم

مبارك: جاسم الحق ياخوي طلبتك ياخوي
جاسم للضيوف اللي عنده: أسف على تصرف مبارك بس ممكن نأجل الموعد بعد ساعة
واحد من اللي قاعدين: لا عادي ياخوي عن إذنك
جاسم بخوف التفت لمبارك: شفيك مبارك تكلم بسرعة صاير شئ
مبارك بتوتر: نورة أي نورة الله يأخذها ياليتني رميتها وأفتكيت منها
جاسم: شفيها نورة شصاير تكلم
مبارك: نوال اتصلت فيني قبل شوي قالت شافت نورة معاها اغراضها وتهددها أنها ماتعلم عنها وشافتها وبعصبية ضرب أيده على الطاولة تقول شافتها شافتها تركب مع واحد بالسيارة
جاسم وبصدمة وقف: شنوو
مبارك: طلبتك ياخوي ساعدني ومابي فضايح ابي ألقى ال**** قبل لا ننفضح وتوصل روسنا بالارض
جاسم بعصبية: ماتربت بنتك ويبي لها واحد يربيها من جديد والله يا مبارك لو وصل الخبر لإبراهيم ولا صالح ضعت يا مبارك هذي اخرتها بنت دلال تسوي هالسواة

عند نورة وصلت المحل ونزل معاي البودي قارد اللي جو مع السايق بأوامر من خالي دخلت المحل وأنا متضايقة من خالي لان بصراحة اشكالنا كانت ملفتة بالمحل بسبب الحراس اللي معاي
نورة: عمر وفيصل ممكن تقعدون عالكراسي انا هنئ قدامكم
فيصل: بس انسة نورة اوامر السيد عادل..
نورة بمقاطعة: انا اتحمل المسؤولية والأستاذ عادل مؤ موجود يعني انا اللي أعطيكم الأوامر
عمر: حاظر طال عمرج

موظفة بالمحل: can I help you miss ( هل استطيع مساعدتك انسة ؟ )
نورة: yes please , I want the birthday cake I have order ( نعم أرجوك ،انا أريد كيكه عيد الميلاد التي طلبتها )
الموظفة: ok miss ( حسناً آنسة )

نورة ( التفت ابي اكلم عمر بس تعثرت كنت راح أطيح على ويهي بس فجأة حسيت بالايدين اللي كانت حولي ،غصب عني تمسكت بايده علشان ما اطيح يمه فشلة فشلة ياليت الارض تنشق وتبلعني حسيت شوي وبيغمى علي من الفشيلة رفعت راسي وهني كانت الصدمة ...)

عند الشخص اللي مسك نورة ( طلعت من غرفتي وأنا ناوي أروح لواحد من الربع للمقهى نزلت الدرج وجتني امال مهما يصير مستحيل ارفض لها شئ اهيا دلوعتي ودنيتي ابتسمت لها وضمتني )
آمال: بدوري حبيبي بلييز ممكن طلب
بدر: آمري ياعيون بدوري
آمال: أمم أبي تروح لمحل... وتجيب الطلب لان اليوم عيد ميلاد نورتي
بدر: انشاء الله حياتي من عيوني الثنتين تبين شئ ثاني
آمال: لا حبيبي سلامتك
بدر: الله يسلمج حياتي الا وين اميرة ؟
آمال: بالمطبخ ماتعرفها
بدر: هههههههه عالاقل اهيا سنعة مؤ مثلج الله يعين اللي بياخذج
آمال: بدير جب أصلن الله يعينه أخاف يوقف قلبه لا شافني وغصب عنه يدلعني
بدر: ههههههه اي يصير خير انا اقول من ثاني يوم يقطج علينا مايبيج
آمال: ههههه اي نشوف
بدر: باي حياتي
امال: بأي حبيبي
وصلت للمحل وأنا انطر البنت اللي جدامي تخلص لفت وانا وقفت صنم عيونها مو غريبة علي بس بس ليش احس فيها حزن شفتها تعثرت بس بسرعة مسكتها من خصرها مسكت ايدي وانا أحس اني ماقدر اوقف يوم رفعت رأسها كانت جميلة جميلة شفتها تاشر ورى بس احس ماقدر ألف راسي انبهرت من شكلها استغفر الله نزلت عيوني وبتوتر: ا ا ا اس اسسف
البنت(نورة): لا عادي حصل خير

نورة واهيا متوترة: عمر انا بروح للسيارة وانت أخذ الطلب
عمر: حاظر طال عمرج
بدر لما مشت البنت شفت شئ طايح منها انتبهت انه البوك مالها اخذته وطلعت بسرعة من المحل التفت ادورها شفتها تمشي بخطوات سريعة ناحية الشارع لحقتها شفت السيارة السريعة اللي كانت تمشي ناحيتها حاولت أوصل لها وووووو....

******************************************************************
-شنو راح يصير بنورة؟
-الصورة اللي نورة عطتها نوال صورة منوو؟
-شلون راح يتصرف جاسم ومبارك؟
-هل نورة بترجع للبيت؟

******************************************************************************************************
فاصل تعريفي للشخصيات :

الجد الاكبر(الراشد): كويتي ومتزوج بريطانية(كيت) ومتوفي عنده ولدين راشد ونايف

الجد راشد(أبو جاسم): متعاطف مع نورة وحنون بس زوجته غيرت تفكيره، يشبه ابوه الراشد بس اخوه(نايف) المفضل عند ابوه الراشد لذلك يغار من اخوه(نايف)،عنده خمس عيال : جاسم،إبراهيم،مبارك(أبو نورة)،صالح،مشاعل،سليمان.(عمام نورة)

الجد نايف (أبو عادل): يشبه امه البريطانية عيونه زرق وبشرته بيضاء وشعره اشقر،متوفي عياله خمسة: دانة(أم بدر)، عادل، أم نورة(دلال)، تهاني، فيصل.(خوال نورة)

(( الحين نبدأ بالعمام ))
جاسم(عم نورة): عمره44 حنون على عياله ، عيونه سود ، كان متزوج بنت عمه نايف (دانة) وطلقها عياله بدر،اميرة،آمال

مبارك(أبو نورة): عمره 42 يموت بدلال بس يبين العكس متزوج نوال بنت خالته ويكره نورة لان تذكره بأمها ويطقها اغلب الوقت ومعيشها بعذاب

صالح(عم نورة): عمره 40 خبيث نفس إبراهيم ويشبهه حييل عنده بنتين(منال وريم) تؤام

إبراهيم(عم نورة): عمره 39 خبيث ، عيونه سود، خشمه كبير وطويل ،عيونه وساع ، بالأصح مافيه جمال أبدًا يكره عيال عمه وهو سبب مشاكل طلاق مبارك ودلال (أم وأبو نورة) ودايم يدور أي سبب علشان يطق نورة ،متزوج وعنده بنت (عبير) مافيها شبه من أبوها وولد صغير (مو مهم بالقصة)

مشاعل(عمة نورة): عمرها 38خبيثة حييل وتكره أم نورة(دلال) وتغار منها، عيالها (سلطان)و(روان)

سليمان(عم نورة): عمره33 طييب حييل ورومنسي دايم يدافع عن نورة يموت باليهال ويحب وحدة بس للحين محد يعرفها قريب و بتعرفونها
*************************
(( و الحين نبدأ بالخوال ))

دانة(أم بدر)-(خالة نورة): عمرها40 كانت زوجة جاسم وتحب عيالها حيل عيونها زرق على أبوها نايف ومهتمة بجمالها رغم سنها شعرها أشقر وتحب اخوانها حيل

عادل(خال نورة): عمره 39 له شركته الخاصة يعتبر نورة بنته يخاف على خواته حيل ،مايبي يتزوج وشايل هالفكرة من راسه عيونه زرق ومجسم وملامحه حاده شكله كانه بالعشرينات

دلال(أم نورة): عمرها 38 كانت زوجة مبارك تحب نورة حيل تزوجت بعد طلاقها من مبارك واحد متدين(علي) عندها ولدين(تؤام فهد وناصر) جميلة جميلة جميلة اجمل خواتها عيونها زرق وشعرها طويل اشقر بخصل ذهبية

تهاني(خالة نورة): عمرها 30 قصيرة عيونها زرق شعرها اسود قصير لكتوفها، مدرسة انقليزي ماتحب تتكلم كويتي كلامها كله انقليزي

فيصل(خال نورة): عمره 25 وسيم لأبعد الحدود مجسم عيونه زرق له غمازات حبوب ومرح له سكسوكة ،دكتور
*******************
الشباب والبنات (عيال عمام وخالات نورة)

بدر: عمره 22 رفيج فيصل(خاله) ، الوحيد من أهله وعيال عمه اللي عيونه زرق وساع طالع على امه دانة له غمازات خشمه سلة سيف دايم يسوي بشعره سبايكي بإختصار خقه ومزيون وهو أحلى واحد بالعايلة، ولد عم نورة وولد خالتها بنفس الوقت، كان يحب نورة من واهيا صغيرة بس لما كبرت صار قليل يشوفها ومع الوقت بدأ ينساها بس لما شاف البنت بالمحل تذكر نورة وما عرف شنو السبب!

نورة(بطلة القصة)؛ 18سنة وب الثانوية طموحها تصير جراحة ،بيضااااا وجميلة وايد عيونها زرق نفس امها(دلال) شعرها اشقر، طيبة وحنونة حييل مرجوجة اغلب الوقت اهيا والرباعي المرح عبير واميرة وامال ومنال، جميلة لأبعد الحدود و أي احد يشوفها يتنح وما يقدر يوخر عيونه عنها

اميرة: بنت خالة نورة وبنت عمها بنفس الوقت (اخت بدر)، هادية بس لما تجتمع مع نورة وامال وعبير ومنال تفصل ويصير عقلها اصغر من عمرها، عمرها 20 بالجامعة ، قصيرة وسمرا، حلوه بس مو احلى من نورة وشعرها اشقر بخصل وردية تحب الطبخ ونص يومها تطبخ وتسوي حلويات وتحب المكياج والملابس وعيونها عسلي ،دلوعة

منال وريم التؤام(بنات عم نورة): عمرهم 17 يشبهون بعض وايد منال عكس ريم تحب المشاكل وفاصلة اغلب الوقت تحب تستهبل حتى لو على ابوها او امها عادي عندها، شعرها اشقر قصير بوي صوتها وايد حلو لما تغني عربجية مرات ومرات عادي باختصار جميلة وعيونها عذاب عيونها لونهم ازرق صافي لون البحر بيضا ولها غمازات اما ريم النقيض لمنال وايد هادية ومالها شغل باحد قليل تسولف خجولة وايد شعرها اشقر وطويل وحساسة وبسرعة تزعل وتحب المسلسلات الكورية

امال(دلوعة بدر):عمرها16عربجية وشخصيتها قوية وتحب تستهبل طول الوقت، شعرها اسود ناعم لرقبتها مرات نعومة ومرات لما تعصب أبو الشباب يطلع مايهمها احد وجريئة حييل وتموت باخوها بدر، وطول الوقت مع عبير ماتفارقها حتى معاها بنفس الصف<الله يعين المدرسات عليهم هع

عبير(بنت عم نورة): عمرها 16 بشرتها حنطية مرجوجة نفس امال بس هي زوود دلوعة شعرها طوييل وناعم لونه كستناىي لها غمازات وحتى لما تتكلم بدون ماتبتسم تبين غمازاتها وهذا احلى شي فيها عيونها بني واسعة جسمها رشيق وقصيرة بس مو وايد تبي تصير مصممة ازياء وعشقها الملابس

روان: عمرها 15 (بنت عمة نورة) حبوبة بس مع الوقت ببتغير بتعرفون بعدين، وتموت ببدر (ولد خالها) تكره نورة وتغار منها ححيييل لانها جميلة حييل وتعرف ان بدر يحب نورة، ضعيفة حييل، عادية مو جميلة حيل قاصة شعرها مدرجات لحد رقبتها وتلبس نظارات طبية محلية شكلها تحب تستهبل مع امال وعبير

سلطان: اخو روان عمره 14يحب يرقص هندي ويموت بالممثل الهندي سلمان خان، يستهبل على اخته اغلب الوقت، اسمر وله غمازات محلية شكله يحب الاكل بشكل مو طبيعي يعني مستحيل تمر ربع ساعة بدون ما ياكل ورغم هذا مايبين على شكله انه يحب الاكل

فهد وناصرتؤام: (اخوان نورة من امها) اللي يشوفهم يتصنم من اشكالهم يهبلون كيووت عيونهم سود واسعات شعرهم اشقر كثثيف ماشاء الله ناعم حييل اشكالهم كانهم اطفال اجانب مشاغبين وايد ويحبون يسون مقالب اعمارهم12 والبراءة تبين على وجيهم بس العكس لما تعرفونهم

مافي ردود ليش التحطيم

تابع البارت الاول...

بدر لما مشت البنت شفت شئ طايح منها انتبهت انه البوك مالها اخذته وطلعت بسرعة من المحل التفت ادورها شفتها تمشي بخطوات سريعة ناحية الشارع لحقتها شفت السيارة السريعة اللي كانت تمشي ناحيتها حاولت أوصل لها وووووو....

بأسرع ما عندي ركضت ودفيتها مانتبهت اني دفيتها حيل لدرجة انها طاحت عالارض وبنص الشارع شفتها وقفت شكلها تعورت لان واضح على ايدها جرح رفعت راسي وانا ابي ابرر لها بس تيبست حسيت كل شي حولي سكون ماقدر انطق بس كل اللي اسمعه دق اللي بوسط صدري شفتها لفت وتحاول تمشي بسرعة واهيا تعرج وباعلى صوتي قلت:ن ن نننووورة

نورة كنت حيل متوترة لاني شفته اللي كنت احاول ابعد عنه من سنين ليش ليش بعد كل هذا اشوفه ليش الحين مو وقته اشوفه انا ابي ابعده عني ما ابيه يتاذى بسبتي اذا رجع لحياتي كل شي خططت له بينتهي لازم اروح قبل مايعرفني بسرعة ركضت ابي اركب السيارة واروح بس مادري حسيت فجأة اطير بالهوا واطيح بالارض شفت ان بدر وخرني عن الطريق بسبته انا للحين حية بس لازم ابعد عنه مابيه يتأذى كنت راح ابجي من عوار ايدي وريولي قمت بسرعة وابي اروح كنت حيل متفشلة ومتضايقة وصلت للسيارة ابي افتح الباب بس وقفت لما ناداني عرفني عرفني يعني خلاص انكشفت لالا مابخليه يعرفني لفيت عليه وانا اشوفه ملامحه هادية كانه مصدوم انه شافني

نورة: عفوا منو انت !
بدر: نورة شفيج انا بدر
نورة: نعم منو بدر خير شتبي لاحقني
بدر: نورة..
نورة بمقاطعة: اخوي انت غلطان انا مو نورة انت مضيع ،وبسرعة ركبت السيارة
بدر: لحظة نورة نورة نورة لحظة بكلمج
لفيت راسي ورا وانا اشوفه يركض ورانا ويناديني
نورة: محمود بسرعة يلا بسرعة دووس
طلعنا من المجمع واشرت للسايق يروح للبيت، وكلمت عمر وفيصل علشان يدبرون احد ياخذهم وما يدورون علي ولا يخافون، حاولت اهدي نبضات قلبي وتذكرت بدر وشنو كان بالنسبة لي كان دايم وانا صغيرة ياخذني معاه ويلعبني اتذكر مرة عمي جاسم عصب علي علشان كبيت دولكة الماي بدون قصد بدر وقف جدام ابوه علشان يمنعه يطقني كان يبرر لابوه بأني صغيرة هه اه يابدر انت بالذات مابيك تتقرب مني لاني اللي بسويه شي كبير كبير ومابيك تحترق معاهم بالنار انت وخواتك للاسف قلبي مات ولايمكن اني ارجع اللي انت حبيتها صحيت من سرحاني على صوت السايق ينبهني باننا وصلنا نزل السايق وياء لجهتي وفتح لي الباب

محمود: نور البيت انسة نورة
نورة بابتسامة كمجاملة
دخلت البيت واستقبلني خالي عند باب المكتب
ركضت وضميته: بابا عادل وحشتني
عادل(خال نورة): هههههههه وانا اكثر ياروح بابا اخبارج ياروحي
نورة بزعل: زعلانة عليك وايد ليش تخلي عمر ايي مع السايق انا ما ينخاف علي اقدر ادبر روحي
عادل: هههههههههههه إذا ماخفت عليج ياروح ابوج اخاف على منوو شفيها ايدج جي
نورة بتوتر تحاول تضيع السالفة وبمزح: خاف على ماما دانة وماما تهاني
عادل: ههههههه هذول كبار يدبرون روحهم اما انتي دلوعتي ودنيتي ماجاوبتي علي شفيها ايدج
نورة: امم طحت بالشارع
عادل وبسرعة ضمد ايدها وعقمها
نورة: الله لايحرمني منك بابا
عادل: ولا منج ياروحه، باسها على راسها
عادل: نورة ماقلتي لي ابوج يدري انج هني
نورة: لا ، وبتضييع للسالفة قالت بابا وين امي
عادل واهوا ماسك ايدها ساحبها لداخل مكتبه: تعالي قعدي يمي امج بعد شوي بتيي
نورة بضيق: وحشتوني حيل
عادل: افا نورتي بدال ما تبتسمين لانج مع اهلج تكدرين خاطرج ليش
نورة: امم بابا بقول لك شي
عادل واهوا عارف شنو اللي مضايق نورة: شنو نورتي قولي ياروحي ولاتخافين موضوعج بينحل باذن الله
نورة: امم بابا في اشياء مثلن مو زينة بسويها ومابي احمل اللي احبهم المسوؤلية ولا ابيهم يتضررون احاول ابعدهم عني على قد ما اقدر احاول ما اجرحهم او اعذبهم

عادل كان بيتكلم بس دخول دانة(خالة نورة وام بدر) قطع عليه الموضوع
دانة وبمفأجاة: نوررة
نورة: ماما دودي ههههه وحشتيني
دانة: بنت انا اصغر عيالك دودي
نورة: ههههههههه لما اكون متزوجة قولي هالكلام
دلال(ام نورة) دخلت بعد دانة: نوارتي حبيبتي وحشتيني
نورة: ماما وبسرعة ركضت ضمتها
دلال: اهى شفيها ايدج
نورة: امم تعورت
دلال: من شنو
نورة: مو مهم يممه اهم شي شفتج وردت ضمتها
تهاني(خالة نورة): ياسلام وانا ماليhug
نورة:هههههه بلى بس اوقفي بطابور بعد امي وخالتي دانة هههههههههه
تهاني: وجع تعالي سلمي
نورة: بالاول ابي هديتي لعيد ميلادي بعدين اسلم
تهاني باستهبال: ابشري على هالشارب
نورة: ههههههههه
فهد(اخو نورة من امها): يالبى ذي الضحكة
نورة: فهودي حبيبي
ناصر(تؤام فهد): ياسلام وحبيبي بعد وانا الله يرزقني
نورة: ههههههه تعال ياروحي وياقلبي انت
ناصر مسوي نفسه مستحي ويعض اصبعه ويغطي ويهه ويندس ورا فهد
الكل: هههههههههههه
فيصل (خال نورة) واهوا توه دخل: السلام عليكم ماشاء الله الله يديم الضحك يارب
الكل: امين
فيصل: هلا والله بنورة هلا براعية البورش
نورة باستغراب: ههههه اي بورش
دانة ودلال بعصبية يطالعون فيصل لانه خرب المفأجاة
فيصل: اوبس شكلي خربتها مقدر امسك لساني
عادل: ههههههههههه
فيصل ويعطي نورة علبة صغيرة مزخرفة روووعة: هذي هديتي لج بمناسبة عيد ميلادج روحي للباب الخلفي للحديقة، وطلع بسرعة يركض خايف من ردة فعل خواته
نورة قامت بسرعة وراحت للمكان فتحت الباب وانصدمت سيارة بورش باللون اللي تحبه سيارة احلامها ولونها اصفر ومن الصدمة قعدت تصرخ
عادل يضحك على نورة ونورة بسرعة ركضت ضمت امها: يممه احبجج احببج واموت فيج اعرفي هالشي اهتمي باخواني هذي وصيتي
دلال(ام نورة): هووو انتي انجنيتي شبلاج تهلوسين
عادل واهوا مو قادر يمسك نفسه من الضحك: هههههههههه قصدها بنتج هههههههههه اليوم بتروح فيها من الوناسة هههههههه
نورة بزعل: انزين يا استاذ مالي هدية
عادل: وانا اقدر انساج ياروح ابوج هديتج مني ومن امج بعد شوي بعطيج اياها مو الحين
نورة: يوووه ليش التعذيب ليش تحمسني للهدية
امال وتوها وصلت مع اختها اميرة(بنت عم نورة وبنت خالتها دانة بنفس الوقت): ياسلام ياسلام في طاري هدايا وانا بنت البطة السودة محد فكر فيني بيوم ميلادي
دانة: وجع انا بطة سودة
الكل: ههههههههههههه
امال: ههههه السموحة يممة بس انا قصدي شي ثاني
اميرة وامال سلموا على الكل وجلسوا يسولفون وشوي طلع عادل لان عنده شغل
دانة: ها يممه منو اللي جابكم
اميرة: بدر اللي جابنا
دانة: وينه ما ياء يسلم
اميرة: مادري والله يمه بس كان شكله متضايق وقال لي اقول لج انه بيتصل عليج بالليل
نورة سرحت معقولة متضايق من اللي سويته فيه اليوم لا لا ماعتقد يمكن من شي ثاني يووه افف شفيني افكر فيه استغفر الله
امال: نورة يا دبة اخبارج من زمان ماجلسنا مع بعض كلنا
اميرة: اي والله من زمان ما اجتمعنا كلنا مع بعض اي صج نوروة سويت الحلا اللي تحبينه
امال: بصراحة وربي يا اميرة انج فزتي على منال العالم بالطبخ والحلا 24 ساعة بالمطبخ زين اني ما انفجرت بسبتج كل شوي اذوق طبخج
نورة: ههههههههههههه
دانة: امال متى تجوزين عن طبعج هذا
امال: والله يمه شقول لج بس ابو طبيع ما يجوز عن طبعه
الكل: ههههههههههههه
دانة واهيا تدور اي شي يمها تبي تحذفه على امال وامال تمشي بالحركة البطيئة تقلد الافلام باستهبال وتتكلم بطئ وتضخم صوتها: لااااااااااااا
الكل: ههههههههههههه
فجأة دخل احد وغطا عيون نورة الكل ابتسم ونورة تمسك الايد تحاول تتعرف على صاحبها: فيصلوه ماتيوز عن حركاتك وخر يلا
فيصل: ههههههه لا امشي معاي الحين باخذج لمكان
فيصل: يلا وصلنا بطلي عيونج
نورة واهيا تشوف اللاب شغال وموصله بالتلفزيون البلازما ومكتوب كل عام وانتي بخير نورتي وفيه صور وفيديو يشتغل ويعيد الصور كل شوي ومعاه موسيقى اجنبية نورة تحبها وانتبهت بزاوية الصالة في طاولة عليها كيك طبقتين كبار الطبقة الاولى صورة نورة واهيا ياهل والطبقة الثانية صورتها واهيا بالمدرسة كان شكلها رووعة: اه احبك فصولي
فيصل: ادري هههههه
نورة: ملييق
فيصل: مو اكثر منج
نورة: جب
امال بعربجة: سيداتي سادتي حنبدأ مصارعة اندرتيكر وجون سينا
فيصل: جب احمدوه
امال بعصبية لان تكره فيصل لما يناديها احمد لان يعيب عليها بانها ولد مو بنت بسبب تصرفاتها: جب فيصلوه
نورة: هههههههه يعني مو ناويين تخلوني استانس اليوم
امال: لا اليوم ولا بكرة
نورة: يالنذلة تخربين علي وناستي هين مراح اركبج بالبورش
امال من سمعت طاري بورش شوي ووبتستخف: بووررش!!!
نورة: ههههههههههههههههههههههه اي
امال شوي وراح تبجي : لا والله نورة تاخذ بورش وانا بيوم ميلادي اللي جايب ساعة واللي جايب عطر واللي جايب ميدالية ولا بعد ميدالية تلفون نوكيا وانا تلفوني بلاك بيري اهي اهي
نورة: هههههههههههههههههههههههههههههههههههههههههههههه ههههههههههههههههههه
فجأة صوت صراخ بره ركضت نورة تشوف منوو وببرود ابتسمت: هلا والله اكيد ياي تحظر عيد ميلادي فجأة ما حست إلا بطراق بويها

اكمل الرواية ولا لا؟!

البارت الثاني{2}

فجأة صوت صراخ بره ركضت نورة تشوف منوو وببرود ابتسمت: هلا والله اكيد ياي تحظر عيد ميلادي فجأة ما حست إلا بطراق بويها

جاسم(عم نورة و ابو بدر) اذكركم علشان اللي نسى: انتي ماتربيتي ودام ابوج مارباج تحتاجين من يربيج من جديد طالعة من البيت وما استاذنتي من ابوج وراكبة السيارة مع غرب انتي تدرين لو ابوج شافج شسوا فيج عادي لو يشرب من دمج الحين وانتوا ويأشر على بناته ويقول حسابكم معاي بعدين وانتوا ابوها بيرفع عليكم قضية تاخذون البنت من ابوها بدون مايعرف وانتوا عارفين ان ابوها المسوؤل عنها عقب ما ذلفت امها وبعصبية مسك نورة مع ايدها امشي قدامي يلا

فيصل(خال نورة)بعصبية: احترم نفسك يابو بدر الحرمة اللي تتكلم عنها هذي اختي وبحسبة امي اللي ربتني ما اسمح لك تدش عندنا وتهدد وبسرعة سحب نورة من جاسم وخلاها ورا ظهره ودام السالفة بتوصل للمحاكم انت عارف عمي عدل وحساسيته من هالمواضيع لو وصلت السالفة للمحاكم ، وبخبرته كدكتور قال اكيد راح يعصب عمي وبيرتفع ضغطه والسكر ووقتها بيتعب مثل ماتعرف اهم شي عنده سمعته

جاسم: انتوا اللي بديتوا وغلطتوا واخذتوا البنت بدون شور ابوها

عادل(خال نورة الكبير) وتوه يوصل ومن ورا جاسم: وحضرته من يكون ابوها شيخ وانا مادري

جاسم: احشم نفسك ياعادل انت بالذات لا..

عادل بمقاطعه: جاسم اخلص علي شنو اللي تبيه تراني مو فاضي لمشاكلكم

جاسم بعصبية: اللي ابيه نورة ترجع ابوها ثاير ومتحلف فيها الاهل شايفينها تركب مع غريب وهذا اخرتها تجي باردة ومبردة عندكم وبعصبية التفت لنورة ماتقولين منو اللي كنتي معاه ها ها ماتردين يا****

فيصل وبانفعال وبسرعة مسك جاسم من رقبته: كانت معاي انا اللي اخذتها وما اسمح لك تغلط على احد وقدامنا

البنات وبخوف: خالي فيصل

عادل: فيصل اتركه هذا ماهو من طبعنا بنتفاهم بهدوء تيسر ابو بدر وابيك توصل العلم لمبارك ان كان يبي بنته يقابلني بمكتبي نتفاهم وماله داعي السالفة توصل للمحاكم ونورة ماعادت بزر تحاسبونها هي اللي تقرر بعد ما اتفاهم مع مبارك وان كانت تبي ابوها على عيني وراسي سمعن وطاعة نتركها بسبيلها وان كانت تبي امها وبحزم قال محد بيمنعها من امها دامني حي

جاسم بعصبية دفع فيصل عنه: امال.اميرة يلا قدامي بسرعة

عادل بهدوء: ماله داعي هالعصبية ابو بدر بس اليوم بناتك ماراح يطلعون من بيتي واعتقد كافي اللي قلته ولا تنسى اتفاقنا

جاسم تجمد على طاري الاتفاق وبهدوء طلع من البيت بدون اي كلمة

اميرة: بس عممي..
عادل بابتسامة نصر: ولا كلمه يلا دخلوا

التفت عادل وشاف نورة فتح ايدينه لها ونورة بسرعة ركضت ضمته وبهمس مايسمعه غير عادل: متى بفتك من هالعذاب متى انا تعبت يبه تعبت ، قالتها واهيا متضايقة من اللي يصير

عادل ويهمس لها باذنها: قريب يانورة قريب بترتاحين ياروح ابوج بس كل اللي عليج تسوينه تقوين نفسج تسوين اللي اقول لج عليه ولا تضعفين مثل هالموقف انا اعرفج تسوين حالج قوية بس انتي متضايقة حيل ولاحظت دمعتج مابي دموعج تنزل يانورة

نورة: مو بيدي والله مو بيدي ليش يسوي فيني جي ليش عذبني من وانا صغيرة ولايوم فكر فيني ولا يوم فرحني ولا يوم قال نورة تبين تشوفين امج ويوم اتعب عمره مافكر ياخذني للمستشفى او يشوف شنو فيني وليش تعبت كان بس يجرحني ويطقني على اي شي سخيف وحتى بمنامي ما كنت ارتاح كله اتحلم باشياء مو زينة

عادل واهوا يضمها حيل لصدره: اشش نورة لاتفكرين بالماضي انتي الحين بالحاضر عيشي لنفسج وبس ان كان هو ما فرحج انا بعوضج وان كان ماعطاج من حنانه انا موجود اعطيج عيوني لو تبين وبمزح قال علشان يغير مزاج نورة امشي معاي يلا علشان اعطيج هديتج وافتك من حنتج(ازعاجج) بعدين

نورة بابتسامة: الله لا يحرمني منك بدون هدية ولا مع هدية يكفيني انت اللي اعتبره اغلى شي عندي حتى اغلا من امي بكبرها

عادل وبمزح ضرب نورة على راسها من ورا: هههههههه بعتي امج علشان طاري هدية ياخبلة
نورة بمزح: يووه لازم تخرب الجو الرومنسي اللي كنت بسويه لازم افضفض عن مشاعري اتجاهك مايصير يعني خلاص زعلت دور غيري يحبك
عادل: هههههههه والله انج مو صاحية امشي امشي بس

امال: ماشاء الله اشوفكم مصختوها ماصارت ترى ياروميو وجوليت
نورة: جب يالغيورة
امال: وييع اغار من شنو ياحظي انا اغار من ابو كرش ومنج انتي يا ام شوشة
نورة: جب انا بعرف متى بتعقلين ؟
امال: يجبج كلمة العقل مو موجودة بقاموس حياتي
عادل: هههههههههههههه والله انج صاجة يعني قصدج انج مجنونة
نورة:هههههههههههه كككاك بنص الجبهة
امال بعصبية نزلت نعالها وتلحق نورة ونورة تركض وتضحك على امال وامال تصارخ عليها:انجبي ياحيوانة
وعادل يضحك عليهم

فيصل قرب لعادل وبهمس: عادل لما انت قلت لجاسم عن الاتفاق شنو كان قصدك ممكن اعرف
عادل بابتسامة: ولا شي فيصل ما عليك من هالموضوع
عادل دخل لمكتبه وفيصل ظل واقف بمكانه يفكر شنو كان قصد عادل من هالكلام يعني يخبي علي لالا اخ ياعادل طول عمرك بتظل غامض بالنسبة لي رغم انك اخوي الكبير بس عمري ماعرفت شلون طريقة تفكيرك بس الله يستر الله يستر من عادل

ومر اليوم عليهم بالضحك وسوالف نورة وامال واستهبال تهاني عليهم

صار الليل واميرة بالمطبخ وحتى واهيا عند خالها مشاءالله عليها رغم ان الخدم تارسين البيت بس ماتحب تاكل الا من طبخها، وامال مع نورة بسيارة البورش وفيصل معاهم يعلم نورة شلون تسوق وامال تتحلطم وتتحلف بفيصل اذا ماشرا لها سيارة وفيصل يصرفها ونورة تضحك عليهم

فيصل: نورة انا بروح داخل دقيقة وراح اجي لا تسوين شي لما ارجع واخذج للمزرعة ورا البيت واعلمج شلون تسوقين اوك
نورة بحماس: بسرعة تعال
فيصل راح ونورة وامال ظلوا بالسيارة يسولفون انتبهت نورة ان الحراس افتحوا بوابة البيت شافت سيارة لمبرغيني حمرا استغربت لان ماتعرف احد بالعايلة عنده سيارة لمبرغيني إلا اذا كان هالشخص...

نزل من السيارة بهيبته وشموخه لابس شماغ والثوب الابيض اللي مبرز عضلات ايدينه وبحركة سريعة سحب جواله من جيبه وكان يمشي باتجاه السيارة اللي فيها نورة وامال
امال بصدمة: بدر

نورة من توترها لما شافته يقرب لهم داست عالبانزين بدون ماتنتبه ماحست إلا براسها يطق السكان رفعت راسها بألم وشافت انها دعمت سيارة اللمبرغيني والحمد لله انها جت بسيطة ولا بعدين انذبحت

بدر مشى بعصبية اتجاهم وماكان يعرف منو اللي داخل السيارة وبعصبية قال لما شاف امال داخل السيارة: امال نزلي..
كان يبي يكمل كلامه بس انتبه عليها راكبة بمكان السايق وماسكة راسها بألم وتطالعه بصدمة، امال يوم شافته واقف بدون حركة كانه مصدوم استغلت الوضع وبسرعة انحاشت لداخل البيت واهيا تضحك على شكل بدر

بدر ظل على وضعه خمس دقايق يتأمل بملامحها يبي يتأكد انه ما يحلم هذي هي بلى اهيا نفس العيون نفس الملامح نفس لون شعرها اهيا اهيا نورة شامتها اللي على حاجبها بلى اهيا نورة نورة اللي ياما وياما احلم فيها هذي نورة اللي قلبي طبول لما يشوفها كان النفس انقطع عني لما اشوفها بلى اهيا انا متأكد اهيا اللي يومي اقضيه افكر فيها ولا لحظة نسيتها اهيا حب الطفولة اهيا نورة نفسها بس احلى عن اول

فجأة صحى بدر على اهتزاز شي بايده (حميد)يتصل بك انتبه ان شكله غلط وراح يكلم صديقه بالتلفون: الو هلا حميد
حميد :هلا فيك الا وينك تاخرت الشباب يسألون عنك
بدر :ااااااهه حميد اسف اليوم ماقدر اجي عندكم خالي عادل عازمني وحالف اني انام اليوم عنده وانت تعرفه عدل محد يرد كلمته
حميد: يووه خلاص مع السلامة
بدر: فمان الله

التفت بدر يبي يشوف إذا كانت موجودة ولا لا بس مالقاها رفع تلفونه واتصل على عمه عادل وبلغه انه وصل
ثواني إلا يطلع له فيصل سلموا على بعض وقعدوا بالمجلس يسولفون

عند نورة كانت منسدحة عالسرير بالغرفة وماسكة قلبها من الخوف ماتدري شلون وصلت للغرفة كانت تحس رجولها ماتقدر تشيلها تحس كأنه ماي بارد انكب على وجها شالصدفة اليوم شافته بالمحل وقالت ان اهيا مو نورة يعني الحين شافها وخلاص عرف انها اهيا يعني بيرجع لحياتها يعني خلاص حبه دخل قلبها لا مستحيل بس ليش لما شفته واقف قريب يمي حاولت انزل من السيارة بس نظراته احرقتني تفحصه لي خلتني احس بالبرد وقشعريرة ، قلبي مو راضي مو راضي اني اروح عنه الحمد لله انها يات منه وراح عطاني فرصة اني اتنفس واروح عنه

فزيت من مكاني على صراخ اميرة: بسم الله الرحمن الرحيم اميرووه ووجع خرعتيني
اميرة واهيا تقعد جمب نورة عالسرير: بسم الله عليج شايفة جني قدامج الا اقول شفيج اليوم بس سرحانة اعترفي تفكرين بمنو
نورة: جب ياحمارة ما افكر باحد
اميرة: مالت عليج عبالي تفكرين بفارس احلامج او راعي بقر عالاقل هههههههه
نورة: راعي البقر خليه لج هههههه
اميرة: وووه فديت راعي البقر حقي
نورة: هههههههه اي تفديه تلاقينه هو الوحيد اللي يشجعج عالطبخ علشان يملي كرشته هههههههه
اميرة: جب يلا عاد مو على راعي البقر حقي ووه متى يجي بس علشان اعبي كرشته اهو والبقر معاه
نورة: ههههههههههه من صجج والله انج خبلة هههههههههههههههه
اميرة: اقول امشي معاي اذوقج طباخي
نورة: ههههه مابي خليه بعد شوي الحين ابي اتصل على عبير ومنال وحشوني وايد عطيني فونج علشان ادق عليهم اي صج وانتي طالعة نادي لي امال ضروري

امال: فديت اللي يبيني المهم ترى خالي فيصل شاف السيارة وعصب يقول هذا اول يوم وسويتوا بالسيارة جذي عيل بعدين شنو بتسون بتطحنونها
نورة: ههههههههه والله ما انتبهت
امال: المهم وشبغيتي علشان تطلبيني
نورة: اي ابي اتصل على منال وعبير
امال: اي دقي والله وحشوني

عند منال (بنت عم نورة)
إذا ناوي تروح ابفهم وين اروح تخليني اعيش بعدك بألام وجروح وإذا عني مشيت وإذا غيري لقيت منو غيرك انا بلقى ياروح الروح(روح الروح) يتصل بك
ريم واهيا نايمة: يووه منال ردي على فونج ازعجني
منال: مالي خلق
ريم: حرام عليج ابي انام ردي
منال بنذالة: مابي كيفي اشوفج صايرة دجاجة هالأيام توها ماصارت الساعة 9 ونمتي اقول قومي مافي نوم
ريم: بليز منال يلا عاد ردي
منال بنذالة قعدت تغني مع النغمة: يعني ترضاها علي تترك ايدينك ايدي تنسى من عايش عشانك ان كان ميت ولا حي
ريم حذفت المخدة على منال ومنال انحاشت واخذت فونها: ألو
نورة: وجع صار لي ساعة ادق ماتردين صج حمارة
منال: بسم الله انتي نورة ولا اتخيل بس على كلمة حمارة عرفتج كليتيني بقشوري الواحد لا دق يسلم ويتكلم مو يسب المهم وحشتيني نونة
نورة: وانا اكثر يالعوبة اخبارج منولي
منال بعربجة: اويييل قلبي ماقدر اتحمل منولي مرة وحدة
نورة: اقوول لاتصدقين نفسج المهم بغيتج بشي
منال: امري عيوني لج
نورة: بالأول ابي ادخل عبير معانا عالخط واقول لكم اوك
منال: اوك حياتي

عبير بتعب:الو
نورة: هلا والله بحياتي وحشتيني
منال: هلا ابوي هلا بالحب بيرو
عبير: قل اعوذ برب الفلق من وين طلعتي انتي
نورة:هههههه شفيج شكلج دايخة انا شابكتج معانا
عبير: اييي امروا بغيتوا شي
نورة باستغراب: شفيج عبير صوتج مو مريحني مالج خلق نفس اول
عبير: لا بس علشان تعبانة والفون ازعجني وقعدني من النوم
نورة:متى نمتي
عبير: من الساعة 3
نورة: احسسسن قعدتي من النوم قومي صحصحي وكلميني بعد شوي
عبير: اوك باي
نورة: باي
نورة: منوول وينج
منال: هلا معاج
نورة:المهم سمعي بغيتج باجر تروحين لبيتنا
منال باستغراب: اي بيت
نورة: بيتنا يالخبلة بيت ابوي
منال: اها بس ليش
نورة: بعطيج ظرف وعطيه نوال وابيج تقعدين عندها ساعة تراقبين تصرفاتها اوك
منال بعصبية: وييع انا بروحي مو طايقة اشوفها خمس دقايق على بعض تبين اقعد عندها ساعة هالشيفة
نورة: بليز منولي عشاني بليز
منال: ااففف امري لله عشانج بس انزين الظرف شلون اخذه منج
نورة: قابليني عند محل....
منال: اوك انزين عبير بتروح معاي
نورة: ايي بتروح عيل ليش بخليها تروح علشان ترفع ضغط نوال ههههههههههههههههه
منال: هههههههههههه ياخطيررة انتي
نورة: المهم حياتي انا بسكر وانتي كلمي عبير اوك
منال: اوك حياتي باي وsee you soon
نورة: باي

امال: نورة انتي متأكدة من اللي تسوينه
نورة: مو بيدي غصب عني انا بس انفذ الاوامر مالي حق اتدخل
امال باستغراب: شلون موبيدج
نورة: ولاشي المهم مالحظتي شي
امال: مثل شنو
نورة: مثل غريبة انج مانطيتي عرض وانا اكلم البنات
امال: ههههههههههههه الا صج ماقال لج بدر شي عن سيارته
نورة بخوف: لا يمه اخاف معصب علي ويطلع حرته فيني باجر
امال: هههههههه تستاهلين انتي اللي دعمتي سيارته
نورة: جب انقلعي

-شنو الاتفاق اللي بين عادل وجاسم(ابو بدر)؟
-شنو داخل الظرف اللي نورة تبيه يوصل لنوال؟
-هل بدر راح يقدر يكسب حب نورة خلال يوم واحد؟
-تتوقعون بدر بيصادف نورة وشنو بيقول لها؟

بارت{3}

العصر ثاني يوم نورة راحت للمحل واتصلت على البنات*
نورة: الو منال وينكم*
منال: انا عند محل... الحين بجيج*
نورة: عبير معاج*
منال: اي اهيا معاي الحين*
نورة: اوك انا عند المحل انتظركم*
منال بخباثة تبي ترفع ضغط نورة: لا انتظري نص ساعة ابي اشرب لي قهوة وبعدين اجيج*
نورة بعصبية: منالوه تستهبلين انتي تعالوا الحين انا طلعت من البيت ومحد يدري خلصيني تعالي الحين
منال: ههههههههههه انزين انزين هذي انا قدامج*

نورة التفتت وسكرت الفون شافت منال وطقتها على راسها ومنال تستهبل وتحول عيونها وعبير تضحك على شكل منال*

نورة: اسمعوا بعطيكم الظرف وسلموه لنوال وقولوا لنوال نورة تسلم عليج وتقول شرايج بشغل البيت وترى الظرف هدية مني على تعبج امس يوم تنظفين البيت كسرتي خاطري
منال: ههههههااي والله انج داهية*
نورة: المهم لا تنسون تقعدون ساعة كاملة تحرقون اعصابها ابي اعرف شنو ردة فعلها لما تشوف شنو اللي داخل الظرف*
عبير: والله شوقتيني اعرف شنو داخل الظرف اللي بيرفع ضغطها*
نورة بابتسامة: بتعرفين بعدين*
نورة بنفسها اخ يا عبير لو تعرفين شنو اللي داخل الظرف بتحتقرينها وبتكرهينها طول عمرج*
عبير: نوره وين رحتي*
نوره: هلا معاج بس سرحت شوي المهم عبير ما اوصيج اليوم سوي اللي تبينه وطلعي حرتج فيها*
عبير: ههههههههههه افا عليج بس ماطلبتي شي*
منال: مو كانكم مصختوها*
نوره: خلاص باي بنات يلا اذلفوا شكلها القعده عجبتكم المهم لما تطلعون اتصلوا علي وبلغوني بكل شي يصير*
منال: من عيوني يلا باي*
نوره: باي وبقلبها (يارب تنجح الخطه)

عند بيت مبارك (ابو نوره)منال وعبير وصلو ونزلو من السياره
عبير: ها ندخل*
منال: توكلنا على الله*
عبير: وجاء اليوم اللي بتندمين فيه يا نوالوه على اللي سويتيه بنوره

ضغطت الجرس وافتحت الباب وحده من الخدم :yes miss manal(نعم انسه منال)
منال: عبير هذي شتقول انتي دافوره انجليزي اللي فهمته بس اسمي*
عبير: ههههههه يا حظي قولي مشاء الله وبعدين تقولج شنو تبين*
منال باستهبال: لا تخافين عيني مو حاره عشان احسدج المسيها اذا ما كنتي مصدقة
عبير: هههههههههه مو وقته خلينا باللي احنا فيه*
منال للخدامه: نوال مدري شسمها موجوده
عبير: اقول منال انطمي*

عبير للخدامه: is nawal in the home (هل نوال في المنزل)
الخدامه سكتت شوي وبعدين كانها تذكرت شي :no she is out (لا هي في الخارج)
عبير طالعت منال ومنال نفس الشي وقالت: منال تتوقعينها تجذب*
منال: يمكن امشي نشوف اكيد الضفدع قالت لها تجذب

منال وخرت الخدامه ودخلت وعبير وراها والخدامه تقول بالانجليزي انه مافي احد بالبيت وتركض وراهم وعبير طفشت منها وصرخت باعلى صوتها لدرجه انه نوال طلعت من الغرفه :خلاااااااااااااااص
والخدامه خافت وراحت للمطبخ تشتغل وهي تتحلطم*
راحو منال وعبير للصاله وقعدو ونوال دخلت عليهم بلبسها القصير الفاضح لفوق الركبه بكثير وييييع*

عبير لمنال بهمس: ويع العجوز مصدقه روحها شباب وهي عدت الثلاثينات*
نوال(الساحرة) ربعت ايدينها: خير يايين ما زارتنا البركه*
عبير: يعني بيت انتي موجوده فيه تتوقعين فيه بركه هههههههه*
منال: هههههههااي حلووة ويعني احنا الحين شفناج شفنا البركة تصدقين*
نوال بعصبيه ما عرفت شنو ترد عليهم: خلصو ليش يايين*
عبير ومنال يضحكون وساحبين عليها*
نوال بعصبية: هييييه انا اكلمكم
البنات مطنشين يسولفون*

نوال بعصبية: احاجي الجدار انا
عبير: لا صج اول مره ادري ان الجدار يفهم
نوال: انتي غبية اصلا الجدار يفهم وانتي ما تفهمين
منال: شدراج ان الجدار يفهم اتوقع انتي والجدار نفس المستوى علشان جذي احنا ساحبين عليج لان ما اقدر اتفاهم مع مستوى اقل من مستواي لان بصراحة ماراح تفهمين ههههههههههههه
عبير تضحك: ههههههههههههه
نوال بعصبية: خلصو علي ليش يايين*
منال وقفت وسحبت ايد نوال بقوة وعطتها الظرف ونزلت ايد نوال بقرف: هذا هدية من نورة واي صح عبور شنو بعد قالت نورة*
نوال: شنو هذا وخلصي علي تكلمي ولا اطردكم*
عبير: اقول يالضفدع لا تصدقين ان هذا بيتج ولا تبين اذكرج من وين عمي خذاج هههههههه
منال: ههههههههه حلوة بيرو اي صح ياضفدع ترى نورة تسلم عليج وتقول شرايج بشغل البيت عجبج وترى كسرتي خاطري امس حيل تعبتي وانتي تشتغلين وفكرت اجيب لج هدية*
نوال: طلعوا برا بيتي برا برا وبصراخ بررا*
عبير: والله عاد مالي خلق اقوم على حسب مزاجي اذا مليت بطلع*
منال: اقول مو عيب تضيفينا بهالبس عالأقل من الادب انج تجيبين لنا عصير او ماي او اي شي تضيفينا فيه هذا إذا فكرتي تجيبين هههههههه شكله الادب بعييد عنج ههههههههه
عبير متسدحة من الضحك*

نوال بهستيرية رفعت ايدها تبي تعطي منال كف بس صرخ عليها مبارك(ابو نورة): نووال*
نوال بخرعه التفت ولقت مبارك معصب وبسرعة خبت الظرف ورا ظهرها: ه ه هلا مبارك*
مبارك: تمدين ايدج على بنت اخوي*
منال بخبث وبتمثيل متقن: اي عمي شفت إذا انا تمد ايدها جذي عيل شتسوي بنورة الله يعين نورة عليها*
مبارك بعصبية يطالع منال: مابي اسمع اسم الزفتة ولا ابي اسمع طاريها ثاني مرة*
منال وعبير بصدمة يطالعون بعض*

مبارك بعصبية: ممكن اعرف شسالفة
عبير وتكمل التمثيلية: عمي احنا حبينا نجي نسلم عليك صار لنا فترة ما شفناك ونوال قعدت تصارخ علينا وتبي تطردنا بس علشان قلنا ان لبسها مو حلو تلبسه جدامنا*
نوال: لا تجذبين..
مبارك بعصبية: بس ولا كلمة*
نوال بخوف نزلت راسها ماتبي تشوف تعابير وجه مبارك*

مبارك: امسحيها بويهي هالمرة وانا عمج بتفاهم معاها بعدين وبحدة قال نوال روحي فوق*
نوال بتوتر وبسرعة صعدت الدرج وراحت للغرفة*
عبير: لا عمي احنا الحين بنمشي مالنا قعدة بهالبيت نوال تطردنا وانت معصب علينا
مبارك: يا يبه انا ما كان قصدي اعصب بس تصرف نوال خلاني اعصب وامسحيها بويهي يابنتي ولج مني وعد بعد شوي بخليها تنزل وتعتذر منكم واذا تعرضت لكم او قالت شي قولي لي وانا عمج انا الحين استاذن بروح فوق*

منال تطالع عبير بابتسامة نصر: يلا روحي بشريها*
عبير: ههههههه اوك*

عند نورة وصلت البيت وانا مستانسة وادعي ان تنجح الخطة وقفت اتامل السماء والجو كان خيال محد كان يعرف اني طالعة غير امال اي صح على طاري امال بروح ادخل يمكن احد يكشفني اني طلعت والخبلة تفضحني عاد هالبنت ماتقدر تمسك لسانها رحلت للباب الخلفي والمشكلة لازم امر من عند باب الديوانية طلعت تلفوني بسرعة وعطيت امال رنة علشان تعرف اني وصلت دعيت ربي بخوف ان مافي احد بالديوانية مشيت بخفة احاول اوصل للباب اللي يفصل الديوانية عن البيت بس انخرعت لما سمعت صوت احد وراي صوته مو غريب علي التفت وهني كانت الصدمة*

بدر صحيت من نومي وانا احس اني دايخ ما قدرت انام عقب اللي صار امس نمت الساعة 11 الظهر والحين الساعة 3 العصر دخلت الديوانية وجلست بملل انتظر خالي او بالاحرى صديقي فيصل صحيح انه اكبر مني بس انا وياه تربينا مع بعض دايم انا وياه مع بعض وقليل تلقوني مو معاه انتبهت ان جوالي مو معاي قمت وانا احس بصداع التفت ادور احد ابي حبوب بندول بس انتبهت وتوسعت عيوني يوم شفتها تمشي مثل الحرامية وتحاول ماتطلع صوت حسيت اني اتخيل او اتوهم بسبب الصداع غمضت عيوني بقوة واحاول اصحصح من اللي انا فيه بس كلما افتح عيوني القاها طلعت صوت وابي اشوف اي ردة فعل عليها علشان اعرف اذا كان اللي اشوفه قدامي واقع ولا خيال*

شفتها التفتت لي بخرعة مسكينة شكلي خرعتها بس ليه لابسة العباة وليه تمشي مثل الحرامية وليه ماتدخل من الباب الثاني ليه من الباب هذا اليوم مابتركج يانورة الا اعرف وش سالفتج*

نورة بخوف لا ياربي ليه ليه مواقفي معاه دايم غلط امس دعمت سيارته واليوم يشوفني هنا وانا ناوية انحاش داخل بدون ما يشوفني احد ياويلي اخاف يعرف ويعلم خالي فيصل او بيزفني علشان امس ياربي ياربي سمعت صوت تلفوني يتصل استغليت الفرصة وركضت ابي اوصل للباب بس مدري حسيت باحد يسحبني التفت وشفته ماسكني مع يدي بغيت اتكلم واقول له هدني قبل لا يشوفنا احد ويفكر غلط بس تكلم*

بدر وهو يربع ايدينه بحيث (بينت عضلاته انا استحيت مدري ليه): ابي اكلمج مو ماكلج انا كلما شفتيني رحتي ممكن اعرف وش اللي جابك هنا*
نورة: ا ااا اا م ما عجبني الممر هذاك وق قلت اجرب الممر هذا*
بدر: ههههههه احلفي مراح اغصبج تجاوبين بس راح اعرف السبب يانورة
ودخل ايده بجيبه وطلع شي اسود مدري وش هو كأنه بوك لحظة هذا هذا بوكي يا الله شنو انا غبية ما انتبهت لبوكي بس شلون وصل له*

بدربابتسامة: هذا البوك امس طاح منج بالمحل وانتي طالعة*
نورة بخجل تذكرت لما مسكها لما بغت تطيح: مشكور بدر*
انتبهت لتلفوني يرن: عن اذنك

دخلت غرفة امال وانا احس ان وجهي حار والحمد لله ما صادفت احد بالممر*
رفعت تلفوني(بيروa) يتصل بك*
نورة: هلا بشري
عبير: ياعسل ماسمعتيش الخبرية القديدة يابت*
نورة باستهبال: ايه هيا يابت اوعي تئولي حاقة مش كويسة*
عبير: لأه اسمعي يابت*
نورة: خلصيني قولي*
عبير: انهبلت المسكينة بسبتنا شوي وراح تبجي شوي وراح تبوس ايدي وريولي علشان اسامحها*
نورة: يووو عبير بلا صواريخ خلصيني شنو صار*

بعد 10 دقايق*
نورة: ههههههههههههههه الله ياخذ ابليسكم كل هذا ههههههههه
عبير: اي والله ههههههه نورة انا بسكر شوي وادق عليج نزلت الساحرة*
نورة: اوك باي*

عند نوال صعدت الغرفة وبخوف فتحت الظرف ذابحني الفضول ابي اعرف شقصد نورة شفت صور طلعتهم من الظرف وانصدمت لحظة هذي صوري انا ووليد بالمطعم وبأماكن ثانية ( وليد ولد عم نوال يحبها وهي تحبه بس نوال تزوجت مبارك طمعاً بفلوسه) لحظة كيف قدرت تصورنا سمعت صوت عند الباب بسرعة ركضت وخبيت الصور شفت مبارك يدخل الغرفة وهو معصب*

مبارك: تمدين ايدك على بنت اخوي انتي تدرين لو وصل الخبر لصالح ولا إبراهيم وش صار
نوال: بنات اخوانك قليلات ادب يطولن لسانهن علي*
مبارك: جب ولا كلمة بس علشان قالن ان لبسك مو حلو تلبسينه قدامهن عيب عليك ياحرمة
نوال: لا والله..*
مبارك: جب اسمعي تنزلين الحين وتعتذرين منهن وبصراخ فاههمممة
نوال: والله ما اعتذر لو شنو يصير ما... ماكملت كلامها الا كف بوجها طيحها عالأرض كانت صدمة لنوال لان عمره ما مد ايده عليها متزوجها اكثر من 3 سنين عمره ما مد ايده*

مبارك: انا طالع من البيت روحي نزلي لهم احسن لج*
قبل لا تتكلم نوال طلع مبارك وبعصبية سكر الباب غمضت عيونها بسبب صوت الباب القوي اللي شوي وبيتكسر طلعت الصور: هين هين يانورة ناوية تلعبين معاي هه بنشوف منو يغلب الثاني*

غيرت لبسها وحطت حمرة ورسمت حواجبها ولبست الكعب ونزلت الدرج واهيا تشوف منال مندمجة بالاكل وعبير تكلم بالتلفون عبير سكرت الفون لما شافتها*

عبير: شوي شوي لا تزلقين من فوق الدرج وتتكسرين ونبتلش فيج*
منال واهيا تاكل: ههههههاااي*
نوال مطنشتهم وقعدت تطالع التلفزيون

عبير: اقول سكري حلجج وانتي تاكلين
منال: طسي حدي يوعانة*
عبير: ولا مرة بحياتي سمعتج تقولين مو مشتهية اكل*
منال شرقت بالاكل: كح كح بسم الله علي الله ياخذ ابليسج ما تهنيت باكلي*
نوال: وييع جنه مو شايفة خير ناوية تفضين البيت انتي*
منال وعبير ضحكوا ونوال انقهرت*
عبير: ههههههه يوو تبين اذكرج منو اللي مو شايف خير
منال: والله افضي الثلاجة والبيت كله بيت عممممي وبكيفي*
نوال: نسيتي ان انا زوجته هه
منال: اي تصدقين نسيت لان انتي اللي يشوفج يصير فيه مرض فقدان ذاكرة لان ابد مو لايق انج تكونين زوجة عمي*
نوال: سكت وايد عنكم هين ان ما راويتكم مايكون اسمي نوال*
عبير: اعتبري من الحين ان مالج اسم*
منال: هههههههههههه اه يابطني*
عبير: تستاهلين من البلعة اللي بلعتيها*
نوال: اقول قولوا لنورة مشكورة عالهدية ومردودة ان شاء الله*

عند امال دخلت بخوف للديوانية علشان بدر اتصل علي يبيني و صوته كانه تعبان التفت ادوره شفته باخر المجلس حاط يده على جبينه ويدلكها رحت له وجلست جمبه مسكت ايده بخوف: بدر حبيبي شنو فيك*
بدر: هلا امال لا مافيني شي بس صداع خفيف جيبي لي بندول*
امال: ان شاء الله دقايق وبجيبه*
دخلت غرفتي وانا اشوف نورة يوو نسيت نورة تذكرت اننا اتفقنا لما توصل تعطيني رنة علشان اشوف لها الممر يووو نسيت تلفوني بالغرفة عسى محد شافها اخاف الحين معصبة وتطلع حرتها فيني*
امال: نورة متى وصلتي*
نورة: قبل شوي*
امال: ها بشري وش صار*
نورة: انطري شوي على ماتتصل عبير واقول لج السالفة كلها الا تعالي ياحيوانة ليش ما رحتي للباب لما اتصلت عليج تدرين اني شفت بدر*
امال: على طاري بدر نسيته بروح اودي له البندول حبيبي تعبان*
نورة بخوف: ليه شفيه*
امال: مدري يقول صداع وعيونه حمر والله وجهه متغير*
نورة: قولي له يروح للمستشفى ما ينفع بندول*
امال: مدري عنه بحاول فيه*

دخلت الديوانية وانا اشوفه منسدح ويضغط على راسه يا عمري بدوري شكله ما نام جلست وحطيت راسه بحظني ادلك له راسه وامسح على شعره الكثيف واشوفه يقطب جبينه من الصداع شفت ملامحه هدت شكله نام ياعمري يا اخوي نزلت راسه من حظني وسحبت مخدة وحطيتها تحت راسها وجبت الغطا وغطيته بسته على راسه وطفيت الليت وطلعت مريت عند غرفة امي وشفتها جالسة تسولف مع خالتي دلال وفهد وناصر جالسين يتهاوشون*

امال: مساء الخير ماماتي*
دانة(ام بدر): مساء النور يا عيوني*
دلال(ام نورة): مساء الفل والورد*
امال: اخص اخص يا خالة المزاج رايق*
دلال: ههههههه اي اكيد دام نورتي هني الا صج وينهي نورة*
امال: موجودة بغرفتها بعد شوي راح تجي*
دانة: يمه امال شفتي اخوج ان كان يبي اكل ولا محتاج شي*
امال: اي يمه قبل شوي رحت له بس مايبي ياكل ياعمري تعبان وراسه مصدع*
دانة: وييه ياعمري بروح اشوفه ياعمري يابدر
امال: لا يمه قبل شوي دلكت راسه ونام لا تروحين له تراه نايم
دانة: لا بروح له ولدي تعبان*
امال: ولدج بعد شوي بيصحى وهو مافيه شي نسر واعرفه هههههههه
دانة: بسم الله على ولدي منج*
دلال: هههههههه والله انكم بروحكم سالفة*

جوري ستايل قال:

كمليي كممملي كمملي اب اب اب اب ابب بليزز

أنقر للتوسيع...

مشكورة حبيبتي على الرد<3
نزلت بارت اتمنى يعجبج <3

frawlaa00 قال:

روايتچ روووووعه كملي و موفقة <3

أنقر للتوسيع...

مشكورة حبيبتي وهذا من ذوقج
<3
ان شاء الله تنورين دايم بطلتج <3

البارت (4)

فتح عيونه واهوا يحس الصداع اخف من اول رفع راسه وجلس يتأمل المكان اللي هو فيه انتبه انه كان نايم بديوانية خاله رفع الغطا عنه بخفة ومسح على شعره الكثيف وقف يدور تلفونه ولقاه تحت مخدته سحبه وانتبه ان تلفونه مافي شحن تاافف وهو يمشي بكسل ناحية الباب مسك مقبض الباب البارد وفتح الباب اندفع جسمه خارج الباب حس ببرودة تسري بجسمه التفت حوله كانه يناجي احد يجيب له شي يتدفا فيه لبس نعاله وهو يردد لا إله إلا الله التفت للباب اللي يوصله لمواقف السيارات وهو يحس البرودة تبي تخترق جسمه ناظر حوله وهو يتأمل الجو اخر خيوط النهار وبداية ظلام الليل ينتشر بالسماء

بدر متى صحيت و وين رايح تعال ادخل لا تمرض وانت مو لابس شي يدفيك، التفت لخاله ورفيجه من الطفوله وهو يشوفه لابس الجاكيت الاسود وشاده على جسمه كانه يبي يدور الدفا وبصعوبة وهو يسحب رجوله سحب لناحية فيصل

بدر: قعدت قبل شوي فيصل ابي حبوب بندول وجيب معاك شحن تلفوني طفا هالحين تلاقي ابوي معصب لاني ما داومت اليوم بالشركة
فيصل: سلامتك يالحبيب ماتشوف شر واذا على ابوك ماعليه بيهدا لما يعرف انك تعبان
بدر: الله يسلمك اقول ورا ما تذلف تنادي لي امي
فيصل بمزح: هيي اشوف طيحت الميانة اقول تراني خالك ياولد
بدر: هههه انزين السموحة يالذيب بس بغيت الوالدة ماعليك امر
فيصل: هذا الدرب قدامك تدله ثاني غرفة عاليمين
بدر: ماخبرت انك كسول لهدرجة ههههه
فيصل: كبرنا وانا اخوك والشيب بيملي روسنا بعد سنين هههههه
بدر: هههههه الشيب ماتلاقيه غير من حرمتك ولا الظاهر بتظل عزوبي طول العمر
فيصل: ياعمي وش نبي بالهم خلنا مرتاحين لما الاقي بنت الحلال
بدر: اي بتتزوجه يافيصل وبتخليني بقفص العزوبية
فيصل وهو يمشي ناحية الباب: هههههه وانت عبالك بنساك لا ماعليك بنتزوج بنفس اليوم بنتظر امك تلاقي لك بنت الحلال
بدر وهو يمشي ورى فيصل وبنفسه اه يافيصل وانا مابي غيرها مابي غير نورة

عند اميرة جهزت الكيكة ورشت عليها قطع الكاكاو اخذت كيس الكريمة وبمهارة زينت حواف الكيك وبفرحة نطقت: واخيرا خلصت بعد معاناة
ععادل: هههههههه وانتي ماتملين من المطبخ
اميرة: الله جابك خالي اليوم مراح اخليك تطلع ابيك تذوق كيكتي
عادل: هههههه تامرين امر دام السالفة فيها اكل ومن ايدينج خلاص مابطلع اليوم
اميرة: زين عالاقل بنقعد معاك مو كل يوم قاعد بالشركة ومانشوفك الا مرتين بالاسبوع دام جذي عيل كل يوم بطبخ وبسوي لك
عادل: ههههههه وفي احد يرفض هالعرض خلاص دام كل يوم بتطبخين لي انا موافق
اميرة: صج خالي
عادل: اي ياعيون خالج

تهاني وبيدها قهوتها الفرنسية وبمزح قالت: ما شاء الله طايحين غراميات ببعض اميرة يالحرامية عدول حقي انا وبس
ععادل: ههههههه الله يعينني بس
تهاني: ياسلام وش قصدك

دانة(ام بدر): ما شاء الله مجتمعين هني شتسوون
اميرة: هلا يممه مساج الله بالخير يممه كنت اسوي كيك
دانة: مساج الله بالنور ما شاء الله وانا اقول شهالريحة الحلوة
ععادل: اي طباخ اميرة مو اي شي
تهاني وبتمثيل بالغيرة: يا سلام الحين طباخ اميرة مو اي شي وانا اللي كنت اطبخ لك ماتعطيني حتى لو تعليق او مدح
ععادل: ههههههههه ايا الجذابة انا ما امدحج
تهاني: اي
ععادل: ايا الجذابة امشي قدامي يلا يلا
تهاني: هههههههه انزين خلاص خلاص اعترف اني جذابة
ععادل: ايي عبالي بعد
الكل: ههههههه
ددانة: اقول شرايكم نقعد بالصالة هني وايد برد
اميرة: اي والله انا ذبحني البرد الشي الوحيد اللي مصبرني حرارة الفرن خلت المطبخ دافي
الكل: هههههههههههههه
تهاني طلعت من المطبخ ولحقها عادل جهزت اميرة القهوة والكيك بالصينية وجهزت الصحون والسكين والشوك بمساعدة امها لها وبسرعة اخذت الصينية للصالة اللي كان الهدوء والدفاء تحتويها

ددانة: يممه اميرة تعالي قعدي يمي
اميرة بهدوء نفذت كلام امها وهي فيها الفضول للي بتقوله امها لها
ددانة: يمه انتي الحين كبرتي يمه والحين انتي ماشاء الله بنت سنعة وماشاء الله جميلة ومابقى لج شي عالتخرج
اميرة: انزين يمه شنو قصدج
ددانة بتردد: يمه قبل شوي كلمتني ام سعد اللي اختها الصغيرة معاج بالجامعة
اميرة: اي يمه بس شدخل ام سعد بالموضوع
ددانة: تقدموا لج يبونج حق ولدهم سعد
اميرة بصدمة: بس يمه المفروض يكلمون ابوي
ددانة: اي يمه انتي شفيج توهم ماتقدموا رسمي انا اكلمج علشان تفكرين بالموضوع وان شاء الله اللي فيه خير بيصير وبعدين اذا وافقتي بيكلمون ابوج وبتم كل شي على خير ان شاء الله
اميرة بتوتر: ان شاء الله عن اذنج يمه بروح انادي خالي عادل وخالتي دلال وتهاني
دانة: اذنج معاج يمه ونادي خالج فيصل !
اميرة: اي يمه دزيت الخدامة تناديه

طلعت اميرة وبنفس الوقت دخلت دلال للصالة واهيا تشوف الساعة: يا سبحان الله الوقت صار يمر بسرعة
ددانة: اي انا وخيتج الحين الشتاء الساعة تمر بدقايق
دلال: اخيه هذا قبل كنا بالصيف نتمنى الشتاء وهذا الحين ذخلنا الشتاء وذبحنا البرد صرنا نتمنى الصيف
ددانة: ايي الله يعين بس هووو وين عيالج
ددلال بابتسامة: بعد عمري نورة شافتهم عندي ماخلوني انام خذتهم عندها ونومتهم معاها
ددانة بابتسامة: ياعمري يانورة دايم قلبها حنون

بدر واهو داخل مع فيصل ويمشي باتجاه امه: منو اللي قلبها حنون ومال بجسمه وباس راس امه وخالته احترام لها وبسرعة جلس جمب امه كانه مو مصدق يلقى الحضن الدافي اللي يحتويه من الصغر وانسدح بحضن امه

ددانة: نورة ومنو غيرها
بدر وبنفسه وانا مو ذابحني غير طيبتها

بدر: يمه تعبان
ددانة بخوف: سلامتك يمه عساه بعدوينك ان شاء الله شفيك حبيبي
بدر: راسي احسه بينفجر من هالبرد
دانة: دلال عفيه يبي البطانية وقولي لاميرة تسوي شاي لاخوها
بدر: لا يمه مايحتاج خليج خالتي لا تعبين نفسج
ددانة: هووو يممه شبلاك دلال عفيه ماعليج منه يبي لي البطانية
بدر واهوا يسحب ايدين امه ويبوسهن: الله لايحرمني منج يمه
ددانة بحنان تمسح على شعره الاشقر: ولا يحرمني منك يا يمه
فيصل: دانة ماعليج منه تراه يتغلى تسذوب اعرفه الحين بيكسر رجولج من راسة الثقيل
ددانة: ههههههه ماعليه حتى لو انه يتغلى يفداه حظني
بدر يغيض فيصل ويظلع له لسانه
فيصل: ايا اللي ماتستحي تراني خالك
بدر: ههههه تستاهل انت اللي تدخلت بيني وبين امي ههههههههه
فيصل: مالت عليك بس

دخلت دلال ومعاها البطانية ووراها تهاني معاها ماكنتوش دقايق ويتبعها عادل وتهاني تصب القهوة لهم
ععادل: الا وين نورة والبنات وفهد وناصر ويين
ددلال: نورة نايمة بعد عمري اخوانها ماخلوني انام اخذتهم عندها وسهرت معاهم امال لحد ماناموا واميرة قبل شوي طلعت للمطبخ تسوي شاي لاخوها
ععادل: اها عيل جذي اليوم بس للكبار هههههه
فيصل: انا وبدر واميرة وتهاني بره الموضوع اما انت ودلال ودانة الله يستر عليكم
دخلت اميرة ومعاها كاسة الشاي وعطتها اخوها وبهدوء طلعت من الصالة الوحيد اللي انتبه التوتر على وجه اميرة هو عادل

ععادل: انا بروح اقعد البنات
وقف بهيبته ومشى ناحية غرفة اميرة وبخفيف ضرب الباب
اميرة: منوو
ععادل: انا خالج
اميرة: حياك خالي حياك
فتح الباب ومسرع ماتنفس العطر اللي يملي الغرفة واللي يدل على ذوق صاحبه الرفيع جلس على السرير واشر. لها تجلس جمبه راقبها بعيونه وهي تتحرك بهدوء ناحيته وهي منزلة راسها

ععادل: شفيج يبه في شي مضايقج اميرة
اميرة: لا خالي بس خايفة
عادل: ممن شنو خايفة
اميرة: اتصل على ابوي ومايرد
ععادل: لا يبه اكيد نايم او مشغول مافيه الا العافية ان شاء الله يلا امشي معاي
اميرة: ان شاء الله خالي شوي وبنزل لكم ابي ادز له مسج علشان اذا شافه يتصل على ابي اتطمن اخذ الدواء ولا لا؟
ععادل: دواء !
اميرة؛ اي حبوب الضغط صار له شهرين ياخذهم
ععادل بضدمة طلع. من الغرفة بهدوء

ددخل غرفة نورة وامال وحس بالقشعريرة بسبب البرودة كان المكيف شغال راح بسرعة طفا المكيف وبصراخ: يلا قوموا
نورة فزت من الخرعة: شفيك خالي شصاير
ععادل: منو اللي ششغل المكيف
نورة: والله مادري خالي انا نمت وكان طافي يمكن امال
ععادل: انا بنزل تحت لكم خمس دقايق اللي ماينزل ياويله
نورة: خالي تكفى انت قعد امال
ععادل: انتي قعديها
نورة: يووو امال لو تنفجر جمبها قنبلة ماتقوم
ععادل واهوا طالع ضحك على كلام نورة

عند مبارك(ابو نورة)
قاعد بمكتب جاسم اخوه ينطره متى راح يدخل مل من القعدة وقف يبي يطلع بس جاسم دخل جلس على الكرسي مرة ثانية وبهدوء يراقب خطوات اخوه وملامحه التعبانة
مبارك: عسى ماشر ياخوي شفيك
جاسم: ماشر وانا اخوك مافيني شي
مبارك: بس وجهك مايبشر بالخير دام انك تعبان ليش مداوم روح ارتاح
جاششم: مافيني شي بس صداع خفيف ان شاء الله بعد ساعة بطلع انا مشغول الحين
مبارك: كلمت عادل؟
جاسم: لا احسن حل خلها عند خالها لما تهداا الامور
مبارك وبعصبية: شلون اخليها ال**** ومنحاشة من البيت
جاسم بحدة: مبارك خلاص قلت لك خلها عند خالها
مبارك: انزين وعيالك مابتاخذهم
جاسم: انت قلتها عيالي وانا بخلي عيالي عند خالهم مثل مايبون
مبارك وباستغراب من اخوه: براحتك يلا عن اذنك
مبارك واهو رايح باتجاه مكتبه هين هين يانورة انا اعرف شلون بردج وغصب عنج

ابع...

عند امال كنت نايمة بس فجأة حسيت بشي بارد على وجهي فزيت من نومي بخرعة وشفت نورة معاها صحن كبيييير وفيه ماي بارررررد صرخت عليها بعصبية ورميت بطانيتي بعصبية ابي الحقها قبل لا تنحاش نقزت من سريري وانا ناوية اذبحها هين هين يانورة وانا نايمة تسوين جذي والمشكلة ماي بارد مثلن لو تعبت او مرضت وحنا اصلن بالشتاء هين والله لا اوريج انقهرت اكثر وانا اشوفها تضحك وتركض ناحية الدرج مشيت بخطوات سريعة وماهتميت بالبرد اللي احس فيه اهم شي ابي امسك هالنورة مريت من عند غرفة خالي عادل والباب كان مفتوح غريبة خالي مايخلي الباب مفتوح حتى لو يدخل يسكره علشان يشتغل عالاب او ينام صار فيني فضول دخلت ووقفت من الصدمة لحظة هذي شدخلها هني...

ععند نورة نزلت من الدرج بسرعة وانا اضحك خايفة امال تمسكني لان اذا عصبت محد يقدر يهديها بركان هايج ضحكت اكثر على تشبيه امال بالبركان الهايج وتذكرت شكلها لما كبيت عليها الماي تستاهل شسوي فيها نومها ثقيل ماخليت شي وماسويته نقزت جمبها عالسرير وسحبت البطانية منها وصرخت وسويت اشياء واشياء لدرجة فهد وناصر قعدوا من النوم وهي ماقعدت يا الله هالبنت نومها ثقيل بصراحة الله يعين اللي بياخذها التفت لباب اللي على طول يدخلني للصالة ووقفت متصنمة لقيت بدر وامه مقابل الباب يعني يشوفوني بس اشوى خالتي كانت تبوس راس بدر وتسولف معاه وهو منسدح بحضنها مانتبهت لي وخالي وخالاتي بالجهة المقابلة لخالتي دانة وبدر يعني مايشوفوني ابي امشي بس ماني قادرة التفت بدر علي وشافني يا الله احس بطيح على ريولي ابي امشي ابي اتحرك احس خدودي بيحترقون شكلي كان غلط نازلة ولبسي وشكلي يضحك احس ايديني ترجف احس ببرودة تلتف حولي رغم اني كنت متدفية قبل لا انزل احس ابي الحمام هههههه مادري شنو هالشعور بس كنت احس بخوف بس اللي خلاني اتحرك بسرعة واروح للغرفة القريبة للدرج واقفل علي الباب كان صوت صراخ امال الله يستر كل هذا الصراخ علشان بس كبيت الماي عليها وهي نايمة لا مستحيل احس في شي صاير الله يستر من امال سمعت اصوات خطوات خوالي وصوت امي الخايف فديتها امي كانت خايفة علي عبالها امال المتوحشة سوت لي شي هههههههه

ععند نوال كانت قاعدة بالصالة عند التلفزيون وببالها مو معاها كانت تفكر بنورة كانت تبي تتخلص منها للابد علشان تستولي على ابوها وثروته وبعدها تتطلق منه وتتزوج وليد صحت من تفكيرها على صوت تلفونها

نوال ااففف شيبي هالشيبة متى افتك منه بس وردت ببرود: الو
مبارك: ويعه صار لي ساعة اتصل ماتردين
نوال: انا ابي اعرف ليش تعصب علي انا شدخلني تعصب بسبتها وتطلع حرتك فيني شسويت لك انا
مبارك بحنية: اسف حياتي بس تعرفين ضغط الشغل وسالفة نورة مو لاقي لها حل وحركتها يوم تطلع بدوني شوري غثتني
نوال: لا عادي انا عندي الحل اللي يخليك ترجعها غصب عنها
مبارك: بس شلون اذا خالها ماعرف رقمه
نوال بخبث: ماله داعي لرقم خالها تقدر تردها غصب عنها
مبارك: شلون بردها علميني شلون
نوال: بعلمك بس بشرط
مبارك: تمم كل اللي تاامرين فيه بس علميني
نوال: دام جذي اتفاقنا .....

عند اميرة كانت تشوف امال معصبة وتضرب الخدامة اقوى ماعندها حاولت تبعدها حاولت تكلمها بس ولا فاد امال لما تعصب محد يقدر يوقفها عند حدها تسوي اللي مايتسوى ياربي شسوي الحين الحرمة بتموت بين ايدينها دخل عادل وفيصل وبسرعة سحبوا الخدامة من بين ايدينها كان ويها كدمات ازرق وماغير خشمها يصب دم وامال تصارخ اتركوها اتركوها هال***** انا بعلمها هين هين والله لا اوريج والخدامة بخوف تتخبئ ورى دانة ودلال

ععادل بعصبية: بس امال شصاير تحجي
امال: داخلة بغرفتك تفتش ويوم فتشت ملابسها لقيت معاها من صورك والله اعلم بنواياها هال*** وبعد معاها 30 دينار وقميص لك انا اتذكر سعيد اهوا اللي ينظف غرفتك وملابسك اهيا شلون دخلت لغرفتك
ععادل بعصبية التفت لدلال ودانة: اقلعوها عني الحين لا اذبحها وقبل لا تقلعونها للمكتب فتشوها عدل فاهمين، وبسرعة طلع من الغرفة
التفتت امال لها واشرت لها باصبعها على رقبتها يعني بذبحج الخدامة قعدت تصيح من الخوف سحبتها دانة لغرفتها وفتشوها ولقوا معاها ملابس لعادل وفيصل وكتب غريبة عليها رموز واشكال وايد غريبة نادوا امال بدال فيصل او عادل لانهم ممكن يذبحونها وامال الوحيدة اللي قلبها قوي ودايم الخدم يخافون منها لانها عصبية طقتها طق لما اعترفت انها ناوية تسوي *** لعادل علشان يحبها وسحر لفيصل علشان تزوجه لااختها

امال عصبت اكثر واكسرت قلاص قزاز وخذته وحطته عند رقبة الخدامة وايدها الثانية مسكت الخدامة من قميصها: شوفي انا مينونة واسوي اي شي علشان بس احمي اللي احبهم الحين بتنقلعين للمكتب وان شفتج مرة ثانية رديتي او بمكان ثاني نكون فيه وربي وربي مايردني شي موتج على ايديني وبعصبية دفتها عالطوفة واخذت الملابس وكل شي يخص الخدامة وطلعت من الغرفة ععطت الاغراض امها وقالت يتصرفون فيها حتى لو يحرقونها عادي

ععند اميرة كنت بغرفة امال ابي اعرف شنو صار رحت لغرفتها علشان مابي اسمع اصواتهم اخاف من هالاشياء وخالتي وامي حريم كبار مو بيدهم شي امال تعرف الطق خبيرة اهيا هههه شفتها داخلة واهيا ماسكة راسها: شتبين انتي بععد
اميرة: بل شفيج عصبتي
امال: يوو مالي خلق ترى وراسي احسه مصدع من الصراخ حنجرتي تعورني هههههه
اميرة: شسوي فيج انتي مينونة لما تعصبين احس ماعرفج والله
امال: هههههه انزين ماشفتي نورة البطة
اميرة: لا والله ما ادري عنها انا انشغل بالي عليج خفت تسوي فيج شي هذيك الخبلة
امال: تخسي مابقى الا اهيا بابا انا اعرف كراتيه لو الود ودي اكسر ايدها علشان ماتبوق ثاني مرة
اميرة: يممه متوحشة حشى مو بنت ولد وربي
امال: هههههههههه جب يالرقيقة انتي اصلن انا بنت غصبن عنج الحين دوري لي البطة نورة ابيها
اميرة: اقول انقلعي انتي دوريها انا بشوف ظبختي نسيتها عالنار الله يلعن ابليسج
امال: مالي خلق يا الله يا الكسل هد حيلي
اميرة: ههههههههههههه والله انج خبلة
امال: طالعة عليج
اميرة حذفت عليها علبة الكلينكس وانحاشت
امال: افف بروح اشوف البطة وينها

عند نورة مليت من القعدة رحت طلعت ابي اشوف شالسالفة كنت اسمع اضوات صراخ بس خفت اطلع شفت خالتي دانة ومعاها الخدامة اللي حالتها حالة قميصها احسه شوي وبيتشقق خشمها دم وشعرها منتف وحول ويها كدمات شكيت انه ضرب امال لانها دفشة بالضرب مرة ضربتني على ايدي كمزحة ثاني يوم صارت كدمة كبيرة سمعت خالتي تدعي عليها والخدامة تقول والله انا يحبي وانا اعيوني اربع طالعوا هذي قليلة الحياء شتقول تحب منو حبها برص ان شاء الله

التفت ابي اسال خالتي بس لقيت امال تركض ناحيتي حسيتها بتكفخني بس انصدمت يوم انها ضمتني وباين انها متضايقة سحبتها لناحية الغرفة اللي طلعت منها قبل شوي وقالت لي شسوت الخدامة انا وايد تضايقت لان خالي عادل حيييل احبه اكثر من ابوي اعتبر خالي اهوا ابوي وخالي فيصل وايد حنون واعتبره اخوي شلون هال**** تتجرأ وتسوي جذي بس علشان الفلوس من االقهر ما انتبهت لنفسي الا وانا طالعة من الغرفة وهجمت عليها وباقوى ماعندي عطيتها كفوف لدرجة من اول كف عطيتها طاحت عالارض من قوته نزلت وسحبتها من شعرها وعطيتها كف فجأة حسيت شي يغطي عيوني لا ما كان يغطيها كان يمنعني ماكنت اشوف عدل كان ضباب اي تبون الصج كنت ابجي دفيتها اقوى ماعندي وانا اتحسب عليها كانت ناوية تضر اعز ناسي وقفت بسرعة وركضت لغرفتي قعدت ابجي وابجي من قلب مادري جم ساعة مرت بس كل اللي اعرفه اللي بوسط صدري يعورني حاولوا فيني افتح الباب بس رفضت مابي اشوف احد من التعب ماحسيت بنفسي اني نمت بس اللي حسيت فيه احد يضمني حاولت اقوم بس كان حاضني حيل رفعت راسي ولا اشوف خالي عادل كان شكله مو طبيعي عيونه حمر وتحتها السواد يغطيها

رفعت راسي من حضنه وحطيت ايدي على وجه ابي اتاكد انه بخير ابي احس اني صج كنت بحضنه ادري فيكم مستغربين بس صج الموقف اثر فيني وايد ما اتحمل شي يحوش خالي مابي يصير فيه شي سووا فيني اي شي بس خالي لا
نورة: خالي شفيك
ععادل: ياعيونه انتي مافيني شي نورتي
نورة: بلى بابا شنو فيك ليش عيونك جي
ععادل: مافيني شي يبه بس تعبان شوي
نورة: سلامتك بابا بعدوينك ان شاء الله ششلون دخلت وانا مقفلة الغرفة
ععادل بابتسامة: شفيج نسيتي ان عندي نسخ ثانية من المفاتيح
نورة: هههههه ايي للحين عندك المفاتيح
ععادل: وانتي عبالج بنساهم
نورة: هههههه اييي اتذكر يوم تاخذني لغرفة تهاني وندخل عليها واهيا نايمة ونبوق حلوياتها هههههه علشان تكمل الرجيم هههههه
ععادل: اييي ايام اول ههههه وبعد يوم ندخل على فيصل ونسوي فيه مقالب
نورة: اشتقت لايام اول بابا
ععادل واهو فاهم قصد نورة: خلاص يبه كل واحد بطريق وهذا انتي الحمد لله تشوفين امج ومحد بيبعدج عنها دامني موجود يلا الحين قومي
نورة: وين بنروح
ععادل: قومي لبسي بنطلع كلنا نغير جو يلا
نورة بفرحة: صجج خالي
ععادل: ايي يلا يبه انا بروح اكلمهم علشان يتجهزون
نورة: اوك بابا i love u
ععادل: i love you too