عملية انتفاخ الجفون السفلية - د.عادل البلوشي و فيصل جراغ

حمدالله علي السلامة
وننهنين يارب بالنتجة يااااارب
حبي بسالج عند منو سويتي وشصار عليج انا مشكلتي ان جفني الي فوق نازل علي العين وماذيني حيييييييييييييييييييييل

حنانك سر حبي وينج اختفيتي
تعالي عليمينا شصار على عمليتج وشنو سويتي اصلا عنده
وجم خذا منج انا والله كان ودي اسويها عند عادل بس مارضى حولني على ماجد تقي وهم ماسويتها غاليه فوق ال 1300 دينار

آآآآآآآببببببب

بنات انا امس سويت العملية الجفن الي فوق والي تحت بس ماقدر احكم عالنتيجه لا جفوني وارمه بشكل مو طبيعي ومزورقه ولي الحين ماشوف عدل انا كلفتني العمليه كلها 1450 الدكتور خذا 1200 والباجي المستشفى

حبيبتي حمد لله علي السلامة ومبرووووووك سويتيها

الله يسلمج حبي

ليلى الحمدلله على سلامتج
بس ليش سويتي الي تحت الي تحت تكون بس حق الي كباربالعمر فوق الاربعين من التعب والاجهاد والسهر
بس انتي عند اي دكتور سويتيها وماتعرفين اذا بسوي جفوني الي فوق بس بجم مابي الي تحت
وشدعوه المستشفى ياخذ 250 دينار على العمليه خو كلها جم ساعه وبطلع واي

كيكه انا سويت الي تحت لانه عندي اتفاخ الانتفاخ مو شرط يطلع حق الكبار بالعمر مرات يكون وراثه وانا كان وراثه لانه امي وخواتي جذي بس انا اكثر ومعطيني شكل اكبر من عمري وشكلي كلا تعبانه وانا خذو مني 250 لانه تخدير عام لو موضعي 50 دينار
اذا بتسوين الي فوق بس 400 الي تحت 800 انا سويتي الي فوق والي تحت فطلع 1200عند د.عادل البلوشي الصراحه الدكتور شاطر وفاهم ويقولج اذا تحتاجين صج للعمليه ولا لا

ليلى مو انا رحت اصلا لي عادل البلوشي وصج قال با 400 بس مارضى يسويلي اياها مادري ليش حولني على دكتور ماجد تقي وماجد شلخ السعر فوق ال 1200 يقول لازم عمليه شد الجبين بالمنظار يعني يشق من فوق الراس ثلاث فتحات ويسحب الجبهه والجفون لي فوق وتنشد :/
الله يهداه عادل فوق السنه ونص وانا اخطط بروحله ولمن رحتله مارضى لو راضي ومخلصني من هلسالفه الي شطولها جان احسن ونفسيتي ارتاحت