خطيبي يبي يكلمني و أنا....؟؟!

[الحـ مجرمة ـب]

مرحبا..​

كيفكم كويتياتي..؟؟​

حبيت اقولكم إني تملكت و الحمدلله..:eh_s(22):​

بس فيه مشكله و إن شاءالله تساعدوني بحلهااا..​

انا بعد م تملكت طلب خطيبي رقمي من أخوي و قاله خلها تتصل علي علشاناسيف رقمها...​

و بعد ملكتي بأسبوع تقريبا ارسلتله مسج أقوله فيها مساء الخير كيفالحال إن شاءالله تمام..​

رد علي و قال الحمدلله بخير بس اسف انت مين لإن الرقم مو مسجل عندي يليت تشرفني بسمك...؟؟​

رديت عليه و قلتله أنا ......و حبيت اسلم عليك..​

رد علي قالي الله يسلمك ياعمري أنتي كيفك ورديت عليه و بعدها بشووي اتصل علي بس مارديت استحيت و صابني برووووووود و ارسلتلهإن يتصل بوقت ثاني و إني حبيت بس اتأكد من رقمه...​

بس اخاف تضايق ليش إني رديته ولا شي...؟؟​

و بعدين إذا اتصل كيف اهيئ نفسي و اكلمه انااا استحي والله و هوويقولون إنه يستحي بعد من نظرة اهلي و أهله...​

للمعلوميــه ما أرسل ولا إتصل عقب مسجاتنا ذي وش معناته ذا..؟؟؟​

تكفوووون ابيكم تذكرووون تجاربكم ي مجربات منها استفيد و يستفيد إللينفس حالتي..​

و ربي اللي تساعدني راح ادعيلهاااا ​

 

[Tom ♥ Jerry]

,


ذكرتيني بنفسي وقت الملجه
عادي حياتي شوي شوي و تتعودين
بس عاد م وتضايقين الريال .. اذا تستحين لا تطولين وياه
قوليله مشغوله أو عندنا ضيوف اي شي
بس الريال يحب يكلم مرته خصوصا اول الزواج

 

[_زينه_]

اشوف السالفه عاديه اكيد بيدري انج بتستحين

 

[الدكتورة سلام]

بالاول على البركة والله يتمم عليش بالخير
ياعمري هذا زوجش حلالش وهذي ايام مابتتعوض عيشيها بكل تفاصيلها وهذي فرصتش تتعرفي علية وعلى طبايعة وهو يتعرف عليش ايش تحبي وايش تكرهي كل البنات كذا
في الاول بتستحين بعدين بتتعاودي ومااقول غير الله يسعدكم مع بعض ويطرح فيكم البركة​

 

[تبيني آرضى عليك]

آآآآآآآآآآب

 

[جنوبيه07]

حبيبتي عادي خلي الحياء على جنب احلى ايام ايام الملكه دقي عليه حتى لو مارد عليك ارسلي مسجات غزل وارسلي له ان بالك مشغول عليه ترى انتي زوجته ماراح ياخذ عنك فكره غلط اذا هو من النوع الي يستحي ونتي كمان تستحيين عز الله ضيعتو احسن الايام وراح تندمون خليك انتي جريئه اكثر منه على الاقل تواصلي معه بالبدايه بالرسايل اذا مره الحياء ذابحكم

 

[دلال و غلا]

،، الف مبروگ 

انا تقريباا نفسج زوجي طلب يكلمني بعد الملجه بس انا رفضت لان حبيت يكون زواجي تقليدي ميه بالميه
بس هو لزم انه نتواصل مع بعض اذا مو باتصال برساله و قمنا نراسل بعض لين قبل العرس باربع ايام تقريباا انا لنت ورضيت انه نكلم بعض

فا عادي لا تحاتين انه ليش ما ارسل ولا اتصل لا تحاتين من اول شي اكيد هو عارف انج مستحيه
وانتي اذا مو رافضه فكرة الاتصالات فا بعد اتصالين او ثلاثه بتتعودين يا قلبي

 

[PuPa^^SWeeT]

ليش استحيييتي



هذا بالحلال مافيها حيااا



دقي عليه انتي مو بس مسجات



و خلي اهو اللي يتكلم


شوي شوي لين اتعودين عليه

 

[مجنونة اوزان]

ماشاء الله
بس الله الله اثقلي شويات
d:

 

[عسل مرت قيمر]

عادي كلميه

بلعكس تفهمون بعض وتعرفون بعض


مافيها شي انتي زوجته الحين

 

[dalo0oa121]

لو انا منج لو شنو ماتصل

 

[سلطانة الاحساس]

لازم اتكلمينه بس مو وايد يعني بالكثير ساعة باليوم

 

[Patcholli]

انا اقول دزيله مسج عادي عن يوم الجمعه او اي شي وشوفي يرد عليج ولا لا ؟
يمكن زعل لانج مارديتي وصرفتيه قلتيله دق وقت ثاني (( يعني مو فاضيتلك )) جنه قاط روحه عليج وانتي مالج خلقه

 

[الحـ مجرمة ـب]

مشكورات حبيباااتي ع تفاعلكم ف موضوعــي...
كلمني اليوم و الحمدلله بديت آخذ عليه شوي شوووي..
بس مشكله جررريئ مررره يقوول الحيااا مابيه خليه ورا ظهرك..ياااااااااااي قلبي بيوقف يوم قالهااا..
الله يقويني و يعيني و يخليه لي..آآآميــــــــــــــــن...

 

[راقية بذوقها]

هههههههههههههه الف مبرووك حبيبتي ربي يوفقك ويسعدك انا الحين في فتره ملكه عادي حبيبتي كلميه بس بثقل بس ياويلك ان كانت فتره ملكتك طوووويلة لان راح تحبينه وتتعلقين وعسى ربي يوفقك

 

[ام الحلوااات]

انــتـــي لا تـــطــيــحــيــن الــمــيــانــه مــعــاه وااايــــد
وخـــلــــيـــج ثـــقــيــلـــه واذا فــالـــج خــلــي الــحــيــاء عـــلــى جــنــب
قـــولـــي انـــا مــاتــعـــودت اســتــحــي بــس بــحـــاوووول
مـــو تــخــووريـــن عــلــى طـــول ديـــري بــالـــج يــكــون يــخــتــبــرج​

 

[الحـ مجرمة ـب]

ههههههههههه كأنك عندي قلتله بحاووول..
و ضحححك بصوت عالي قال حلوووه بحاووول..؟!!
احسه يلف و يدوور ع موضوع معين و أنتم تعرفون ايش هوو.......؟!!
بس كل م جا بيقوول و يتكلم عنه قال بعدين بعدين انتي م تساعديني صرآآحــه..
بس سؤال إذا بدى يفتح مواضيع السرير و كذا شقووول وش ارد عليه لا تقولولي اسكتي لإنه يقوول ابيك متفاعله معي مابي اتكلم بروحي مثل المجنووون...
و دعواتكم..

 

[أحلى قصة]

موفقه يارب عادي حبيبتي كلميه شلون تتعرفون على بعض هذا زواج مو لعب حاولي تتعودين وتكونين منطلقه معاه

 

[أحلى قصة]

ههههههه مواضيع السرير خلج وسط لاتسكتين كلش ولاتفلينها كلش

 

[[[ عيون جابر ]]]

انا اقول دزي مسج تطمني علبه اكيد شايل بخاطره لانج دقرتيه