نبي كل وحده تقولنا شنو الفناتق اللي عندها لتجيزها لولادتها

اسيرة زوجها · 23 نوفمبر 2007

قوه بنات
ابيكم تقولون لنا متى تبدون تجهزون وشنو تبدون فيه ملابس البيبي او ملابسكم
ومن وين تخذونهم (من وين جهزتوا)وياليت تذكرون السعر والمكان
يعني نبي الشغلات الحلوه والفناتك اللي جبتوها للبيبي ولكم باسعار حلوه ومناسبه من ملابس وكفر وحلويات وسكر وزعفران وصواني التقديم وهمن بالمستشفى شلون كان تجهيزكم للاستقبال واذا تقدرون تحطون صور للشغلات اللي شريتوها احسن واذا مجهزين من حريم ياليت تذكرون العنوان والرقم وهم السعر عشان نستفيد
ومانبذر فلوسنا :sfg:

إستبرق · 23 نوفمبر 2007

والله حبوبه
انا الحين بالتاسع وبديت اجهز تقريبا من اول الخامس بديت بملابس البيبي وهي بنوته انشاءالله اول شي خذيت لها بدله الاستقبال مع لفتها ومهادها وكبوستها وجنطتها وجيسها يعني كل غراضها تقريبا وخذيتهم من محل بمجمع النقره الشمالي تحت بالسرداب وبصراحه الاسعار ما اعرف بالضبط لان زوجي هو الي يدفع
وبعدين خذيت من مذركير جم بجامه وجذي ولا يقولون لي عن سرداب عيد النصار وقلت خل اروح واشوف لاني ما اعرف بسوق الديره فقلت بشوف ويوم رحت ولا صج بجايم حلوه وشغلات حلوه فخذيت لها بجايم ولفات والمهاد والسدريات والفوط وهالسوالف
وبعدين خذيت لها من مذركير جم نفنوف ثانيين وهم خذيت تبانات وجم بجامه بعد وجم كبوسه يعني اشياء مو ذاكرتهم بالضبط والصندوق وسله موسى مع الاستاند الخشب وطشت السبوح خذيته كامل الي يي مع كل غراضه وخذيت الجنطه الي فيها المشط والمقراضه وهالخرابيط وخذيت الفرشه الي تبدلين عليها الملابس الي تكون اسفنج وفوقها خام
وبعدين وديت سله موسى لمحل بسرداب النصار لبس السرير دانتيل وهالسوالف غير التلبيسه مالت مذركير لاني ابيه سرير بنوته

بعدين عاد بديت اخذ شغلات لي رحت محل بسرداب عيد النصار واشتريت منه قمصان النفاس ورحت محل بالسندس وخذيت منه بجامه وقميص النفاس بعد
وخذيت لي شيلتين من جمعيه الدعيه فوق في محل شيلات قلت للمستشفى اذا دكتور يبي يدخل ولا شي ماشيات وخذيت لي ملابس داخليه من دبنهامز ومذركير والجميع لان مدحولي ملابس الجميع
ورحت سوق السالميه خذيت الشورتات الي يكونون سترج ولي تحت الصدر عشان يشدون البطن وخذيت من البرنس تكرمين شحاطه وابي اروح اخذ وحده ثانيه من محل الي بالسندس
وخذيت اعشاب النفاس من خبيره اعشاب الي بالمنتدى وباقي لي خلطات الجسم الي توخر السواد بس بصراحه للحين محتاره بين كذا وحده

وزوجي ياب لي كفر الولاده انشاءالله انا كنت ناويه اروح اشتري ولا افصل ولا المسكين يايبه لي يعني مفاجاه خخخخخخخخخخخخخخخ
وانا ماخذه من فتره من مس سنسن الي بالمنتدى مثل الفروه او شي جذي وحلوه تدفي لان ولادتي انشاءالله بالشتى وانا ما احب الملابس الثقيله فقلت اذا بردت البسها وطبعا خذيت روب للسبح يديد وخذيت فوط يديده وروب عادي الي ستان ورحت مركز سلطان وخذيت غراض البيبي مالت السبوح وجذي يعني الزيت مع الكننكس والشامبو وهالسوالف حذيت سيباميل وبيبي جونسون وخذيت المميات من صيدليه مستشفى الراشد وخذيت للبيبيه من الشايع المسك الابيض مع عطرين احبهم لليهال كله اختي تستخدمهم لعيالها وحلوين وخذيت كلونيه ساره من مركز سلطان هم بعد حلوه لليهال
وبعد والله بتذكر ما ادري شنو بقى اي صح والتوزيعات وهالسوالف انشاءالله بروح باجر ولا عقبه واشوف شنو باخذ وانا ما اسوي استقبالي بالمستشفى انشاءالله الاستقبال ورى الاربعين عشان جذي ابي الفناتق بالاستقبال انشاءالله
وبخصوص الاسعار والله اني ما ادري بالضبط جم انا اختار وزوجي يحاسب

واذا تذكرت بعد شي لاني احس اني ناسيه ارد اقولج انشاءالله
ومشكوره على هالموضوع الحلو )

b6o6a · 24 نوفمبر 2007

مشاءالله استبرق ما قصرت

انا خذيت هدوم البيبي من مذركير وسنتر بوينت وشوي من انار

وطشت السباحه مع عدته من مذركير

ولفات وفوط من سنتر بوينت

وخذيت نفنوف استقبال مع جوتيه وكبوسه بس البسها فيه حق اهلها طبعا مو حق الكل وابيه حق تصوير ومحتاره اخذ لفته وجنطته ولا لا ؟؟ هذا من الكاروكه

اما انا خذيتلي بجامات ستان من دبنهامز والطاهر وروب من الجميع لاني مااحب الارواب وطبعا شويه هذيل شغلي ناقص...
وشنو الالوان الي اقدر اخذها ؟

خذيت اندر وير من دبنهامز والجميع

وعندي كفر عادي فيه ذهبي شوي مادري محتاره فيه

استبرق بغيت اسالج الكفر لازم يكون ستان ودانتيل وحركات ولا عادي يكون بسيط لانه انا مابي اسوي استقبال وابي شي ناعم ومريح ؟

وسرير البيبي مادري ما شريت ولا كملت باجي الاغراض حقي ولا كاكاو ولا شي

احلى كويتيه · 24 نوفمبر 2007

اذا خلصت اغراضي لي عوده معاكم ان شاء الله وما ششاء الله اغلب الاشياء قالتهم استبرق الله يهون عليها بالسلامه وعلينا بعد

إستبرق · 24 نوفمبر 2007

بطوطه تسلمين حبيبتي ووالله قلت دام انا خلصت الحمدلله افيدكم لاني مريت بتجربه التجهيز وتعبت منها بصراحه

حبوبه والله الكفر انا كنت اول شي ابي ان يكون فيه حركات وسوالف بس بعدين قلت مدام انا مو مسويه استقبال للمستشفى وانا اهلي مو يوم ولايومين ييون لا يعني كل يوم تلقين ناس قلت ابي شي حلو ومريح وزوجي ياب لي كفر والله حلو ومريح
تعرفين الستايل الامريكي والخامه الي تكون مثل طريقه الستاير وهالسوالف والله نسيت اسم الخامه

وداخل فيها ستان شوي وجذي يعني ناعم وراقي بنفس الوقت وانا خذيت بعد جذي لان اهلنا مايهتمون بسوالف الكفر وماكفر وايد المهم شي حلو مرتب فانتي اذا اهلج مثلنا اعتقد عادي تاخذين جذي وترى حبوبه بعد في محل بسوق النقره الشمالي عنده شغلات حلوه اذا ماتبين كفرج يعني

وبالنسبه للسرير انا عندي فبيت اهلي السرير الي شوي كبير وحتى من مذركير بس للحين مايبته للبيت عندي قلت لما تكبر شوي البيبيه انشاءالله اييبه عندي لان اول جم شهر احطها بسله موسى وبصراحه حلوه والحلو ان عادي تنشال وجذي والله يعينج يارب على التجهيز وتخلصين بكل خير وعافيه وربي انا اخر فتره كرهت السوق لان احس في هم على قلبي وبس خلصت التجهيز صرت اطلع وانا مرتاحه

احلى كويتيه حبيبتي والله امين واجمعين

Om eLkakawiya · 24 نوفمبر 2007

هلا والله اسيرة زوجها

أعتقد إنه استبرق وباجي البنات كفو ووفو واذا عندج اي استفسار انا حاضره بس سئلي

وانا مثل استبرق بالتاسع وخلصت كلشي والحمدلله بس التوزيعات

دعواتج لنا الله يسهل ولادتنا يارب وعلى كل حامل ..

ام عفاف الكويت · 24 نوفمبر 2007

انا اسوي فناتق مثل هذا الصندوق حق بنوته هديه

وعندي سكر ماركات

الكرتون فيه 100 حبه ب 5 دنانير

انتي نقي الماركه وفيها 100 حبه وتصفيه ب 5 دنانير بس

اسوي توزيعات لوشنات صغار وعطورات صغار وعلى بطاقه مكتوب فيها

( سموا بالرحمن لما تشوفوني وصلوا على النبي لما تشيلوني )

وفي العطور التوله الصغار الدرزن مغلف مع التور ومجسم الياهل داخلهم عطر يهبل ومطلوب

وفي نافورة الكاكاو فنتق تحطينه جدام الضيوف يبهر ب 12

وعندي ترولي صغير مجسم تحطين داخله التوزيعات

والله يسهل عليكم ياقلبي

ميموالفهد · 24 نوفمبر 2007

ياحياتي انتو ذكرتوني بحملي
الله يهون عليكم

Sweets_Boutique · 24 نوفمبر 2007

:s142:
أنا أسوي كاكاو حده غرييب وأحطه بستاند كبير نفس مال Rebelle ..
وعندس سكر ملوون ومشكل ..
وعندي فناتق حق بيض الصعو وأكتبلكم إسم البيبي عليه ..
إلي تبي الصور تدزلي إيميلها على الخاص لأن ما أعرف شلوون أحط اصور مني:eh_s(3):

mamlakatal7ob · 25 نوفمبر 2007

الله يهون على كل وحده حامل والله يرزقكم بالذرية الصالحه .... قولوا كلكم آآآآآآآآآآآمين

اسيرة زوجها · 29 نوفمبر 2007

مشكوره للكل البنات اللي ردوا وايد حلو شغلج اللي تسوينه للمواليد حيل عجبني وللحوامل الله يسر ولادتهم

*غـــ الروح ـــلا* · 29 نوفمبر 2007

هلا والله .. ام عفاف الكويت ابي رقمج ...او العنوان ..
ومملكة الحب ابي رقمج ... او العنوان ..

سوق الجمعة · 29 نوفمبر 2007

ماشاء الله اغلبكم خلصتم.. انا للحين بس فصلت روب النفاس وكيس البيبي..

بنات حواء2 · 29 نوفمبر 2007

و الله يعطيكم العافيه بنات ما قصرتوا و الله ما قصروا البنات انا حالين قاعده افتر على الكفر لأني الصراحه بسوي استقبالي بالمستشفى مره وحده فلازم يكون الكفر طقم مع الباجي يطلع أحلى و بصراحه انا مليت كل ما اروح حق وحده والده اشوف كفراتهم اوفوايت و عسلي يعني العموم يسوي نفس اللون بس انا بسوي لون غريب و بصراحه اللون إلي في بالي بنفسجي مع ذهبي او تركواز مع ذهبي رحت المحلات إلي يفصلون الصراحه اسعارهم وايد غاليه 250 دك طلع علي الحي في وحده دلوني عليها بروحلها انشاله يطلع سعرها زين عاد يارب

اسيرة زوجها · 11 مارس 2008

سوق الجمعة قال:
ماشاء الله اغلبكم خلصتم.. انا للحين بس فصلت روب النفاس وكيس البيبي..

الله يهون عليج انشالله وانشالله تخلصين ووتسبقين البنات لووووووووووول:ada:

اسيرة زوجها · 11 مارس 2008

بنات حواء2 قال:
و الله يعطيكم العافيه بنات ما قصرتوا و الله ما قصروا البنات انا حالين قاعده افتر على الكفر لأني الصراحه بسوي استقبالي بالمستشفى مره وحده فلازم يكون الكفر طقم مع الباجي يطلع أحلى و بصراحه انا مليت كل ما اروح حق وحده والده اشوف كفراتهم اوفوايت و عسلي يعني العموم يسوي نفس اللون بس انا بسوي لون غريب و بصراحه اللون إلي في بالي بنفسجي مع ذهبي او تركواز مع ذهبي رحت المحلات إلي يفصلون الصراحه اسعارهم وايد غاليه 250 دك طلع علي الحي في وحده دلوني عليها بروحلها انشاله يطلع سعرها زين عاد يارب

ماعندي اي فكره انشالله يفيدونج البنات انا ناويه اشتري قم البيبي كامل وشفت بسوق قطر يهبلون والبق لهم كفر جاهز من السوق

ZajiL · 11 مارس 2008

انا لي الحين مايمعت افكاري

semaasem · 11 مارس 2008

مشكورين عالمعلومات بنات والله يهون عالجميع تعرفون محلات حق حوامل حلوة وثانيا تجهيز البيبي كامل مكمل جم تقريبا يبيله حسب خبرتكم علشان احط الميزانية من الحين وودي اخلص شغلي من الحين وارتاح انا اقصد الامور المهمه للبيبي والوالده من ملابس وسرير طفل وغيره من غير الكفر والاستقبال والسوالف هذي

بنات حواء2 · 11 مارس 2008

يعطيكم العافيه و ماقصرتوا

ReeNoo&WooDee · 11 مارس 2008

احلة فترة فترة تجهيز البيبي واذا كان الشغل كلة مشغل ايدج..

الله يهون عليكم انشاءالله ويرزكم الذرية الصالحة امين

نبي كل وحده تقولنا شنو الفناتق اللي عندها لتجيزها لولادتها

New member

New member

New member

New member

New member

New member

**مشرفة قسم كويتيات مول**

New member

New member

New member

New member

New member

New member

*مساعدة مشرفات قسم المعلمات*

New member

New member

*مشرفة قسم التربية والطفل**

New member

*مساعدة مشرفات قسم المعلمات*

New member

مشرفة قسم كويتيات مول

مساعدة مشرفات قسم المعلمات

مساعدة مشرفات قسم المعلمات