تعبت نفسيا من الرجيم ما اقدر التزم خلاص وكرهت نفسي من المتن :(

السلام عليكم ورحمه الله وبركاته

اول كلامي حبيت اشكر اداره المنتدى الجميل جدا على هذا الانجاز الرائع والمفيد

وثانيا احب ها الموقع من اكثر المواقع المفضله عندي

المهم وندخل على طول انا قصتي قصه مع الرجيم قصه طويله بس بكتب لكم كل اللي في قلبي وانشالله تستفيدون واستفيد منكم

المهم من قبل 3 سنوات تقريبا كان وزني 85 وانا طويله لله الحمد طولي 175 المهم قررت في تلك الفتره اشترك عند مركز دكتور نترشن وسويت رجيم ولله الحمد بعد معاناه كبيره وصبر ورياضه صار وزني 70 بس لمده اسبوع وبعد ها الاسبوع على طول ازيد ازيد ازيد ازيد واتعب نفسيا لانه تعبي كله راح على الفاضي وصرت من الملل اكل ومن الضيق خلاص زايده زايده باكل وصلت 90 رجعت اشتركت عند مركز ثاني ودفعت فلوس اشتراك سنه بس للاسف اسبوع وما قدرت اكمل وخسرت فلوسي على الفاضي ورجعت اشتركت في مركز ثاني ونفس الشي ارجع ازيد انقص 3 كيلو وارجع وزيد لحد من شهرين تقريبا وصل وزني 107 :eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11):

وانا وحامل ما وصل وزني جذيه وملابسي كلها صارت ضيقه فقررت ارجع اشترك عند مركز واشتركت لمده 7 شهور ودفعت الفلوس وكل شي ونزلت لين 79 التزمت شهر بس خلاص وقفت تميت احاول اثبت وزني وامشي واسوي رياضه وثبت لمده اسبوعين وبعدين ما قدرت التزم واليوم اوزن 101 وقبل اسبوع 99 ماريد ازيد بس خلاص تعبت نفسيا من الرجيم


ماشي عندي اسمه عزيمه او اراده صرت اكره جسمي ونفسي وما احب اروح اشتري ملابس لاني ما احصل مقاسي وملابسي القديمه صارت كلها ضيقه بس شسوي نصحوني والله تعبت مع اني انسانه متزوجه ومو كبيره عمري 26 بس اللي يشوفني يقول ف 30 من شكلي كيف صاير حتى زوجي يلمحلي شوفي بطنج متنتي بس خاطري ارجع اوصل 70 حسيته نفس الحلم بس ما طول

لكن مشكلتي هي الفاست فود ما اصبر عنه والسلطه والمشاوي ابدا ما احبهم ابدا ابدا ولا البيض المسلوق من كثر الرجيمات صرت ابدا ما اتقبله


وكل مره اقول ببدا ببدا واكل اكثر

ما ريد يزيد وزني اريد انقص يمكن احمل اذا حملت شو بيصير فيني بيوصل وزني كم كارثه لا وحتى لما اصعد الدرج اتعب مو مثل قبل لكن تعبت تعبت تعبت
:eh_s(11)::eh_s(16)::bbbiu:

طله برنسسيسه شكرا على الرد حبيبتي والله ثم والله وانا احلف حلمي اضعف بس مادري ليش احس مستحيل يتحقق مشكلتي اعرف كلامج كله صح بس ماقدر اطبق اقدر اتكلم بس ماقدر والله التزم كادري خلاص وعلى فكره الصوره اللي في توقيعج جسمهاةيشجعةيجنن يا ليت اصير جذيه

ماشالله عليج والله اعرف ناس وايد سوو نفس طريقتج وضعفو بس انا اللي مخرب علي المطعم وما احب السلطه وما اقدر اقاوم الاكلومع اني اكله بدون نفس بس والله من كثر ما خاطري اضعف ودي ابكي وانا اكتب لكم

امين والله محتاجه دعواتكم

هيه والله بس لما ما اقدر اتحكم في نفسي اقول يمكن تنفعني المتابعه لكني ما اقدر خلاص الصراحه تحمست من ردودكم اليوم وايد وختمتها اخر وجبه لي من المطعم على الغدا وتعشيت شوي مكسرات ولبن اب سويتلي كوب شاي اخضر مع بذور الكتان وسكر دايت وافكر ابتدي باجر رجيم التمر لمده ٣ ايام وبدها اسبوع تخفيف بدون عشا شرايكم تعتقدون بنزل وكله مع رياضه انشالله

باجر بروح بيت اهلي يقولولي من الحين فتحي ورا باجر ابتدي بس انا لااااا خلاص لازم اقول ستوب

وحاطه في بالي يمكن احمل انشالله اذا حملت بسوي رجيم الحمل مافي امل للكسل ودي اضعف والله والحمدلله على كل حال انشالله اقدر اضعف بحاول اتابع المواضيع في ها القسم الصراحه تحمسني

مشكوره الغاليه على الرد وانشالله شورج وهدايه الله خلاص بتم على تخفيف ومشي كنت متحمسه لرجيم التمر ومتررده. بسويلي موضوع يوميات وعشان اتشجع وتشجعوني وجاري فتح المواضيع اللي طرشتيلي اياها وشاكره تواجدج حياتي وانشالله الله يوفقج باللي في بالج

احس صعب وجبه وحده باليوم انا من النوع اللي وايد اكل واكلي كله مب صحي عرفتي انا الحمدلله من بعد ما كتبت لكم اللي في قلبي شجعتوني وكنت معزمه على رجيم التمر بس حسيت التخفيف افضل كبدايه

بدايتي هي اليوم ومن ها اللحظه وانشالله اني بضعف

اول ما صحيت ميته من اليوع بس تحملت وصبرت رحت وصلت ولديه المدرسه ورجعت البيت سويت لي كوب الخلطه بحاول التزم فيها قبل كل وجبه عباره عن شاي اخضروسكر دايت وكمون وزنجبيل وقرفه وبذور الكتان حسيت انها تسد الشهيه وطعمها مقبول شربت ٥٠٠ مل ماي ومشيت لمده ٥٥ دقيقه وريحت شوي وفطرت
نسكافيه مع حليب قليل الدسم وسكر دايت وصمونه مع شريحتين جبن قليل الدسم *

وانشالله بسير بيت اهلي بعد شوي بحاول ما اخرب يا رب تثبتني على ها العزيمه وشكرا جدا للاخوات اللي ردو علي وحمسوني