|أسلـوب التطنيـش شلـون صاير بالله ننصح النـاس فيـه بس شلون نطبقـه ؟ أبي الخلطة بليز|

اي ولاحظت شغله لي فورتي وغليتي حاولي تسكتين وتوصلين للحمام واتسبحي

رااااحة

نفس اطنش مثله لكن ماقدر

بنات انا بعد هالسالفه ذابحتني انا من النوع اللي احترق وآكل بعمري وهو ولايدري عني
ابي اعرف اطنش صج
مو امثل وانا داخلي بركااااااان
واخرتها انفجر واخرب كلًشي
والله ودي اتغير

انتي قولي لنا شنو طريقتج ولا خلطتج بطريقه انج تبدين نفسج علا كل شي ؟؟؟؟

خوووشً موضوع أخت خالتهم يا بوقته خل اقولج أنا عصبيهً بشكل ما تتخيلنهً اذا عصبت أصير مينونه وبدايهً زواجي كنت اتخانقً مع ريليً على أشياء سخيفة والموضوع يكبر واحترً وأولع بس مع الايام قلت لا بس استوب أنا شنوً اللي قاعد اسويهً قاعد أمرض عمري و قمت أقرى عن أضرار العصبيه والزعلً قلت احسن الحل التطنيشً و قاعد أحاول أطبقه شوي شوي لين انشاللهً يصير طبع فينا بعدين تدرين اللي فهمته ان الريال تفكيره صجً صجً غير عن المره فمو حلو الوحدة تقول ليش ما سوى جذي. ليش ما قال جذي خلي الحياه تعدي بهدوء لان الهدوء اهوهً اللي ايييبً راحة البال اصلا التطنيشً المفروض يكون مبدأناً بالحياهً بالدوام مع اي شي ايضايقناً. وعلى قوله المصريين. كبري دماغك :rerrerek:

طنشت لين طلع لي شيب براسي ! لاتكتمون طلعو الي بقلبكم حتى لو سبب مشاكل كلش ولاتييكم هالامراض
امي ياتها الجلطة بعيد عنكم الشر بسبة الكتمان والتطنيش

واذا كلش سوو طريقتي اليديدة كتابة المذكرات من زمان كنت اكتب مذكراتي وكنت احس براحة الحين شكلي برجع لها

حبيبتي امل في نوعين للتطنيش انج تطنشينً وانتي تغلينً من داخلجً و معصبهً هذا ما يعتبر تطنيشً اصلا هذا قاعد تاكلينً بعمرجً وتحرقينً باعصابجً هذا صجً يمرض أنا ما اقصد هالنوعً أنا اقصد التطنيشً اللي اهوهً التغافلً تصغير المشاكل انج تخلين نفسج ريلاكسً و تحطين عذر حق ريلجً اذا غلط و ما تقعديلنهً على الوحدهً أنا ما اقول أنا اسوي جذي بس بحاولً

ومنكم نسسسسسسسسسستفيييييييييييييد

موضوعج حلو حلو
تسلمين .. ومن كل قلبي أشكرج غاليتي

بشكل عام ..

في السابق كنت استصعب تطبيق المقولة لحساسيتي
لكـــن .. استسهل علي العمل فيها مع مر الأيام
فما عدت اهتم لكل ما يقال او يدور
بصريح العبارة .. طـــــــــاف و طـــــــــاف

لكن يتم هناك أمور تستدعي الرد وعدم التجاهل فيها لحساسيتها

المسألة كلها تعتمد على عامل الوقت
وتعويد النفس وتدريبها على اسفاه الأشخاص والأمور اللي تكدر الخاطر

فاذا بلتفت لهذه الأمور ..

التدقيق على كل ماهو صغير أو كبير
الرد على كل من جرحني أو حاول مضايقتي بتصرفاته الهابطة
الحوار والنقاش ان كان نهاية مطافه عقيم أو من أمامي لايتقبل وجهة النظر
ويعتمد على مقولة : ان لم تكن معي فأنت ضدي !!

فمن المؤكد ان بعيش بقلق وكآبة منغصة العيش

بهالحالة التطنيـــش هو الحل الأمثل :rerrerek:

التطنيش عند البعض المتعالين ما هو الا خوف و ضعف شخصية

ولكنه في الواقع فن راقي ومكسب للنفس و لراحة البال


طنش تعش تنتعش
طنش تعش تنتعش
طنش تعش تنتعش

:ggdw::ggdw::ggdw:

اطنش لان عندي قناعة تامة ان الزوج اللي جدامي مهما حبني يحب نفسه اكثر
واذا زعلت والا تضايقت مايداريني
يكشخ ويطلع يونس نفسه
واذا مرضت مايحس فيني
علا شنو اعطيه اكبر من حجمه
اطنشه واريح راسي

واااااااي التطنيشش غير عن الكبت
شجاب لجاي

عاد حكمتي بالحياه اهي طنش تعش تنتعش
ان سويتيها بترتاحين
لان ماراح يهمج راي الناس او كلام الناس او اي شي
و بجذي بتكونين مرتاحه
و مره شخص نصحني ان اعيش لنفسي و لوناستي و بالفعل لي يومج هذا و انا مطبقتها

اطنش لان عندي قناعة تامة ان الزوج اللي جدامي مهما حبني يحب نفسه اكثر
واذا زعلت والا تضايقت مايداريني
يكشخ ويطلع يونس نفسه
واذا مرضت مايحس فيني
علا شنو اعطيه اكبر من حجمه
اطنشه واريح راسي

مبدا التطنييش مايي بيوم و ليلة


يعني انتي من النوع اللي تحرقين بقلبج



فا التطنيش مو زين لج لانج بتغلين داخلج و بتوترين و بيبين على ويهج


بالنسبة ليي



في مواقف ملزوومة اتطنشينها لانه اولا تفاهات أو لانج ماتبين اتكبرين السوالف


بس في امور ماتقدرين اتطنشينها لو فيها غلط جسيم صار



يا اتواجهييين الشخص او اذا انتي ماتبين اتواجهين


الافضل الابتعاد شوي و اتشوفين اذا مشاعرج للحين محتدة ولا لا



اذا ختفت مشاعرج يعني المشكلة تافهة وانتهت خلاص ابدي صفحة ييديدة



اذا ما اختفت معنااته الجرح كبير


فا مبدا وضع ال× افضل بكثير من التطنيش



راحتج تبدا باحاطة ناس يحبوونج و يبون لج الخير من غير نفاااق


وهذا مبداي بحياتي

انا ابي اطنش بعد
بس كلها دقايق وكون مولعة
مقدرررررررررر اطنش
ههههههههههههه

تبيون الصج بنات فعلا الرياييل ابرد منا بمليون مرة واحنا نحرق بعمرنا على اقل شي واهما يكملون يومهم عادي وممكن يطلع
بعد ويومه ماشي سهالات واحنا بالبيت نحرق عمرنا على شي ما صار مثل ما نبي ، فعلا لازم لازم التطنيش

احياننا التطنيش ما ينفع لازم أرد لان اذا طنشت بعض الاشخاص راح يتمادئ

مع الوقت وزياده المسؤليات واليهال غصبن عنج بتطنشين

وتتنازلين اكثر

لان الحياه تصير صعبه ومشاكل وبعدين بس ودج بالراحه مالج خلق للمشاكل

موضوع مفيييد

يارب اقدر اصير جذي واطنش صج تعبنا