سؤال عن الفدج كيك الساخن

مرحباا بنات
قبل فتره ذقت حلو حار عجيييييييييب مادري شنو داخله استحيت اسال عن المقادير والطريقه بس الي مسويته قالت فدج كيك اهو كان حلو حار وداخله مادري شنو بالضبط هل اهو كيك اسفنجي ولا شنو لانه ذاايب حتى عطتني مني ولمه حطيته بالثلاجه وصار بارد هم حلو وبين شوي جنه داخله بسكوت بعد هل في احد يعرف كيكه مماثله؟؟

المقادير:
115 غرام زبده اي اصبع وربع زبده لينه
ثلث كوب سكر
نص كوب حليب
2 بيض
كوب دقيق ( عشان اسوي كب كيك بالشوكولاته قمت باستخدام كوب الا ربع دقيق و وربع كوب كاكاو باودر كادبري البرتقالي)
كوب من قطع الشكولاته( انا استغنيت عن قطع الشوكولاته لاني اريد الكب كيك ساده)
ملعقه شاى بكنج باودر
2 ملعقه سكر بني
الطريقه:
نخفق الزبده قليلا ثم نضيف لها السكر البني والعادي والبيض
نضيف الدقيق والبكنج باودر والحليب مع الخفق
نضيف قطع الشكولاته
نضعها في القوالب ونرش عليها قطع الشكولاته وندخلها الفرن.

بعد ما نسوي الكيك نقلبه على الشبك إلين ما يبرد.. و بعدين نعمل حفرة شوي عميقة من جهة الدائرة الصغيرة (جهة القاع في القالب)..و خلي شوية كيك يعني لا تنزلين في الحفر لي تحت

3. نضع الكيكه في صحن التقديم و نضعه في الميكروويف لمدة دقيقة و بعدين نطلعها و نصب شوكولاتة الفدج السائله داخل الحفرة اللي عملناها (كل ما كان السوس اكثر كل ما كان احلى, فعشان جذي انا صبيت فيها فدج صوص وبعد ربع ساعه رجعت صبيت فيها مره ثانيه لانه الكيكه تتشربه فجذي صارت الكيكه طرييييه ولذيذه)

4. نضع سكوب واحد من الأيسكريم فوق الحفرة و نصب شوكولاتة هرشي السايله فوق الأيسكريم و على الكيكة

5. نزين الصحن بالكراميل


بالنسبه لل Fudge Sauceانا لقيت وصفه سهله ولذيذه في موقع اجنبي وهذه هي الوصفه:

واحد ونصف كوب سكر ناعم
نصف كوب سكر بني
ثلاثه ارباع الكاس كاكاو باودر
ربع كوب دقيق ابيض
نصف ملعقه صغيره ملح
علبه حليب مركز محلى 370 غم
كوب ماء
2 ملعقه زبده
2 ملعقه صغيره فانيلا

الطريقه:

1- امزجي: الدقيق + بودره الكاكاو+ الطحين والملح في قدر .
2- اضيفي الحليب + الماء والزبده
3- ارفعيه على النار وحركي حتى الغليان ثم دعيه يغلي لخمس دقائق اخرى
4- ارفعيه من على النار و اتركيه يبرد ثم اضيفي الفانيلا


بالنسبه لصلصه الكراميل ..

واحد ونصف كوب سكر ناعم + نصف كوب ماء مغلي

ذوبي السكر على نار حتى يصبح ذهبي اللون ثم ببطء وانتباه اضيفي الماء المغلي وحركي المزيج حتى يتكون لديك كراميل ناعم بدون كتل..

انا سويتهم وخليتهم في الفريزر و كل ما ابيهم اطلعهم واخلهم يذوبون وستخدمهم ولا احلى من جذي..



هنا فرغت الكب كيك من النصف مع الانتباه ان لا نصل لاخر الكيك

هني حطيت الفدج صوص في الكيك

هني حطيت صلصه الكراميل في طبق التقديم




حطيت الكيكه في وسط الطبق




هني حطيت ملعقه ايس كريم فانيلا على الكيكه بدقه .



وهنا اضفت صلصه الفدج للتزيين..






*^* المقادير *^*


1 باكيت خلطة الكيك الجاهزة من بتي كروكر( devil's food choclate cake )





الطرق منقوووووووووووووووووووووووووووله

شوكولاته هيرشي السائله ( الكمية مو محددة انتي و ذوقك)



صوص الكراميل ( الكمية مو محدده...على حسب الصحن)



صلصة الفدج( chocolate fudge sauce)




ايسكريم فانيلا London Dairy


قالب الكيك بهالشكل





*^* الطريــقة *^*


1. نعمل الكيك مثل ماهو مكتوب على العلبة...هذي الكمية بتعمل لنا قالبين من هالنوع

2. بعد ما نسوي الكيك نقلبه على الشبك إلين ما يبرد.. و بعدين نعمل حفرة شوي عميقة من جهة الدائرة الصغيرة (جهة القاع في القالب)..و خلي شوية كيك يعني لا تنزلين في الحفر لي تحت

3. نضع الكيكه في صحن التقديم و نضعه في الميكروويف لمدة دقيقة و بعدين نطلعها و نصب شوكولاتة الفدج السائله داخل الحفرة اللي عملناها (كل ما كان السوس اكثر كل ما كان احلى)

4. نضع سكوب واحد من الأيسكريم فوق الحفرة و نصب شوكولاتة هرشي السايله فوق الأيسكريم و على الكيكة

5. نزين الصحن بالكراميل











النتيجة.....

جارة القمر
مشكوووووره

بعدعمري والله تسلمووووووووون الله يعطيكم العافيه بس اللي كليتها جنه كان فيها بسكوت بعد بس كان ذايب مايبين الا لمه بردت الكيكه

حبيبتي الفدج كيك ما يحطون فيها بسكوت انا الي اعرفى ايحطون يوز

مشكوووووورين
ادري اذيتكم بس السوس من وين اشتريه واي صوب يكون بالجمعيه
اليوم رحت مركز سلطان وجمعيه الفيحه والنزهه مالقييييت((

الفدج كيك فيها بسكوت ؟
عمومن الفدجي دزيرتس
قاعده
كمية الكاكاو فيها اتكون نوعن ما وايد
الطحين كميته شوي
واسهل شي اذا مالج خلق عباله
اتسوين رتش جوكلت كيك لمه اتحطينها بالفرن يدوب ثلث ساعه بعدين طلعيها يعني لاتخلينها تستوي لمه اتغزين العود خلي يطلع شوي عليه من الكيك وبنفس الوقت اتكون متماسكه من النص وعالاطراف اتكون شبه مستويه

ادري الشرح الله بالخير بس انشالله اتكون الفكره وصلت

حبيبتي


روحي مركز سلطان تحصلين كل اللي تبين

رحت السالميه والجمله مالقيته اهو اي صوب يكون

حبيبتي اهوى صوب شغلات الكيك اتوقع

اذا السالميه انا اقولج وين
اتعرفين الكاشيرات ؟
اكو قسم جدامهم اللي فيه مربى وعسل !
اتلاقينه بهالرفوف

قصدج الرفوف اللي بظهر الثلاجه يم ككاو نوتلا ومادري شنو مالقيته

فطوم1 قال:

مشكوووووورين
ادري اذيتكم بس السوس من وين اشتريه واي صوب يكون بالجمعيه
اليوم رحت مركز سلطان وجمعيه الفيحه والنزهه مالقييييت((

أنقر للتوسيع...

مو معقوله جمعية النزهه ما فيها ........؟؟؟؟!!!!!!!
موجود جهة الكيك اكو بالكاكاو والفراوله .

لحظه الفدج سوس شلون صاير!
ليكون نفسه الجوكليت سيرب؟؟