حركة الجنين الذكر تختلف عن حركة الانثى

[ام وليد hamood]

السلام عليكم ورحمة الله وبركاته
يلاااااا يابنات تزهبوا حق موضوعي اليديد :nbvppw:
واهو صج حركة الولد اسرع واقوى من حركة البنت ؟؟؟؟؟؟
بصراحه انا بعيالي الصبيان واهما اربعه الله يخليهم يارب كلهم من الرابع وقوية ماشالله رفس ولعب كره داخل بس هالمره انا حامل ببنوته حلو وعسل وامووره ههههههههههه :eh_s(3): حركتها واايد خفييييييييييفة وماتحركت الا بالخامس وموو الحركه القويه يعني يادووب احس فيها .حتى اني كنت خايفه لانها ماتحركت بسرعه .
ويلا ابي مشاركاتكم معااي . ناااااااطرتكم :gathering: oster_av1:

 

[أمة2006]

اي صحيح
انا كله بنات فديتهم
وحركتهم خفيفة
وحتى اذا رحتي تشوفين السونار
الدكتورة من صوت القلب قبل لا تشوف البيبي تقول لي بنت لأن دقات قلبها ابطأ
وتقول الولد مثل اسم الله عليهم الحصان على كلامها قلبهم اسرع

 

[leo75]

عدل كلامج بالاولاد الحركه غير انا الحين حامل ابنوتي غييير هاديه وحركتها مو رفس تحسين كأن شي يرجف ابطنج او تحسين انها تسبح داخلج يعني حركه مموجه:edbf4317b9: ومو دايم البنت تتحرك فيهم كسل:tek:

 

[فورلا]

معلومة يديدة شكرا جزيلا

 

[ZajiL]

شوفي عندي ولدين واثنينهم حركتهم قويه
وتحركوا من الاسبوع 13

هالمره غير ماتحرك البيبي الا في الاسبوع ال18 وحركه خفييييييييييييييييفه
والي الان الحركه ماشاء الله حلوه بس مو مثل اولادي الثانين

وللعلم هم فيني ولد هههههههههههههههههه توقعت انه بنت لانه كل هالحمله غير بس طلع ولد الحمدلله

 

[dmdm]

والله حبوبه شوفي

انا عندي بنتين وولد بس عشان بينهم خمس سنين فا نسيت

الحين انا حامل توني بالثالث

بس اللي اسمعه والكل عارفه ان الولد تحسين فيه ابجر من البنت

وحياج يالغالية
والله يتمم عليج

 

[Brounzi_girlly]

بالعكس بنتي حسيت بحركتها ابجر من هالحملة وآنا لي الحين مادري شنو جنس البيبي بس قبل يوم حسيت بحركة خفيفة
بنتي كانت تتحرك وااااااااااايد يوم سويت سونار بالخامس حسبالهم ولد
مع التحية...................

 

[ورد وردي]

ماعتقد هالشي صح لان بولدي ماتحرك الا متأخر وكانت الحركة خفيفة مع ان ولد بس اذكر الدكتور قال تحسسين بحركة قلت لا قال بكرية ماتعرفين لان بالنسبة له مو معقوله نص الخامس او اكثر ولا احس بحركة

 

[بنت عاقول]

تبون تصدقون صدقوة .. كنت اقول حق خالتي احس بالحركة وكنت توني بالثالث وتضحك على بس والله صج .. ما ادري ليش ؟
بس هالمرة الحركة خفيفة لدرجة اني شكيت لا سمح الله البيبي ميت ولما رحت الدكتور حط السونار وقالي شوفي لدرجة انه مو قادر يصيد النبض ماشاء الله من الحركة الزايدة ,بس ما احس بالحركة من بره ( على بطني ) للعلم انا للحين ما ادري شنو فيني كل ما اروح يقولي مو مبين وسوي 3d بس انا خايفة ..

 

[ام وليد hamood]

حبيبتي بنت عاقول مادري انتي شفتي موضوعي عن احلام الحوامل؟؟؟
يمكن تستفيدين منه. انتي وكل وحده موجوده هني حياها الله وانشالله اذا اقدر ماراح اقصر مع احد انشالله.

 

[ام ليان]

مو شرط كل حمل وله ضروفه يعنى اذا مرتاحه او بكر او عندج مشاكل بالحمل بس احس ان حمل الاولاد اريح واهدى من البنات

 

[الحور]

والله انا عندي بنات بس همن كانو يتحركون لاوبعد احس
انهم كانو يقعدون يتركون بكوعهم مادري بوعهم ..
هههههههههههههههههههههههه

 

[ام وليد hamood]

سبحان الله كل وحده غير . كل حرمه وطبيعه جسمها.
مشكووووووووووووووووووررريييييييييييين على ردودكم الحلوة

 

[المبدعة]

انا عن نفسي ولدي الثان اكثر واحد تحرك بطني حركة ملحوظة
عكس الباجيين

و الحين الله اعلم

 

[daloO3a]

انا اختي العكس تقول الصبي جنه سمجه يتسبح لووووووووول

اما البنت ترافس ههههههههههههه

 

[ضماي هو وهناي]

كل حماله تختلف عن الثانيه وحتى امهاتنا قالوا السر اذا طلع واختي وبنت عمتي سرهم على بعد تشوفينه ويابو بنات وقالو الولد يسار ولدي يمين وقالوا الولد فوق ولدي تحت وبنتي بالكلى احسها ,,,, وقالوا ام الولد تسمر وانا صرت ابيض من طبيعتي انا وجارتي بعد والبنت سمرا ...!!!!عكس ماقالو
قالوا فيه اختبار الله يكرمكم البول والبول يوم يطلع ولد ومن بكره بنت وبعدين ولد وشي يضحك انه بمره صار بين البينين .....
بمرة سألت الدكتور صالحين تذكرونه اللي اول بدار الشفا ضحك وقال هذي تخريف وتكهنات خاطئه ...
الله يرزقني ويرزق اللي تبي بالجنس اللي تتمناه .. الله الرازق والموفق ان شالله

 

[أم حمودي**MALL**]

مشكوره عالموضوع الحلو ام وليد
وانا بقولكم طريقة تعرفون نوع الجنين من خلال الحركه
حركة الولد تكون مثل رفه جنه شي يرف داخل البطن
حركة البطن مثل كقه جذيه تك تك

 

[سفيرة العشق]

اتهقون؟؟؟

عاد انا مرات احس بحركة خفيفة
مادري عاد ولد ولا بنت؟؟

 

[الوتين]

بنات وشنو يعني الحركة اذا حسيتووووها من الصوبين كأن البيبي يتحرك يمين ويسار في وقت واحد كأنه من اليد والرجل؟ وتكون له رجفه او نفضه كأنه يهتز وتالي يتحول الى رفس عالخفيف بدايته يسااار تالي بكل صووووب



منو عندهاااا خبرة بالحركة تفيدناااااااااااااااااااااا


موضووووع حلوووووووووو يسلموووووووووووو يا عسل

 

[زينانه]

مرحبا لكل الحوامل انا اللي اعرفه بحركة الجنين إن الولد دايم تحسين ثقل وحركه باليمين والبنت عادي تتحرك يمين ويسار مع شد بعضلة الفخذ اليسار،انا فبناتي كنت احس بشد بفخذي الايسر يذبح بس هالحمل غير كل الرفس باليمين،ادعولي ولد.