قصر عنق الرحم؟ ابر تثبيت؟ الربط؟؟

بنات اليوم كان موعدي مع الدكتورة قالت لي عنق الرحم قصير و عطتني ابر تثبيت ابرة كل اسبوع لمده شهر اخذت أول ابرة اليوم طبعا مؤلمه و اللي خوفني اني بالغصب احرك ريولي عقب الابرة عاد عقب ما عطتني السستر الابرة تقولي انتي قوية لأن وايد من اللي ياخذون هالابرة من شده الألم تسبب لهم ترجيع حدها حسستني اني قوية و سوبر الترا
المهم انها قالت لي احتمال تسوي لي ربط اذا ما تغير الوضع و طلبت مني ارتاح و اشرب سوائل وايد لأن احتمال يكون السبب من كثرة الحركة و قلة السوائل

الاستفسارات و الاسئلة :


- هل الحاله النفسية تسبب قصر عنق الرحم؟

- هل هناك اضرار لأبر التثبيت؟

- شلون طريقة عملية الربط؟ و هل هي مؤلمة؟ شكثر مدتها؟ و شنو أضرارها؟


بانتظار اجاباتكم على هاتف البرنامج رقم 123456789

الله يعينج

اللي اعرفه انه قصر عنق الرحم ممكن يكون شي خلقي يعني تكونين انتي اساسا مولوده جذي
و ممكن يكون من الثقل


بالنسبة لأبر التثبيت مو متأكده بس سمعت انها تأخر الولاده يعني عادي يطوف موعدج

الربط سمعت انه عملية بسيطه يمكن ربع ساعه بس بعدها لازم ما تتحركين كلش طول فترة الحمل

الله يسهل عليج

الربط يسوونه بنج عام وماتحسين فيه انا سويته علشان تونز
وتوه بادي معاي تقلص بالرحم وانا الحين بعد يومين ادش الخامس فقالتلي الدكتوره بتعطيني هالابر مره بالاسبوع علشان لا يحوشني طلق مبكر واهي تثبت وتمنع الولاده المبكره ومافيها مضره انشالله

عاادي انا ببدايه حملي يكون عنق الرحم طويل وطبيعي من ادخل الخامس يقصر وسويت ربط عند نداء بوخضور بنج عام ماطولت حتى نص ساعه بس لازم الراحه ضروري واخذت ابر وتحاميل تثبيت وكلشي جربته

راحه
وللا راحه تامه؟

يعني يسمحون اتحرك ؟ انا اتعب نفسيا من القعده