منو سافرت مع زوجها بعد عرسها على طووول (شهر العسل )

السلام عليكم



بنات أبي اللي سافرت مع زوجها شهر العسل


تتفضل وتدخل موضوعي




بسألها جم سؤاااال





ممكن

رد : منو سافرت مع زوجها بعد عرسها على طووول (شهر العسل )

هلا والله ببيت القصيد انا سافرت عقب عرسي بيومين شهر العسل ..

رد : منو سافرت مع زوجها بعد عرسها على طووول (شهر العسل )

انا سافرت عقب العرس ابـ 4 ايام

واااي يالله على الطياره وخاصه لي كانت الرحله طويله خخخخخخخ و First class عشتو

رد : منو سافرت مع زوجها بعد عرسها على طووول (شهر العسل )

انا ماسفرت حسافه

الله وكيلج رحت دواومت من ثاني يوم>>>وايد اتحب دوامها

رد : منو سافرت مع زوجها بعد عرسها على طووول (شهر العسل )

وانا ماسافرت ...
وصباحية عرسي كان عندي امتحان خخخخخخخخخخ شسوي الدكتور مارضى يأجله وماهان علي اسحب الكورس

رد : منو سافرت مع زوجها بعد عرسها على طووول (شهر العسل )

هلاااااااا فيكم


نورتوا الموضوع





رفرف وتوتو الحلوه


من صجكم وحده مداومه و وحده عليها امتحان

صعبه بصراحه

المفروض الوحده ترتاح بعد العرس


يما من نحاسة هالدكتور



















هلا

بنت العز

و


رورو






بغيت أسألكم يا حبايبي


1-شنو آخذ معاي بالسفر
بصراحه ماني عارفه شنو أخذ أحس كل شي مهم ولازم آخذه

2-طبعا لازم اشتري لاهلي واهله هدايا
لمنو بالضبط اشتري(أمه خواته ...........الخ
وشنو اشتري لهم
وانا اللي اشتريهم بفلوسي ولا أخليه هو اللي يشتري


3-شنو البس للزوج سواء طلعت وياه او بالبيت
طبعا راح نجابل بعض انا وياه 24 ساعه
لا شغل ولا مشغلة

فشنو البس؟





بانتظاركم

رد : منو سافرت مع زوجها بعد عرسها على طووول (شهر العسل )

هلا والله بالغاليه نفيشه


ردينا انا وياج بنفس الوقت





المهم حصلتي سفره وطلعتي



عسى استانستي؟





وردي على الاسئله اللي انا حاطتها


لانج تعتبرين مسافره شهر عسل



بانتظارج

رد : منو سافرت مع زوجها بعد عرسها على طووول (شهر العسل )

والله بيت القصيد على حسب اشكثر بتقعدين و بطولين هناك
و على حسب المكان يعني جزر؟؟
والا مدن؟؟؟

انا طولت شهر كامل و نوعت جزر و مدن خذيت كل شي وياااي

1-شنو آخذ معاي بالسفر
بصراحه ماني عارفه شنو أخذ أحس كل شي مهم ولازم آخذه

قمصان النوم اخذي واااااااايد لان اذا خلصو ماكو مجال انج تشترين غيرهم هناك اصلا راح تستحيــــــــن

فمن هالناحيه انا كنت ماخذه احتياطي فشله اشتري جدامه

ملابس عمليه حق الطلعه يعني يفضل جينزاات بس اخذيلج اللي خامتهم خفيفه

ملابس داخليه

جواتي او صنادل عمليه يعني مو كعوب و هالسوالف ترى تتوهقين

جناط

طبعا اذا كنتي متحجبه ملافع و شيلات هم اخذي وايد عشان كل يوم اتصيرين بلوك يديد جدامه

مكــــــــــــــــياج

عطور و الاغراض الخاصه بالحمام

سياده و ثوب صلاه و قرأن

طبعا في حالة انج بتاخذين جزيره خاصه يفضل تاخذين مايوهااات

ايـــــــــــــــــــــي


اهم شي الاستشواااار و الاكسسوارات مع قمصان النوم
و احتياط اخذي كوتكس ماتدرين يمكن اطب عليج فجأه

هذا اتوقع اهم الاشياء اللي ممكن تاخذينها وياج
2-طبعا لازم اشتري لاهلي واهله هدايا
لمنو بالضبط اشتري(أمه خواته ...........الخ
وشنو اشتري لهم
وانا اللي اشتريهم بفلوسي ولا أخليه هو اللي يشتري


اي طبعا لازم تشترينلهم لأن أول سفره لج عشان تطلعين بالصوره الحلوه جدامهم

اشتري حق امه و خواته اهم شي و اذا عنده حريم اخوانه يفضل تشتريلهم

بس بفلوووسه

لانج مو ملزومه تستريلهم بفلوسج

انا اذكر شريت حق امه و خواته جناط فيندي و عطورات يعني اهو ممكن اساعدح بالاختيار اهو اكيد يعرف ذوقهم

و اي شي تلقينه مناسب ساليه و اهو يعطيج رايه

اما هدايا اهلي انا اعرف ذوقهم عدل و كاان عندي فلوس ماصرفتهم فشريتلهم بفلوسي من غير مايدري لأني كنت ابي اخذ راحتي بس حصلت ززززفه محترمه

فالافضل اهو يشتري و اذا كان بخاطرج شي و مستحيه اشتريه بفلوسج بس لاتقوليله الا لما ترجعون الكويت عشان مايعطيج محاضره


3-شنو البس للزوج سواء طلعت وياه او بالبيت
طبعا راح نجابل بعض انا وياه 24 ساعه
لا شغل ولا مشغلة

فشنو البس؟



اذا طالعه وياه ملابس عمليه لأن راح يكووون لوويه ورحلات أريح لج ملابس عمليه خفيفه

اما اذا بالبيت نوعي

يعني حفر
تنانير قصيره
cut
3\4
لوو وست
برمودا
علاليق
كوكتيل

بس انا اقولج ترى نااادر راح تتفرغين حق هالسوالف اغلب وقتكم طلعاات

انا هالسوالف ماستفدت منها واايد بشهر العسل



و بس

و انشالله اذا ذكرت اي شي ارد اقولج

و اتمنى اني اكون كفيت ووفيت
و أفدتج لو بشي بسيط

و العفو

رد : منو سافرت مع زوجها بعد عرسها على طووول (شهر العسل )

بنت القصيد انا سافرت عقب عرسي ب 3 اسابيع

عموما على عزيزتي على حسب الديرة اللي بتروحينلها ..

يعني اجنبية او عربية طبيعتها يعني طبيعة والا بحر والا ترفيهية ...


اول شيء قالتلج بنت العز ...عن الهدوم بس لا تكثرين عشان الوزن يعني اخذيلج بدلة رسمية وحدة عشان ردة المطار غير اللي لابستها بالروحة ..

واخذيلج ملابس عملية وذربة حق الفرارة والطلعات والسوقة ولا زم تحطين في بالج انج بتبدلين مرتين باليوم اذا طلعتي على فترتين ..

اذا في اماكن سهر وقعدات ومطاعم وهذا اغلب شيء للمطاعم او الدير العربية لازم اغلب شغلج بدل كشخة ..

اذا دول اجنبية كثري من العملي والبناطيل اكثر شيء .. لانهم راحة وذربين بنفس الوقت ..

الجواتي وانتي بكرامة شيء مريح وعملي واخذيلج جوتي رياضة احتياط اخاف في تمشيء ما تتعبين ..

ملافع حسب الوان بدلاتج وجنطتين او 3 بالكثير ...وحدة للروحة والثانية للردة والثالثة عملي ...للتبديل ..

لا تلبسين ذهب وهالسولف لا اخذيلج ساعة جلد عملي وراقية ونوعي اذا عندج اكثر من وحدة واكسسورات ...

انا اعتقد خمس بدل عملي و2-3 رسمي كافي
5 ملافع و3 جواتي وواحد منهم رياضة ..

طبعا اخذي روبج وجم بجامه نظام شورت وقمصان قصيرة وايد احلى وعملي للسفر وصدقيني ماراح تلبسينهم كلهم خصوصا اذا بتنقلين كذا مكان لان تشقل وترتبي الجناط عفسة بالسفر وخصوصا اذا كانت اكثر من ديرة فديربالج ..

اخذي معاج سمسونايت صغيرةحطي فيها كريماتج ومكياجج واذا علبة شدو احسن وكريم حماية وبودرة ومسكرة وكحل جاف وسائل وهمن كريمات تنظيف

عطوراتج وخلطاتج ودهن عود او مجموعة طيبة وبعد اخذيلج خلطة للفراش ...

اخذيلج روب وفوطة الست واذا شارية لزوجج نفس الطقم اخذيهم ...
شامبواتج ومشوطتج واستشوار وكلبس ...


بس حطي ببالج ان اغلب وقتج طلعات ولما ترجعون راح تدورون الفراش ...

انا عندي عادي اشتري قمصان من هناك وكثري الاشياء الغريبة والماركات واللي ما شفتيهم بالكويت ترا عادي وما اظن فشلة ..

ومن ناحية الدفع انا كنت ما اشتري لاني مو مادية واستحي ابينله اني مو شايفة خير وابي اشتري واهو كان ما يحب سوالف الهدايا بس يبت لاهله اشياء بسيطة واهلي بعد وعموما ما لقيت اشياء مناسبة وكل اللي شفته الحلو ماركات لا واغلى من الكويت بس مافي اشياء حلوة ومناسبة ...

وبأمان الله مارحت السوق الا مرتين وهمن مو حلو كل شوي سوق حلاتها كل طلعات وتمشي ...

انا كنت ماخذة معاي فلوس وماخلاني اشتري منهم بس انا بطبيعتي ما احب اكلف عليه وخصوصا انا كنا ببداية زواجنا وشيبقول الاشايء هناك كانت اقل شيء 50 وانتي طالعة وبصراحة .............................................................. استحيت




عاد انتي وميانتج معاه ..

اذا اي سؤال انا حاضرة

رد : منو سافرت مع زوجها بعد عرسها على طووول (شهر العسل )

غالي الاثمان ..

انا قاعده اتكلم عن قمصان النوم من هدوم الطلعه!!


تدربن قمصان النوم اغلبها خفيفه و ماتاخذ وزن و البنت عروس و تحتاج انها اتغير على طول لأنها ماتعرث عن طبيعة ريلها شي و أغلب الرياييل يحبون المره تكون كل يوم بشكل يديد..

فيمكن الريال يحب التنويع و يحب كل يوم تلبسله شي..

انا اعرف وحده سافرت اسبوع و مو ماخذه وياها غير 7 قمصان نوم! اتقول تفاجأت اني اضطر أغير قمصاني اكثر من مره باليوم !! فعلى أخر الايام رديت أعيد البس قمصاني و اللي صدمني ان ريلي لاحظ و قاللي هالقميص لابسته من قبل !!



و انا كنت تارسه جنطتي قمصان نوم بس و الله خفااااااااف ... أخف من الريشه لاوزن و لامساحه ماخذه من الجنطه



و بالنسبه حق الهدايا لا تنسين ان الهدايا اللي راح اتييبينها حق حمولتج راح تترك انطباع عنج و عن كرمج مو الا غالي !!! لااا بس حلو ان الشي يكون مميز .. فأي شي يعجبج انتي و ريلج و سعره مناسب اخذيه ..


و غالي الاثمان هذي مو شفاحه !! انا شريت حق اهلي بفلوسي لاني كنت استحي اخذ شي من فلوسه خصوصا من اول سفره لو هذي فيها شفاحه جان شريت كل شي على حسابه و اهو عموما على حسب طبيعة ريلج انا ريلي يحب يشري !!!


و كان دايما يشتري حق خواته و امه في كل سفره مو معقوله بيي انا على اخر شي و بغير هالطبع !! شبيقولون عني اهله !! جعصــــــــــــــــه !!

و بيت القصيد طلعي و استانسي و روحي كل مكان يخطر على بالج و خللي مثلا اخر 3 ايات سوق و هدايا !!

انا جذي خليت 5 ايان الاخيره حق التسوق و التشري ..


و عالعموم هذا رايي و انا مقتنعه فيه و كل واحد و قناعته

رد : منو سافرت مع زوجها بعد عرسها على طووول (شهر العسل )

سوري وايد اكو بدليات


اقصد اخر 3 ايام خليها سوق و تشري

و اذا مو فاهمه شي من كثر البدليات قوليلي

رد : منو سافرت مع زوجها بعد عرسها على طووول (شهر العسل )

انا رحت داومت بعد يومين من عرسي








تخيلوووووووووووووووووووووووووووووو ؟؟؟؟؟؟؟؟؟؟؟؟؟

رد : منو سافرت مع زوجها بعد عرسها على طووول (شهر العسل )

قوه اختي كل القصيد
الله يوفقك ويسعدك ويهنيك قبل كل شي ثاني شغله

بالنسبه هلاموضوع ليت احد معلمني قبل لا انا اسافر مع ريلي
انا سافرت يوم صباحيتي وماكان عندي وقت ازهب جنطتي وقبل لاعرس انتو عارفين اللويه
فجنطتي زهبوها لي اهلي وييت استلمتها وسلكت عليهم والمطار علي طول
الحين اجابات الاسئله
-شنو آخذ معاي بالسفر
ماخف وزنه وغلي ثمنه واكثر استعماله
اذا بتروحين فندق لاتاخذين ارواب الحمام لانها تاخذ مساحه كبيره حيل بالجنطه واكتفي بالفوطه الكبيره (انا اضطريت اخلي روبي واهو ماركه بالشقه اللي كنا فيها عقب ماتشريت وخلصت وانترست الجناط) ثوب الصلاه والسجاده مهمه جدا والاوتي لاتنسينه اخذي اوتي السفر اللي ينسفط العنونو
ملابس الطلعه : اهم شي البنطرونات وكثري من القمصان اللي فوق واخذيلج ثلاث بدل كشخه ماركه اذا رحتو اماكن كشخه مو كله سبورت
جناط اخذي البيسك وكبري من حجم الجنطه ولاتاخذين جناط غاليه وايد اخذي وحده بس لان يمكن تبناق منج واخذي باك باغ تريحج بالمشي او ويست باغ
واخذيلج تنوره ستاندريمشي عليها كل شي
الجواتي تكرمين اهم شي يكون مريييييييييييييح انا كل سفره تطلع من عنيي لاني ابي جوتي كشخه وكله يحزون الريل وريلي اتتفخ
اخذي بندول وبين كليرز حق الصداع والتعب والطياره نظاره النوم لاتنسينها
شامبو وبلسم للشعر والاستشوار
الملابس الداخليه كثري من السيتات واخذي شورت ستريش حق تحت الملبس ( المشي مسافات طويله يكون اريح بهالطريقه) وكثري من قمصان النوم ( انا كل يوم اخذله قميص) اما بشهر العسل ماكثرت قمصان نوم كنت رايحه باريس فكنت متوقعه اني بلقي اشياء وشويات هناك بعدين يوم رحت مادليت في البدايه وتوهقت واشوا اني يبت وياي شغلات
ويوم لقيت اكتشفت مافي شي يديد وتربلات الاسعار عندنا
وتاليتي علي ايتام
وعقبها خذيت درس
والميك اب لاتنسينه ويا الاستشوار ومزيلالمكياج مهم جدا جدا
اخذي شي يسليج انتي وياه
اونو
جنجفه
يعني مرات تقعدون متجابلين ومالكم مزاج تطلعون شتسون؟؟ لعبو جنجفه

2-طبعا لازم اشتري لاهلي واهله هدايا
اي طبعا
لمنو بالضبط اشتري(أمه خواته ...........الخ
وشنو اشتري لهم
امه وابوه وامج وابوج وحق كل بيت هديه موتعدين البيت نفر نفر يعني اخته وعيالها واخوه وعياله جان ماخلصتو اخذو حق كل بيت هديه زينه سعرها زين وبس احسن والام والابو هديتهم غاليه وزينه والصراحه انا ايد اكثر من هديه ، وخواتج يبي حق كل بيت شي واللي مو متزوجات ملكيه مشتركه يعني يبي اشياء ممكن يستخدمونها كلهم
وانا اللي اشتريهم بفلوسي ولا أخليه هو اللي يشتري
يكون افضل لو علمتيه اهو يشتري بس ماينمع اذا بتزيدين علي اللي شريتوه تشترين من فلوسج


3-شنو البس للزوج سواء طلعت وياه او بالبيت
طبعا راح نجابل بعض انا وياه 24 ساعه
لا شغل ولا مشغلة

فشنو البس؟
بجامات سنع ذربه
شورتات
بنطرونات وبديات (حق الظهاري والصبابيح) وتسريحات شعرج طبعا لاتنسينها والميك اب
بالليل قمصان النوم
لاتنسين البدي سبريز اللي علي رواي ناعمه وكريمات الجسم والشاور جيل حبوبه

رد : منو سافرت مع زوجها بعد عرسها على طووول (شهر العسل )

كفت ووفت كوينووووووووو

رد : منو سافرت مع زوجها بعد عرسها على طووول (شهر العسل )

انه سافرت عقبها بـاسبوعين تقريبا ..
كان فترة الحج .. ورحنا الحج مع بعض وناسه ذكرى حلوة

رد : منو سافرت مع زوجها بعد عرسها على طووول (شهر العسل )

سلام

البنات ماشاء الله علهم ماقصروو


انا سافرت عقب شهرين

بس تدرون هالفتره كلها مالبست ولا قميص نوووم
حاشتني التهابات طول السفره

بس اشوه ماطولنه بس اسبوعين



وتروحين وتردين بالسلامه

رد : منو سافرت مع زوجها بعد عرسها على طووول (شهر العسل )

بنات ترا التهابات شهر العسل شي طبيعي لاتخافون
انا تذكر كنت مراجعه الدكتوره عادي
جان تقولي توها بتبتدي فيج الاتهابات
اشوا اني ماحسيت بالمها ولاعود
وعطتني تحميله وحده وبس الحمدالله الله فكني الشر

رد : منو سافرت مع زوجها بعد عرسها على طووول (شهر العسل )

اي انه بعد حاشتني هالالتهابات .. وعطتني الدكتوره غسول معقم مع حبوب تدر البول تخفف حرقة الالتهابات

رد : منو سافرت مع زوجها بعد عرسها على طووول (شهر العسل )

جزاكم الله الف الف الف الف الف الف الف الف خير



والله ما قصرتوا رايتكم بيضا




وعسى الله يجعله في ميزان اعمالكم