مشكورين ع التشجيع
الكاتبة نزلت البارت وانا ع طول نزلته لكم
* * * * * * * * *$$الفصل الرابع$$
* * * * * * * * * $$الحزء الثاني$$
* * * * * * * * $$$البارت ١٢$$$. *
ركبت سيارتها*
وهي تصيح وتلعن نفسها
ملاك ما كانت منتبهه وكان فيه سيارة قدامها
وهي تسوق بسرعة جنونية
رفعت راسها وبحركة سريعة لفت ((السكان))>>حق السيارة
وطلعتهمصه ع طريق الشارع*
عقب وقفت السيارة ونزلت
من القهر الي داخلها ركلت السيارة برجلها
لين انتفخت رجلها
ملاك تبكي بحرقة: الله يلعنك يا مشاري .. انت دمرت حياتي .. مالت عليك وع اليوم الي جفتك فيه ..ياليت عمري ماجفتك.. ياليت ما حبيتك يخرب بيت بيتك.. جرحتني .. وعمري ماراح أسامحك .. الله ينتقم منك .. ااااه
اااااه ياجرحي.. جرحتني وانت عارف انك تجرح يلعن خيرك زدت جروحي جراح .. اصلا لا انت ولا هلك يسون انزل دمومعي عليهم
ركبت السيارة مرة ثانيه وهي خلاص ماتقدر تحس انها ماتقدر تسوق السيارة*
اتصلت ع اخوها فهد
فهد بعد جم اتصال رد
فهد: الوو.. هلا ملاك
ملاك وهي تشهق: فهد تعاال خذني*
فهد باستغراب: ملاك انتي تبجين
ملاك صاحت اكثر: فهد تعال خذني الحين تكفى
فهد بخوف: طيب طيب ياقلبي وين انتي
ملاك: في الشارع الرائيسي *موقفه
فهد: طيب .. خلج مكانج لا تتحركين
ملاك: فهد تكفى بسرعة
فهد: يالله دقايق وانا عندج
بعد ١٠ دقايق
وصل فهد وقف سيارته ورأ سيارة ملاك
راح لعندها
ملاك بس جافته حضنته*
فهد مسح ع شعرها: أش فيج يبه ..*
ملاك وهي توها بحضن فهد: فهد تكفى ودني عند ريم
فهد: بس.........
ملاك: فهد تكفى*
فهد: طيب .. ليش الدموع!!!!!
ملاك: فهد بس يكفيني الي فيني
فهد ما حب يضغط ع ملاك لانه جاف أش كثر نفسيتها تعبانه
فهد ركب سيارته مع ملاك
وحرك ع بيت ريم
ملاحظة: فهد يدل بيت ريم من اياام ثانوية ملاك .. لانه كان ع طول الي يوصل ملوووك*
*نخلي ملاك اشوي ونروح عند حصة
حصة دخلت ع فيس بوك وجافت اضافة
حصة قالت بينها وبين نفسها: بقبل *يمكن اضيع وقتي بدال هذا الملل الي انا عيشه فيه
وفعلا قبلت*
وجافت صاحب الإضافة فاتح
........: سلام
حصة: وعليكم السلام
........:شكرًا لقبولج اضافتي
حصة: العفوو ... انت بنت ولا ولد
......: لا هاذي ولا ذاك
حصة: ؟؟؟؟؟؟؟؟
.......:انثئ
حصة: اهاااا
......:من وين؟
حصة: من. البحرين وانتي!!!
.....: ياهلا بهل البحرين ..انا شهد من الكويت
حصة: اهلين منورة*
......:تسلمين حياتي .. الا شسمج!!
حصة: حصة
شهد: عاشت الأسامي ..حصة *عمرج جم !!!
حصة: ١٩ .. انتي
شهد: العمر كله.. انا ١٩ بعد
حصة: تسلمين
يعني جيه سوالفهم
نرجع للمحور الاساسي
وصل فهد بيت ريم*
نزل مع ملاك من السيارة*
ملاك هدت اشوي
دق فهد الباب
ريم كانت تطالع التلفاز*
قامت تفتح الباب*
وكان ريان برع البيت يشتري له جم شغله علشان السفر
اول ماتفتح ريم الباب ملاك حضنتها وصاحت
ريم استغربت وفي نفس الوقت خافت ع صديقة عمرها*
ريم تكلم فهد: أش فيها
فهد : مادري عنها ..انتبهي عليها
ريم: اوكي لا تخاف.. ملاك في الحفض والصون
فهد ابتسم وتوكل....
اما ريم خذت ملاك*
وراحوا غرفتها
ريم سكت باب غرفتها وقعدت يم ملاك
ريم: ملاك حياتي اشفيج!!
ملاك بصوت مذبوح: مجروحة يا ريم مجروحة
ريم مب فاهمة شي: من شنو .. من الجرحج وخلى هالعيون الحلووين يدمعون
ملاك: الي حبيته من قلبي وجرحني في يوم واحد
ريم مب مستوعبه شي
ريم: مجروحة.. حبيته.. قلبي.. في يووم.. شسالفة!!!
ملاك شريط الذاكرة عاد وبتلها
قالت ملاك لريم كل الي صار*
ريم كانت حدها منقهرة: صج خايس .. الله يعلنه .. اهو الخسران .. ولا انتي الف وأحد يتمناج .. اهو جافي عمره ليش .. ليكون ملك وحنا عباده يلعن خيره .. يعله ما يتهنى وما يتوفق في حياته لانه نزل دموعج .. لانه. كسر ابتسامتج.. ولا انتي أش ناقصج.. كاملة مكملة..
ملاك بحزن والم: لا ياريم لا تدعين عليه..
ريم باستغراب مع عصبيه: انتي قلبج طيب ياملاك فوق ما جرحج تدافعين عنه!!!
ملاك بأسف: للأسف هذا الفرق بيني وبينه.. انا قلبي حنون وهو قلبه قاسي....
ريم بقهر: ااااه ياملاك والله هو مايستاهل هل جمال وهل الطيبة وهل ولابتسامة..صدقيني يا ملاك ان الف واحد يتمنى تعطينه وجه غير مشاري...
ملاك نزلت راسها: لو الامر بيدي جان ماحبيته*
بس القدر هو الي حكم احبه .. اي احبه عشقة بجنون ...بس جرحني ما توقعت يوم من الايام
أني بنجرح.. جفتي يا ريم .. الدنيا أش سوت فيني .. كسرتني .. يمكن صح انا وايد لعبت في حياتي .. دووم اضحك و ارمي كل شي ورأ ضهري .. بس جوفي أش صار فيني .. اخر هالضحك وهالمقالب .. تنقلب علي*
.. من المتضرر.. انا .. هه ايه انا هبله وغبيه
عبالي كل شي ابيه أخذه بدون اي احد يقول لي لا.. عبالي ملكت الدنيا وصرت المكله والي ابيه أخذه .. دووم أحلامي لزم تتحق بس ما دريت ان الزمن قاسي ومو كل شي ابيه أخذه
.. هه الكل يقول لي ياهل.. اووووه ياليتني ياهل كل همي لعبتي.. هه الحين عرفت ليش ابووي لين كنت اشتري ألوان ارمي الون الابيض كان دائماً ابووي يقول بتحتاجينه وانا كنت اقول طول عمري ما راح احتاجه لان ماله لون بس الحين اتمنى ان هالون موجود بيدي امسح به أخطائي وارجع ابني حياتي من جديد..
ريم تأثرت وايد بكلام ملاك وحسن بقهر ع ملاك .. عرفت أش كثر ملاك مجروحة*
حست ريم بغضب كان ودها تروح لعند لمشاري وتزفة زف تخليه يكره نفسه
بعد ساعة تقريبا*
ملاك نامت من الارهاق*
عبالها النوم بينسيها جروحها لكن للأسف حتى صارت تحلم بالموقف .. حتى وهي نايمة تتعذب ....>> الله يسهل عليها
ريم تأكدت ان ملاك نامت
لبست ثيابها وطلعت*
.........................
عند مشاري قاعد مع ربعة في المطعم>> نفس المطعم الي جافت ملاك مشاري فيه
ريم كانت متوقعة انه هناك لان هالمطعم مفضل عند مشاري ودووم يروحه بعد الدوام مع ربعه
نزلت من السيارة وهي حاسة شياطين الارض كلهم ع راسها*
>>< اذا عصبت ريم تنقلب شيطان حتئ إبليس يهديها>> خخخخ مب بنت حشئ
فتحت الباب لين ما ارتقع الباب بالجدار
من قوة الرقعة الكل التفت*
ع فكرة : اغلبية الي في المطعم شباب
شباب استغربوا
حتى صايرين يقولون في قلبهم : هذي بنت لا لا في خلل
ريم اتجهت صوب مشاري وربعة
امشاري يعرف ان ريم جايه صوبة ولكن ولا يهمة يشرب قهوته بهدوا حتى ربعه مستغربين منه
ريم من القهر والعصبية*
لين جافت مشاري ولا هامة أمرها جنها مب موجودة،...
بحركة منها دزته لين ما انكت>> طاح
القهوه عليه
والمشكلة ان القهوه حدها ساخنة*
مشاري قام وهو متنرفز من حركة ريم: هي انتي أش فيج انخبلتي
ريم وهي معصبة: لا مب انا الي انخبلت انت الي انخبلت
من صوت ريم العالي الكل تجمع
ريم: ولا من العاقل الي يخلي ملاك.. ابي اعرف انت شنو جايف روحك بالله .. انت واحد غبي أهبل حقير نذلً .. صدقيني راح تندم قد شعر راسك ... انت منو تزعل ملاك وتخليها تتعذب يالعن خيرك . ملاك طول الوقت تبكي وتكلم نفسها جنها مجنونة وانت يابرودة والله دمك قاعد تشرب قهوة وهي تتعذب ع حساب راحة حضرتك
مشاري: سمعي اهي وحدة هبله عبالها الي تبيه بتاخذه >> اشر ع نفسه<< انا أش ذنبي ابتلش فيها
ريم بعصبيه: وهي أش ذنبها لانه حبتك بصدق
مشاري: محد قال لها تحبني
ريم بستهزا: وانت عبالك الامر بيدها .. قلبها هو الي اختارك.. مب هي ولا لو بيدها جان حتئ ما عبرتك يالعن خيرك أش قد غبي بس والله مافيه غيرك خسران*
ومشت وهي تحس براحه مب طبيعية
...................
ملاك صار لها يومين ما راحت الجامعة*
والكل ما يعرف السبب*
في الجامعة.....
فيصل يحس انه خلاص بيجن لانه ماجاف ملاك
يحس لين يجوفها يرتاح يستأنس يحس بسعادة بس يجوفها تبتسم حتى وهي معصبة يحبها بس ينقهر ويحس قلبه يعورة لين تبكي
خلاص فيصل اذا ماجاف ملاك يوم واحد يجن*
حتى انه مايحب احد يقرب صوبة
فيصل يهز رجله بقهر*
حده متضايق
حتى انه مستغرب من نفسه*
اشلون بهالسرعة حبها
ملاك بهبالها تنحب لان اي احد يقعد معاها خلاص يدمن عليها
اهي الكل بالكل في الجامعة
ريم بعد صايرة يوم تجي ويوم تغيب*
اما حصة مع انها ما تحب الدراسة بس تحضر
فيصل اول ماجاف ريم نداها
فيصل: ريم
ريم : هلا فيصل
فيصل: وينج ما نجوفج عسى ماشر
ريم بضيقة: ولا شي . لا تخاف
فيصل : الا وين ملووك الخبله مانجوفها !!!!
ريم تضايقت: ملووك الخبله . اااه ع ايام اخبالها
فيصل حس قلبه بيطيح من خوفه: ملاك فيها شي
ريم: ........
فيصل حس بخوف اكثر: ريييييم اقولج ملاك فيها شي
ريم: لا مافيها الا العافيه .. بس اشوي تعبانه وتحتاج راحه
ومشت
فيصل اشتاق لها
يبي يكلمها يستهبل عليها
يبي يسمع صوتها
بس ماعندة رقمها ولا حتى بنها
بدر راح عند فيصل
بدر: فيصل
فيصل: همممم
بدر: فيصل يأخوي أش فيك متضايق وهموم الدنيا فوق راسك
فيصل: بدر ابي أسالك
بدر: شنو؟؟؟
فيصل: لو تحب بنت بس ما اعترفت لها ولا حتى تعرف أيشً رقمها ولا حتى بنها شتسوي
بدر يحك راسه: اممم والله الوضع صعب يعني لا تعرف رقمها ولا حتى بنها صعبة .. بس تقدر تسال عن بنها ولا رقمها
بدر *باستغراب: الا ليش تسال
فيصل قام : بعدين تعرف .. شكرًا ع المساعدة
.............
وفعلا صار فيصل يدور ع ريم يأخذ بن ملاك*
لقها تتكلم مع بنات معها في نفس القاعة
فيصل: ريم
ريم: هلا
فيصل: ابي بن ملاك ورقمها
ريم: ليش!!!
فيصل: ابي انطمن عليها مؤ حلوة مني ما اسأل عنها
ريم ابتسمت
وعطا فيصل بن ورقم ملاك
فيصل ضاف ملاك بس ناطر قبولها
في شلة قريبة من فيصل
وحدة من البنات: بنات تخيلوا من جفت قبل امس في ممشئ الشيخ خليفة
البنات: من؟؟
البنت: ملاك الي معنا في الجامعة
فيصل كان يسمع حديث البنات
اول ماسمع اسم ملاك قرب عندهم
فيصل: وين جفتيها!!
البنت باستغراب: في الممشى
فيصل: شتسوي!!
البنت: الصراحة جفتها تكلم شاب كان طويل و *وسيم
فيصل: احد سالج اشلون شكله .. اقول اشفيه الولد
البنت أفشلت : كان يزفها
فيصل: ليش!!!>> حشى تحقيق
البنت: والله ما عرفت السالفة بالضبط بس الي فهمته انها كانت تعترف له بحبها وهو قال لها. انتي هبله يعني كان يقول لها كلام جارح الصراحة .. حتئ انها صاحت وتمت تصارخ ومدري شتقول!!
فيصل واقف منصدم من كلام الي سمعه
فيصل بينه وبين نفسه: الحين عرفت ليش ملاك تعبانه ع قولة ريم اثاري هي مب تعبانه .. مجروحة... اااه ياملاك ليش تذلين نفسج لهالشكال.. اه لو اعرف من هو جان ذبحته جدامج
.........
خل نرد عند ملووك*
ملاك صايرة حدها تعبانه جروحها تنعكس ع مضهرها
صايرة طول الوقت تفكر وتكلم نفسها
صايرة لا تأكل ولا تشرب ولا حتئ تنام*
قلبها مجروح
حتى من قلة النوم صاير تحت عيونها هالات واضحة
و صاير وجها مصفر*
وصايرة وايد نحفانه وحتى عضمة خدها واضحة*
من كثر ما صاحت نشفت دموعها
خذت البيبي
وجافت اضافة*
كلش ما كانت مهتمة
بس قبلت الإضافة
فيصل اول ماقبلت ملاك استانس
فيصل دخل محادثة مع ملاك
فيصل:ملاك شحوالج!!
ملاك باستغراب:من!!!
فيصل: واحد دووم يمج
ملاك: من فكني
فيصل: ليش مسوية في نفسج جيه الي تبجين عليه ما يستاهلج
ملاك استغربت وصارت تقول في قلبها': منو ذي وش عرفة فيني وشلون يعرف اسمي
ملاك رد عليه: منو انت
فيصل: واحد يعزج ويحب ابتسامتج ويحب اهبالج واحد اذا جفتي الكل ما مد ايده لج*
اهو يمدها لج واحد اذا ضاقت بج الدنيا يوقف معاج*
ملاك: من انت لا تستهبل!!
فيصل: مب لزم تعرفين من انا المهم ترتاحين لي.. ملاك اذا تحسين انج تبين تقولين لي شي كلميني ع هالرقم(............٣٣)
او ع هالرقم(...........٣٩)
ملاك اتصلت ع الرقم تبي تعرف منو الي يكلمها
فيصل رد: توقعت تتصلين
.......................................
تابعوني في البارت ١٣
مع تحياتي
حمااااس تكفوون