كل وحده تدش وتسولفلنا عن تجربتها مع الولاده

رد : كل وحده تدش وتسولفلنا عن تجربتها مع الولاده

تبون أول طفل .... وإلا آخر واحد خخخخخخخخخخخ



عالعموم أخر مولود ... كان مسبب لي الرعب

من الخرعه ظليت بالبيت ماأطلع

حتى الدوام خذيت منه اجازه

من زود الخرعه تأخر موعدي عن توقيت الطبيب بأسبوووووووووووووع بحاله


وتبون أضحككم .... رحت للدكتوره وقالت لي

إذا ماياج الطلق تعالي نولدج غصب طيب ....

خفت أطلع ظليت بالبيت ويوم جاء الموعد ....

رحت وقلت لهم مافيني ولاده بس متأخر موعدي

بس كانت المفاجأه أنه لماعملت فحص


قالت ....


عالولااااده .... الرحم مفتوح ولادريت







عاااااد أقووووووووولج .....




ودشيت الولاده وكلها ساعتين قعدت لقيت نفسي والده ....






وسلامتج

مشكورة مناي على التجربه

بس مايصير تبي كل التجارب وبالتفصيل

رد : كل وحده تدش وتسولفلنا عن تجربتها مع الولاده

اي والله نبي كل التجارب وبالتفصيل .. انه اشوي وادش شهري وخايفة .. سولفوا لنا عن تجربتكم مع الولادة وشنو شعوركم أمبييييييه والله خايفة ..

يالله سولفوا ومنكم نستفيد

رد : كل وحده تدش وتسولفلنا عن تجربتها مع الولاده

عادي لاتخافون


بقووووووول لكم



أولا وقبل كل شي فيه أذكار وأيات تقرونها من الشهر التاسع

تهون عليج وتيسر ولادتج بإذن الله ....


ثانيا حسب خبرتي بنفسي

وبتجارب من حولي

علامات قرب الولاده ثلاث

تييج وحده منهم

فيه ناس تحس بطلق
وهو ألم أسفل البطن يلويييج ....
ويصير نفس الوخز وكأن شي بيطلع منج

وهو مايجي فجأه ... لا
يجي ويروح ... ثم تطوف دقايق ويرد وجذيه




فيه حريم يصير معهم نزيف دم
وهذا من علامات الولاده
واللي مو وقت ولادتها تنتبه لأن النزيف يسبب سقوط الحمل
بعيد الشر عنكم




والعلامه الثالثه هي
كيس ماي
فجأه ألم خفيف وينفجر كيس ماء اللي يحوي الطفل
وتنزل كميات ماي رهيبه


وبهالحاله لازم بسرعه تروحين الولاده

لأن لونشف الماي يصعد الطفل فوق ويصير
يحتاج عمليه وصارت في وحده عندنا



طبعا ممكن يكون الماي ينزل على فترات

يعني كل ليله يكون ماي قليل
قد تقريبا سكانه

بس تراه دليل على ان الرحم مفتوح



أنا صارت معي كل هالحالات

وكانت أسهل ولاده اللي انبط فيها كيس الماي

ولدت بعد نص ساعه تقريبا




وهذا تعقيبي على عجاله






باي

رد : كل وحده تدش وتسولفلنا عن تجربتها مع الولاده

مشكووورة مناي عالمعلومات الحلوة ..

ما شالله .. عيل ان شالله تصير ولادتي مثل ولادتج بنص ساعه ادعيلي

رد : كل وحده تدش وتسولفلنا عن تجربتها مع الولاده

انا بقول عن ولادتي بولدي البجي

اول شي انا كان ييني عوار كل يوم تقريبا بس بسيط
بعدين زاد العوار
و تدرون ما عندي خبرة
عاد سالت اختي
كنا ببيت اهلى قلت لها انا فيني جذي و جذي
عاد قامت تحسب لي
لما شافت ان الطلق منتظم قالت فيج ولادة
اهني انا خفت و لا انا كنت ساكته و متحمله
المهم كنت ما ابي امي تخترع
فتحملت و سكت
بعدين قلت ابي ابات عندهم لان ريلي يتاخر بالدوانيه و خفت يصير لي شي
عاد الساعه 3 ما قدرت اتحمل
دقيت عليه
قلت له يلا تعال
وداني المستشفى
و قعد يمي لي الساعه 8 الصبح
قال خلاص انا ماني قادر اتحمل<<<<<زود الاهتمام
عاد اتصل بامه و امي و قالهم ان احنا بالمستشفى
لان امي ما تدري انا طلعت من البيت و اهي نايمه
عاد وصلوا بسرعة
دخلوني الساعه 9 الولادة

و الحمد لله ما تاخرت

اي و لما قمت النوم كانت امي شايلته
قالت لي تبين تشوفينه
عاد انا هني واصله حدة من التعب
قلت لا مابي اشوفه
ان شفته الحين بكرهه<<<<<اسم الله عليه الحين اهو اغلى عيالي

عاد ما قدرت اتحمل قمت اسالهم
شلون ويهه على و لا على ابوه
و اشلون و اشلون
بعدين حنيت عليه و قلت هاتو

بس و الحمد لله
عاد اعطيكم التجارب الثانيه في الحلقات القادمه

رد : كل وحده تدش وتسولفلنا عن تجربتها مع الولاده

السلام عليكم
ولادتي ببنتي جوري كلش ما حسيت فيها , تدرون ليش ؟ لأن الأخت مبسطة ومستريحة وقاعدو مبسطة في بطني , كل اللي حسيته الماي اللي نزل علي ..
قلت لزوجي ترى نزل علي ماي قال لي : يعني شنو , قلت له مادري يمكن ولادة قمت ودقيت على زوجة أخوي وقلت لها قالت روحي للمستشفى هذي ولادة
طرنا للمستشفى لا عوار ولا شي عطاني الطبيب تحميلة طلعت روحي ,, المهم سونار وفحوصات قالو لازم عملية لأن الولادة مجئ بالمقعدة والماي خلص ..
المهم سويت العملية والحمدلله جبت جوري وكان وزنها 3 كيلو .. العملية تعور بس المسكن يساعد كلها يومين صرت أمشي عادي بروحي بدون مساعدة دشيت المستشفى يوم الاربعاء 5/ 4 / 2003 وطلعت منها 9 /4/2003 نفس اليوم اللي انحاش فيه صدامو .. وكانت الناس مستانسة وتحتفل بهاليوم ..
والحين أنا حامل بالشهر التاسع والحمدلله راس البيبي تحت وادعو انه تكون ولادتي طبيعية وان شاء الله بولد في مستشفى لندن .. وسلامتكم

رد : كل وحده تدش وتسولفلنا عن تجربتها مع الولاده

انا في بنتي الاولى كنت رايحه موعدعياده عادي ولا الدكتوره تقول لي ان الزلال مرتفع عندج ولازم نولدج وسوت لي دخول المستشفى المغرب على اساس انها بتحط لي اول تحميله الساعه 6 الصبح وسبحان الله الظاهر من الخرعه ياني طلق طبيعي بلش فيني من المغرب لما ولدت الساعه 11.50 بالليل حتى كانوا مو مصدقيني يقولونم لي انتي باجر ولادتج انتي خايفه بس وانا كنت اطلق!!!
بنتي الثانيه كان الضغط مرتفع عندي فقالت لي الطبيبه لازم نولدج ورجحت لهم بالليل الساعه 12 وبلشوا فيني تحاميل كل 4 ساعات عطوني 3 والفحص الدتخلي كل ساع يايين يشوفون الرحم فتح ولا لا...لما طلعت روحي وبلش فيني الطلق اليوم الثاني الساعه 11 الظهر عقب ما حطولي الدرب وبغيت اموت من العوار لان الدرب يموت وتميت اشيل واشدخ لما قالوا لي تبلين ابرة ظهلر قلت لهم ابي اي شي ان بغى سم!! طبعا اهم ما جذبوا خبر ودكتور التخدير كان واقف عند الباب ويقول لي بحط لج الابره ولا تتحركين وانا قاعده اطلق قلت له اشلون ما اتحرك؟؟!!! المهم انه حطها والحمدلله عقب ما حطها بنص ساعه تقريبا فتح الرحم 10 سم على طول بس ما ساعدتهم بالدفع بسبة الابره فاشفطوها وولدت الساعه 3.40 العصر
وطبعا ولاداتي الثنتين بالمواساة عند دكتوره شاديه
وسلامتكم

رد : كل وحده تدش وتسولفلنا عن تجربتها مع الولاده

ذكرتوني بالذي مضى
الولاده الاولى الحمد الله لحقت علي الدكتوره
الولاده الثانيه في غرفة الفحص تخيلوا رايحه ما فيني شي والدكتوره مالتي مو موجوده حسيت بعوار بسيط دخلت عند دكتوره ثانيه شان تقول غرفة الولاده على طووووول بس قتلها خلاص ما اقدر احس ان باولد وفعلا ولدت في غرفة الفحص
الولاده الثالثه ولدت على الكرسي وكنت في طريقي لغرفة الولاده ما مداني
وما يحتاج اقول الباقي هاهاهاهاهاها بس انا ما احس في الطلق ويني فجأه على فكره انا الحين حامل .................... الله يستر وين ما ادري

رد : كل وحده تدش وتسولفلنا عن تجربتها مع الولاده

انا كل مااتذكر ولادتي ببنتي تجيني قشعريره مااحب اتذكر
انا ولدت اول اسبوع بالتاسع ومااعرف لاطلق ولاهم يحزنون
اذكر كان يوم الجمعه بالليل وانا نايمه كنت اون احس اني موطبيعية وماني قادره انام اتقلب وكان العوار يفتر بطني وظهري ويروح ويرد
قعد زوجي الساعه 5 الفجر ورحنا المستشفى قالوا لي 1 سم مفتوحه وراح تولدين بموعدك وطلعت والالم يروح ويرد لدرجة مااقدر اتنفس بسهوله ورحت البيت واحس ان روحي بتطلع وحاولت انام وقعدت اتقلب وبعدين على الساعه 7 المغرب رحت حق امي عطتني دارسين ورطب وحسيت اني خلاص ولااااااااده رحت المستشفى الساعه 11 بالليل والا الرحم مفتوح 7 سم حده حده ودخلوني الولاده وكل ماسمعت وحده تصرخ بكيت والحمدلله الساعه 2 بالليل ولدت وبعدين ماادري عن الدنيا بسابع نومه بس ساعدني الكمام حيييييييل فقدت الوعي قعدت الساعه 2 الظهر بس المراحل اللي مرت علي كنت احس انها صعبه والحمدلله بنوتي تسوى الدنيا عندي
وادعوالي الله يهون علي ...

رد : كل وحده تدش وتسولفلنا عن تجربتها مع الولاده

انا بولادتي ببنتي اول شي بدا فيني الطلق كنت نايمة الصبح الساعة 8 بس عوار خفيف مثل الدورة ويروح ويرد كل ساعة الا ربع جذي ...
ونزل علي تكرمون افرازات شوي معاها دم ...
عاد انا قلت جاك الموت ياتارك الصلاة جنها صارت ...
واخذ جنيطتي واروح حق اميمتي الله يخليها ...
صار المغرب شفت السالفة مطولة جان ازور معاهم بيت يدي ...
وانا هناك كان العوار يزيد ويصير كل 10 دقايق ...
بعدين كل 5 دقايق وزاد وااااااايد جان اروح المستشفى الساعة 12 تقريبا ...
فحصوني والا 1 ونص ضاق خلقييييي ...
وكل شوية يفحصون قطيعه ولا راضي ينفتح ...
والحالة كلمالها وتتأزم قمت تكرمون ارجع وابجي واقول حق ريلي ترى بموووت من العوار ...
ومعاندتهم يقولون انسدحي شوي وانا اقولهم مابي كيفي بمشي ..
لما صارت الساعة 3 ونص نزل علي الماي وفحصوني والا 2 ونص بس دخلوني الولادة..
وقعدت بغرفة الولادة لي الساعة 7 ونص يالله ولدت لأن الرحم ما انفتح الا حده حده قبل لا اولد ...
طلقي كان يذبح ولا حطولي طلق صناعي ولا شي .... يعني تقريبا تم 24 ساعة
اخر شي لما ولدت سبحان الله نزلت علي طاقة مادري من وين ..
قمت اسولف وماقدرت انام وكل شوي اقولهم ييبو بنتي بشوفها ...
صج لي قالو التعب كله يروح لحظة اللي تشوفون البيبي ...

رد : كل وحده تدش وتسولفلنا عن تجربتها مع الولاده

خووووووش قصص

مشكورين وايد وايد

والله يهون على كل الحوامل

kajool ديري بالج هالمره

رد : كل وحده تدش وتسولفلنا عن تجربتها مع الولاده

ياااااااااااااااااااي أمبيييه جنه قاعده اقرأ قصص رعب .. بس شوقتوني باللحظة اللي اشوف فيها البيبي اول مرة ..

ام علاوي

الولاده ماتخرع مالج شغل بالسوالف >>>

صج تعب بس والله شوفة البيبي تسوى الدنيا ومافيها

رد : كل وحده تدش وتسولفلنا عن تجربتها مع الولاده

الله يهون عليكم أجمعين ....


واللي موحامل يرزقها الله يارب ...



تحياتي ...

حياج الله مناي

رد : كل وحده تدش وتسولفلنا عن تجربتها مع الولاده

ههههه الموضوع اونس
انا في 25 فبراير كان يوم اليمعة و زوجي رايح المسيد كنت كل ما اوقف احس ان شي يسيل كان بجري فكنت عليمية ومادري شالسالفة كنت بالثامن... المهم رجع زوجي وانا متوهقة شلون اقوله المهم قلتله جان اقول لي امشي انروح بيتكم لان لازم اولدونج لول جان اخااف... هههه عاد كان الغدا امربين "امووت عليه "قال لي لا تاكلين رحنا الهادي سوولي سونار و نومني عندهم...بالليل يتني الدكتورة وقالت لي لازم اتروحين الولادة عشان البيبي عنونو و ما عندنا حضانات اضطريت اروح الولادة... وييييع حطوني عمومي لان كان عطلة ومحد امداوم عشان الواسطه سويت اضرااب والماي اسيييييل .... المهم 26 فبراير بالليل ياني عوار لول عبالي برد حايشني وتلحف عدل ويرجع ايني لين ما قدرت اتحمل...نزلوني وبعد ساعااات من العوار ولدت . واول واااخر مرة اولد بالولادة الثاني ولدته في كندا المعاملة وجو المستشفى والرعاية اللي ما بعد الولادة شي ثااني اقول لكم عنها ليتر حدي داايخة

رد : كل وحده تدش وتسولفلنا عن تجربتها مع الولاده

انا اول ولاده لى البكر كانت فى امريكا ........ تاخر موعدى قالت الطبيبه تعالى الساعه 5.30 الفجر احط لك طلع صناعى وفعلا رحت من فجر الله وحطتلى الطلق انا قلت اشوى واولد لا شفت السالفه طولت المهم افحصتنى الظهر قالت مفتوحه 5سم فيج عوار قلتهلها لا ابد...... بعدين الساعه 2 الظهر بدا العوار واللى لا يواريكم كل شوى اروح الحمام وابكى وطبعا زوجى وياى ويكلمنى وانا حاقرته بس ابكى وعلى ال3 لا العوار زاد والطبيبه تتضحك وانا بموت من العوار المهم قالتى السستر شنو بوش بالعربى قتلها دفعى قالت علشان اقولها لك وتغير زام المره وانا ليه الحين ما ولدت ؟؟؟؟؟؟ بعدين صرت انام شوى واقعد مع العوار اقول حق زوجى بموت بموت وارد انام المهم الساعه 5مع طلعت الراس الدكتوره تقولى بنتك شعرها طويل انا عيالى اجيبهم قرعان هذه قبل ما يطلع الراس....هذا وقته يعنى وانا شكو بعيالك المهم لما ولدتها قالت آآه بق بيبى مصيبه حاطين عينهم على الياهل عاد صج كانت بيضه وشعرها طويل اسود وهم شقران فمستانسين عليها كل اللى يشوفها يقول ابيتفل دول ........

اما الثانى فالبهادى رحت يوم موعد ولادى قالى الطبيب قبلها بيوم شربى خروع وامشى وسوى ....... مع زوجك اللى خبرك وتسبحى بماى حار عاد كان زوجى مسافر 3 شهور ورد قبل ولادتى بيوم الصبح بعد ما سويت كل هذا رحت الساعه 9 الصبح قالى فيك عوار قلته ابد ما فينى شئ قالى خلاص تعالى الساعه7 المغرب احط لك طلق قلت خوش الخميس اروح ازور واستانس واى بالليل رجعت البيت تريقت مع ريلى وخالتى كانت الساعه 10 وهنا حسيت بعوار مثل تيبس المهم انا قاعده اكل قلت لا ما فى شى بعد 10 دقايق نفس العوار وكل 10 دقايق بالضبط يينى قلت لريلى قالى شنو يعنى قلته ما ادرى رحت اسال خالتى لقيتها طلعت هو قالى قومى الطبيب وديت بنتى عند امى ورحت الطبيب الظهر مع الاذان عاد وانا بالطريق اكلم اختى تقولى صوتك عياره مو صوت وحده فيها طلق وفعلا ما كنت حاسه انه طلق..... وصلت الهادى كشف الطبيب قالى ايوه يا ماما انت فى ولاده مفتوحه 5 دخول الساعه 2 دخلت الولاده والله ما فينى شى عطتنى الكمام طبعا غيبت الساعه 5 العصر ولدت ما حسيت بشى قعدت افقص بطنى اوقول للسستر انا ولدت قالتى ايه ماما من ساعتين وجنتى ولد انا تشققت ...... من يومها قلت ما اغير الهادى لو اموت

وفعلا ولدت بعدها ولادتين بعدين اكمل لكم الجزء الثانى عيزت....