محلات في الكويت تبيع فناجيل واستكانات وصواني وقمصان نوم ومفارش للولادة ؟؟ help me

مرحبــــــــــــــــا


ابي ابدي اجهز لولادتي هاليومين ..

وابي كل وحدة تقول لي محلات تجهيز الولادة ف وين.....؟

رحت مجمع الرحاب مدحوه لي ماشفت شي عجبني !!

عجبوني استكانات وفناجيل محل لحظة بالمهلب بس سعرهم غالي حيل !!



يلا ساعدوني ؟؟

شوفي حبيتي

الستكانات والفناجين عندج

الشلاحي بمجمع الاوقاف وفي بعد الصانع بنفس المجمع

وعندج محل ترفاليو بشويخ ومحل فياصل هذا في بكذا مكان بس اكبر واحد بالجابريه سئلي عنه

كفرات الولاده اذا تبين محلات في الكاروكه بالسالميه وفي محل الاقتصاد المنزلي هم بالاوقاف

وفي بمجمع الرايه بس غالي وفي جم محل بمنطقة الضجيج مالت الاثاث

بس نصيحه روحي حق المشاغل شغلهم يصير ارقى وعندنا وايد بنات بالمول يسون وارشحلج الاخت هبسا شغلها عجيب

واذا تبين انا سويت عند مشغل عذبه ستايل اذا تبين اعطيج رقمها بالخاص

بالنسبه لقمصان النوم اذا تبين شي راقي عندج محلات انور والطاهر مسوين خصم وفي كم محل بمجمع الرايه ذول اغلى

واذا تبين شي حق اليومي عندج مجمع النقره الجنوبي والشمالي ومجمع عيد النصار وهم عند عيد النصار تلقين اغراض البيبي

باسعار معقوله والباقي عندج سنتر بوينت ومذر كير واذا تبين اشياء اغلى شوي عندج محلين بمجمع البستان واحد اسمه انار والثاني

ما اذكر وهم عندهم سيل

واي شي بعد انا حاضر

اتمنى اكون فدتج

وتقومين بالسلامه

ومواعين محل صفر روووووعة

فديتكم ماقصرتوا

مرحبا ممكن تساعدوني ابي مشاغل راقيه لكفرات لولاده ولادتي قريبه ان شاء الله ساعدوني

وانا بعد بليييييييييز

يعطيكم العافية

للرفع

ما كو بالكويت شي مميز

اذا تبين اطقم تقديم حلوه بالسعوديه

رفع

معرض كڤراتي:66854203

الاستكانات وصواني التقديم احلى شي بالنسبه لي a2z بالشويخ والصانع بالاوقاف بالكويت عندهم الاطقم الايطاليه وصوانيهم حلوه كان في محل بالمطار اسمه اكسبرس اطقم الاستكانات عندهم خياااال طقم نفاستي خذيته من عندهم ب70 دينار
قمصان للاستقبال حق الولاده عندش انور والطاهر والقاسم موجودين بالنقره الشمالي والمهلب بحولي
واذا تبين شي راااقي بس غالي عندش محل بمجمع زهره عند المدخل بالسالميه
كفرات الولاده بالنسبه لي احلى شي زارا هوم ودبنهامز
وفي ماركه كفرات اسمها فيذر راقيه وجوده وسعرها مناسب تحصلينها بالاسواق الشعبيه بس ممتااااازه وفخمه
عندش محل مورا بالمباركيه كفراتهم حلوه في نفاستي شريت من عندهم كفر وركبت عليه شوارفسكي كل من سالني عنه طلع حيييييييل حلو وراقي
وبس هذا الي اعرفه واتمنى اني اكون فدتش

اي واذا تبين سكر تقديم في مجمع قبال مستشفى دار الشفا بحولي مكتوب عليه بياع الورد في محلات تبيع سكر تقديم عندهم سكر اجيبونه من بره على شكل فراشات وحمام وقلوب حيييييييييييل راقي وغريب وفي منه الي تعلقينه بالاستكانه يعني السكر نفسه فيه مثل الفتحه وتثبتينه بالاستكانه

رفع