العمليه القيصريه وتجربكم معا التخدير النصفي والكامل

هلا خواتي دبدوبات كيف الحال اتمنه انكم تكونون باحسن حال خواتي انا والد بعمليه قيصريه

وطبعا خدروني تخدير موضعي الي هو نصفي سالني الدكتور كامل ولا موضعي طلبت موضعي اخاف ماصحى من اتخدير الكامل ههههههههههههههههههههههههههههههههههههههه خربوووطه هع خوافه انا
بس الي جربو التخدير النصفي ابيهم يقلونلي متا تصير الوحد احسن بعد كم شهر مثلا وابرة اضهر عايدي مالها اي مضاعفات

ومنو حس بنفس الشعور الي حسيته لما مثلا تخلص العمليه ويودونك غرفة الملاحضه تجي رجفه قويه يعني بروده تضل

حوالي ساعه وعلى فكره خواتي الي جربو التخدير النصفي صارحه حبيت انكم تقلولي عن تجاربكم وشنهو الفرق بين البنج

الكامل والبنج النصفي وشنهو الفرق صرحه انا خوتي جربت النصفي فقط شركوني خواتي وخلونه نتناقش معا بعض ونشوف

الفرق بينهم تفضلو خوتي اتمنه انكم ماتردوني حياكم :68_asmilies-com: قصدي ابي واين الافضل

ولدت قيصري تخدير كامل ابي اسالج عادي التخدير الموضعي شلون وكم طولت العمليه يتهيالي ان الموضعي هو اللي يخوف ياريت تفيديني

انا بوالدتي مرتين اطلب كامل اخاف من النصفي انتي كنت واعيه بالغرفه وشفتيهم واهم يتحركون جدامج انا اللي سامعته ان يحطون لج ستاره بس تحسين بالحركه

ولادتي كلها قيصيره بنج عام ... ودي اجرب البنج الموضعي عشان ابي اشوف البيبي اول ما يطلع
بس اخاف من ابرة الظهر

البنج الموضعي انتي طلبتيه؟؟

اختي نفس كلام البنات بحمالي هدا صار معاي ربو ولازم اسوي بنج موضعي وخايفه الصراحه شريحلنا بالتفصيل شنو شعورج وشلون الابره تعور او لا وشنو شفتي ورا الستاره اخاف من شكل الدكاتره كل شي ابي تشرحيلي ههههه ومشكوره
والبنج العام انا مجربته صج ماتحسين بس يعد العمليه اديه بلغم ونوم وكحه جرحج يتعور

انا خواتي الله وكيلكم تعب البيبي في بطني من بعد اطلق ومافتح عندي الرحم غير 4 سانتي وسوالي عمليه الله وكيلكم جاني دكتور سوري

بدك بنج موضعي ولا كامل قلت موضعي وانا مادري بس قلت خلني اتكل على الله طبعا انا سمعت انه الموضعي افضل من بنت اختي

ودخلوني الغرفه بس ماخفة سبحان الله وجلسوني الله وكيلكم على السرير بعد ماحطو لي الغسطره وجاني دكتورين واحد مسك راسي

عشان ماتحرك ونزاله لا تحت وانا ساكته ومتكله على الله ثم عليهم اهم ملائكه الرحمه وجلس يدعك ويدعك في ضهري وحسيت بوخزة

الابرة مثل وخزة الدبوس وضليت اشوي الى احس برجولي بدت تتخدار تخيلو من صدري لين اخمص قدماي ماحس مرى فيهم وجلس دكتور

يكلمني ودكتورين يشتقلون فيني ومرى ماخفت طبعا حطوالي ستاره ماشوفهم ولا احس بحركتهم مرة والدكتور الي يكلمنتي يسالني مثلا

كم والد عدك وشنهو في نفسك والد ولا بنت قتله انا مسويه سونار بس ماقلولي وشنهو بتسمينه يبقى يلهيني عشان ماحط حساسي عليهم

وشوي الى اسمع صوت البيبي وا وا وا وطلعوه قاله الدكتور الي جمبي شنهو جابت قاله والد بس انا فرحانه اني فكيت من كرشتي

وبعدين طلعوني وداني غرفة الملاحضه يسلام حلوى الولاده القيصريه طبعا بلبنج النصفي انا خواتي سمعت انه البنج الكامل له مضاعفات

مثل الدوخه بلغم كحه وغير تعبها طبعا حتا النصفي له تعب بس اخف واريه يسلام انا ها المرى لا حملت باذن الله ماراح اختار غير البنج

صراحه مسكت

خواتي لا تخافون ولا شي بلعكس الموضعي افضل من الكامل بالف مرى والله وريح من بعد الولاده اذا ساعدتي نفسك انتي بنفسك مثلا تمشيتي وهتميتي بجرحك راح تكونين اووووووووك انا سمعت انه البنج الكامل يسوي غيبوبه وجلطه صراحه مابي اخوفكم خواتي بس النصفي لا يعلاه عليه جربوه وراح تشفون شلون اريح لكم طبعا عليكم الستاره ماتشفون شي باالاضافه الى انك تشوفين الطفل وبهد مايطلعونه يورونك اياه مثل الطبيعي

انا هم قيصريه وباذن الله بسوي تخدير نصفي احسه احسن من العام

من خلال تجربتي انا مجربة البنج الكامل والبنج الموضعي
الموضعي او النصفي احسن مية مرة من الكامل
البنج الكامل بيخليكي دايخة وبلغم وماتدرين شالطبخة
اما النصفي صراحه ولا اروع تولدي وتخلصي ولا كانه فيه شي وتشوفي البيبي اول ما يطلع ومتل ما قالت الاخت يكون عندج احد يكلمج ويلهيج عشان ما تقعدين تفكرين وانا بعد ما خلصت العملية ودوني غرفتي على طول فاللي عجبني اني ولدت وخلصت وانا ما احس لا بالم ولا بشي الحمد لله بس طبعا بعد ما يروح البنج رح يعورج الجرح شوي
واما بالنسبة لابرة الظهر ما تعور وعلى حسب الدكتور لازم يكون دكتور شاطر وما رح تحسين الا بوخز ابرة عادية

والله يسهل عالجميع وكل شي باجره عند الله

والله انا ولدت اول ولاده بنج كامل وثاني ولاده نصفي الصراحه بالثالث طلبت كامل لان صدقوني وراح تشوفون ترى فيه مضاعفات يابنات النصفي افضل حق الولاده الطبيعيه مو القيصريه لانها يخلونها مده بجسمج تدرون ان كل ما ادخل الحمام اسبح اول مايحوش الماي ظهري احس بقشعريره وظهري الحين كله عوار اصلا كافي الخرعه الي حسيت فيها واهما يشقون بطني وبالنهايه الاختيار لكم

غريبه طعم الشد مافروض مايورونك العمليه انا الى اشفت وسمعت انه يكون عليها استاره

انا ولدت ببنج كامل بس عقبها الدووووخه موطبيعيه بغى يغمى علي ولما راح البنج العوااااااااار موطبيعي قعدت ابجي منه اول الايام كنت كله اتمنى واقول بيني وبين نفسي ياليتني ولدت طبيعي >>شكو

انا بنج كامل واقعد ابجي خايفه بعد موضعي لايحوشج يعني نفس لما احشي اسناني ابره بنج واسمع الصوت واعفسهم لايبه خليني نايمه والناس تشوف شغلها احسن ومافي الا العافيه انشالله ابره الظهر هذي خطره اي حركه ممكن تشل الواحد الله الحافظ انشالله

الله يكون بلعون اختي

انا ولدت بنج نصفي
على حسب خبرتي والي شفته
النصفي اريح بوايد من بنج العام

انا شفت خواتي ومرت اخوي
حرام شلون يتلوون من عقب ما يفتح البنج ولما يكحون مكان الجرح يشد ويعور

انا ما صار فيني جذي ولا ياتني كحه
خلو ابره الظهر يوم كامل علي علشان ما احس بالجرح
بس اللهم لما مشيت شوي تعبت واغمى علي
وياني عوار بس مجرد يوم واحد ويوم ثاني صرت احسن

وحتى بوقت العملية كانو حاطين ستارة ومعطينيي كمام يدوخني
يعني جني حلمانه بين قاعده ونايمة
ولا بعد كانو توام يعني عملية اطول
بس وناسه لاني كنت ما ابي اطوف هاللحظه
قلت بشووف شلون يطلعون بناتي

ريلي خاف اكثر مني تم ساعه يقتنعي اخذ بنج كامل بس انا مو راضيه ابي اتطمش لووووووول

بس الله لا يوريكم من سدحوني على سرير العمليات قمت ارجف واتنافض وجبدي تقلب
وقلت لهم خلاص هونت ابي بنج عام
لووووووول

وعيب تخدير النصفي
انه ريولج يوم كامل مخدره و ما تحسين فيها وتصير ثقيلة
وبربيش معلق بظهرج وتحت

بس لما دخلو البربيش تحت ما حسيت لانه الكل كان يقول يعور ويذبح

سهام بنت محمد

لووول نفسي بوقت العملية دكتور مال تخدير قاعد على راسي ودكتورة ناهده بسولفون معاي
وينكت دكتور تخدير يقول شنو شعورك لو صارو 3 توائم
انا اهني قمت أأشر بيدي لا لا لا لووووووول
ولا اسمع صوت وااااا وااااااا وااااا
وعيوني تدمع ويابو بنتي الاولى وقربوها صوب ويهي جان ادزها لووووووول
انزين ليش سويت جذي ما ادري لوووووول

حتى سستر مصورتني كاميرا فيديو وكل شافه ضحك علي

هاي بناات اشلونكم؟
مشكوووره صاحبت الموضوع انج طرحتي الموضوع العجيب هذا وخليتينا نستفيد
انا حامل يتوام والدكتوره قالتلي قيصريه اامن لج وللبيبيات وانا اول ولاده كانت طبيعي فضاق خلقي لاني اخاف من العمليات انا يوم سوولي ربط رحم مت مت من الخرعه وانا رايحه بسرير العمليات واااي قمت انفض وبرد مو طبيعي وضروسي اتجكجك ههههههه ويهي انصفق اهمه اخترعو قبل لا يخدروني

فمادري الحين اولد موضعي ولا عمومي احترت ودي اشوف البيبيات لان اول ولاده ماذكر شي من التعب نمت سيده بس اخاف ان من خوفي مع الموضعي احس واصارخ عليهم هههه
نبي بعد تجاربكم بنات بستفييد

انا ولدت قيصريه على ولدي الاول و كنت بنج كامل تعبت من الكحه و كنت امدروخه يومين من البنج

على الثاني قلت ابي نص كل شي اوكي الا لما دخلت غرفة العمليات كلهم لابسين اخضرو الادوات يتني رفجه مو طبيعيه لدرجه دكتور التخدير خلا 2 نيرس يثبتوني علشان يعطيني الابره

بالافقه كنت بموت من البرد حطولي نفس سالسيشوار تحت الكمبل يدفيني و بعدها قالي دكتور التخدير ان الابره دخل فيها دم ماراح نقدر انزيد الجرعه راح تكونين على المسكنات وااااااااااااااي بس راح بنج الابره قمت اموت من العوار و مورفين و الدرب ماسوو شي ياويلي صج تعذبت بس الحمدلله و صارلي ارق ماقدرت انام اول يومين ما ادري ليش