السلام عليكم،،
شلونكم بنات اليوم يايبتلكم طريقه صينيه زهره وبطاط بالفرن بصراحه اهيا وايد سهله وحلوه ولذيذه وانا متاكده انها راح تعجبكم
المكونات : زهره ، بطاط ، قوطي مشروم ، قوطي كريمه حمرا ، شوربه ماجي جيس او اي شوربه المهم شوربه كريمه الفطر ، قوطي ذره ، فلفل اسود ، ملح ، كلاص ماي ، جبن موزيريلا المراعي او اي ماركه .
المهم:
الطريقه: تقلين بطاط مكعبات .
تقلين الزهره.
وتحطينهم بالبايركس.
تاخذين قوطي الذره تكتين مايها وتحطينها عليهم بالبايركس.
تفتحين المشروم وتكتين مايه وتحطينه عليهم بالبايركس.
(يعني اقصد شخلو من الماي اللي فيه)
المهم عقب تاخذين الموزيريلا وتخلطينها مع كل اللي بالبايركس.
بعدين تسوين خلطه الكريمه الحمرا
تفجين قوطي الكريمه الحمرا وتحطينه بالخلاطه.
تصبين عليه كلاص ماي.
وتفجين الشوربه اللي اهيا شوربه كريمه المشروم.
وتحطين عليها شويه فلفل اسود وشويه ملح.
وتشغلين عليهم الخلاطه .
بعدين عقب ما تطفينها تاخذين الخلطه وتصبينها على البايركس وتدخلينها الفرن.
وتقريبا ثلث ساعه تكفيها بالفرن..
لما تحسين انها خلصت الكريمه شويه تحمرت طلعيها من الفرن وغطي ويها كله بجبن الموزيريلا وهوا حار .
علشان تذوب
وخلص الطبق وبالهنا والشفا انشالله
واتمنى اشوف ردودكم الحلوة باسرع وقت
شلونكم بنات اليوم يايبتلكم طريقه صينيه زهره وبطاط بالفرن بصراحه اهيا وايد سهله وحلوه ولذيذه وانا متاكده انها راح تعجبكم
المكونات : زهره ، بطاط ، قوطي مشروم ، قوطي كريمه حمرا ، شوربه ماجي جيس او اي شوربه المهم شوربه كريمه الفطر ، قوطي ذره ، فلفل اسود ، ملح ، كلاص ماي ، جبن موزيريلا المراعي او اي ماركه .
المهم:
الطريقه: تقلين بطاط مكعبات .
تقلين الزهره.
وتحطينهم بالبايركس.
تاخذين قوطي الذره تكتين مايها وتحطينها عليهم بالبايركس.
تفتحين المشروم وتكتين مايه وتحطينه عليهم بالبايركس.
(يعني اقصد شخلو من الماي اللي فيه)
المهم عقب تاخذين الموزيريلا وتخلطينها مع كل اللي بالبايركس.
بعدين تسوين خلطه الكريمه الحمرا
تفجين قوطي الكريمه الحمرا وتحطينه بالخلاطه.
تصبين عليه كلاص ماي.
وتفجين الشوربه اللي اهيا شوربه كريمه المشروم.
وتحطين عليها شويه فلفل اسود وشويه ملح.
وتشغلين عليهم الخلاطه .
بعدين عقب ما تطفينها تاخذين الخلطه وتصبينها على البايركس وتدخلينها الفرن.
وتقريبا ثلث ساعه تكفيها بالفرن..
لما تحسين انها خلصت الكريمه شويه تحمرت طلعيها من الفرن وغطي ويها كله بجبن الموزيريلا وهوا حار .
علشان تذوب
وخلص الطبق وبالهنا والشفا انشالله
واتمنى اشوف ردودكم الحلوة باسرع وقت
