Yes We Can Do It " Lets Go Girls ( part 2)

[ضي]

سمبووووله صباح الورررد

وصاجه يوم الميزان شي يخوووف بس والله اذا ملتزززمه تكونين متحمسه وايد

والميزان يوم الاربعا ندزه حق كوتون صاحبة التجمع



برووووووت ترا والله يعتبر زييييين م، مخربطه وايد

يعني اشوا مافي باستات وعيوووش ------- الدمار الشاااامل

 

[brat]

لوووول ضيون أشوه طمنتيني بس ليلحيني حاسه بالذنب على برجر كنج
وانا من الأسبوع اللي طاف موصية أمي عالباربيكيو قلتلها إن ريلي مشتهي باربيكيو لوول
اليوم بخليه تخفيف ومن باجر برجع ألتزم عشان مع النادي

انتي شلونج؟ شخبارج؟ وزنج شلونه؟

 

[ضي]

بروووت والله ترا من صجي تعتبرين مخففه مو مخربطه

انا الحمدالله ووزني زييين

يسرررج


وانا والله ما من اخبار يديده فالبيت الجوو معفوس وموقادرين نروح السوق ولا شي

 

[ضي]

تعالي صجج

سهرانه واللا توج قاعده؟

 

[brat]

لوووول أشوه

الحمدلله، إن شاء الله هالأسبوع تودعين ال١٠٠
ويه شفيه الجو؟

لا توني قاعده، أمس نمت الساعة ١ الفير، وقعدت مع ريلي بس اهوا راح الدوام

لازم لما أرجع من السفر أقعد مبجر ومن الصبح أطلع أمر الأفينيوز وبعدين تخترب نومتي على قولة أمي لوول بس هالمرة ما راح أخربها لأني بدش الجم، والصبح أحسن مو زحمة

 

[ضي]

بروت مطر قوووووي مو صجج وتحذيرات وانذارات :/


وصحح خلي روحت الجم الصبح احسسن شي


ااااي ان شاااءالله تسوييلي حفله لولو هالاسبوع

 

[brat]

ويه ديروا بالكم، الله يحفظكم إن شاء الله

اي كلنا نسويلج حفلة وحفلة ودااااع مرة وحدة!!

 

[simple.girly]

بموت واودع ال 120 .....بنات مو تخلوني لما اقط ال 20 كيلو ويسلمكم

 

[ضي]

وااااي حبيبتي بروووت

وبعدها نحتفل فييج


سمبوله ترا قبل اشهرررر كنت ١١٨ والله مع الراده والتشجيع كل شي يصيرر

بس انتي التزمي شووي ،،، لانج كل ماتشوفين وزنج يتزل تستانسين وتتشجعين وتتمسكين اكثرر بالرجيم

 

[simple.girly]

ايييه والله صاجة ضيونه .... ان شاء الله .. الحين جم وزنج ؟؟

 

[brat]

بموت واودع ال 120 .....بنات مو تخلوني لما اقط ال 20 كيلو ويسلمكم

إن شاء الله تودعين ال١٠٠ انتي بعد بس أهم شي استمري والتزمي وإن شاء الله تنزلين وزنج بصحة وعافية

ــ

ضيون إن شاء الله يا رب can't wait

أمس بالصالون قعدت أشوف جسمي ومبين إني ضعفانه، مادري ليش ما لاحظت من قبل
خاصة صوب بطني وخصري
يالله حدي متحمسه عالنادي، أبي أشوف وزني ينزل

 

[ضي]

سمبوله وزني الاربعا اللي طاف ١٠١

والله قووووي ارادتج وخلج معانا


ماشاءالله البنات يشجعون

 

[ضي]

اااي والله بروووت يا حلااااة هالشعوووور


ياررب نستمر جذي

ارد واغنيلج

ايدي بيدج يا حبيبتي من المتن لييييين الرشاقه

 

[brat]

لوووول اي عاد إن شاء الله البنات يودعون المتن
بعدين نبقى احنا ذوات الأوزان الثقيلة وانتي صيري رئيسة تجمعنا اليديد لووول

بس منو تستلم الخيازرين؟

 

[simple.girly]

ماشاء ماشاء الله .. شنو ريجيمج ..؟. عاشت برات ......

 

[brat]

عشات سمبل رجيمي آنا ولا ضيون؟ (أتوقع ضيون)

سمبل انتي شنو رجيمج؟

 

[ضي]

سمبوووله انا رجيمي السعرات

يعني اي شي اكله اشوف سعراته

واحاول ما اتعدا ال ٧٠٠ ------ عشان اضعف اسررررع


تبين نصيحتي مري جمعية الروضه واشتري من الدايت كير حق ٣ ايام ٣ اطباق


وتريقي ريوق العادي ٢ توست اسمر وجبن لايت وعصير


والغدا منهم ----- مكتوب عليه السعرات عادتا من ٢٠٠-٤٥٠ سعره

والعشا فااكهه او روب وخيار


وعالاقل راح تقطين ٥ بالشهر



برووت انتي استلميهم ماالي قلب لووووول

 

[simple.girly]

لوووووووووووووووووووول يبلي مجموعة خيازريين

 

[brat]

مشتهيه رقي

بمر مركز سلطان أشوف إذا عندهم رقي مقصص، مالي خلق أقص لوول

 

[simple.girly]

ايييه انا اموت على ريجيم السعرات ما يحرمج من شي .....

ايييه عاد جمعيتنا عاد اموت على السبغتي مالتهم 380 كالوري جنة اتينن ....