XxX الارتيكاريا XxX الحساسيه XxX مساعده ربي يوفقكم XxX

[nice smile]

انا سوييت بحث بقوقل وطلع لي الموضوووع

بصراحه انا فيني نفسكم ارتكاريا ابتدت معاي من 7 شهور وانا حامل بالشهر الاخير وولدت وتروح وترد علي على خفيف

بس هالاسبوع زايده بشكل مو طبيعي لانه قاعده احاتي شغله واايد مهمه.. والظاهر المشكله نفسيه .. يعني مرات اتناقش بالموضوعاللي ااحاتيه فجاه يشوفون جسمي صار احمر مشمخ .. بس يوميا تطلع لي خطوط حمر صغار اكثر شي في ايدي .. وهالحاله يومــيــا .. وبعدين تروح ..

زادت علي حيييل هالاسبوع ورحت المستوصف الدكتور اخترع كتبلي تحويل عاجل للجلديه ..
ورحت وسوت لي تحاليل ( سي بي سي وتكرمون تحليل بول ) اطلعت النتايج الحمدلله كل شي تمام
وباقي تحليل واحد له شغل بالكلى مادري شسالفته ..

شكلي باخذ التحاليل وبراجع عند بوحمرا ..


بلييييز اللي تعالجو من الموضوع خل يطمنوني لانه قمت احاتي وايد وقاطعه الاكل اللي يسبب حساسيه خصوصا الككاو ابي ابــــــــــــــــــجـــــــــــــــــــــــــــــــــــــــــي

 

[بنت^_^أبوها]

يعطيكم العافيه
عانيت من هالمرض الجلدي سنه ونص
ولكن بفضل الله سبحانه وتعالى وبفضل رئيس قسم الجلديه بمستشفى الفروانيه الله يجزاه الخير ويعطيه الصحه والعافيه تشافيت من هالمرض
اللي بقوله خواتي النفسيه وايد تأثر بهالمرض هذا اولا
وثانيا الصبر لانه هالمرض اسبابه تفرق من شخص لشخص
السبب ممكن يكون نفسي، من الغبار، فصل الربيع، اكل معين، ملابس معينه 000 الخ
الحين نيي للادويه
ادويه هالمرض هي عباره عن مضادات الهستامين
جسم الانسان يفرز ماده الهستامين بشكل طبيعي لما يتعرض لجسم غريب
وفي حالة الارتيكاريا يكون افراز هالماده اكثر

الطبيب بيعطيج في البدايه نوع واحد من هالادويه
اذا صار في تحسن بتستمرين عليها وبعد فتره تقللين الكميه ليما يختفي المرض
واذا ما صار في تحسن يعطيج دوا ثاني بالاضافه للدوا الاول
وهم اذا ما صار في تحسن ممكن دوا ثالث
وهم اذا ما صار في تحسن بغير بالادويه
علشان جذي هالشي يحتاج شويه صبر وقناعه ان هالمرض بروح بإذن الله سبحانه وتعالى
من الادويه اللي خذيتها:
zantac
aries
zantac
atarax
والحمدلله على كل شي

 

[nice smile]

مشكوره بنت ابوهااا

انا ايرياااس مانفع معاي وعطوني حبوب بس تنوم لانه بليل صايره ما انام وخايفه اجربهم ..

لاني مره وصفولي منوم وخذيته وصارلي موقف وتعقدت

 

[الــــراسيـه]

في ابر بالوريد
ولا تكالين شي حامظ

 

[بنت^_^أبوها]

اختي نايس سمايل العفو
نوع واحد من الادويه في حالات وايد ماراح ينفع
وبالنسبه للحبوب اللي تنوم، 90% من ادويه الحساسيه تنوم بس هالشي يختلف من شخص للثاني
يعني انا كنت آخذ 3 انواع وماكان يأثر فيني
الله يشافيج منه مثل ما شافاني :*

 

[sereen]

الله يشفيكم والله , انا معاى وحدة بامريكا عيزت فجاءة طلعت لها واللى يصير معاها انها توصل للحلج وحذروها اذا وصلت ليه الحلج يمكن اتسبب تقلص وتشنج عضلات الرئه وتمنع التنفس بالتالى عطوها ابرة تاخذها على طول بس اتحس انها موقادرة تتنفس وهى ابرة اتشيلها معاها كل مكان فى جنطتها وتضرب نفسها فيها من ورا اللبس
قالووولها لها اسباب وااايد سوت تحاليل حساسية الاكل مافى شى , اخر شى اكتشفوا انها تاخذ دوا ضغط مسبب لها هالنوع من الحساسيه
لان ممكن الادويه لها تاثيرات جانبيه , ومثل ماقلتوا ممكن شى بالهوا ملوثات وخلافه
عسى الله يشفيكم يارب

 

[AlZeenah]

امبييييه
لما حطيتيي الصور عرفت العلة اللي بولدي حبيبي

كانت طالعتلة بقعة وحدة بارزة بريله جنها حرق تعوووووووووور القلب
وعقب يومين انتشرت بريلة وتحت مقعدته والحين مشت لي جتفة وامس طلعت على حلجة وتحت رقبتة بعد عمري عوووووووووووووووور قلبييييييييييي
وديته حق يوسف مالله قالي هذي اكزيما وراثة


وعطاني دوا خففها اول يومين والحين ردت بزوووووود

ابي دكتوووور اوديه حقه ولدي صغير عمرة سنة ونص الناس تخترع لما تشوووف البقع اللي بريلة والله يعور القلب

 

[nice smile]

الزينه انا رحت مستشفى الحساسيه الراشد

عند دكتور ماجد الاحمد

عطاني اكستال حبيتين الصبح وحبه بليل منــــــــــــــــوم اسمها اتاراكس وااااااااااااااااااااي تخرع مايصرفونها الا بوصفه خاصه لانه ادويه مؤثرات عقليه ( وصج منوم منوم مو خربوووطه )

بستمر عليهم شهر وبراجع

ايي خذو مني عينتين تحليل دم بيشوفون من شنو هالحساسيه



اللهم اشفيني واشفي مرضى المسلمين

 

[ارستقراطيه]

بنات الله يخليكم
ابعدوا عن اى حبوب كورتيزون او ادويه مفعولها قوى
يمكن تخدر المرض تخدير مو علاج بس تضر باماكن ثانيه
على قد ما تقدرون اخذوا علاج طبيعى
انا مصابه بالارتيكاريا
ومن تقريبا سنه ولا عرفت شنو السبب
بس على الله ثم على حبوب الحساسيه الزرق والكريمات البارده اللى تبرد
مثل كول جيل وساعات تخف من اخذ شاور بارد
بس اذا يتنى بريولى من تحت اتعب حتى المشى ما اقدر امشى بسهوله
بس ما يطول يومين ويخف من الله
والحمدلله
وبعدين اكو كريم جربوه كتبته لى دكتورة جلديه وايد يريح اهوا طبيعى 100%
مكون من بذور اليقطين لكن شنو يريح
اخذوا اسمه
ايسونا دى 1
بصيدلية جمعية الروضه

 

[nice smile]

مشكوره استقراطيه

انا مجربه كريم ايركس حلووو وبااارد .. بس اذا خلص بجرب ايسونادى .. والحبوب الحساسيه الزرق اسمها ايرياس مانفعت معاي كلللش

مشكوره ياعمري

 

[ارستقراطيه]

حبيبتى نايس سمايل
عندى سؤال
قط مره طلعت الارتيكاريا فى راحة ايدينج وريولج على شكل حكه وبعدين كدمات حمر مايله للزراق؟؟
مادرى ؟؟؟
انا اتيينى بجسمى كله ساعات نفس حجيكم ببداية الموضوع حكه وحبوب منتشره وصوب الاماكن اللى فيها ضغط من الملابس خط الستيان
وجذيه
بس اكثر اوقاتى اتيينى براحة ايدينى وتعور حتى الماى ما ودى يجيسها تحمر اكثر وتلسعنى
وصوب اريولى تطلع لى كدمات حمر احسها منتفخه ما اقدر ادوس عليها وما امشى عدل واغلب الوقت بالليل تطلع جذيه
بس واتخف بجسمى
يعنى اذا يات بيدينى وريولى تخف عن جسمى شوى ؟؟


انتوا جذيه ؟؟؟؟

 

[Blue BerrYa]

واي انا اكثر شي بويهي يصير احمررررر ويحكني
واختفت فتره سبحان الله بس ردت مره ثانيه !!! ودي بس اعرف من شنووو :"\


ربي يشافينا ويعافينا

 

[nice smile]

حبيبتى نايس سمايل
عندى سؤال
قط مره طلعت الارتيكاريا فى راحة ايدينج وريولج على شكل حكه وبعدين كدمات حمر مايله للزراق؟؟
مادرى ؟؟؟
انا اتيينى بجسمى كله ساعات نفس حجيكم ببداية الموضوع حكه وحبوب منتشره وصوب الاماكن اللى فيها ضغط من الملابس خط الستيان
وجذيه
بس اكثر اوقاتى اتيينى براحة ايدينى وتعور حتى الماى ما ودى يجيسها تحمر اكثر وتلسعنى
وصوب اريولى تطلع لى كدمات حمر احسها منتفخه ما اقدر ادوس عليها وما امشى عدل واغلب الوقت بالليل تطلع جذيه
بس واتخف بجسمى
يعنى اذا يات بيدينى وريولى تخف عن جسمى شوى ؟؟


انتوا جذيه ؟؟؟؟

ماتشوفين شر حبوبه انا الحمدلله ماصار لي لون ازرق .. بس احمر وجني مشمخه والحين مع العلاج خفت والحمدلله بس ماراحت بعد اسبوعين عندي موعد بالراشد واشوف تحاليلي يمكن من الاكل او شي ثاني ..

وايدي تطلع لي بس صوب الساعه ومن فوق .. حتى ماقمت البس ساعات هالايام ..
وريولي كله بسيقاني .. عسى الله يشفيني ويشفي مرضى المسلمييين

 

[nice smile]

واي انا اكثر شي بويهي يصير احمررررر ويحكني
واختفت فتره سبحان الله بس ردت مره ثانيه !!! ودي بس اعرف من شنووو :"\


ربي يشافينا ويعافينا

حبيبتي روحي راجعي انا الدكتور كان يسألي ويهج ينتفج او تحسين براطمج او خشمج منفخ .. بس الحمدلله ماوصلت لي هالمرحله .. ودكتوري ماجد الاحمد بمستشفى الراشد الحساسيه .. عطاني حبوب وشهر وارجع عنده ان شاءالله

 

[غنوة ستايل]

ترا الارتيكاريا شغله بالنفسيه يعني اللي مضايق نفسيا تطلع له
انا ريلي يعاني منها كل ما يصير ضغط عليه بالشغل بسرعه يصير يحك
وتطلع كحبوب بيضا ( كأنها قرصه بقه ) بعدين تروح
انا كله امنعه انه يحكها وبيده وعلى وجهه ورقبته وجسمه من داخل !
المهم راح حق الطبيب وعطاه ابره
بعدين كتب له على حبوب ..
تروح بعد جم يوم . بس حرااااام يتعذب يبي يحك ما يقدر
لون الحبوب على احمر .. مثل الطفح الجلدي بس ما يأثر تعودت عليها

 

[!! بطاطه !!]

روحي مركز الصباح مال الحساسيه انا ولدي طلع فيه جذي وتميت مده ثلاث شهور اودي ولدي من مكان لى مكان لين رحت الصباح ومع العلاج معاملتهم وايد زينه وبعد ريحوني والحين ولدي مافي شي والله يشفيج

 

[?Me]

في مستوصف في حفر الباطن بالسعودية اسم المستوصف السلمان الدكتور الموجودفيه حيل زين متخصص في الحساسية والله اعلاج عنده عنده انا وبنات خالتي عن الحساسية والحلو في الدكتور انا اعلاجه عبارة عن مواد اولية يعني ماراح يطلع فيج شي بعد العلاج

مشكوره ياقلبي

ماقصرتي

 

[?Me]

مى حبيبتى اشصار عليج ؟؟
شلونج الحين ؟؟؟ ان شاء الله بصحه وعافيه
ترا انا متابعه من الاول موضوعج لانى مصابه فيه والحمدلله
بس اوقات يروح ويرد
والله المستعان

ماتشوفين شر يا الغلا

:aha:

الحمد الله رب العالمين وايد احسن
يعني مو مثل اول الحمد الله رب العالمين

تسلمين حبوبه على سؤالج والله يشافيج ويشافينا يارب

 

[?Me]

من زمان مادشيت الموضوع

ربي يشافيكم ويعافيكم ان شاء الله

بنات اول شي عليكم بالرقيه الشرعيه

والله ماتاخذ منكم وقت بالكثير ساعه او ساعه الا ربع او شغلوها وسمعوها واستمروا عليها

وبعدين النفسيه تلعب دور كبييييييير .. والجو بعد مرات تغيرات الجو لها تاثير

الغرفه اللي تنامون فيها لازم تدخلها الشمس والهواااا يعني تتهواااا على الاقل بالاسبوع مره

والفراش يتغير كل اسبوعين على الاقل

واذا شريتي اي شي يديد سواء فراش او ملابس ينحط على الجسم لازم تغسلووونه

العطور و الكريمات تجربونها على مكان واحد بايدج بعدين تحطين منه عادي

حبايبي هذا كله من تجربتي وان شاء الله قدرت اساعدكم

بس هم ماننسى دور الطبيب والادويه

وربي يشافينا ويشافي مرضى المسلمين

 

[nice smile]

السلام عليكم
الله يعافيكم ابي دكتور زيييييين ردت علي هالاحساسيه بشكل مو طبيعي
انا مسويه تحاليل والحمدلله كل التحاليل نتيجتها زينه
بس الحكه قامت تطلع لي يوميا بكل جسمي وبتدت تطلع برقبتي وجبهتي
بليز عطوني اسم عياده دكتور شاطر جسمي قاعد يصير فيه اثار ولونه تغير 