زعـفـرآن
New member
اممم احلى جزء ....
توايلايت
رومانس و تعيشين الجو ، لأن توج في البدايه فـ تستانسين لما بيلا توصف ادوارد و آليس والاماكن تحسين انج تشوفين كل شي جدامج .
نيو مون توتر و اعصاب خصوصا البدايه لما بيلا تحس ان ادوارد بيهدها
و دموووع و تعب نفسي و ضيقة خلق لما ادوارد يقولها ان بيمشي و يخليها و اهي ساكته و تطالعه و انا اقول بليز لأ عفيه غير رايك لول ، و لما تقول انها تحس ان الحياة مالها معنى بدونه و انها تحس بفجوة بصدرها و الم كل ما ذكرته و تجفس ايدينها قمت احس فيها واعليا تقطع قلبي عليها :eh_s(2):
و لما تسوي اي شي خطر بس عشان تسمع صوته :eh_s(2): و لما غرقت وصف دقـــــيــــق حسيت اني معاها
و لما ردت آليس واااي طرت من الفرحه لا شعوريا قلت " الحمد لله " لوول قمت احاجي نفسي
و لما تسوي روحها نايمه و تشارلي يقول حق آليس عن حالها و انها ما تاكل و ما تحاجي احد الا اذا احد سألها و حالتها حاله قعدت ابجي كسرت خاطري :eh_s(2):
و لما رد جايكوب عالتلفون و حسباله كارلايل و طلع ادوارد هني يبدا الآكشن
و لما تلقاه بيلا بايطاليا هني ارتحت و طبعا مع التوتر و اهي تركض بين الناس تلحق و الا ما تلحق
و لما ياخذونهم الفولتيري هني تقعدين على اعصابج
و لما يردون فوركس قمة السعاده life is happy again و بيلا و ادوارد يردون اكثر من اول
بس اللي ما عجبني بيلا المفروض تطلع كل اللي بقلبها و تقول حق ادوارد شصار فيها يوم راح و خلاها ما الومها خايفه على مشاعره بس لازم يدري عشان ما يعيد اللي سواه
بس ادوارد عجبني يوم يقولها ان كان يعاااني و هو بعيد عنها لأن اللي يسمعه لما كان بالغابه و هو يقولها احنا ذاكرتنا قصيره و انتي حاولي تنسين بيصدقه حسيت ان خلاص راح ينسى
و ردت فعل تشارلي لما رد ادوارد خايف على بنته و ما يبيها تتأذى < انا معاه بس هذا ادوارد مو اي احد :eh_s(22):
بس يبط جبدي لما يقولها تركي عنج ادوارد و خلج مع جايك و يقط نغزات على ادوارد
و طبعا جايكوب عندي ماله اهمية لوووول بس شغلته يخرب عالعالم بس وجوده كان ينسي بيلا و يريحها و هذا اهم شي
اكليبس
البدايه ممله و الاحداث على طول آكشن تملل شوي
لما بيلا تقعد مع جايك و ربعه و بيلي يقول قصة اجدادهم و جذي it touched my heart شلون مرت زعيمهم ضحت بنفسها عشان تنقذ زوجها
و لما روزالي تشرح قصة تحولها و ايميت بعد < كسروا خاطري خصوصا روزالي
و ملاقة جايك اووف حده يتلزق بس عجبتني بيلا when she punched him طلعت حرتي بس قهرني بروده جنه ما كسر ايدها الملييق :eh_s(14):
و احلى شي لما قرروا يتحدون عشان يواجهون الجيش
بس مسكينه بيلا لو انا مكانها ماراح اتحمل اكون سبب كل هالعفسه اهلها و ربعها و ناس مالهم ذنب بأي لحظه ممكن يموتون
و باجر الصبح ان شاالله اكون خلصت اكليبس و ببدا بريكن داون
^^
قرقه حدي اندمجت
بس نيو مون احلى جزء عندي لما الحين
