عدت الويه
- رش ماي ورد استخدمه لما احس ويهي تعبان او لما اشوفه جدامي هههه
- كلين اند كلير ترطيب للوية احبه ماستغنا عنه الوحيد الي ناسب ويهي وارتحتله
- سن بلوك نيتروجينا
- سكراب و تفتيح بالمشمش استخدمه مرتين بالاسبوع
- صابونة بيزلين حبيبت ألبي هههه هم ماستغنا عنها لان بشرتي حساسة شكثر استخدمت غسولات ماناسبوني ع طول يبقع ويهي ويصير احمر
- نيفيا لصاقات الخشم والجبهة و الذقن حق الرؤوس السودا وايد حلو شال الرؤوس السودا الي بويهي
- غارنييه لانتفاخ العين والهالات السودا عجييييب يبرد حول العين و يعطي احساس منعش هههه سويتله دعايه.. ماصارلي زمان استخدمه بس حلو ريح عيوني وخف الانتفاخ الي طلعلي يديد من السهر والدراسة
- ماسك الليل قبل النوم اغسل ويهي و احطه انام فيه واقعد الصبح ابلل فرشاة الويه و اغسله بطريقة دائرية فظيع يخلي ويهي مشدود و صافي و ناااااعم
- اخر شي اللابيلو و تش تش الحلج ههههه انا اسمية جي..
معطر بالنعناع لانتعاش عجيب :d
الشعر
- فاتيكا كريم ضد القشرة بعد الاستحمام
- فاتيكا حمام زيت
- براشوت زيت جوز الهند ادهن شعري وألبس كاب وانام فية واغسله الصبح حلو ينعم الشعر ويكثفة بس ماقلل التساقط.. عقدتي لحد احين مو لاقية حل فعال للتساقط خلص شعري 
- غارنييه شامبو ضد التساقط و هيد اند شولدرز للفروة الحساسة استخدمهم ثنينهم لما اتسبح واحد عشان يخفف التساقط والثاني ماستغنا عنه لان فروة شعري من فترة اختربت صارت تتدلع هههه صايرة تحكني مادري من الحر او شنو
- فاتيكا جوز الهند شريته بس ماستخدمته الا مرة وحده لان سمعت ان يطيح الشعر
- زيت فاتيكا احط منه قبل اتسبح بنص ساعه اغرق شعري فيه بس مو دايمن ع حسب المزاج
الجسم
- ليفة مغربية و صابون الطاووس المغربي
- صابونة بابايا للجسم احب ريحتها ع جسمي
-صابونه التنحيف استخدمها بعد صابونة البابايا تخلي ريحه غريبة وحلوة لجسمي بس ماحسيت تفيد للتنحيف
- اسكينول الليمون حق الكتكوت ههههه بعد ماتسبح امسحه فيه
- زيت جونسون باقي فيه نتفة من كثر مارطب فيه الكتكوت >> هههه لازم ندلعه
- كريم ترطيب هيمالايا بزبدة الكاكاو حق ريولي وايدي
- كريم بالمرز للسترتش مارك الي معقدتني
- كريم نيفيا لشد الجسم
- فازلين جونسون و بودرة كول من اجمل استخدمهم بدل مزيل عرق ادهن الفازلين واحط البودرة عشان تثبت و هم يفتح المنطقه.. البودرة فظيعه بالمنثول وصج منعشة تحسس بالبراد.. من زماااان وانا تاركه مزيلات العرق الي تسود واستخدم هالطريقة والله منطقتي صارت نفس لون جسمي
- زيت اللوز المر حق جسمي يرطب و ينعم و يشد الجسم و عشان السترتش مارك بعد
- شور جل و بودرة وصال احب رييييحتهم
- ملح الحليب طبعا غني عن التعريف هههه
- مفراكة الريل من تحت و فوق و البروش حق الركب استخدمه
متفرقات
- ديتول العناية الشخصية حق تعقيم الاندروير و استخدمته مرة وحده حطيته بماي دافي و قعدت فيه عشان الميتسماش لان صادتني حكه قبل المنثلي
- غسول سيتيال للمنطقة الحساسة
- كير فري
- مناديل جونسون امسح الكتكوت ابرد عليه ههههه
- بيكربونات الصوديوم افرك فية ركبي و اكواعي و افرش فيه اسناني
- غسول اسنان
- زيت جلسرين و خروع و الوز المر ماستخدم وايد بس زيت اللوز المر اما الباقي بس شوي منهم حق خلطات و ماعرف بشنو استخدمهم بعد
- جل نيفيا للسيلولايت لحين ماستخدمته ناطرة اشتري جهاز مساج
- رش زيت زيتون و زنجبيل للتخسيس ههههه احط منه قبل الرياضة و المشي
- فرشاة تنطيف الويه
- علبة خلطة جليسوليد و ليمون حق الركب والاكواع
- كابات للشعر
وااااي واخيرن خلصت تعبت شكثر كتبت وهذرت.. اي سؤال او استفسار انا جاهزه ههههه بس توضيح بسيط اكيد ع كل هالكريمات والخلطات وحاجات التخسيس عبالكم وزني فوق المئه صح ههههه انا وزني 62 بس عقدتي السترتش مارك و ابي اضعف اكثر واكثر بدون ترهلات سو استخدم اي شي اسمع عنه انه زين لهالاشيا ودايمن انزف يقولولي خلاص بسج مو محتاجه كل هالاشيا :d
ع قولت جوهرة احين المايك لكم ههههه
