pure skin group .... beauty begins here&&e&&

[ميمو السعودية]

حبوبه انا استخدمه وماشفت طلع في وجهي شي بالعكس خف الكلف والسواد اللي حول شفايفي وعلى رقبتي وتطورت وقمت استخدم الازرق مامنه ضرر

,, دايم الحب ,,
برجع استخدمة واشووف ..
يسلموو غلاتي :d
​

 

[ميمو السعودية]

ميومة الوسيمة ..
واي ما شالله علييج راح اخليج ماي اكزامبل انا كملت سنة من غير ببسي واخوانه واحس خلاص ماقمت اشتهيه مثل قبل
انا اللي خلاني اتركه ان يدمر الكلى وواحد من اهلنا توفى الله يرحمه بسبة الكدنيفيلر وتالي سمعت ان الكلية تقعد ثلاث ايام تحلل بالببسي يالله تفصل الماي عن باجي المكونات .. صراحة خفتت اول شي صار فيني وسواس كل ماشربته اقعد ثلاث ايام افكرر وثالث يوم اقول اليوم توه يتحلل بكليتي .. بعدين صراحة صار قهري وتعبت قلت انا شلي بالاذية وعوار الراس وتركته الحمدلله
..
واذا مرتاحة عالبابايا خلج عليها .. هم البابايا زينة ماتسوى تطلبين الصابونة .. تقريبا انا عندي انهم نفس المستوى اهم شي تتركينها عالجسم عشر دقايق شامل التفريك عشان يستفيد منها الجسم ويمدي تنظف
اي اشتري فرشه احسلج .. بس ديري بالج انا قبل كنت استخدم فرشا مالت الجمعية العادية شعرها بلاستك لمن اخلص الاقي بجسمي من باجر مثل تشمخ شوي خشنة عالجسم .. يمكن انا بشرتي حساسة مادري
اي حلو اكلج بس لازم تتعودين عالخضروات الورقية ... الجرجير مفييييد حق الشعر والبقدونس للبشرة والكلية والبربير حق الحبوب والبثور ..الروب والثوم يقولون واايد مفيد وحلو طعمه .. فجي علبة روب ودقي فص ثومة وعلى طول حطيها بالروبة وبشري نص خيارة ونعناع مفروم فرش وحطيه يصير لذييذ احبه برمضان اللي طاف كان هذا سحوري عجيب ..
ومهم ترا ان الخضرة ماتكون مقصصة من زمان تروح فايدتها .. قصي كمية على قدج واكلي بحزة الحزة لا تخلينه فترة ..
.
وعلى فيد اوت .. انا صارلي بكريمات ثانية نفس الشي .. لان المنطقة حول الخشم شوي دهنية دايما .. وفيد اوت ثقيل وفيه نسبة زيت عالية .. فالطريقة انج تنظفين ويهج عدل بصابونتج وسنفرة خفيفة بعدين تحطينه بالليل واول ماتقومي تغسلينه عدل مدل وماتخلين منه اثر ولا نقطة .. وتمسحين ويهج بماي ورد بااارد .. ومرري ثلجة على ويهج تصك المسام صككك وتشد الخشم ينصحون بالثلجة حق اللي مسوين خشمهم تجميل عقب العملية يبدي الخشم يتشكل كل يوم شكل خلا ست اشهر فالطبيب ينصحهم ان يمررون ثلجة عليه عشان يشد ويرتفع .. هاذي فايدة ثانية .. واذا بتضربين عصفورين بحجر صبي ماي الورد بقوالب الثلج وثلجيه .. طا طا طاطنننن افكار هههههه يعني طالعة فيها الحين هههههه
والله يعينج عالبدليا مااالها والي ههههههه

هلا .. صادقة والله الغازيات بلوة :eh_s(11): احسن لك والله انة قطعتيها

البابايا انا نفس ماقلتي اخليها على جسمي شوي واشطفة بعدين .
وبكثر من الجرجير والاشياء هذي مع انها موجودة بالبيت بس الكسل :bbbiu:
وفيد اوت > ان شاء الله بسوي طريقتك بغسل وبسنفر وجهي واحطة قبل انام ..
يسلمووو يالغلا وربي لما اقرا ردودك تعطيني باور مش طبيعي
​

 

[ميمو السعودية]

جوهرة البحرين > منورة لك وحشة
ماشاء الله عنايتك مميزة ,, منتظرين الباقي
​

 

[ميمو السعودية]

اليوم انا بحط زيت بشعري وبعمل حمام زيت وبسنفر وجهي بماسك السدر وطبعا بسنفر جسمي ... بكرة عندي عزيمة وابغى اكوون ملكة السهرة ,,, :d
​

 

[ميمو السعودية]

.
امبيييه اي والله صاجة شكثر اهذررر .. شسوي الكل مسافر وقاعدة بريحاتي ومنفجعة عالناس واليمعة هههههههه فيني نقص كلاااام افرغه عندكمم
.
واي الله يعيينكوم يارب ويرفع عنكم :yaaaaaarb: عورتي قلبي يعني امتى بتخلصون ان شالله ؟
واي منصجج حتى كشن السيارة يحرققق :eh_s(16): انا بجنطتي دسوس بيضا اول ماركب السيارة البسهم عشان لامسكت السكان ما تنصلح ايدياتي ههههه:d:rerrerek:
.
لاااا طحتي علي .. تعرفين للغيرة سبايب بخرب ويهج عشان اصك عليج :rgewrg:هههههه
مادري يصير احط لينكات من منتديات ثانية ؟
انتي بس كتبي بيكربونات الصودا بقوقل وبيطلعلج التجارب والطرق والفوايد وكلشي
حق التبييض والتنظيف والتقشير .. وحق الضروس عشان تنظهم وتبيضهم .. اهو نفس البيكنغ باودر اللي نحطه بالكيك والفطاير .. بس الفرق ان بالبيكنغ باودر خميرة والبيكربونات لا عرفتي
جك ذيس آوتتت :
http://forums.3roos.com/showthread.php?t=149934
.
http://forums.3roos.com/showthread.php?t=165491

.
انا خذيت الطريقة من بنت عذاري من منتديات عروس اتينن يزاها الله خير اهي بحرينية بعد فديتكم اهل السنع والزين :eh_s(7):
.
تعالي على طاري الانتفاااخ ..
انا بعد مشكلتي مشكلة وياه واااي ازززمة اول ماقعد من النوم .. وما يفج بسرعة
.
بس لققيت شي خطير .. بس ماجربته خفت قلت اتأكد وبعدين
ذيك اليوم قاعد اطالع مسلسل 90210 الاجنبي ولا وحدة نعومي جان تتابعينه قاعد تحجى عن الانتفاخ العيون وتقول انها تحط دايم علاج البواسير حوالين عيونها لانها مادة قابضة وبسرررعة يفش الانتفاخ ! بس عاد شنو اهو كريم ولا جل ماعندي فكرة قلت بدور بالمواقع الاجنبية ونسيت توني اتذكر الله يذكرج بالشهادة والقارين اجمعين ان شالله ..

نفولة ممكن تحطين لنا صورة بيكربونات الصودا اللي تستخدمينها ؟

وشكرا لك ,,
​

 

[Anastasia]

نفولة ممكن تحطين لنا صورة بيكربونات الصودا اللي تستخدمينها ؟​

وشكرا لك ,,​

يااااارب ان شالله ميمو تصييير احلى وحدة باليمعة وتخطف الانظار من غير شر ان شالله ..
.
اي شوور
.
عندي ثنتين نفس هذيلي
هالماركة فوستر كلارك

.
ونفس هاذي

.
باجر قبل المناسبة سوي هالماسك ..
http://forums.3roos.com/showthread.php?t=168725

ولا تكثرين شغلات .. سوي شغلج كله من اليوم تحممي وتفركي .. وحفي اذا مو شايلة .. مادري شنو نوع مناسبتكم يمكن بتروحين الصالون تسوين شعرج .. بس اذا بتسوينه بالبيت استشوري شعرج عدل من اليوم وحطي سيروم ولفيه حوالين راسج نفس اول كنا انام ابيت يدتي بليلة العيد وايمعونا البنات ويستشوورونا ويلفون شعورنا حوالين روسنا بالماشات ويربطونها هههه وانام حق باجر العيد هههههه ايااام:eh_s(16):
واذا بتسوين حركات باجر بس فلي شعرج يكون مستشور وخالص سوي بالفير كيرلي واشياء يصير مرتب وحلو ..:rerrerek:

والحين لا تحممتي فركي اقدامج عدللللل .. واقولج على طريقة .. حطي نير مغيره كريم ازالة الشعر على اقدامج من تحت عقب ماتغسلينهم وخليهم خمس دقايق بعدين ييبي صخرة خشنة وفركي حيييييييل بعدين غسلي .. امبي اقدامج تصير ناااعمة وحمممرة ونظييفة .. ودهنيها بفازلين تالي او اي كريم ثقيل ولفيها بنايلون السولوفان ولبسي دلاقات وباجر غسليهم .. وادعيلي انا جذي اسوي اذا عندي مناسبة

 

[ميمو السعودية]

يااااارب ان شالله ميمو تصييير احلى وحدة باليمعة وتخطف الانظار من غير شر ان شالله ..
.
اي شوور
.
عندي ثنتين نفس هذيلي
هالماركة فوستر كلارك

.
ونفس هاذي

.
باجر قبل المناسبة سوي هالماسك ..
http://forums.3roos.com/showthread.php?t=168725

ولا تكثرين شغلات .. سوي شغلج كله من اليوم تحممي وتفركي .. وحفي اذا مو شايلة .. مادري شنو نوع مناسبتكم يمكن بتروحين الصالون تسوين شعرج .. بس اذا بتسوينه بالبيت استشوري شعرج عدل من اليوم وحطي سيروم ولفيه حوالين راسج نفس اول كنا انام ابيت يدتي بليلة العيد وايمعونا البنات ويستشوورونا ويلفون شعورنا حوالين روسنا بالماشات ويربطونها هههه وانام حق باجر العيد هههههه ايااام:eh_s(16):
واذا بتسوين حركات باجر بس فلي شعرج يكون مستشور وخالص سوي بالفير كيرلي واشياء يصير مرتب وحلو ..:rerrerek:

والحين لا تحممتي فركي اقدامج عدللللل .. واقولج على طريقة .. حطي نير مغيره كريم ازالة الشعر على اقدامج من تحت عقب ماتغسلينهم وخليهم خمس دقايق بعدين ييبي صخرة خشنة وفركي حيييييييل بعدين غسلي .. امبي اقدامج تصير ناااعمة وحمممرة ونظييفة .. ودهنيها بفازلين تالي او اي كريم ثقيل ولفيها بنايلون السولوفان ولبسي دلاقات وباجر غسليهم .. وادعيلي انا جذي اسوي اذا عندي مناسبة

تسلمين قلبي ..
اية نفس اللي استخدمة الاول ( فوستر ) والثاني بعد متوفر

مشكورة على الماسك ان شاء الله بكرة بسوية لانة المقادير موجودة عندي ...

الله يذكر ايام اول ههههههههههه بجد هالطريقة حلووة اشوف بنات خالي يسوونها

والعزيمة تمايم ::

اية تروشت وسنفرت جسمي والان جالسة اشقر حواجبي .. وناوية استشور شعري وارفعه من قدام مثل البف خفيف واضفرة من ورى مثل الضفيرة الفرنسية واحط لي مثل الكريستالات ناعمة على طول شعري :eh_s(10): وش رايك ؟؟
عجبتني فكرة النير بجربها ان شاء الله ...

مشكوورة يالغلا ماقصرتي :eh_s(17):
​

 

[جوهرة البحرين]

.
امبيييه اي والله صاجة شكثر اهذررر .. شسوي الكل مسافر وقاعدة بريحاتي ومنفجعة عالناس واليمعة هههههههه فيني نقص كلاااام افرغه عندكمم
.
واي الله يعيينكوم يارب ويرفع عنكم :yaaaaaarb: عورتي قلبي يعني امتى بتخلصون ان شالله ؟
واي منصجج حتى كشن السيارة يحرققق :eh_s(16): انا بجنطتي دسوس بيضا اول ماركب السيارة البسهم عشان لامسكت السكان ما تنصلح ايدياتي ههههه:d:rerrerek:
.
لاااا طحتي علي .. تعرفين للغيرة سبايب بخرب ويهج عشان اصك عليج :rgewrg:هههههه
مادري يصير احط لينكات من منتديات ثانية ؟
انتي بس كتبي بيكربونات الصودا بقوقل وبيطلعلج التجارب والطرق والفوايد وكلشي
حق التبييض والتنظيف والتقشير .. وحق الضروس عشان تنظهم وتبيضهم .. اهو نفس البيكنغ باودر اللي نحطه بالكيك والفطاير .. بس الفرق ان بالبيكنغ باودر خميرة والبيكربونات لا عرفتي
جك ذيس آوتتت :
http://forums.3roos.com/showthread.php?t=149934
.
http://forums.3roos.com/showthread.php?t=165491

.
انا خذيت الطريقة من بنت عذاري من منتديات عروس اتينن يزاها الله خير اهي بحرينية بعد فديتكم اهل السنع والزين :eh_s(7):
.
تعالي على طاري الانتفاااخ ..
انا بعد مشكلتي مشكلة وياه واااي ازززمة اول ماقعد من النوم .. وما يفج بسرعة
.
بس لققيت شي خطير .. بس ماجربته خفت قلت اتأكد وبعدين
ذيك اليوم قاعد اطالع مسلسل 90210 الاجنبي ولا وحدة نعومي جان تتابعينه قاعد تحجى عن الانتفاخ العيون وتقول انها تحط دايم علاج البواسير حوالين عيونها لانها مادة قابضة وبسرررعة يفش الانتفاخ ! بس عاد شنو اهو كريم ولا جل ماعندي فكرة قلت بدور بالمواقع الاجنبية ونسيت توني اتذكر الله يذكرج بالشهادة والقارين اجمعين ان شالله ..

هلا هلا بالغاااالية..
ان شاء الله الاسبوع الياي راح يكون اخر اسبوع دوام وعقبها يعطونة اجازة اسبوع عشان نراجع للفاينل وعقب الامتحانات تبلش يعني ثلاث اسابيع واخلص باذن الله يلا هانت مابقى شي بس صج صج الشمس حرقتني راح البياض والتقشير والتبيض اللي سوتة تهئ تهئ راح هباء الريح

اي والله حبيبتي السكااان لاتجيسينة عقب المحاضرات حااااار ذكرتيني ع قولتج بالدسوس >>انا اقول قفاز سمرت ايدي من الشمس يبيلي اخذه ..

شنهوووووووووو شنو شنو من صجج وي يمة علاج بواسير بل بل لا لا مابي اخاف يصير شي بعيني يمة يمة لا خلني على القفش الباردة وقطع البطاط احسن خخخخخخ
ووياج يالغالية..

اقول لج اناستاسيا تراج مرقصة القروب حبيبتي يعطيج العافي>>حلوة هذي مرقصة القروب هعععع
لا يعني اقصد محركتة مسوية فيه حركة انتي وباقي البنات كلكم حبايبي فيكم البركة وخصوصا ميمو السعودية ماشاء الله عليها

اليوم انا بحط زيت بشعري وبعمل حمام زيت وبسنفر وجهي بماسك السدر وطبعا بسنفر جسمي ... بكرة عندي عزيمة وابغى اكوون ملكة السهرة ,,, :d​

هلا بالميم كللللللللللللللللللللللة ماشاء الله ماشاء الله عليج حبيبتي بصراحة ما اشك انج بتكونين جميلة.. واثقة واااثقة حيل انج بتطلعين كشوووخة ها عاد هالله هالله بالكشخة وتذكري كل ما كان اللبس ناعم بتطلعين انعم واحلى والله يوفقج

 

[جوهرة البحرين]

تسلمين قلبي ..

اية نفس اللي استخدمة الاول ( فوستر ) والثاني بعد متوفر ​

مشكورة على الماسك ان شاء الله بكرة بسوية لانة المقادير موجودة عندي ... ​

الله يذكر ايام اول ههههههههههه بجد هالطريقة حلووة اشوف بنات خالي يسوونها ​

والعزيمة تمايم ::​

اية تروشت وسنفرت جسمي والان جالسة اشقر حواجبي .. وناوية استشور شعري وارفعه من قدام مثل البف خفيف واضفرة من ورى مثل الضفيرة الفرنسية واحط لي مثل الكريستالات ناعمة على طول شعري :eh_s(10): وش رايك ؟؟
عجبتني فكرة النير بجربها ان شاء الله ...​

مشكوورة يالغلا ماقصرتي :eh_s(17):​

اممممممممممممم يصير اتدخل واقول لج رايي؟؟>>خخخخخ
فكرتج وايد حلوة مالت العجفة الفرنسة بس غيري الموقع بدال لاتسوينها من ورا سوي استشوار وبف خفيف وعلى الجانبين سوين العجفة "الظفيرة" الفرنسية وظلي مواصلة اليما يلتقون مع بعض من ورا يطلع واااايد حلو انا دايما اسوي جذي نعووووم وكيوت وايد بس ما اخلص الا يدي تذبحني خخخخخ
ها شراااايج بالفكرة؟؟ عاد ان شاء الله فهمتي قصدي صج ان اهو شوي يبيلة وقت ولازم تكونين دقيقة وايد عشان مايخترب

 

[ميمو السعودية]

اممممممممممممم يصير اتدخل واقول لج رايي؟؟>>خخخخخ
فكرتج وايد حلوة مالت العجفة الفرنسة بس غيري الموقع بدال لاتسوينها من ورا سوي استشوار وبف خفيف وعلى الجانبين سوين العجفة "الظفيرة" الفرنسية وظلي مواصلة اليما يلتقون مع بعض من ورا يطلع واااايد حلو انا دايما اسوي جذي نعووووم وكيوت وايد بس ما اخلص الا يدي تذبحني خخخخخ
ها شراااايج بالفكرة؟؟ عاد ان شاء الله فهمتي قصدي صج ان اهو شوي يبيلة وقت ولازم تكونين دقيقة وايد عشان مايخترب

وااي جوجو تمونين وربي تسلمين على الكلام العسل اللي مثلك :eh_s(17):

.. فهمت فكرتك يالغلا :eh_s(15): وكمان حلووة
بس مادري لية جاء ببالي البف والضفيرة للشعر كامل لاني بلبس تنورة سكيني قصيرة تتوقعين يناسب ضفيرة من الجنبين ؟؟
​

 

[دآيم آلحب]

يه يه امبدعييييييين بنات تشجعون يالطيبيين

انا اليوم رديت من برع الساعه 11 قمت حطيت دهن في شعري وزيت اللوز المر على جسمي ساعه ودشيت عقب تسبحت فركت جسمي بصابونة فير اند وايت وعقب غسلته وعقب حطيت مره ثانيه صابون فير اند وايت وملح البقره ( ملح الحليب ) ياجماعه عجبه صار حليب استانست هههههههههههههه << اول مره استخدمه .. وعقب غسلت شعري عن الدهن ونزلت راسي على تحت زين الله ستر ما اختنقت بس يقولون احسن طريقه حق السبوح يبه اخر مره اسويها مابيها طلعت علي اغلى من بيع السوق لاتسونها يدش الماي فالخشم هههههه .. وبعدين طلعت من الحمام تشردقت على السرير وشربت عصير برتقال اي بعد طالعه من بخار لازم انعنش شوي .. وعقب رطبت يدي وريولي بجونسون الوردي ريحته ما اعجبتني ليتني خذت البنفسجي المهم وحطيت على صدري فازلين بالكولاجين وكفخته يمين يسار فوق تحت واسبح وبعد حطيت ورى .. وريولي من تحت حطيت فازلين بزبدة الكاوكاو وتدلغت تقولون مشتيه الناس قيض يمج .. وجسمي كله رطبته بفازلين الابيض ... ادري بتقولون ليش كل مكان كريم ... لاني احبببببب كل مكان في جسمي له ريحه غير ههههههههه وبعدين نثرت الفودر على جسمي يبوووي ... وحطيت على ويهي كريم الليل من اولاي ونشفت شعري ومشطته وساعه الفح به يميين وساعه يسار ساعه يمين وساعه يسار لين مادار راسي ونمت

وهذاني قمت يعني :$

 

[دآيم آلحب]

.
يا حلووج والله انتي العجيبة والستار والموون والسما كلها ... امبي حالتي كسيفة ماكو شغل بالعطلة ومقططين اليهال متأثرة وحاسة اني ابلة :krkrkr:
حللوة عنايتج جميلة .. بس لاازم تركزين عالسنفرة التقشير اهوا اللي يخليج تستفيدين
.
خن اقولج شي سهل وما يتعب بالسنفرة .. اكو شي بالجمعية مثل الصخرة مو الصخرة السودة مغيرها لاا تيي اشكال مستطيل دائرة والوان منها .. وفيها حفر بس صغار مو نفس السودة .. ان شالله عرفتيهم اخذيلج وحدة .. واذا خلصتي من جسمج والصابونة .. وزعي السنفرة على كل جسمج وعالسريع فركي بالصخرة هاذي بشكل دائري على جسمج وبس فايدتها ان بسرعة تخلصين مساحات .. وان تسنفر عدل مع حبيبات السنفرة .. وركزي عالاماكن الخشنة
.
طبعا السنفرة انتي ومشتهاج .. تبين مالت الجمعية المشمش وربعها كيفج .. تبين تسوينها بالبيت هم كيفج
عندج سنفرتين احبهم
زيت زيتون توزعينه على جسمج كله وبعدين تيبين كمية شكر وتعصرين فوقه نص ليمون وتفركين فيه ..
او سنفرة انل حلوة .. حليب بودرة وزيت جلسرين و ماي ورد ووشكر وكبسولتين فايتمن سي
بس انا احس حبيباتهم ما تفرك فازيد عليهم ملح الحليب :rerrerek:
.
والصخرة هاذي اول ماتخلصين ظروري تغلينها بعدين تنقعينها شوية بماي وديتول لان هاذي تفرك زتشيل طبقات الجلد لازم دايم تكون نظيفة ومعقمة
.
اي ومن ناحية الاكل .. عودي نفسج
احنا للاسف ماعندنا تفنتق الاجانب .. الخضرة عندنا سلطة وبس طماط وخيار وليمون وزيت زيتون واذا كشخنا حطينها خبز فتوش هههه
في خضرة غير الطماط والخيار .. واكو صلصات بالجمعية رانش وفرنش والايطالية وثاوزند ايلاند او صوص سيزر واايد .. او وبالنت طرق حلوة روب وماسترد خردل اشياء جذي
حطي الخضرة اللي عندكم بصحن وصبي فوقها الصلصة واكليهم ..
او حطيهم طبق جانبي ويا عشاج لو لقمة لقمتين تستفيدين ولا حطيهم ويا البقول نخي او باجلا .. مثلا فتة مع البقدونس والجرجير والصنوبر وفوقهم روبة وفص ثوم مدقوق وشوية هردة (طحينة) الله ولا اروع .. بس ابتعدوا عن المعلبات يا بنات ماتدرون شكثر مضرررة وتهدم الجسم
او مو لازم سلطة حطيها داخل صمونتج مع عشاج همبرقر او اي شي .. او ويا حلوم مشوياو موزاريلا او قشقوان او شدر مبشور او او او .. او ويا الغدا مع العيش .. واحلى شي تحطين ويا السلطة مكسرات شوي .. لوز جوز سبال .. منها تستفيدين لان ضروري ترا ناكل مكسرات شوية .. ومنها طعم حلو
انتي دشي النت وشوفي السلطات .. منها تتعلمين فن السلطات ومنها تنوعين عشان تشتهين ..
:* وبس يا جميلة :eh_s(7):

ان شاءالله باسوي كل اللي تقولين عليه بس انا راعية قولون وصاير قولون سخيف من اتفه شي قام خلاني حامل فالشهر 7 مايسوى علي افج حلجي :eh_s(2): عشان جي اكل الخياره بادب .. بس بحاول بعد اهتم لانه والله شعرررري حت حت حت راح فيها يقولون لازم تاكلين خضرا

وبالنسبه للـ صخره بحاول ادورها ان شاءالله احصلها لانه شكلها تشجع مب ذيكي يابسه تحذفينها على كافر اسلم تعوررر انا استخدمها للريول بس في ناس يستخدمونها للجسم قلت تشمخ هاي ماتساعد كلش :eh_s(4):

وبس عاد ان شاءالله تتزوجين والله واتزوج معاج في نفس السنه اللي هي السنه اليايه من الي ابيه << ابيه شلون قلت جي بس يالله قولي امين اهوو هههههههههههه :eh_s(7)::eh_s(7):

 

[Anastasia]

وااي جوجو تمونين وربي تسلمين على الكلام العسل اللي مثلك :eh_s(17):​

.. فهمت فكرتك يالغلا :eh_s(15): وكمان حلووة
بس مادري لية جاء ببالي البف والضفيرة للشعر كامل لاني بلبس تنورة سكيني قصيرة تتوقعين يناسب ضفيرة من الجنبين ؟؟ ​

الله حلوة فكرتج جاوجاو .. ميمو اي عادي سوي بف عند القذلة او الغرة ورتبيها بالسبراي .. بعدين سوي عند اذونج العجف وحدة من اليمين وحدة من اليسار بعدين يلتقون كمليهم بعجفة وحدة كبيرة على جنبببب ..
تصدقين اول امس كانت عندنا يمعة ابيتنا سويت نفس الشي والله ههههه سبحان الله سويت بف بدال العجفتين اللي عند اذوني لفيته لفيته لين التقو بعدين كملتهم بعجفة الفيش تيل نفس هاذي

.
وايد هابين فيها
.

هاذي على ليونا بس مو مرتبة ميسي على قولتهم يحبون الميسي
.
وهاذي افكار

.
ان شالله يارب تلحقين اتطلين علينا مو تشوفينهم متأخررر
بنفس اليوم تعلمتها .. اول شي حسبالي صعبة بعدين طلعت سههههلة تقريبا نفس العجفة العادية بس بدال لا تاخذين ثلاث سكشنات هالمرة تاخذين سكشنين .. وكل ساع تاخذين خصلة من السكشن الاول تدمجينها بالسكشن الثاني والعكس .. بس لازم خصل ضعيفة مو متينة
.
وانا تعلمتها من هذا الفيديو .. شوفيه ..
http://www.youtube.com/watch?v=qkV4ptjPf3M
.
جواجوووو .. انتي الروح كلها للقروب فديتج .. وانا راقوصة القروب يعني:rgewrg: ههههههه يطري علي عبدالناصر درويش بسوبرصطار يوم يسوي روحه عيوز عراقية ويقول اني راقوصة نكتة هالانسان هههههههههه

 

[Anastasia]

يه يه امبدعييييييين بنات تشجعون يالطيبيين

انا اليوم رديت من برع الساعه 11 قمت حطيت دهن في شعري وزيت اللوز المر على جسمي ساعه ودشيت عقب تسبحت فركت جسمي بصابونة فير اند وايت وعقب غسلته وعقب حطيت مره ثانيه صابون فير اند وايت وملح البقره ( ملح الحليب ) ياجماعه عجبه صار حليب استانست هههههههههههههه << اول مره استخدمه .. وعقب غسلت شعري عن الدهن ونزلت راسي على تحت زين الله ستر ما اختنقت بس يقولون احسن طريقه حق السبوح يبه اخر مره اسويها مابيها طلعت علي اغلى من بيع السوق لاتسونها يدش الماي فالخشم هههههه .. وبعدين طلعت من الحمام تشردقت على السرير وشربت عصير برتقال اي بعد طالعه من بخار لازم انعنش شوي .. وعقب رطبت يدي وريولي بجونسون الوردي ريحته ما اعجبتني ليتني خذت البنفسجي المهم وحطيت على صدري فازلين بالكولاجين وكفخته يمين يسار فوق تحت واسبح وبعد حطيت ورى .. وريولي من تحت حطيت فازلين بزبدة الكاوكاو وتدلغت تقولون مشتيه الناس قيض يمج .. وجسمي كله رطبته بفازلين الابيض ... ادري بتقولون ليش كل مكان كريم ... لاني احبببببب كل مكان في جسمي له ريحه غير ههههههههه وبعدين نثرت الفودر على جسمي يبوووي ... وحطيت على ويهي كريم الليل من اولاي ونشفت شعري ومشطته وساعه الفح به يميين وساعه يسار ساعه يمين وساعه يسار لين مادار راسي ونمت

وهذاني قمت يعني :$

.
حبيبتي انتي الله يشافيج ويعافيج ان شالله .. مشكلته القولون اذا ما اهتميتي باكلج ولا اكلتي حار وبهارات يتفخ بطنج الله يعينج .. ياربي شكثر صغار كبرنا قام يصير فيهم :eh_s(11): الله يعافينا يارب ويلبسنا ثوب الصحة والعافية
اكلي عسل اول ما تقومين من النوم عالرييج وشربي وراه قلاصين ماي .. هذا كفيل ان ينظفلج الجهاز الهضمي ..
وكيب ان اي على اكلج لا تاكلين الشي اللي يضرج حتن لو مشتهيته تعلمي تقضبين عمرج .. وشربي جايات اعشاب .. احسكم تقولون عني عيوزة من كثر ما اييب طاري الجاي الاعشاب هههههه بس توني هابة فيهم وكاشخة هههههه
وعصيرات فرررش ضروري عشان العصير الكرتون كلها مواد حافظة ومامنها فايدة الا مضرةة .. فانتي عصري جزر وبرتقال وتفاح وشربيهم يوميا .. وفراولة فرش مو مثلجة .. حاولي قد ماتقدري اكلج يكون كلله فررش لان الاشياء اللي مو فرش والمواد الحافظة ممكن تهيج القولون .. :eh_s(1):
.
واااي امبيه برنامجج فظيييع طول مانا اقرا اكركر ههههه حللوة سالفة كل مكان ريحة ههههههههههههههههه:krkrkr:
ولمن تلفحين بشعرج جنج انا ابيه بسرعة ينشف يعني ههههههههههه:krkrkr:
وجونسون الوردي جنه ريحة يهال .. انا كنت احطه عقب سبوح الليل وانام ومن باجر لمن اداوم حر وخيسة وانا ريحتي بيبي جونسووون .. يخلي ريحة الجسم حلوة مع الحر
انتي اشتري جونسون زبدة الشيا عجيب هالمخلوق:eh_s(2): ابي ابجي من حلاته
.
وملح الحليب جميييل وسييم ساحررر :eh_s(7): غريب هالكائن ههههه ريحته حليب وشكر ولمن تظوقينه مللللللححح ههههههه ذايقته افا عليكم على طاري الظواقة مرة حطين حمام كريم على شعري بريحة الفراولة .. ريحته يابووووي حليب فراولة جان اظوقه هههههههههه ولا طعمة خااايس ههههههههههههههههههه:krkrkr:
ولمن اتسبحين شعرج وشعرج نازل انا بعد جذي من زماان اصلا ماذكر متى اخير مرة غسلت شعري وانا واقفة ههههه بس يبيلج تعودين ..
انا اسوي جذي لان قالو الماي اللي نازل على قمة الراس يضعف البصيلة عشان جذي قمة راسنا خفيفة .. بس تصدقون فوق السبع سنين اغسل شعري بهالطريقة مالاحظت فرق ليلحين قمة راسي تخف من باجي شعري .. بس عموما اهيا فايدة هذي الطريقة ان تقدرين تغسلين شعرج بماي بارد بعيد عن جسمج لان احنا مانتحمل الماي البارد بس راسنا يتحمل ههههه
وفايدة الماي البارد عالشعر معرووووفة .. واهم شي انها تقتل القشرة لان الماي الدافي او الحار يهيج افراز الدهون بالفروة .. ويضعف البصيلات .. ويكشش الشعر بعكس الماي الباارد يصير شعرج لاامع ونظيف .. :eh_s(7):
.
ههههههه استحي << امي موصيتني اذا احد ياب طاري الزواج سوي روحج مستحية تقولي مثثلي معني ادري انج ماتستحين على ويهج هههههههه
الله يكتبلنا الخير يارب والزوج الصالح الكريم الهدي الطيب امين والقارين كلهم واللي متزوجة الله يسعدها ويسخرلها ريلها بحبها يارب واللي عندها عييل الله يصلحهم لها ويقر عينها فيهم كبار صالحين صحيحين ومستصحين ويبلغها بعيالهم وعيال عيالهم يارب :*******
احبكممم كلكم فرد فرد وزنقة زنقة ياحلوكم والله :***

 

[جوهرة البحرين]

الله حلوة فكرتج جاوجاو .. ميمو اي عادي سوي بف عند القذلة او الغرة ورتبيها بالسبراي .. بعدين سوي عند اذونج العجف وحدة من اليمين وحدة من اليسار بعدين يلتقون كمليهم بعجفة وحدة كبيرة على جنبببب ..
تصدقين اول امس كانت عندنا يمعة ابيتنا سويت نفس الشي والله ههههه سبحان الله سويت بف بدال العجفتين اللي عند اذوني لفيته لفيته لين التقو بعدين كملتهم بعجفة الفيش تيل نفس هاذي

.
وايد هابين فيها
.

هاذي على ليونا بس مو مرتبة ميسي على قولتهم يحبون الميسي
.
وهاذي افكار

.
ان شالله يارب تلحقين اتطلين علينا مو تشوفينهم متأخررر
بنفس اليوم تعلمتها .. اول شي حسبالي صعبة بعدين طلعت سههههلة تقريبا نفس العجفة العادية بس بدال لا تاخذين ثلاث سكشنات هالمرة تاخذين سكشنين .. وكل ساع تاخذين خصلة من السكشن الاول تدمجينها بالسكشن الثاني والعكس .. بس لازم خصل ضعيفة مو متينة
.
وانا تعلمتها من هذا الفيديو .. شوفيه ..
http://www.youtube.com/watch?v=qkv4ptjpf3m
.
جواجوووو .. انتي الروح كلها للقروب فديتج .. وانا راقوصة القروب يعني:rgewrg: ههههههه يطري علي عبدالناصر درويش بسوبرصطار يوم يسوي روحه عيوز عراقية ويقول اني راقوصة نكتة هالانسان هههههههههه:d

ميمو السعودية جوفي انا اقصد الصورة الثانية اللي على اليسار اللي طالعة فيها البنت اسنانها هععععع>>شوف التعبير بس خخخخخخ
فرقي شعرج بالنص وسوي الجديلة من بداية قذلتج وسحبيها وصليها الين ورا اذونج سوي جذي بعد من الجهة الثانية امممممم الحين بقوم اسوي شعر اختي وبراويج شلون


اما انتي يااناستاسيا ووووووووووه فديت قلبج مرقصة القروب على اصبع ههههه>>شرايج عاد اهم شي اصبع

اي والله عبد الناصر درويش يفططططس ضحك بدون لايتحجة هالانسان من اشوفة جي اضحك بروحي اتقولين اني انهبلت ههههههه لا لا بعد ولا وخري عنة يوم يرقص عراقي يزعم يقلد البنات وااااي امسك بطني من الضحك خخخخخخخخخخخخخخخخ

 

[جوهرة البحرين]

اوففففففففففففففف اختي ماهي راضية تقول مابي احين تمجعين شعري >>حسستني اني شريرة :
خلاص انا دورت لج صورة مقاربة من النت وهذاني حصلتها

جذي اقصد ميمووو وان شاء الله يارب تلحقين وتشوفين قبل لاتجهزين
اشوة الله هادي الموقع وقام يحمل الصور عيل بحمل لكم باجي عدتي بررررب

 

[عفوفة]

بنااااااااااااااااااااات تكفون يصير ادخل معاااااااااااااااااااااااكم

متحمسة أقوووووووووووى شي

 

[جوهرة البحرين]

بنااااااااااااااااااااات تكفون يصير ادخل معاااااااااااااااااااااااكم

متحمسة أقوووووووووووى شي

حبيبتي انتي القروب قروبج حياج الله منورة يالغالية
بس عاد هالله هالله باليوميات الحلوة مثلج

 

[عفوفة]

حبيبتي انتي القروب قروبج حياج الله منورة يالغالية
بس عاد هالله هالله باليوميات

الحلوة مثلج

تسلمين أبشرررررررررررررررررررررري ولا يهمكـ :rerrerek:

ربي يسعدكـ حبوبة

 

[جوهرة البحرين]

تم اضافة العضوة
عفوفة

منورة القروب حبيبتي