plllz heeelp .. شسالفه ؟؟؟

[C.S.S]

مرحبا بنات ..











بنات انا عندي هالكورس بس مادتين اللي اهم ( تمهيدي انجليزي - مهارات اتصال ) وانا مستجده
تمهيدي الحمدلله نجحت فيه وهو ماعليه معدل او وحدات
والمهارات قالو ان درجته ماراح تنزل هالايام وباجر الدكتور بيقول الدرجات وبعد جم يوم بالنت ..
بس انصدمت يوم دخلت السستم حاطين معدلي نقطتين والوحدات المسجله 3 وحدات .. شلووون !!!
اذا الماده الوحيده اللي عليها معدل ووحدات مانزلو درجتها ؟؟؟
يعني نقطتين من وين ؟؟؟

تكفون شسالفه ؟؟

 

[|| NouF ||]

حسافه ياليتج شديتي حيلج
وجبتي فيها a
جان الحين معدلج 4 نقاط

عالعموم يمكن اهي مو نازلة عندج
بس نازلة بالسستم عندهم بالارشاد ..

 

[C.S.S]

انا شاااااده حيلي والله العظيم
حتى رفيجاتي يوم سألتهم اذا حاطين معدلهم كلهم قالو مو حاطين شمعنى انا ..!!

 

[بنوتـــ عسل ـــة]

والله ما ادري يا ان السيستم مخرف او صاير شي

 

[C.S.S]

ياااربي مابي اول كوورس هالمعدل .. يارب غلطانين

 

[|| NouF ||]

ان شاءالله غلطانين ..

انا بكرة بروح الجامعه .. عندي امتحان
قوليلي منو دكتورج اذا تبين اروح اشوف اذا نزل القريدات ولا لأ ..

او اسالج التوجيه .. !!

 

[C.S.S]

اي عفيا اذا تقدرين .. واذا ماتقدرين عادي على راحتج

ابراهيم المحسن .. مهارات
..

 

[|| NouF ||]

تعالي انتي وين دكاترتج ؟

ايهاب العنزي جنه مو بكيفان .. ؟

 

[C.S.S]

لا ايهاب ماعليج منه طلعت نتيجتي والحمدلله ..

بس ابراهيم المحسن بكيفان .. انتي وين امتحانج ..؟

 

[|| NouF ||]

خلاص ابشري بكرة ان شاءالله ..
بمر على ابراهيم المحسن واشوف اذا نزل القريدات ولا لأ ..
واذا ما نزل
بروح اسأل التوجيه .. اذا يصير يتغير المعدل والقريد للحين مانزل

ابشرررررررري ولا يهمج
وبكرة ان شاءالله بس ارد من الكلية
بردلج خبر

 

[C.S.S]

يااااااااااااحيااااااتي ماتقصرييييييين .. الله يجزاج خير ويوفقج انشالله وين مارحتي ..

 

[wardia]

حبيبتي ابراهيم محسن امس نزل قريداته

 

[أم منيـرة]

مــوووفقه ياارب

 

[|| NouF ||]

سووووووووووري عالتـــــــــآآخييييييييييير ..

لقيت القريدات معلقيييييييييييين ... !!

وسألت الارشاد .. قالوا اكيد نازل القريد
المعدل مايتغير مني والطرييييييييج
روحي بكرة كلميه نصيحه

 

[C.S.S]

مشكووره حبيبتي .. ماقصرتي ..
حساافه .. ان شاء الله باجر بروح ..

 

[wardia]

حبيبتي نصيحه لاتروحيله وتكلمينه ع القريد لانه مايعطي ويه , بس يواريج درجاتج

 

[C.S.S]

رحت اليوم بسأله طلع حااااااطلي c
بس مالقيته .. يالله الحمدلله على كل حال ..
معوضين ان شاء الله الكورس الجاي ..

ومشكـووووورين كل اللـي ردو علي ماقصرتوو .. وبالاخص نوووفا فديت قلبها