::::::_تجمع لكل من جرب برفكتيل بلاتينيوم_:::_مع زهرة المساء_::::_والاوميجا 3_:::::::

[حصه11]

مشكوره فديتج عالرد خلاص باخذ حبه يوميا

 

[ranh]

باذن الله حبيبتي والافضل يكون صباحا بعد الريوق مو مع وجبه دسمه

تحياتي

 

[fife4ever]

هلا حبيبتي
بريورين حلو بس بروح مو كافي لازم علاج ظاهري وراح يوقف التساقط باذن الله خلال 10 ايام

خذي من الصيداليه سورسير تونك يستعمل كل يوم مره او مرتين حسب استطاعتك بس لازم كل يوم
شامبو وبالسم ريفيفوجين تلاقينه الحين بالجمعيات ارخص من الصيداليات ولا تاخذينه من صيدالية بوتس لانه ببوتس اغلى من باقي الصيداليات
بالجمعيه تقريبا ب 6 وشوي

تقيمه ايضا بالامازون 4 نجوم استناد على راي 14 شخص ويعتبر من المنتجات الحلوه باذن الله يفيدكم

وحاولي كل اسبوع قبل غسل الشعر سوي مساج بزيت جوز الهند وخليه نص ساعه وبعدين غسلي شعرك

وتقدرين لمده اسبوعين اتتبعين عمل ماك السدر بماي البصل والثوم طريقته
خلط سدر مع زيت للشعر مثل جوز الهند او زيت الافوكادو بوعاء بلاستيك
تقطيع بصله و2 حبه ثوم وغليهم في ماي ثم تغطين الوعاء حتى يبرد ثم خلط السدر التم اضافة له الزيت الي ماي البصل والثوم ثم احضار فرشاة الصبغه وضعي الماسك على الشعر لمده نص ساعه كافين انا ما اخليه اكثر وبعدين غسلي شعرك بالماي والبلسم حتى ازالة كل السدر وبعدين استعملي الشامبو وماسك مرطب للشعر بدون الوصول لجذور الشعر يفضل ايضا عند وضع البلسم ما يوضع على جذور الشعر ويفضل عند وضع الشامبو تركه مده دقيقتين حتى يعطي مفعول لوقف تساقط الشعر باذن الله

حاولي تغسلين الشعر مرتين بالاسبوع وبكل مره استعملي زيت جوز الهند قبلها بنص ساعه مع تدليك خفيف ولا تمشطين الشعر وهو مبلول

ايضا ماسك البيض مع زيت الزيتون يوقف التساقط مع الليمون

حاولي تغسلين شعرج دايما بقلب الراس للامام واستعملي كوب لوضع الماي لغسل الشعر هذه الطريقه تحفز وصول الدم للراس وتقوي الشعر

ما راح تحتاجين فيتامين e لان حبوب الشعر فيها فيتامين اي التستعملينها

افضل ماركه لزهرة الربيع عن تجربه تونتي فيرست سينشري وبيوريتنتس برايد

هذي تركيزها اعلى من تونتي فيرست سينشري استعملت تونتي فيرست سينشري تركيز 500 وهذه تركيز 1200
puritan's pride

الثانيه تركيز 500 هي 21st century
منتجات هذه الشركتين حلوين باذن الله

تحياتي

هلا والله
انا كنت ناويه استخدم سورسير تونك
واما الحبوب للحين ما شفت الفايده منها بس راح استمر عليها
وسالفة الشامبو انا ما استخدم الشامبو الا كل ثلاث ايام يعني بالاسبوع مرتين
ولا امشط شعري وهو مبلول ولا استخدم الاستشوار

بس سالفة ماء اليصل والثوم اخاف يطلع ريحه في شعري

وانا الحين استخدم جوز الهند معا زبدة الشيا وحطه ساعتين يوم وترك ولا في فايده

وصلت مرحله اني صلعت والمشكله عندي مناسبات وما ادري شنو اسوي

 

[قدها وقدوود]

انا لي اسبوع استخدم برفكتيل بلاتينيوم احس فرقت وايد بشرتي ومابي اكل وياها فيتامينات ثانيه احس اهي كافيه بروحها طريقتي نفس النشره حبتين باليوم بس حبيت اسالج اهي صح لازم كورس 3 اشهر وخلص طيب كل متى اكلهم بالسنه مره ولا اقدر اكثر من كورس بالسنه ولا قطعتهم شاخذ حبوب فيتامين زين للبشره شتنصحيني

 

[أم حووور81]

عن قريب بقولكم شصار معاي

 

[ranh]

هلا والله
انا كنت ناويه استخدم سورسير تونك
واما الحبوب للحين ما شفت الفايده منها بس راح استمر عليها
وسالفة الشامبو انا ما استخدم الشامبو الا كل ثلاث ايام يعني بالاسبوع مرتين
ولا امشط شعري وهو مبلول ولا استخدم الاستشوار

بس سالفة ماء اليصل والثوم اخاف يطلع ريحه في شعري

وانا الحين استخدم جوز الهند معا زبدة الشيا وحطه ساعتين يوم وترك ولا في فايده

وصلت مرحله اني صلعت والمشكله عندي مناسبات وما ادري شنو اسوي

هلا حبيبتي
ماي البصل مع الثوم بس مرتين بالشهر تحمليها بس راح تشوفين طول باذن الله وشعر يديد يظهر باذن الله
سورسير اساسي بعد الشامبو مره او 2 باليوم
يفضل جوز الهند باراشوت بروح بدون زبده شايا للجذور حتى لا يسبب سد مسام الشعر ويتساقط اكثر

ايضا زيت الخروع تقدرين تخلطينه مع جوز الهند راح يساعد بالعلاج بس نص ساعه وغسلي الشعر

لو قدرتي تحنين شعرك يكون حلو باذن الله انصح بالحنه الهنديه مع خلطاتهم الشيكاكي والنيم والاملا

الريحه ما تظهر لو سشورتي الشعر باذن الله بس خليه يجف من الماي وبعدين سشوريه بس استعملي سيرم واقي من حراره السيشوار قبل يمكن استعمال بوتس سيرم او اسبريه الخاص للحمايه من حرارة السشوار

تحياتي

 

[ranh]

انا لي اسبوع استخدم برفكتيل بلاتينيوم احس فرقت وايد بشرتي ومابي اكل وياها فيتامينات ثانيه احس اهي كافيه بروحها طريقتي نفس النشره حبتين باليوم بس حبيت اسالج اهي صح لازم كورس 3 اشهر وخلص طيب كل متى اكلهم بالسنه مره ولا اقدر اكثر من كورس بالسنه ولا قطعتهم شاخذ حبوب فيتامين زين للبشره شتنصحيني

هلا حبيبتي
اوميجا 3 وزهرة الربيع ليست فيتامينات

برفكتيل تظهر نتيجته الواضحه بعد 3 اشهر لازم توقفين شهر على الاقل
ما راح تحتاجين تستعملين شي بالفتره الراحه غير فيتامين سي واوميجا 3 وزهرة الربيع او سي واوميجا 3 فقط

اوميجا 3 مهمه لانها تحافظ على نعومه البشره وتنزل الكوليستيرول ولها فوائد كثيره اخرى

انا لاحظت لو وقفت برفكتيل بعد فتره ترجع البشره مثل ما كانت لازم مواظبه بالاستعمال خاصه لو في مشاكل بالبشره والعمر بعد ال 30

كورس 3 اشهر مرتين بالسنه كافي باذن الله او حسب حاجتك لو لقيتي البشره اوكي ما تحتاج لا تستمرين

 

[ranh]

عن قريب بقولكم شصار معاي

باذن الله حبيبتي بانتظارك
الله يوفقك ان شاء الله

 

[قدها وقدوود]

مشكوره اختي عالرد ماقصرتي وجزاج الله خير

 

[ranh]

وياكم يا رب
تسلمين حبيبتي حياكم الله

 

[رُۈحَ ۈ رْيحَآن]

Up


Up


Up

 

[..~Goolz]

شرايج بحبوب درماجينول؟

اخذهم بروحها ولا مه زهرة الربيع

 

[الله يخليني]

رنا الله يعافيج عسل منوكا من اي فرع من افؤع مراكز سلطان ..
شكرا

 

[..~Goolz]

استخدمة اوميجا3 ولا فيه اي فائده ملموسه

 

[ranh]

شرايج بحبوب درماجينول؟

اخذهم بروحها ولا مه زهرة الربيع

هلا حبيبتي
من حيث المكونات زينين بس مااقدر احكم عليهم مااستمريت عليهم
بس من خلال تجاربي لازم اوميجا 3 ويفضل زهرة الربيع
والهلرونيك اسيد حبوب لاحظت انه اكثر فاعليه في النفخ عن الكولاجين
باذن الله راح انزل صوره عن تكوين طبقات البشره حتى يوضح اكثر وظيفه الهلرونيك والكولاجين

بعتذر عن التاخر بالرد

 

[ranh]

رنا الله يعافيج عسل منوكا من اي فرع من افؤع مراكز سلطان ..
شكرا

هلا حبيبتي بكل الفروع
خذيته مره من فرع السالميه ومره من سوق شرق ومره من الفرع اليديد يم حديقة الشعب اسم الشركه
Cottage delight
العبوه عليها ورق كرتون فوق الغطا

 

[..~Goolz]

هلا حبيبتي
من حيث المكونات زينين بس مااقدر احكم عليهم مااستمريت عليهم
بس من خلال تجاربي لازم اوميجا 3 ويفضل زهرة الربيع
والهلرونيك اسيد حبوب لاحظت انه اكثر فاعليه في النفخ عن الكولاجين
باذن الله راح انزل صوره عن تكوين طبقات البشره حتى يوضح اكثر وظيفه الهلرونيك والكولاجين

بعتذر عن التاخر بالرد

معذوره فديتج

قصدج استخدمه اوميجاء 3 مع زهره الربيع بدون درماجينول

او درماجينول مع اوميجا3

ممكن تشرحين لي ردج سوري ما فهمته :eh_s(22):

 

[ranh]

معذوره فديتج

قصدج استخدمه اوميجاء 3 مع زهره الربيع بدون درماجينول

او درماجينول مع اوميجا3

ممكن تشرحين لي ردج سوري ما فهمته :eh_s(22):

هلا حبيبتي

درماجينول يساعد في توحيد لون البشره لانه مضاد للتاكسد وقد يساعد فينعومتها وعلاج التجاعيد ويعطي نضاره بس ماراح يعطي تاثير بالنفخ
كنت اقصد تدخلين اوميجا 3 وزهرة الربيع مع كولاجين مثلا بيورلوجيكول او ماركه ثانيه وتدخلين معاهم هيلرونيك اسيد تركيز 100 او 150
راح تلاحظين فرق من اول شهر
تحياتي

 

[BlackRose]

السلام عليكم

موضوع عجيب وجداً جداً مفيد اهنيكم عليه

بالنسبة حق تجربتي صار فترة اسبوعين الى ثلاثة استعمل بيرفكتيل بلاتينيوم وايضاً استعمل الديرما رولر حق بشرتي... وحاسة بفرق ولله الحمد

بس الشي اللي متضايقة منه ان حوضي وصدري صاير فيهم استداره وكبرانين وايد بالذات منطقة الحوض

معقول هالشي من البرفيكتيل؟؟؟

 

[حمام شاقني فنه]

دكتورة التغذية منعتني منهم قالت تثير القولون العصبي ونا لاحظت هالشي حيل أصير عصبيه