14 سنة وتبي اي فون..صح او غلط؟؟ ردودكم اللي تحدد المصير

[catwi]

رد : 14 سنة وتبي اي فون..صح او غلط؟؟ ردودكم اللي تحدد المصير

البنت تبي التلفون بس تقليد للبنات ورفيجاتها وماله اي هدف
انصحج لا تشترين لها لانه يفتح عليج ابواب مسكره
اهي تبيه ستايل لكن اسلوبج في التربيه يمنعج انج تشترين لها وهذا اهو الصح مو كل شي يسوونه الناس نسويه
ولازم تفهمينها الاسباب وتفهمينها اسلوبج في التربيه هاليوم اي فون وباجر اشياء ثانيه كل ما قالت لج شي شريتيلها
الموضوع مو بس تلفون وخلاص هذا اسلوب تربيه

 

[[[ عيون جابر ]]]

لا طبعا 14 توها صغيره كلش مو مالت تلفونات لاتفتحين على عمرج باب مسكر

 

[blue diamond]

يا حلوج ويا حلو بنتج الله يخليكم لبعض ان شاء الله

ما أيد انها تاخذ تليفون توها صغيره
خل تنتبه لدراستها لانها اهم

واذا خلصت السنه اشتريلها بلاك بيري هديه لنجاحها اذا يابت درجات حلوة ان شاء الله ​

:tek:

 

[Tulips]

رد : 14 سنة وتبي اي فون..صح او غلط؟؟ ردودكم اللي تحدد المصير

لا يبه تو الناس عليها

حتى انا اختي 13 سنه تبي ايفون ونفس بنتج رفيجاتها كلهم عندهم جعمناها قلنالها لاااحقه على التلفونات

بعدين والله هالزمن يخرع ماتدرين باجر احد يقص عليها ولا شي مهما كانت تربيتج لها بيرفكت الشيطان ما مات

ادري بنتج بتكرهني بعد هالكلام بس والله مايعرفووووون مصلحتهم واحنا نتحجى عشان مصلحتهم وموضارينا بس الله يهديهم الدنيا كلها اغراءات .. يعني ممكن تاخذينلها اي بود بس تلفون لا

 

[حكايه فرح]

بصراحه انا مع بنتك وبقووووه اول الشي البنت باخلاقها مو بالاشياء اللي عندها ياما بنات ما معاهم فونات ويكلمون شباب والشباب يعطونهم فونات بدون علم اهلهم وبعدين احس بنتك ما شاء الله محل ثقه لا تخسرينها اذا انتي واثقه فيها ما اشوف انه فيه شي يمنع واكيد وقتها مو كله دراسه بوقت الي تكون مخلصه دراسه تتسلى فيهم وانا معاي ايفون وقبل كان بلاك بيري واخواتي معاهم بلاك بيري بصراحه ما اشوف فيهم الفساد اللي يتكلمون عنه البنات
لا تكسرين خاطر البنت اذا تشوفينها قد الثقه

 

[خاب ظن الشوق بك]

رد : 14 سنة وتبي اي فون..صح او غلط؟؟ ردودكم اللي تحدد المصير

والله اانا من وجهة نظري تشتريلها بلاك بيري بنتج كبرت بتاسع تري يعني باولى ثنوي

وشخباري زمن اللى تتخرج من الثنويه بعدين اعطيها تلفون

انتي تقولين اهيا مو محتاجته وعندها تلفون البيت صح كلامج

بس البيبي مسنجر وتسولف مع رفيجاتها ووناسه

عطيها خليها تجرب بس اخذيلها بوكروت الاشتراك عشان وقت الفانيل تشيلين الاشتراك

وانتي تعطينها ولا من وراج تحطه نصيحه
الحين البنات عقولهم اكبر من عقولنا
وشايفين وعارفين كل شي

 

[أسيرة القمر]

ما أيد توها صغيره على هالسوالف ..

 

[hend6363]

عادي حراام اشتريه لها لا تخليها في نفسها عاد مو لهالدرجة انتري راقبي اذا تخافين
او الاقل اشتري لها تليفون عادي
انا اول تلفون كان عندي لما كنت برابعة ابتدائي ههههههههههه كان من غير الوان ههههههههههه
والحين عمري 17
بس انا كنت احتاجه اخده معاي المدرسة و اصحابي اذا احتاجوني ولا كنت في مكان و ابي اتصل بحد طبعا هالشي لما وصلت سادسة و فووق
يلا انا اصوت اشترييي لها بلييييز مسكينة

 

[G!RLooNa]

امبيه عادي ترا إحنا ب2010 مو 1990 الزمن تغير التكنولوجيا بكل شي علا 6 سنين اذا مو اصغر عندهم موبايلات

بعدين الايفون و البيبي مو بس حق قرقه لا في العاب برامج و شغلات وايد

أنا من رحت 4 متوسط و أنا احن ابي موبايل ما رضو ياخذونلي الا لما صار عمري 16 ب3 ثنوي و طبعا كلامهم نفس كلامج و أنا كلامي نفس كلام بنتج

انقهر أشوف كل اللي بعمري و اصغر مني عندهم و أنا ماعندي

و كل كلمه والثانيه امي تقولي أنا ماخذيت موبايل الا عقب ما تزوجت أقولها يمه مايصير تقارنين زمنج بزمنا!!

عقب ماخذولي الموبايل بسنه او سنتين عطو اخوي بو 6 سنين جهاز و لي قتلهم يقولون لي الزمن تغير بينكم و بينه لووول اقولهم الله و اكبر بيني و بينه الزمن تغير و لما اقولكم بيني و بينكم أنتو ماتغير!

المهم أنا قلت قصه حياتي بس لأني حاسه ابنتج و مثل ماقتلج الحين اللي عمره 6 سنين عنده لابتوب و ايفون و اي باد بنتج مره 14 سنه و الله لا تخلينها تتحسر علا عمرها لي شافت رفيجاتها و بنات خالاتها و عماتها كل وحده بيدها جهاز ويسولفون عن البرامج و الألعاب واهيا تطالعهم ساكته

 

[G!RLooNa]

بنات اللي تقولون صغيره ولا تفتحين بيبان مسكره

بقولكم ان البنت لي حطت براسها شي تسويه لو حابسينها بغرفه مافيها الا ٤ طوف

بعدين صلوا عالنبي وين ياهل!!! ١٤ سنه مره شكبرها الحين اليهالو عقولهم سابقه عمرهم و تقولون ام ١٤ ياهل!

 

[G!RLooNa]

كل شوي اتذكر شي نسيت أقوله

اي و اذا البنت علا قولتكم عالشي بفتح عيونها عالخرابيط ترا اللي بتخربط تخربط عندها جهاز ولا لا تقدر بمليون طريقه تكلم اللي بتكلمه

و تقدر بعد تطلعلها خط و جهاز او مهيا مخربطه من الأساس.. فليش تحدينها انها تسوي الشي من وراج؟؟ خليها جدام عيونج احسن ؛)

 

[Natasha]

مافيها شي

بنتج وانتي ادرى بتربيتها واكيد واثقه فيها حسيتها مثل اختي الجعده هي بنفس عمرها وتبي لاب توب خاص فيها طبعا ماعطيناها عندها جهاز البيت تقعد عليه او لاب توب اي وحده من خواتي متى ماتبي
اختي عندها موبايل خاص فيها بس لاب توب خاص تو الناس عليه

بس الاهم من هذا كله بنتج تشوف البنات الي بعمرها وودهها تكون نفسهم عطيها بلاك بيري بس لازم رقابتج عليها انا ما اقول من تمسك الجهاز قعدي يمها وراقبي شنو تسوي لا

اقصد عطيها الثقه وحمليها مسؤوليه رقابه نفسها وفهميها انج واثقه انها قد المسؤوليه

وربي يحفظها لج ويخليها لج يارب ويطرح فيها البركه ويبعد عنها كل شر

 

[قوتشي بنت LV]

آممم إولآ بقول شغله ..
الخربآن خربآن !
والتلفونات كلهم تلفونات سوآء كان إيفون بيبي نوكيا .. إلخ
بس الشخص نفسسه وإستعماله
< يعني يمكن وحده عندها بلاك بيري إو إيفون وزينه وماعندها سوآلف ويمكن وحده عندهااا نوكييآ ومومظبوطه
< إتمنى وصلت الفكرررره
وإنآ إقول إخذي لها مافييها شي كله تلفون !

 

[نور مغليها]

رد : رد: 14 سنة وتبي اي فون..صح او غلط؟؟ ردودكم اللي تحدد المصير

مافيها شي

بنتج وانتي ادرى بتربيتها واكيد واثقه فيها حسيتها مثل اختي الجعده هي بنفس عمرها وتبي لاب توب خاص فيها طبعا ماعطيناها عندها جهاز البيت تقعد عليه او لاب توب اي وحده من خواتي متى ماتبي
اختي عندها موبايل خاص فيها بس لاب توب خاص تو الناس عليه

بس الاهم من هذا كله بنتج تشوف البنات الي بعمرها وودهها تكون نفسهم عطيها بلاك بيري بس لازم رقابتج عليها انا ما اقول من تمسك الجهاز قعدي يمها وراقبي شنو تسوي لا

اقصد عطيها الثقه وحمليها مسؤوليه رقابه نفسها وفهميها انج واثقه انها قد المسؤوليه

وربي يحفظها لج ويخليها لج يارب ويطرح فيها البركه ويبعد عنها كل شر

ووو ما أأيد كلامج .. البنت بالفتره هذي أي كلمه تأثر عليها وعلى تفكيرهاا


نصيحتي لا تعطينها اي فون قوي عليهااا

 

[اخت خالتهم]

رد : 14 سنة وتبي اي فون..صح او غلط؟؟ ردودكم اللي تحدد المصير

عااادي
بس حدديلها البرامج
انا عندي وعادي
حتى لو بدون اشتراك مافيها شي

 

[انسام الكويت]

لأ ما أيد توهاا صغيرة خل تلتهي بدارستها احسن

ولمن اتصير بأخر سنه بالثانويه اهني عاد اشتريلها

والبنت بهالعمر مو اي شي تبيه انلبي طلباتها لأ لازم اتعرف

انه اكوو شغلات مايصير تطلبها لانه مو مناسبع لعمرها

وكل شي بوقته حلوووو كلها جم سنه وانشاالله بيصير عندها

فوون

 

[شوشو الشقيه]

لا مما انصح
بصراحه
مو عن شيء
المفروض يكون فيه مراقبه
تره فتره المراهقه كل شيء الواحد يتعلم
لو عمرها فوق اقول عادي
والله في بعضهم اعمارهم تعدوا سن الرشد عندهم اطفال ولا يعرفون يستخدمون النت ولا تليفونات
في الشيء السيء

 

[شوشو الشقيه]

انا استغرب من ظاهره التليفونات الي ميته عليها البنات
والله انا عندي بلاك بيري
بس ما احب استخدمه على رغم عندي نت فيه
بس احب الحاسوب البيت الي الكل يستخدمه
شفتي عاد
بس امري لله شكلي بحول على تليفون مطلوب حاسوب البيت

 

[مهوسة بالزين]

رد : 14 سنة وتبي اي فون..صح او غلط؟؟ ردودكم اللي تحدد المصير

انا لو تبي تلفون عادى نونو والف نو

 

[هــدوء]

رد : 14 سنة وتبي اي فون..صح او غلط؟؟ ردودكم اللي تحدد المصير

انا بقولج شي البنت لو تبي الخراب لو تحطينها بقفص تسووي اللي تبيهااا


عطيها الاي فون وثقي فيها وخليها تحس انج واثقه منهااااااااااااااا


بس راقبيهااااااااااااااااااااا


لازم تراقبينها واهي ما تحس فيييج



وسلاااااااااااااااامتج