14 سنة وتبي اي فون..صح او غلط؟؟ ردودكم اللي تحدد المصير

[::كيك وعسل::]

البلاك بيري عندي اهون بس لازم تتكونين حريصه كأم ومراقبه بعد بصراحه الدنيا
تخوف والحين البنات يخربون بعض

 

[^ليلاس^]

رد : 14 سنة وتبي اي فون..صح او غلط؟؟ ردودكم اللي تحدد المصير

اي عادي اشتريلها جيل بنتج غير عن جيلج

بس بشرط وقت الامتحانات تاخذينه منها

 

[RoWaIsHeDyA]

لاتعطينها هذا اول الخراب صدقيني وطيعيني من اهلنا وايد من امسكو الفون ولا اللاب اختربوا والبنات يجرون بعض بهالسوالف شلها بالاي فون توها قولي لها من تصيرين 17 انا اروح اشتريلج بايدي ولا 18 انا ابوي الله يخليه لنا حمضنا لي 18 ولمن كنا نطلع كان يعطينا تلفونه لعل وعسى صار شئ بس تلفون حقنا لا

 

[سمبتيكا ~]

آشتري لها آيبود الجديد فيه كاميرا
آما آيفون وبلاك بيري ، على قولتج
ماتطلع إلا معاج ورفيجاتها بالمدرسه بس
يعني ماله داعي .. خل تدير بالها على دراستها
بهالفتره والتيلفون لاحقه عليه إن شاءالله لما تتخرج
من الثانويه لآنه من الملهيات وحيييل يشغل الطلبه
وآنا شخصياً ما آآيد هالشي نهائياً ...!


آسمعي كلام آمج تبي مصلحتج

​

 

[العجميه سبشل]

شوفي أنا عمري فوق خمسه وعشرين وأي فون ملهيني ماعندي وقت أجابل اهلي واهي وراها دراسه حرام تضيع وقت باي فون بس اذا تشوفينها مهتمه بدراستها عطيها بوقت فراغها

 

[Sosota_20]

رد : 14 سنة وتبي اي فون..صح او غلط؟؟ ردودكم اللي تحدد المصير

حرام يباا اشتري لها
الحين منو ماعنده تلفون .. ما اشوف فيها شي
واحسه خلاص صار شي ضروري ان كل واحد لازم يكون عنده فون

احنه بعايلتنه والله اصغر واحد عنده فون عمره 3 سنين خخخ وكلهم من صغار لي كبار بلاك بيريات واي فونات
والبلاك بيري يسلي الصراااحه مو مجرد تلفون

 

[ريم الخليج]

رد : 14 سنة وتبي اي فون..صح او غلط؟؟ ردودكم اللي تحدد المصير

اذا تحبين بنتك وتخافين عليها لالالالالا تضيعنها من ايدك هذه صغيره وعواطفها ماتتحكم فيهاوما عليك من اي احد معه كثير من البنات ضحايا هذه الاجهزه خليها تهتم بدراستها والله امهاتنا حرمونا من بعض الاشياء لكن الحمدلله طلعنا احسن البنات كرهيها فيه والله ماراح ينفعها بأي شىء ويمكن يفتح لك ابواب كثيره انتي في غنى عنها

 

[SupeR-GirL]

شدعوه بناات كلكم ما تايدوون الحين احنا داخلين بسنة ٢٠١١ وانتو تقولون اتخرج من الثانويه وعطيها موبايل!! الحين الزمن تغير وهالجيل ماشاء الله عليهم مفتحين باللبن كل شي يبونه ويبون يجربونه!! اذا ما شرت اي فون ولا بلاك بيري الحين بعز هبته متى تشترييه
بعدين التربيه تلعب دور اذا البنت عارفه الصح من الخطأ لو شنو تعطينها ما راح تخترب و ١٤ سنه كبيره وفاهمه وماراح تسوي شي غلط او مو زيين ان شاء الله

انا من رايي تاخذين لها اللي تبيه وبهالعمر البنات يكونون حساسين شوي وكل وحده ما تبي احد يكون احسن منها تبي تصير مثلهم
ترى انا مثل بنتج بس اكبر شوي عمري ٢٠ ما عندي رفيجات وايد وهذره وتلفونات وااايد وطلعات ومع هذا اول ما نزل البلاك بيري شريته وحطيت الخدمه وصرت حالي حال البنات

 

[ام فجر3]

نفس مشكلتي بالضبط بس مشكلتي اكبر بنتي كل يوم تحن على شي ولازم تحط فلانه وعلانه عندها وامها تقول عادي اما انتي على طول لا
والله تعبت من كثر الطلبات الله يساعدنا على عالمراهقات

 

[nsoom777]

تصدقين عاد بنتي برابعه ابتدائي جاتني ذاك اليوم تقولي ابي اي فون انا انصدمت اشلون عرفتيه مع ان عندها بلاي ستيشن وويي وبي اس بي
قالت رفيجتي عندها واحد ابي مثلها قلت نووو ويي وصارت مناجره بينا اخر شي قلت ما اجيبلج تلفون الا اذا رحتي الجامعه
والله توكم صغار عالتلفونات ودام امج مانعتج هذا مو لانها تكرهج بالعكس تبي مصلحتج مو كل شي يسوونه الناس
يطلع صح وشي حظاري ولازم نقلدهم والله لكبرتي باجر بتعرفين ان امج كان معاها حق وانتي ان شاء الله بتكبرين وبتزوجين وبتجيبين
بنات وبتعرفين شعور امج معاج اذا منعت شي لمصلحتج وراح تذكرين هالايام وبتقولين والله امي معاها حق بكل شي
والله يوفقج

 

[برونزية الكويت]

والله يا حبيبتي انا بالنسبه لي عادي كل الناس عندهم حتى بو تسع سنين عندهم عادي حبيبتي انا اويد

 

[Cander]

انا اقول لا

البنت ياهل والايفون بصراحة عندي

سهل جدا ينتشر الخراب فيه ، انترنت وتعال يابرامج اللي نصها خراب

حتى الاب ستور فيه العاب الله لا يوريج

سكتيها بأي جهاز واخذي لها ايبود لين تكبر

 

[هدولى]

عادى اشترى لها .

 

[Megan Rocks]

رد: رد : 14 سنة وتبي اي فون..صح او غلط؟؟ ردودكم اللي تحدد المصير

اول شي لا تخلين بنتج تقرا ردي اخاف تدعي علي لووووووووول











.



..



.....



...............


انا اهلي ما حطوا بأيدي تلفون الا لما تخرجت من الثنويه وكانت هديه التخرج
لا وهالمره تبي اي فون؟؟؟؟؟؟؟ والله بداية الخراب ديري بالج بنتج صغيرة وبعمر المراهقه ورفيجاتها يعد صغار لاتنسين هالشي وراح تلهى عن دراستها بعد وتتعود عليه :\

i agree , she's too young

 

[S.O.S]

أنا اقوووول اشتريلها ووقت الامتحانات والمدرسه شيليه منها بس بالويك اند >>> دام فيه مراقبه ماكو خوف
وجيلها غير عن جيلج
حرام كل البنات عندهم وهي يصير بخاطرها:flower:
بس لو قدرتي تقنعينها بالاي بود افضل
*

 

[غيورهـ المطيري]

رد : 14 سنة وتبي اي فون..صح او غلط؟؟ ردودكم اللي تحدد المصير

لا حرااااااااااام اشتريهاااااااااا انتي برضاج
لا يجي احد يلف راسها ويااخذها منج وانتي فاهمه قصدي
طبعا راح تقولين شفيها غيورهـ المطيري جذي لا هذا الصج وحده من رفيجاتي كلنا معنا تلفونات كشخه اللى هي بوليت وكل
ماقالت حق امهااا قالت لا وبعدين تعرفت على شاب واغرها بالكلام الحلو وطلبت منه بلاك بيري واليوم الثاني شرالهاااا
واستمرت علاقتهم لين جاء يوم وقرر يطلب منها تطلع معه وهي نفس الهبله طلعت وصااااار اللى صار ومانفعهااا تحطيم اهلها لهااا
وانا ويا اراء بعض البنات راقبيها شوفي فونها جيكي على الاسماء وجذيتكسبين ثقه بنتج فيه ولا تضيع منج

 

[رنيم q8]

انا انصحج ما تشترينه
خليها تشد حيلها بدراسه
لان صج يلهي
احنا عندنا البنت ما تأخذ الموبايل لما تتخرج من الثانويه
صج الزمن تغير بس همن توا الناس
لايفون والبلاك بيري يلهي
وانت ادرى بمصلحة بنتج
الله يخليها لج

 

[غيورهـ المطيري]

رد : 14 سنة وتبي اي فون..صح او غلط؟؟ ردودكم اللي تحدد المصير

حرااااااااااااااااام لاتحسسينها بالنقص جدام رفيجتهااااا

 

[سموره 87]

ما اايد
تليفون خراب بأيدين البنت انا مامسكت التليفون الا لمن تخرجت من الثانويه

 

[مسك حياتي]

اممممم انتي مو مقتنعه بفكره الموبايل من الاساس و اهي تبي بلاك بيري او ايفون ...

الحل بالنسبه لي تشتريلها ايبود تش ترا مثل الايفون بالضبط و تقدر منه تحاجي رفيجاتها مسن و تنزل برامج و العاب ...

ونزل ايبود يديد فيه كاميرا ومميزات احلا بس اتوقع ما نزل بالكويت حاليا فتقدرين تطلبينه من بره ...

و ان شاء الله توصلون لحل يرضي الطرفين اهم شي ...