0000 تجمع اللى يعالجون عند الفريق البلجيكي000

[dodoooo]

قووه بنات اخباركم ؟؟؟

بنات قبل لاتحللون تحسون انه في شي ببطنكم ولا لا انا ذبحني الوسواس. مرات احس بطني فاضي مافيه شي وانتو بكرامه من عصير البرتقال الفرش

بطني قام يمشي عادي صراحه خفت

انا في اليوم الخامس تقريبا كان ماشي بطني حيل وخفت بس الحمدلله ما أثر اتكلي على الله واللي الله كاتبه كله خير ان شاالله
كيتي بغيت اسئلج ماجده كل مواعيدها عصر ؟؟؟ ما عندها الصبح

 

[kitty eyes]

لا حبيبتي

هي مواعيدها تبتدي من الساعة 2 الظهر اظن لان اللي حجزتلي سكرتارية الدكتور فاطمي وقالتلي ما يداومون الا ورا ال2

انا موعدي بكره المغرب

لما ارد راح اقولج رايي فيها

الله يسهل

 

[رمز الموده]

شوقتوني اسوي عندهم انا لان السبب بزوجي

 

[dodoooo]

تسلمين كيتي

رمز المودة استخيري وتوكل على الله سبحان الله مكانهم اصلا مريح غير باجي المستشفيات فوضى وزحمة

عسى الله يرزقج ويرزق اختي وكل محرومه قادر يا كريم

 

[غزل بنات]

موعد تحليلي 4/10 الله كريم

بنات يحوشني عوار ببطني يمغصني عادي

 

[kitty eyes]

اي ان شاء الله عادي

انا جذي حسيت ان معاي مغص اول اسبوع وظهري كان حيل ماسكني

لدرجة اني قلت خلاص الحين بتنزل

بس الحمد الله طلع هذا الرحم قاعد يتهيأ علشان تعشش البويضة

والحمد الله

الفال لج يارب ولكل البنات

 

[غزل بنات]

امين يارب احس بالم دوره تكرمون ذبحني

 

[حلمي الأمومة]

امس صدمني زوجي يقول مانبي نراجع خلاص وبنخليها على الله

واحنا متفقيين نراجع عند الفريق بس ما ادري فجأة اعتفس

ياااارب ياااااارب ياااارب حنن قلب زوجي علي ويسر مراجعاتنا وحببها الي قلببه عند الفريق

الحمدلله على كل حاااااااال

 

[dodoooo]

امس صدمني زوجي يقول مانبي نراجع خلاص وبنخليها على الله

واحنا متفقيين نراجع عند الفريق بس ما ادري فجأة اعتفس

ياااارب ياااااارب ياااارب حنن قلب زوجي علي ويسر مراجعاتنا وحببها الي قلببه عند الفريق

الحمدلله على كل حاااااااال

حياتي والله حاسه فيج الله يسخره لج يا رب
اهم جذي لازم تحوشهم عره
يمكن متضايق او فيه شي بس ان شالله يهدى ويغير رايه
تخيلي انا صار لي سنين احن عليه نسوي الانابيب يعني من كان عمري 28 الحين عمري 35 وتعودت بنتي عالوحده بس شنقول قدر الله وما شاء فعل
الله يسخره لج ويحنن قلبه عليج. اهو اللي يقولج خل نعالج
يارب

 

[kitty eyes]

الله يحنن قلبه يا حلمي

بس ما سألتيه شنو السبب

وليش ما يبي

ترى العمر يركض

انا جذي كنت كله اركض بروحي وانا اتعب بالعلاج

وقعد 8 سنين

بس شد حيله معاي ورحنا عندهم والحمد الله الله كتب لي الحمال

حاولى فيه شوفي شنو اللي راده

وليش ما يبي

 

[غزل بنات]

كلميه شوفي شنو بخاطره وانشالله الله ييسر اموركم يارب

 

[رمز الموده]

بنات متى سويتوا العمليه يعني جم المده طولتو شهر او شهرين ممكن احد يشرحلي بالتفصيل <<< طراره وتشرط

ماعليه تحملوني ولكم دعوه بالغيب

 

[dodoooo]

بنات متى سويتوا العمليه يعني جم المده طولتو شهر او شهرين ممكن احد يشرحلي بالتفصيل <<< طراره وتشرط

ماعليه تحملوني ولكم دعوه بالغيب

تقريبا شهرين ... لحظه ابطل النوته واقولج التواريخ

رحت لها 5 يناير كان ثاني يوم الدورة
سوت لي تحاليل وفحصوا عينة من ريلي وسوله تحليل دم

بديت بالبخاخ 22يناير

يوم 27 كان مفروض ابدا تنشيط بس لما سويت تحليل طلع الهرمون مو نازل كفاية اهو المفروض يكون تحت الخمسين وانا كان 70 زادت لي جرعة البخاخ لمدة 4 ايام وبديت تنشيط 1 فبراير طبعا مع التنشيط كل جم يوم تسوين تحليل وسونار يشوفون لون الاستجابة

خذيت الابرة التفجيرية في 11 فبراير
السحب كان 13 فبراير
الترجيع كان 17 فبراير

يعني المدة كلها تقريبا شهر ونص
طبعا في احتمالات ان العملية تتأجل مثل ما صار معاي اول مره لان طلع في التهاب مع ريلي واضطرينا نأجل شهرين لمن تعالج

 

[حلمي الأمومة]

ما ادري يقول تعبت من الادوية وزهقاااان حدي عاد انا كلش ماناقشته لان كلش مو متقبل النقاش

ما ادري اعتفسس فوق تحت الله ييسر امري يارب

 

[kitty eyes]

الله ييسر امورج يارب

وان شاء الله ربي يهديه وتكملون علاجكم

وتفرحون بالذرية اللي تملي عليكم البيت

اللهم امين

 

[OM_AZOOZ]

السلام عليكم ورحمة الله وبركاتة

هذي اول مشاركة لي
بعد فترة غيلب طويلة وانا مشتاقة لكم حيل

انا رحت الاسبوع الي فات للفاطمي في مستشفى رويال حياة
وقال لازم اسوي طفل انابيب لان عندي بس بويضة وحدة هي اللي بيشتغل عليها لا وبعد نسبة النجااااح 15%
وطبعا انهرت وبكييييي:eh_s(11):لاني اربع سنين في مستشفيات الكويت يقولون ما فيكم شئ

المهم اذا كان ابو زوجي بالدفاع وانا غير كويتيه اقدر اعالج على حساب وزارة الدفاع ؟؟؟

افيدوني وشلون الطريقة بليييييز؟

 

[dodoooo]

ما ادري يقول تعبت من الادوية وزهقاااان حدي عاد انا كلش ماناقشته لان كلش مو متقبل النقاش

ما ادري اعتفسس فوق تحت الله ييسر امري يارب

الله يسخره لج يا رب وانتي اختاري الوقت المناسب وقوليله سبحان الله ترا كل هذ اجر وان شالله بيغير رايه تفاءلي خير ولا تحاتين

 

[dodoooo]

السلام عليكم ورحمة الله وبركاتة

هذي اول مشاركة لي
بعد فترة غيلب طويلة وانا مشتاقة لكم حيل

انا رحت الاسبوع الي فات للفاطمي في مستشفى رويال حياة
وقال لازم اسوي طفل انابيب لان عندي بس بويضة وحدة هي اللي بيشتغل عليها لا وبعد نسبة النجااااح 15%
وطبعا انهرت وبكييييي:eh_s(11):لاني اربع سنين في مستشفيات الكويت يقولون ما فيكم شئ

المهم اذا كان ابو زوجي بالدفاع وانا غير كويتيه اقدر اعالج على حساب وزارة الدفاع ؟؟؟

افيدوني وشلون الطريقة بليييييز؟

قصدج مبيض واحد اللي يشتغل ؟؟

اذا مبيض واحد ترا عادي انا اعرف وحده شايلين لها مبيض وتحمل من مبيض واحد واحنا نفس الشي قالوا لنا نسبة النجاح 20 بالاميه يعني تقريبا نفسج بس اتوقع يزيدون لج التنشيط عشان تنتجين بويضات اكثر

ونسبة النجاح عند رب العالمين مو عندهم وبالنسبة للعلاج عالدفاع والله ما اعرف

الله يرزقج بالذرية الصالحة وان شاالله تنجح من اول محاولة

 

[dodoooo]

كيتي شصار على مراجعتج

 

[حلمي الأمومة]

حياتي والله بنات جزاكم الله خير

وان شاء الله ربي يسهل ويعين

واهتموا بنفسكم