★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

[منال القلب]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

^
^

الجميلة موجودة وجنه بديت انتشل

خشمي صارله ساعة قاعد يصب واااي مالي خلق النشلة

 

[غالية غاليها]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

مسى الخخير والاحساس والطيبه مساء مايليق الا بأحبابي
انا الحمدلله بخخير
انتو شلونكم شخخباركم
ماشيه برجيمي
وابشركم رحت السوق وشريت شنطه من مايكل كروس للعيد وللدوام
بقالي عباتين للدوام مافصلت وساعه وجواتي تكرمون
وابي لاب توب وداتا شو بس ميزانيه ماكو واحس راح احتاجهم بدايه الدوام إعرفون انا توني متوظفه ومالي خخبره شنو اشتري وشنو متوهقه
وفوق هذا عرسي احس مضغوطه حيل حيل معني ماجهزت ولا شي المإر ماجابوه
ضايق خلقي معنه ماراح اجهز الابدايه الدوامات وتحضير ولوعه وسائل يمه شلون بلحق لايعه جبدي صج
وفوق هذا ىجيم
والدوام مسببلي ازمه نفسيه احاتي الشغل شلون خلاص مافي كيري ميري
جني بربرت واجد
واتمنى يابنات تنصحوني
عفكره مدرسه اجتماعيات متوسط اللي نفسي اتمنى تقولي شنو احتاج احس اني ضايعإ حدي

 

[منال القلب]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

غالية غاليها: الله يثبت على الرجيم >> وانا بعد ماشية عليه ولله الحمد وانشالله نوصل للوزن الي نبيه آمين يااارب
بالنسبة للاب توب والداتا شو لاحقة عليهم لما تتوظفين..

ودام انج اجتماعيات ممم جربتي تشترين خرائط كبيرة عن الكويت او الوطن العربي أو الخيج العربي؟ شفتهم يبيعونهم بالعجيري.. فوق..

 

[ملآمح يوسفيه]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

,
الخرايط لا تشترين غاليه
لان القسم يكون فيه مكتبه حق خرايط

 

[منال القلب]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

مسا الخير..
منشولة بس احس مو قوية وان شالله ما تزيد
عاد رحت المستوصف اليوم الصبح قلت بتلاحق على نفسي..
عطاني قطرة بس لول بس الحمدلله خشمي يصب فترة بعدين يرد طبيعي..
والدكتور يقول هذي حساسية والأغلب فيهم جذي هالفترة..
ان شالله أطيب قبل رمضان.. آمين

 

[درة أهل الطولات]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

منول النشــله منتشرررة ،،، الظاهر فايروســ​

 

[درة أهل الطولات]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

مسى الخخير والاحساس والطيبه مساء مايليق الا بأحبابي
انا الحمدلله بخخير
انتو شلونكم شخخباركم
ماشيه برجيمي
وابشركم رحت السوق وشريت شنطه من مايكل كروس للعيد وللدوام
بقالي عباتين للدوام مافصلت وساعه وجواتي تكرمون
وابي لاب توب وداتا شو بس ميزانيه ماكو واحس راح احتاجهم بدايه الدوام إعرفون انا توني متوظفه ومالي خخبره شنو اشتري وشنو متوهقه
وفوق هذا عرسي احس مضغوطه حيل حيل معني ماجهزت ولا شي المإر ماجابوه
ضايق خلقي معنه ماراح اجهز الابدايه الدوامات وتحضير ولوعه وسائل يمه شلون بلحق لايعه جبدي صج
وفوق هذا ىجيم
والدوام مسببلي ازمه نفسيه احاتي الشغل شلون خلاص مافي كيري ميري
جني بربرت واجد
واتمنى يابنات تنصحوني
عفكره مدرسه اجتماعيات متوسط اللي نفسي اتمنى تقولي شنو احتاج احس اني ضايعإ حدي

مساء النور
خرايط لا تشترين
ولا داتا شووو هالاشياء توفرها المدرســة​

 

[ذكريات عشاق]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

ماتشوفين شر يامنال واجر وعافية ياربي

 

[ملآمح يوسفيه]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

,
منول ياحياتي ما تشوفين شررر
انا داته شريت لي بروحي
ماا احب اطرر من احد

 

[يامطوله صبري]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

صح حتى انا

شريت لي داتا شو ومريحني

 

[درة أهل الطولات]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

داتا شووو مستحيل اشتري لان عارفه انه راح تستغلني كل المدرسه​

وبصراحة ما اعرف اقول لا

والمدرسة موفرة واحد كل يوم يخترب​

 

[اخت اخوانها]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

ماتشوفيني درووووور قلت ماراح اشتري والناس عاااااااااااااااااااااااااااااااادي عندهم قطة الفيس عليج


هذا اذا صارت مبدددددعه بالذوق وقالت لج ابلة فلانة ماعليج امر ابي الداتا

والله بتلاقينه يامنكسر ياخربااااااااااان يا عندها بالصف والاخت آخر اندماااااااااااااج

نوووووووو وي اشتريه

 

[منال القلب]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

فديتكم بنات
شر مايييكم يارب
وصباح الخير عليكم

 

[اخت اخوانها]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

صبااااااااااااااااااااااح العسل >>>>>> سهرانه ومااااااااااانمت خايفة من الابرة

ان شاء الله سهالات

 

[غالية غاليها]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

ملامح يوسفيه و يامطوله صبري
شنو الداتا شو اللي شريتوه وبجم ومن وين؟وشنو عيوبه ومميزاته؟

 

[منال القلب]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

مرحبا بنات..
آخر أخباري... >> الي يقول الحين مهمة للدرجة هذي لوول

===


الحمدلله خشمي صار أحسن من أمس بوااااااايد الف الحمدلله

===

أما اخبار الرجيم:

بنات أمس كان أول موعد لي مع الدكتورة ( دايت كير ) طبعا الموعد من بعد اسبوع وياهم

قلتلها دكتورة أحس بيوع قوي بين الوجبات وكله احس باليوع طول هالفترة بس أواخر الأيام تعودت

جان تقولي خلاص انا راح أثبتلج وزنج.. طبعا قبل هالحجي رحت وقايست وزني طلع وزني: ناقصة كيلو كامل

استانست حيل واااايد وااايد استانست.. بس المشكلة الحين شنو ان اليوم لما وصلتني العلبة حاطتلي أكل وايد

لانها قالت بتثبت وزني انا كنت 1400 كالوري الحين لما حسبت الي حاطته لي طلع 1700 كالوري

يعني الريوق حده حده يشبع والشوربة زايدنها والحلو حاطين لي اثنين.. واااي الاكل حلو ومبحبح

بس المشكلة اخاف امتن عاد حدي مستانسة ان نزل وزني.

انا قلت للدكتورة اذا ثبتتي وزني راح أمتن؟ جان تقولي لأ...

يعني مثلا الورق عنب كان 3 حبات والحين صاروا 5 حبات من بعد ما راجعت الدكتورة

والشوربة صارت داخل كوب أعمق..

انا وزني كان: 64

بعد مرور اسبوع صار 63

وطولي 172

حلمي وزني يصير: 60 وبس مابي أي شي ثاني

الدكتورة بأول يوم سجلت فيه عندهم حطتلي 1400 كالوري

حتى زفتني تقولي ليش ياية تنزلين وزنج؟ جسمج حلو ؟

قلتلها دكتورة الكرشة مو عاجبتني

جان تقولي انا عبالي ياية تبين تزيدين وزنج.. لوووووول

المهم اول اسبوع ما تحملته من اليوع مثل ما قلتلكم بس بعدين تعودت على اخر يومين

واخاف الحين من تثبيت الوزن والاكل الوايد الي حاطينه بالبوكس امتن وااي مادري شسوي

وموعدي الثاني ويايها 2 رمضان..

اليوم ماكليت وجبة الغدا الرئيسية كليت الحلو والشوربة والسلطة والي كانت عبارة عن ورق عنب

وغير الريوق بعد كليته وكان يشبع... مادري شسوي واااي احس احترت..

شرايكم بنات؟

 

[غالية غاليها]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

عالبركه الكيلو
تدرين ودي اسطرج وزنج وطولج حلو مشالله انتي يبيلج لايقه ورياضه تشيلين الكرش
ثانيا تدري انا بس غدا وعشى ما احس بجوع يعني الغدا عباره ع سلطه وطبق رئيسي بعدين حلو والعشا شوربه وسطلطه وطبق رئيسي
الشوربه مويوميا اشربها واحس نزولي بطئ ماقست لين هاللحينموعدي اخخر الشهر
يجيب الله مطر
وسلمات عخخشمج اموووووواح

 

[مدرسة المستقبل]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

السلام عليكم

شلونكم يا زميلات المهنة

شخباركم شمسوين


أنا صارلي أسبوع ما أطلع أتسوق بسبب حالة وفاة لوحدة من أهل الوالدة

وأمس بعد كنت أشوف لقاء قديم باليوتيوب مع واحد من الي نجوا من معركة القرين الي صارت بالغزو وقلبي قام يعورني


المهم خل أقول لكم شنو شريت قبل هالأسبوع

من ستي ستارز الي فيه بوابة الهدايا ( الي فوق مو بالسرداب )

شريت بنطرونات شحلاتها وخامتها روعة على 7 خذيت بيج وكحلي

وخذيت لي قميص برتقالي طويل اينن ب5

واكسسواراتهم عجيبة تهبل على دينار ونص
القلب مع التراجي وشغلات راقيه وكشخه مو أي كلام
صراحه أنا ينيت عالإكسسوارات أكثر شي


وبالنسبة حق الداتا شو

أنا شريت لي واحد على نهاية الكورس الثاني من الكتروزان

روووووووعة شوية عليه

واضح حتى مع الإضاءة

وما يحتاج تعريف على اللابتوب

وسهل الاستخدام

صراحة استانست عليه واليهال بالمدرسة استانسوا أكثر

يعني متعــــــه


وهم شريت سماعات شكلها وايد حلو وذرب وصغيره وتتركب عاللابتوب من فوق

يعني هم شكل حلو وهم ما تثقل علي وهم استخدامها سهل ب12 دينار بس ما اتذكر من وين جنه من يوريكا

حسافه ما لي خلق لوية التصوير وتحميل الصور ولا جان وريتكم اياها

وبخصوص المدرسات يستغلوني بالداتا شو مستحيـــــل

ويعتمد على شخصية كل وحدة

يعني أنا من قبل لا أشتريه كنت قايله بيني وبين نفسي ما راح أسمح لأحد يستخدمه لأنه حساس حيل وصراحه غالي بعد

مره طلبته مني وحده بالقسم وقلت لها آسفه ما أعطيج إياه الجهاز غالي وحساس وأخاف عليه


خلوا شخصياتكم قويه ولا تستحون من أحد بالحق ولا تخلون أحد يحرجكم ويخليكم تسوون شي انتو ما تبونه

خصوصاً بالدوام


وإجازة سعيدة

 

[مدرسة المستقبل]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

منول حبيبتي

الله يوفقج بالريجيم وتضعفين بصحه وعافيه

ودي أسألج وين مكان الشركه ؟ وشلون طريقة الاشتراك ؟ وجم ؟

وعادي أشترك لزيادة وزني ؟

وشنو نوعية الأكل الي اييبونه ؟


سوووري أذيتج بالأسئلة

بس حلّيتي ببالي فكرة الاشتراك بشركة تغذيه

يا ريت تقوليلي كل التفاصيل عنها


وسووووري مره ثانيه

فــديــتـــج

 

[منال القلب]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

مدرسة المستقبل
أول شي يعطيج ألف عافية على الأغراض وتلبسينهم بالعافية ماقصرتي على المعلومات بخصوص الداتا شو وصح اهم شي شخصيتج.. هههههه عاد تصدقين انا كنت مادري عن هالشركات خير شر. وكنت أقرا كلام ( غالية غاليها ) جزاها الله خير، هني بالحزب ونفس طريقتج سويت سألتها وبعدين اهي جاوبتني وتحركت وسبحان الله الحين انعادت السالفة مرة ثانية.. بس حبيت أقولج أحسن 3 شركات تغذية اكلهم روعة وحلو وتوب ونظيف ( دايت كير - دايت سنتر - هيلث كومباني ) والباجي مايمدحونهم كلش. تامرين أمر أقولج الحين التفاصيل كاملة عن الشركة الي مشتركة فيها:

الشركة
دايت كير

رقمهم
1806050

موقعهم
شرق يم فندق ريتز - وقريب من مجمع الحمرا الي قيد الانشاء - وقريب يم مجمع بهبهاني مال المحاميد يمه

سعر الاشتراك أول مارحت لهم
250 دينار= ( 25 د.ك فتح ملف والدخول على الاخصائية ) + ( 225 د.ك سعر الوجبات )

اسم اشتراكي
لايف ستايل.28 يوم ( في انواع اشتراكات وايد وأقل من 225 بس يكون بس غدا وعشا بدون حلو. وفي اشتراك حق أسبوعين وفيه 4 أسابيع وفيه 3 أسابيع. بس انا اشتراكي كامل لأن فيه ريوق + غدا + عشا ) ولج 4 زيارات مجانية للدكتورة كل اسبوع طول فترة الـ 28 يوم علشان تشوف شنو سويتي. وطبعا لما تروحين هناك وتسجلين تحطين من أي تاريخ تحبين توصلج الوجبات..


التوصيل للمنزل
فيه ( فطور + سحور + غبقة ) الاكل مال الوجبات الثلاث في رمضان( فطور - سحور - غبقة ) أو الأيام العادية ( الغدا - عشا - ريوق ) يحطونهم بعلبة وحدة ويوصلج بوقت واحد وعلى حسب المنطقة وانا لأني ساكنة في مبارك الكبير ف يوصلون لي كل يوم الساعة 8:30 الصبح وبرمضان نفس الطريقة..


نظام اكلهم
الريوق/ لبن أو حليب + وجبة رئيسة + فاكهة أو سلطة فاكهة ( وانا كنت ماحب منتجات الألبان فخلتهم لي 2 فواكة )
الغدا/ سلطة + حلو + طبق رئيسي -------- العشا/ سلطة + شوربة + طبق رئيس


نظام أكلهم برمضان
عدي وخربطي آخر دلع مع الفطور والسحور الغبقة. ودامج بتمتنين راح تتدلعين عدل


المنيو
يعطونج منيو تختارين فيه أصناف الأكل وتحطين يم الأكلة الي تحبينها علامة صح. من السلطات والشوربات والاطباق الرئيسة والحلو يعني انتي تختارين الاكل الي تحبينه.. حق 28 يوم


السلبيات
سلطاتهم ماعجبتني وخاصة التبولة + ستيكاتهم حيل مالحة ( أما الباجي أروع من الروعة )

معاملتهم
حبوبين ويهبلون..

أكلهم
روعة ويهبل ونظيف بس سلطاتهم ماعجبتني والستيك مالح.

الاشتراك حسب الوزن
يصير تشتركين لزيادة الوزن // لتخفيض وزنج // أو تحافظين على وزنج.


وسلامتج..