★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

[كــلــ أمــل ــي]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

يا مســـآء الانوار

ياهلا ياهلا بأثير ..

صج نحــآسه اشدعوه ماكوو شغل احنا الحمدلله من 8 الى 12 ومرات 12 ونص

السلام عليكم

شلوونكم بنــآآت ..؟

امبيه اليوم موو صج ملل ملل ملل تخيلوو بس ناكل وسوالف ع الفاضي ملينا من القعده اللي مالها معنى

بنــآآت موو قال الوزير المليفي رآآح اعطل المعلمين مااخليهم يقعدوون من غير شغل موو عدل وين الصرآآحه انصدمت اليوم العطله 30 الشهر ليش والله ماعندهم سالفة ...

الموهيم .. الله يسهل عليناا ويوفقناا ونستمتع بالعطله ^^

 

[salamq8]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

السلام عليكم

خواتي حبيباتي مالي غيركم اقرا
سواليفكم الحلوه وادعيلكم من كل قلبي
لانكم طيبين وتستاهلون كل خير ،،.
خوااااااااااااتي


خوااااااااتي

ابي نصيحتكم انا حامل بالسابع
يعني بالعطله اخر سته اكون اول الثامن
انشاءالله ووودييييي ميييييته عالسفر
انا وزوجي شرايكم اي دوله اروح
لاتقولون خوف عليج وانتي وكرشج
مييته اسافر ماطول بس 3او4 ايام
بس ماادري شنو الدوله المناااااسبه

تكفون ابي رايكم كلكم لاتبخلووت علي 

 

[منال القلب]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

أثير88: حياتي انتي يعطيج ألف عافية ومسا الخيرات عليج، يله هانت حبيبتي 18 يوم وتقولين باي باي ولج وحشة يا شقول

بطاطا: وعليكم السلام، هههههه اي اي بتذكريني بإجابات الطالبات، لووول وخاصة العربي تعالي شوف الهوايل. بعطيج مثال.. في سؤال كان: ضعي كلمة "ملتهبة " في جملة مفيدة من إنشائك.. وحدة من الطالبات كاتبة بالامتحان: اختي تمشي بالشارع ملتهبة من زوجها المزعج.. انا قلتها حق المدرسات الي وياي ماااااااتو ضحك هههههههههه وماقدرت احطلها غلط حسبتها صح ههههه
يعطيج العافية حبيبتي...


كلي أمل: الله يقدرج وتسوين كل هالأمور يارب آمين ان شالله أنا اهم شي عندي العناية بإيدي وبجسمي واااي أبي ألق احس صرت سودة من الشمس، كل ما ارجع البيت اشوف ايدي تلوع جبدي

زمزوم: حياتي انتي فديتج..

غالية غاليها: واااي انا كله جذي انسى اسم حيااااتي لا منسية ولا شي اعتبري اسمج موجود فديتج..


سلامة كويت: دام سفرتج بو 3 إلى 4 ايام ف ما ينفعها الا دبي، صج صج دبي أنا أفضلها على غيرها حق 3 إلى 4 أيام فيها سوق واماكن سياحية.. مصر والبحرين وسوريا ما ينطبون بعد الاحداث.. والله يقومج بالسلامة ويخفف حملج يارب. ونصيحة لا تقولين حق الكل من اهلج انج بتسافرين والله اخاف يطقونج عين يقولون امبي حامل وبتسافر عيل لو حامل شنو بتسوي!!! الله يحفظج من العين والحسد آمين..

------


مسا الخير

واااي امبي مادري شقول

اليوم الله يسلمكم سوينا احصائيات عن الناجحات والساقطات، يعني كل أبلة

سوت احصائيات صفوفها وافتكينا خلصناهم.. اليوم الصبح وانا ياية وقبل لا ادش المدرسة كانوا حاطين على البوابة

النتايج جان أروح على طول على صفوفي.. وااااي حدي حدي حدي استانست كل الطالبات الي ابيهم ينجحون وخايفة من سقوطهم

انجحوا الحمدلله.. حدي استانست من درجاتهم الروعة.. وفي طالبات ساقطين ودور ثاني وحالتهم حالة...

باجر راح نوزع الشهايد واااي اموت على توزيع الشهايد وناسة باجر بقول حق الوكيلة بوزع شهايد >> يايبة التعب حق نفسي لول

أمت نظام دوامنا هالفترة صاير من 7:45 لحد 12:45 وبعدها نطلع، وناطرة الخميس علشان يصير من 8 لي 10


-----


بعد الصلاة بروح مع أخوي واختي الممشى وااي قاعدة احس بالذنب مع اني مو قاعدة أكل عدل.. يعني اليوم على الغدا كليت خبزتين ايراني وحطيت فيهم جبن قلاصات ولفيتهم وكليت + دونت + فواكة والحين مادري احس ابي اروح الممشى علشان لا أقعد ألوم نفسي لول

 

[salamq8]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

منال القلب فديتج 

بس مافي غير دبي ؟!

 

[منال القلب]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

سلام كويت: حياتي انتي، راح اتابعلج الجرايد لأني انا كل يوم اشوف السفريات وشنو حاطين، في دول اوربية بو 5 إلى 6 أيام مثلا لندن بروحها او فرنسا، لكنها مكلفة يعني التذكرة للشخص الواحد 400 وشي وحرام ما تقعدين ولا تشبعين.. انزين اشرايج بتركيا؟ في رحلات حق تركيا مدتها أسبوع.. لأن الدول الاوربية ما تقل عن اسبوع.. وانتي تبين مكان حق 3 إلى 4 ايام ف ماينفعها الا دبي كدول عربية اما دول اوربية فلازلام من 5 إلى 6 أيام علشان شوي تستانسين.. راح اتابعلج السفريات واشوف شنو يحطون واحطلج هني ولا يهمج..

 

[بطاطا]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

الله يسهل عليكم بطاطا

هههههه وناسه البنات سوولكم فلم كوميديا لوووول

اي و الله ونسونا شوي .. :krkrkr:
آمين و اجمعين يا رب

بطاطا: وعليكم السلام، هههههه اي اي بتذكريني بإجابات الطالبات، لووول وخاصة العربي تعالي شوف الهوايل. بعطيج مثال.. في سؤال كان: ضعي كلمة "ملتهبة " في جملة مفيدة من إنشائك.. وحدة من الطالبات كاتبة بالامتحان: اختي تمشي بالشارع ملتهبة من زوجها المزعج.. انا قلتها حق المدرسات الي وياي ماااااااتو ضحك هههههههههه وماقدرت احطلها غلط حسبتها صح ههههه
يعطيج العافية حبيبتي...

الله يعافيج حبووووبة

هههههههههههههه
لا عاد هذي بدعة

بس و الله يسووون جو و يسهلون علينا التصحيح ​

 

[بطاطا]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

باجر راحة لكل الطلبة بالكويت ... يعني بنداوم سوالف و اكل و بس :>

نريح شوي من المراقبة و التصحيح .. اليوم من المراقبة ريلي عورتني احسها تون ون

 

[salamq8]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

منال القلب اشكرج يالغاليه وعسى الله يوفقج دنيا

واخره ويفتحها عليج يالغاليه ويرزقج من حيث لا تحتسبين

اميييين يارب والقارئ يقول امين 

 

[كــلــ أمــل ــي]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

بطاطا مبروووك عليكم بااجر رآآحـــة .. اتمنى لكم رآآحه سعيده ومممتعة هههههههههه

اللهم أميــــــــــــن يا سلام الكويت والله يسهل عليج الولاة تروحين وتردين بالسلامة أهم شي ديربالج ع نفسج ونصيحة مني لج رووحي تركيــآآ ..

 

[ملآمح يوسفيه]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

,
اي والله الحمدالله باجر اووووووووووووووف
انا اليوم كنت فترتين من 8 لي 1 مراقبه

​

 

[كــلــ أمــل ــي]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

ربي يعطيج العافيه ملآمحوو ^^

 

[منال القلب]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

بطاطا: حياتي ارتاحي باجر زين تجددين طاقة حق بعدين زين الحمدلله..

ملامح: اكيد تعبتي فترتين عوار راس.. الله يعطيج العافية

سلام الكويت: واااي ابي ابجي من كلامج حياتي فديتج ولج مثل هالدعوات واكثر حبيبتي تسلمين حبيبتي والله يعطيج على قد نيتج ويخفف عليج حمالج ويسخرلج زوجج لج آمين

 

[غالية غاليها]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

مساكم الله بالخير

فاصل فكاهي

للمتينات والمربربات والحلوات طبعا
‏​‏​‏​​‏​‏​‏​‏ اهدء لدبدوبات اللسته 

http://184.105.234.70/b1/f9/b1f966d..._2.3gp?c=250899723&u=614803289&s=BL4aqj&z=120

هههههه الصور عجيبه


احم احم احم ولي طبعا

 

[salamq8]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

اكثر تصويت لتركيا ؟! 

 

[منال القلب]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

غالية غاليها: ههههههههههههههههههههههه مت ضح..

سلام كويت: انا بعد أرشح تركيا، اليوم أكثر من معلمة تقول بتروح تركيا، دورتلج بالجريدة لقيت لندن 5 ايام وسعر التذكرة 300 وشوي.. أنا الصراحة أفضل تركيا أو دبي.. والباجي البنات فيهم البركة يعطونج آراء..


----


مسا الخير

اليوم وزعنا الشهايد على الطالبات، الحمدلله كان فيه إقبال من أولياء الأمور

أنا داومت اليوم الساعة 7:45 وقعدت بمسرح المدرسة لحد 11:30 تخيلوا قعدة وحدة والصراحة ماحسيت بتعب كنت أبي أضيع

وقت على ماينتهي الدوام . اليوم في طالبة من الي ادرسهم ياتني كان فيها عقنقز.. انا شفتها من بعيد وييها كله حبوب اخترعت

جان تقبل علي ولا تقولي قبل يومين صار فيها حياتي والله.. تقول بعد شوي بروح البحر لول علشان تنقع جسمها حياتي الله

يشفيها واليوم بعد سمعت خبر مو حلو كلش. عندي طالبة مستواها ضعيف لكني منجحتها والحمدلله شهادتها ناجحة ع الحفة بكل

المواد عدا الانجليزي دور ثاني.. المهم بنات هالطالبة امها متوفية واليوم ثالثهم.. واااي بنات عاد امها شفتها مرتين باجتماع

اولياء الأمور حدي حدي موقادرة انساها وااي جان زين ناسية شكلها بس انا مشكلتي ما انسى شكل اي شخص يصير بيني وبينه

كلام حتى لو 5 دقايق.. الله يرحمها ويغمد روحها الجنة. عاد عندها 6 بنات وكلهم دقات صغار وبنتها الي ادرسها اكبرهم يعني

صج صج حالة صعبة الله يعين أبوهم الصراحة.. بنات عفية ترحموا عليها واااي احس مقموتة على البنت حياتي والله تيتمت بعد

عمري......... اليوم الوكيلة قالت لنا ان الدوام باجر ان شالله من 8 لي 10 لحد تاريخ 30

 

[@الجود@]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

مرحبااا

شلونج منوله

الدوام ل 30 ولا 23

 

[منال القلب]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

^
^

هلا حبيبتي الجود
لج وحشة وينج قاطعة وما تطلين
الدوام لي 30/6 للأسف..
وراح يكون ابتداء من باجر من 8 لحد 10 كل يوم


-----


درور وينها مختفية؟

 

[salamq8]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

هلا منال القلب يسلموا
الله يرحم امها يارب وجميع اموات المسلمين اللهم امين 

 

[salamq8]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

احنا اليوم ماطلعونا الا وحده والمدرسات الله
يهداهم قط بهالملفات الشهايد عالطاوله وانا
واللي يمي تدبسنا فيهم بس طق الجرس جان يجون
ياخذون ملفات صفوفهم ويمشون لاشكرا ولاهم يحزنون
الله يسامحهم ،،.
المهم خلصنا وافتكينا بلاهم ولا كرف ولاوجع راس الحمدلله
كلها يومين واسبوعين بعدين الله يسعدنا واياكم بالعطله ويريح
قلوبنا ويسعدنا ونحللها نووووم 

 

[زمزم @]

رد: ★★★ حزب معلمات التعيين الجديد \\4\\: بـاي تـدريـس .. هـاي عطــلـة ★★★

الأ لألألألأ ياناس وين كويتية عسولة مالها حس
عسى الماتع خير