رد: *ღ*·.¸¸..ღ* ♥█ █◄Tajm3 Group NeW year & NeW body ►█ █♥*ღ..¸¸.·*ღ*
اي صج بما ان باجر ( اليوم الصبح) اول يوم دوامات ;/
فقلت ريوقي راح يكون توست اسمر فيها جبن سلفايد و قلاص حليب المراعي قليل الدسم
و عقبها على طوووووول علج عشان تنسد نفسيتي و ما اروح الكليه و اشوف رفيجاتي ياكلون و ابلع وياهم لول
و لازم بطل الماااي اللي مع الوقت يصير حار و تحوشني لوعه اذا شربته لول
المهم
و قلت لي طلعت من محاظرتي بما ان كليتي بالجابريه فبمر نادي جامبيونز القديم
بشوفه بلقي عليه نظره لان ان شاء الله راح اسجل فيه عشان الرياضه
بنااات انا مشكلتي امل بسرعه و اذا تعبت اوقف
تخيلوا والله ابوي ما قصر يعطيه العافيه قالب بيتنا جنه صالة رياضه اي جهاز تبينه موجود
ممشى, قاري, مال المساج, مال الخصر, القاري اللي و انتي واقفه, مال المعده, مال المعده قديم..
بس ماحب والله ماحب.. يعني اجابل التلفزيون و اقعد بالقاري مادري امل!! احس ما اركز بالفلم و فوق هذا اللي ورا تعورني و تتخدر اضطر اني اقوم.
الممشى: ماحبه يعور ريلي و كله اخاف اطيح و يزلقني و تحترق ايدي, لانها صايرة اب ولد خالتي الصغير
مال المساج اهب فيه ايام الامتحانات بس على بو ان ظهري يعورني و رقبتي
مال المعده: اسويه و ماعندي مشكله بس كله انسى لول
المهم
انا ابي سباحه, لاني صج استمتع بالسباحه و احبها, و السباحه تعتبر احسن وحده فيهم لانها تشمل كل شي يعني تشمل حركة الايد و الريل و طريقة تنفسج تكون صحيحه و كل شي
و احب ارقص شرقي اقعد اهزززز لين ينهد حيلي بس ركبي تعورني هالايام مادري ليش ;/
قلت ادش النادي وايد احسن التزم فيه و اقنعت عمتي اتيي وياي عشان واحد يشجع الثاني
و الله كريم
