௮۩₪ رابطة المتحورات ₪۩௮

[akadenia]

رد: ௮ஹண۩₪ رابطة المتحورات ₪۩ணஹ௮

مشكورة حبيبتي ما قصرتي وانا انشالله احتمال اسويها عند د. سلطان هالشهر ان الله سهل بس ادعولي ​

حبيبتي سألي افضل من يسأل واخير من يستخار

اسأل الله سبحانه وتعالى واستخيريه وطلبي منه المشورة

وتوكلي على الله وخلي اعتمادج عليه بس

والدكتور سلطان شاطر وفاهم شغله والله يوفقج وخبريني عنج علشان نطمن عنج

 

[akadenia]

رد: ௮ஹண۩₪ رابطة المتحورات ₪۩ணஹ௮

روزة حبيبتي

اولا صدقيني الله هو اللي مقدر كل شي وكل شي بيد ربنا انتي مؤمنة ولازم تتحملين امر ربنا

يمكن بيصدج عنهم ويدفع عنج المشاكل ( لا سمح الله )

ثانيا

دكتور سلطان بيي الكويت يوم 25 او 27 هالشهر 12

انزين

شوفي الوالدة او حاولي تبيعين ذهب اذا عندج او تتسلفين من اخوانج

ما فيها شي ترى اللي يبي الصلاة ما تفوته

وتوكلي على الله انا تأثرت وايد لاني كنت ناطرة المقابلة و قاعدة احاتيج والله العظيم

حياتي الله يفرج قلبج

 

[رشيقه هانم]

رد: ௮ஹண۩₪ رابطة المتحورات ₪۩ணஹ௮

مشكوره حبيبتي والله لو ابيع الي عندي ما ييب شي والله امس طول الوقت اصلي واقول الحمدلله يارب على كل شي يمكن خيره

والحمدلله اخيرا دقو علي التطبيقي قالو باجر موعد مقابلتج صاري جم شهر انطرها ومابقى شي اتوظف الحمدلله

بس انطر اتوظف واستلم معاشي باخذ قرض والله

والله ضايق خلقي حدي بس شسوي والي الله كاتبه بيصير مو بايدي شي

مشكوره والله على تعاطفج معاي

الله يسمع منج ويفرج قلبي

تعرفون شعور تبون شي وفجاه كل شي يروح

الله كريم

ها بشري على نزولج ان شاء الله زين بس لا تقولين جم نزلتي عن العين والله

 

[شهد_الكويت]

رد: ௮ஹண۩₪ رابطة المتحورات ₪۩ணஹ௮

السلام عليكم

بنات شنو الفرق بين الحلقه الي اهي ربط المعده وبين التدبيس الي عندها فكره او مسويتها منو احسن وشنو الفرق وايهو احسن دكتور يسويها وبجم

انا الي اعرفه الحلقه رجيم اجباري يعني تبين تاكلين بس ما تقدرين بس التدبيس تاكلين شوي وتشبعين

ويا ليت الي مسويه او اختها او رفيجتها مسويتها تقول لنا ورا العمليه اشصار فيها ترجيع الم بشهر جم ضعفت شنو نوع الاكل الي كلته يا ليت كل وحده اتشارك وتقول لنا قصه احد مسوي العمليه يا الحلقه يا تدبيس وشنو مضاعفاتها واحسن دكتور سوها وبجم لاني ناويه اسويها مليت من رجيم وشكرااااااا انتظر ردودكم الحلوه​

 

[صدى الاشواق]

رد: ௮ஹண۩₪ رابطة المتحورات ₪۩ணஹ௮

بنات اول شي شلونكم
وشخبااااارررركم

مشتاقتلكم واااااااااااااااايد وااااااااااايد


من زمان كنت ادش اهني عندكم بهالموضوع وكنت اتحلطم وحالتي حاله

وكنت امر بحاله نفسيه بسبه المتن

بس الحمدلله ابشركم


وباركوووولي





.
.
.
\.
.
.





....




.....


.....


........





باركولي لاني سويت العمليه ,,,,,,,,,, عمليه التحوير قبل 3 شهور

والحمدلله نتايجها واايد حلوه

بس انا فيني مشكله اني ما انتظم على الفيتامينات وهالشي مأثر على نفسيتي وحايشتني كأبه مو طبيعيه

وانصحكم تسونها ترى عن جد العمليه تستاهل

والحمدلله مافي خطوره نفس ماكنت متصوره


واي استفسار انا حاضر

 

[شهد_الكويت]

رد: ௮ஹண۩₪ رابطة المتحورات ₪۩ணஹ௮

صدي الاشواق الحمد لله علي سلامتج ومبروك النتيجه الحلوه يا عمري

بنات محد رد علي سؤاالي اشدددددددددعوه

 

[عنيده وتعاند]

رد: ௮ஹண۩₪ رابطة المتحورات ₪۩ணஹ௮

شهد
الفرق ياطويلت العمر كبير
التحزيم اهي ربط المعده كل ماحسيتي انج بديتي تزطين تضوقينها وتعتنين بنفسج وتستفدين من فيتامينات الاكل كلها
وماينفع تاكلين حلويات او مشروبات غازيه تقصين علي عمرج
عمليه بكبرها عباره عن مقياس الاكل اللي تحتاجه المعده مو اللي انتي مشتهيته وتقدرين تسمترين فيها مدي الحياه يعني مثل الرجيم مدي الحياه
ونزول الوزن معتمد عليج تمشين علي شوربات اكل معتدل بدون خبز ومعجنات تنزلين صح الحسبه كلها بدون كاكاويات وخرابيطها تري ..
نزلين وزن حلو بدون ترهل

اما بنسبه التحوير اللي اهي التدبيس الطرف من المعده بعد قصه وتبقي معده صغيره
يقصون الامعاء من المعده الكبيره المدبسه ويركبونها في المعده الصغيره اللي ماخذينها من المعده الرئيسيه
هذي نزول الوزن فيهااااا سرييييييييييييييع جدا وترهلها كبييييييييرا جدا جدا يصير شكل البطن يروع والزنود كل شيفيش
وبعد 3 سنين يتوسع المعده الصغير وتصيرين مثل المثل القايل "" كنك يابو زيد ماغزيت "" تردين تسمنين مثل قبل الامن رحما ربي
والفيتمينات تضلين طول حياتج تاخذينها كل يوم تخيلي بتحملين وتولدين وانتي تاكلين فيتامينات من غير الشعر اللي بيطيح والجلد السايح

وهذي فكرتي عنه وعلي العموم التحوير خطير هذي والله من بنات عمي في امريكا لها سنه وزياده وربي حالتها خطره من التحوير
حاشها اكتائب وعيونها صكت حول وكانت بتنعمي بس الحمد الله سفروها للخارج والحمد الله احسن لكن حالتها للحين خطره
تخيلي حاطيلها بربيش من المعده اللي مدبسينها

 

[رشيقه هانم]

رد: ௮ஹண۩₪ رابطة المتحورات ₪۩ணஹ௮

حبيبتي شهد الكويت انا اقولج سوي عمليه تكميم المعده الي اهيا السييلف بالانجليزي المهم اهيا زينه حبيبتي
اهيا شنو يقصون معدتج على شكل جم البدله طواليه عرفتي ويدبسونها بعدين والله يسلمج باجي المعده يشيلونها حلو
وطبعا هالعمليه مو مثل التحوير طول عمرج فيتامينات لا طبعا اول 3 شهرو وبعدين ببعد فتره تاكلين عادي بس انتي مو تاكلين وتغثين نفسج عشان المعده لا تكبر لان وايد ناس ردو متنو لان ما مشو على طريقه الدكتور انا احب هالعمليه ما فيها مخاطره ومغامره والمعده ترد تكبر لو انتي خايفه غير التحوير فيها شوي مغامره ومالها خط رجعه اتمنى اكون ساعدتج

 

[شهد_الكويت]

رد: ௮ஹண۩₪ رابطة المتحورات ₪۩ணஹ௮

عنيده وتعاند يعطيج العافيه مشكوره يا قلبي بس التحوير مو تدبيس المعده جنها تحويل الامعاء صح انا بسوي تدبيس يدبسون نص المعده وصير المعده صغيره يعني شويه اكل مو وايد

روز 85 مشكوره يا عمري بس رفيجتي سوت التبديس وايد زينه تقول اكل شويه واحس اني شبعانه انا ما ابي اسوي تحويل امعاء لان خطره

ابي اسوي تدبيس بس اشرايكم بنات اسوي وله لا وشنو احسن دكتور يسويهاا والي مسويه تدبيس اتقولي بعد العمليه اشحست فيه وبشهر جم انزلت وشكرا

 

[عنيده وتعاند]

رد: ௮ஹண۩₪ رابطة المتحورات ₪۩ணஹ௮

كلها واحده بس المسمي يختلف

 

[رشيقه هانم]

رد: ௮ஹண۩₪ رابطة المتحورات ₪۩ணஹ௮

لا اختي عنيده مو كلها واحد التحوير اهو تغير المسار هالعمليه حق اوزان اوفر والصراحه صعبه وفيها مغامره مابي اقول خطره لانها مو خطره

اختي شهد التدبيس اهو نفسه السيليف يدبسون معدتج ويصغرونها وتاكلين شوي عرفتي

بخصوص الدكاتره عندج وايد صراحه وزنين انا عندي الدكتور سلطان التمياط اهو احسن واحد طبعا اهو سعودي و ييه الكويت مره كل شهر ويقعد اربع ايام بمستشفى دار الشفاء بحولي وفي وايد اتمنى باجي البنات يساعدونج عند محمد جار الله يسوي بعد يعني حسب حكومه انا رحت وحالتي حاله ومواعيدهم بعيييييييييييييييييييييييييييييييييييييييده حيل ل 2010 تخيلي انا بغيت اسويها عند دكتور خالد الشرف عرفتي

بس انصحج بدكتور سلطان وايد بنات اهني مسوين عنده ومادحينه اهو بعد جم يوم ييهالكويت روحي مستشفى درا الشفاء وطلبي منهم انه الدكتور يسويها لج اعتقد تاريخ 27 \12 يوصل الكويت

الله يوفقج

 

[شهد_الكويت]

رد: ௮ஹண۩₪ رابطة المتحورات ₪۩ணஹ௮

اختي روز يا حياااااااااااتي مشكوره وما قصرتي يا قلبي بتوكل علي الله وبسويها والله لي متي انا بطه مليت ورجيم كل ما اسوي ما استمر تعبت اصراحه

 

[ام سلطانوه]

رد: ௮ஹண۩₪ رابطة المتحورات ₪۩ணஹ௮

باركولي خلاص راح افتك من الشبح الي ملازمني طول حياتي راح اسوي العملية على راس السنة ان شالله اتكون سنة ضعف عليه

 

[عنيده وتعاند]

رد: ௮ஹண۩₪ رابطة المتحورات ₪۩ணஹ௮

بصراحه عند الدكتور محمد العجمي حيــــــــــــــــــــــــــــل ممتاز
يكفي انه رئيس قسم الجراحه بالعسكري وعنده عياده في مستشفي ربيعه وعنده زحمه من المتان زينا
انا سويتهاعنده بس والله الدكتور محترم ويبط الكلام بوجهش ولا يراعي شعورش تستحين منه
يقول انتي سمينه لازم تنحفين راجعي اخصائيه تغذيه مو يخلج علي فالج او يفتي في شي مايعرفه لااااا والله
حيل ممتاز انا راجع عنده بالعياده

 

[تونه الكويت]

رد: ௮ஹண۩₪ رابطة المتحورات ₪۩ணஹ௮

يا بنات لاتفتوووون على كيفكم بخصوص عملية التحوير
حرام عليكم جذي تخرعون البنات اللي بيسوونها وجذي مايجوز انتوا ماقريتوا عنها او يمكن قريتوا بس ما فهمتوا شنو اهي عملية التحوير .. فياليت لاتفتوووون بخصوصها وانتم مو عارفينها اصلا بليييييييييييييييييز

ومنو قال اخذ الفيتامينات طول عمري لايبا كلها سنتين واعرف حالات لمدة اشهر بس ووقفوا الفيتامينات بأمر من الدكتور
وبعدين اي عملية سمنه اكيد بيصير ترهل ومع الرياضة بترووووح

انا وحده صارلي شهرين ونص مسوية تحوير والحمدلله العملية ممتازة بالنسبة لي
واعرف بنت صارلها اكثر من 3 سنين والحمدلله عايشة حياتها من احسن مايكون

رووووز حبيبتي د.سلطان يكون موجود يوم 25/12 ويروح يوم 27/12
وانتي فكرتج عن التحوير غلط عمري او انج متحمسة حق عمليتج السليف وااااااااايد خخخخخخخ ​

 

[Shirazia]

رد: ௮ஹண۩₪ رابطة المتحورات ₪۩ணஹ௮

باركولي خلاص راح افتك من الشبح الي ملازمني طول حياتي راح اسوي العملية على راس السنة ان شالله اتكون سنة ضعف عليه

اختي ام سلطانوه الله يسهل عليج انشالله وتسوينها انشالله عند منو راح تسوين العملية ؟

 

[رشيقه هانم]

رد: ௮ஹண۩₪ رابطة المتحورات ₪۩ணஹ௮

بناااااااااااااااااااااااااااااااااااااااااااااااااااااات بسوي العمليه شلوووووووووووووووووووووووووووووووون

والله مو ابي ابلش رجيم مو قادره خلااااااااااااااااااااااااااااااااااااااص ماكو امل ماكو اراده ياربي والله العظيم زهقت

تونه يمكن متحمسه حبيبتين حبيبتي انا بعد لان بنت عمي مسويه التحوير واهيا الغبيه قالت لي طول العمر فيتامينات وعلى بو انا واثقه فيها طلعت مو شقرديه لووووووووووووووووووووول

والله اكيد ولا بنت بتاخذ بكلامي ولا كلام اي بنت ثانيه اكيد الدكتور اهو بيقولها كل شي بالضبط ودي اسوي العمليه مستحيل هالشهر لان ماعندي فلوس ان شاء الله على السنه اليايه


بسويها ياربي شلووووووووووووووووووووووووووووووون شلوووووووووووووووووووووووووون

 

[ام سلطانوه]

رد: ௮ஹண۩₪ رابطة المتحورات ₪۩ணஹ௮

شيرازية
اللة يسلمج وانا بصراحة راح اسويها عند الدكتور سلطان التمياط لانة بصراحة له خبرة احسن من الدكاترة الي عندنا
بس مصلحة بس ياخذ فلوسة يقولج باي باي واذا حسيتي في شي بالعملية قالج منج انت اكيد خربطتي يامعودة
وبعدين منتدى الدكتور بصراحة اهوى الي شجعني اسوويها قطيت الفلوس وراح اسويها
إن شاءلله الفال لكم وراح افولكم التفاصيل لما اسوي العملية ادعولي بنات ارجع حق زوجي وعيالي اميييييييييييييييييييين

 

[ام سلطانوه]

رد: ௮ஹண۩₪ رابطة المتحورات ₪۩ணஹ௮

روز اذا عندج اح بيسوي جمعية دشي معاهم
او اي شي ذهب بيعيه وسوي العملية والله تسوى العملية علشان كل شي راحه نفسية انا اعرف وايد ناس سووها والله مرتاحين اخر راحة
كلهم يقولون نفس الشي بس تعب اول شهر او شهرين بعض الناس ما عندج احد يسلفج
وبعدين بسالج سؤال انت مو موظفة؟؟؟

 

[رشيقه هانم]

رد: ௮ஹண۩₪ رابطة المتحورات ₪۩ணஹ௮

الله يسلمج يا ام سلطانوه من كثر الذهب الي عندي يعني صراحه ما ييبون شي والله الوالد تخربطت حسباته بالبورصه الله ياخذها خربت بيوت الناس والوضع المالي مال ابوي ما يسمح اطلب منه 2000 دينار واذا على الوظيفه الله يسلمج انا مابقى شي اتوظف بس ناطره مقابلتي الي مادري شنو الفايده منها بس لازم والله لو موظفه يا ام سلطانوه جان ابسط شي قرض 2000 دينار ما ياثر صراحه بس ماقدر والله للحين ما باشرت عمل عشان استلم معاش

لو مو البورصه جان سويتها وخذيت من ابوي ماراح يقصر بس ماقدر بعد هذول الفين حسبت الي ابيعه كله يطلع لي حروت 500 دينار والله مادري شسوي

الله كريم ييلي كنز تحت سيارتي وانا مادري سيده اسويها والله لووووووول

والله اضحك ولا ابجي